品香樓中西風味餐廳

營業中

休息中

終於有機會一嚐有名的品香樓,在問外等位的人很多,幸好細枱只需稍等片刻..人少少,點菜不多,點了四個菜--黃金蝦,芝士琵琶豆付伊麵,牛仔骨和花枝!黃金蝦真是必吃啊!!! 蝦很大,肉很爽!! 琵琶豆付料足!! 牛仔骨上菜時,服務生還會點火,增加視覺效果!!炸花枝也很味美,不過炸得老了一點! 食物美味,價錢也很實惠,值得再來! 但環境頗嘈吵~

由讀完書之後, 品香樓 就一直成為舊同學聚會 既其中一個指定"飯堂"後來, 又慢慢成為"朋友"聚會既其中一個指定點再後來, 有時屋企大時大節, 有人生日 又會指定呢度此無他, "平．靚．正" 是也 !今日又介紹一班台灣來的朋友食飯,總係覺得, 朋友千里迢迢來香港旅遊, 應該花 d 心思, 帶人地去 d 一般 "旅遊書" 搵唔到既食點將心比己, 我地去其他地方旅遊, 都想試下 d 地道風味野 品香樓自然是我心目中其中一間介紹地點由於朋友一早定好日期時間, 那就非常好, 我兩星期前打定電話去訂座那就不怕"撲個空", 失望而回啦當日我地一行六人都在預定時間早十分鐘到達, 等候安排入座不消十五分鐘, 已經入座了, 由於台灣朋友未來過, 亦全程讓我們發版由於一直都有幫趁既關係, 咁我亦有既定既菜單在心中 手撕雞呢個已經係"必點"菜式, 我係刻位既時候已經"order"定唔係講笑, 如果唔係真係有機會"向隅" 架呢個手撕雞, 同市面上既手撕雞有些不同, 就是好足料,似乎已經係好接近全隻雞既肉都交足貨好多時出面食果 d, 好多都唔知"有無半隻" 南乳炸豬手呢個又係必點既一個菜, 炸得好香而不肥膩

晚上7時來到不算多人,但過了半小時,全場爆滿,幸好朋友BOOK了台一行7人,叫了六個菜:1.南乳炸豬手2.沙拉骨3.炸豆腐4.魚香茄子5.明太子炒飯6.一碟炒菜先說豬手,炸得好香口,低內裡卻有肉汁,口感不錯,加上南乳汁更有風味@@之後沙拉骨酸酸甜甜也很惹味!炸豆腐外脆內軟,炒飯也不錯~唯有是茄子實在是沒有魚香味,也不夠淋食完坐左冇耐,就有人催你走,不過正常GE,真係好多人排隊=.=總括來說都不錯~

都幫襯左佢好多年，又平又抵...今年和爸爸提早慶祝父親節，點之食物質數大不如前！叫左5碟餸！聖子 -- 如像橡皮圈中式牛柳 - OK黃金蝦 - 隻蝦好梅！完全無咸蛋味！金銀蛋菜 - OK雞 --- 等左成個鐘，食曬上面4碟野先來！隻雞得個"林"字！無雞味！環境 - 迫到無人有, 仲要嘈到超誇張！好似街市咁！唔好話問下爸爸 "好唔好食" 佢都聽唔到，我自己都聽唔到自己把聲，我明白佢係D普通屋村食市~嘈唔出奇！但係佢嘈既主要原因，係因為明明張枱係坐5-6個人~佢迫8個人落去，根本個場就SUPPORT唔到咁多人！連一條人行既路都無！咁既環境，咁既食物質數+咁既酒樓價錢....貴左D

香脆可口, 非常彈牙, 份量太少!皮香肉嫩, 香脆但偏淡的味道, 份量十足!亦是非常香脆, 伴碟的南乳汁不可不吃, 此令整道菜生色不少!味道可以, 但無論質地,外觀或口感, 這些象拔蚌都像花枝片另一鬆脆之選, 味道較淡, 必須以伴的酸甜汁進食才有味道真的是以火焰送上, 很特別的賣相, 味道多似一般甜酸魚塊, 份量較少, 但內裡有點不夠熱非常美味的一個菜, 竟然全部材料加起來亙相襯托, 讚!

