和牛燒肉一郎 (新都城中心二期) (已結業)

因為不食牛肉，選擇了A餐（只有雞肉和豬肉）。服務態度極差、不專業，例如：沒有last order嘅提示、在安排座位時，員工在開玩笑，但客人站在門口呆等……食物質素一般，三成多春魚冇春，肉類質素一般，冇足夠油脂，切得太薄，十分乾，其他食物差，例如：吉列蝦炸得乾硬、薯條炸得硬過鐵枝、枝豆乾硬……，性價比極差。總括而言，這這間餐廳不值得因為248元一位（假日價錢）去試。我不推薦各位去試！！！！！！！！！！！！！！！

見佢新開又冇人排隊，之前經過幾次，見到有人排隊，以為好好食，今日終於抽時間去試吓。點知一試就中伏，牛肉雞肉豬肉全部都好韌，又冇肉味，又多根。全部都好似橡筋咁，一啲油花都冇，好似瘦肉咁。飲品又淡，醬料選擇少。甜品味道麻麻，仲要出晒水。啲南瓜切到鬼咁薄，燒2秒就燶。不過炸嘢正常，比起啲牛肉算係入得口。而成餐最好食就係多春魚同埋蝦，用料幾新鮮。不過嚟到梗係食牛，但牛嘅質素真係好差，所以好失望，性價比極低，下次唔會再幫襯！

寶琳新開燒肉放題，門口睇好似都幾靚，而且新開諗住質素應該唔錯，而且價錢唔平，所以就試一試。兩個人叫左course D (每人$600)，價位對比牛角已經係相當高，但course D 最高級既牛肉(黑金和牛)，完全冇和牛應有既脂肪分佈同口感，燒完勁難咬，叫左幾輪質素都係咁，非常失望，完全唔係$600該有既質素。另外叫左一個薯條試一試，居然係凍既，都冇要求即炸，但最少作為炸野起碼都應該要翻熱。由此可見整體營運質素同食物要求好低，完全唔係每人$600該有既飲食體驗。 希望大家唔好中伏。

早前食過佢嘅佐敦店，覺得超好食😋最近喺將軍澳都開左，就過黎試下。但上次係散叫，今次係食放題。Set C $398呢度價錢好豐儉由人，我地呢個有10款美國牛同豚肉雞肉咁，牛嘅質素自然唔會期望會超重油脂香，但其中幾款牛都幾好食🥩薄炙牛里脊肉是一大驚喜，每份附送一隻溫泉蛋🥚，薄薄嘅牛肉輕輕一烤，再點上蛋汁同燒肉汁，很有壽喜燒的味道🦐海鮮試左帆立貝，海蝦同螺肉，全部都好新鮮大隻🍤炸物全部即叫即炸熱辣辣，雖然粉漿略厚，但都比一般放題質素好🥗沙律飲品甜品櫃係呢間店一大特色，但係比佐敦店細好多，都係有自家製清甜飲品，自助沙律吧，多種日韓雪條同雪糕機，甜品不太吸引就沒有試了，雪糕同雪條都不錯

垃圾 每人4百幾可以食唔飽！ 每份牛肉上個時都未解冰，垃圾！伏到爆頭轉拼盤都差，之後逐round 上既都垃圾。每款牛肋條都un 到要死，什麼牛肋肉都未解雪就上檯俾食地方衛生極惡劣，地下痴笠笠！員工禮貌超差！無啦啦走埋黎埋單就話last order 即時已經俾cut 咁點last order 法呀請問？之後追問一個金髮後生女兼職落左既牛冇上到，完全係差到爆炸。同佢反對完，佢行左去，根據朋友講，佢企左係後面啤住我地，然後？咪就沒有然後囉...俾4百幾何止有更好選擇？最重要係呢間垃圾完全唔駛再諗啦大家。平來朋友見佢新開所以想試，唉，點知中哂巨伏！哎，大家睇路 !!!

見新都城開咗新餐廳，決定嚟試一試。有唔同嘅