由於電視效應既關係, 二人一同前往試試.到站, 只見人山人海. 一等, 就等左一個鐘.已經等左成個鐘, 舊鋪都照坐.坐低, 地方污漕, 迫到透不過氣. 坐左十幾分鐘都無人招呼無人理. 侍應明明望到都當睇唔到. 應左你又唔係埋黎幫你. 真係叫人落單甚艱難. 終於忍唔住. 叫左一聲坐係收銀機度果個老闆(我assume 佢係老闆)寫野.佢黑晒口面. 開口就鬧 "等等啦!!!" . 鬧完又拎轉頭走左去.最終幾經艱難先落到單.叫左最出名既南乳炸豬手. 湯浸聖子貴花魚. 凍朱古力.隔離枱吹單. 又俾老闆鬧: "加單係要等嫁啦!!" 野食黎喇. 未如想像般好味. 只屬非常一般而已.價錢唔算平. 虛冚場面. 實拜電視效應所賜!!

看電視節目介紹了這間店, 感覺上好像很好吃的樣子, 便和男朋友一家人去試試~我們預訂了8點半4個人, 去到時發覺很多人都在等位呀, 真想不到, 一問之下, 原來預約了8點的人還未有位, 心想不妙了, 希望不要等太久………到入座時已差不多9點半了, 點菜時南乳炸豬手已經售罄了, 嘗不到很可惜呀………其後我們共點了6道菜, 但很想試的”聖子浸桂花魚湯”又’被’忘了落單, 唉 香蒜爆鱔球 (電視上介紹到) – 味道不錯, 有點兒辣, 但都算香口, 可惜鱔球只有6塊 口水雞 (半隻) – 很香的麻辣味, 跟市面上的味道差不多, 並不特別出色香蒜海蝦蒸糯米飯 – 味道一般, 海蝦蒸得太過火, 很’鞋’口, 油太多了, 變成油浸糯米飯了炸饅頭 (8隻) – 口感一般, 並不香脆, 而且連饅頭底的紙一起炸, 所以底部還是白色的, 並不是整個都是金黃色的p.s. 伯母說這個饅頭並不是炸到金黃色的, 是在焗爐焗的, 所以底部才會是白色的炒通菜 – 沒有特別, 是因為那天的通菜不嫩口嗎?總括是次的食物質數而言, 本人覺得一般, 不會特地來這區吃的, 不知道沒有吃到的2道會否好一點呢??應該還會來多一次試一

睇完電視介紹想去試下，去到現場發覺有d唔妥，lunch time 人影都無隻，咁"順"，點知完來無開，嬲死!!!!!做嘜無啦啦唔開，攪到白行一趟。究竟係唔係所有大時大節都唔開架?????

完全唔想諗食咩xd3個叫左1樣 沙拉骨菜飯(?)好好食><><><><><d肉好香好香雖然有d難咬但整體黎講都好好食!!!食完想再食!配菜1d都唔求其!!正呀!!!!!下次試晚市!

今天由女友帶領，在屋村的環境左穿右插下來到這裡，座位和環境也是不錯，晚飯吃得早，現場初是也頗冷清，到結帳時已水洩不通，足以證明其實力點了兩道菜和一杯飲品，也是由女友選擇點了菜便看看電視和談天說地，樂在其中凍朱古力便送上來，在炎炎夏日，一杯凍飲確實是很爽快的。飲品也不俗，能配合cream，令朱古力更加有滑溜溜的感覺。叫了肥牛煲和椒鹽九肚魚先上xo醬金姑沙嗲肥牛煲，有點兒辣，但很惹味，送飯是一流的，可是一路吃便覺得不對辦，食了數十分鐘，還是那碟肥牛煲，到最後，白飯也吃完了，檯上還是那一個煲，正想叫侍應取消第二道菜，侍應卻施施然送上我們的九肚魚接著便好像食芝士條般的，一條條淨食九肚魚等還等，味道卻真的是一流，新鮮炸起，一咬入口就好像溶化般的，一條九肚魚立即由固體變成液體，好食而且令人回味無窮

相信係電視效應為品香樓帶黎一大堆新食客, 以前黎過都唔見咁多人排隊, 禽晚到我食完差不多九點, 門口仲一大班人等入去食宵夜, 所以, 去食飯一定要book定位先好今晚補祝奶奶生日, 一行5人, 所以先食到多d種類既餸, 不過我覺得都係名過於實...唔係味味都咁掂, 如果淨睇價錢同名氣份上, 都會再黎既我地total點左6道餸, 3支啤酒, 埋單$4xx, 都ok, 只係嗰碟為數10粒以內既菠羅要收$10就真係唔抵囉

又到考試季節，希望各位考生能在考試發揮好表現。溫完書與朋友食晚飯，Order全由朋友發板，先黎2碟前菜，原來要收$10。第一碟黎的風沙雞，中規中距，雞的鮮味不夠。夜晚單叫一杯檸水要$13，但質素真係麻麻，檸檬不夠香甜，幸沒有苦味。沙拉骨調味還可以，但唔夠熱。蝦好細隻，肉質結實；米飯吸收左蝦香味，但偏鹹，建議不用加太多豉油。炸左的九肚魚外脆內滑非常好食非常一般，班球無骨，肉質幼滑，岩女仔吃；但其實班球魚味很弱，無個性，滿足不到我這類魚痴。讀城大的都應該有食過品香，所以應該很多人對品香都很熟悉。其實佢在晚市的出品已算不俗，口碑亦不錯，有電視睇，食物選擇亦算多。唯菜式細節做得不好，不夠誠意，亦沒有一杯好喝的茶（佢只提供茶餐廳式的茶）。可能我要求高，所以未值一個笑面。

地點隔涉，又無免費泊車。不過女友話試下先，咁無計啦。先叫左過南乳炸豬手，蒜茸鮮蝦蒸糯米。豬手先到，賣相很好，香氣撲鼻，口感外脆內軟。炸得很有水準，怪不得長期是王牌菜，餸啤酒真係一絕。等多20分鐘，蝦糯米終於上場，一口糯米一口蝦，糯米吸收左鮮蝦味，正！蝦也很好，可惜蝦腸無挑走，大減賣相。如果各位朋友嘅胃部消化能力稍弱，還是不要吃太多糯米，小弟回家後胃頂著了一整晚。

一大班要食飯 總會想起品香樓一張大圓檯 叫幾個小菜再加白飯邊傾邊食, gathering好地方這裡的選擇很多 試過大部份基本上都很對譜就算不是超好味也不會難吃推介南乳雞翼/豬手次次食都熱辣辣又香南乳味唔會炸定放凍食....價錢好似$40有成8隻wings雖然好熱氣,但實在忍不到口魚香茄子好惹味, 送飯一流不過就幾油下蝦仁炒蛋蝦大蛋滑, 正!宵夜時段的炒粉麵飯都好正特別係明太子炒飯$3x大大碟好抵食!間野每逢五六日都超級多人記得要訂位仲有服務認真麻麻 唔好expect會有乜良好態度不過試過尖咀妹記, 葵芳金潮, 深水步小菜王都係去番品香樓係最好 畢竟坐得舒服,食物ok 價錢合理openrice 石硤尾第一當之無愧

HONEY生日,食晚飯慶祝!生日一定要食雞啊! 呀!不如就近試吓品香樓的風沙雞啦!風沙雞果然皮脆肉嫩,好濃的蒜香味啊!還有糖醋排骨,甜酸度適中,排骨夠滑,不錯!不曾吃到這麼和味的排骨呢!四人晚飯,埋單三百元有找,好實惠啊!祝他年年有今日,食飽回家大覺瞓,多幸福哩!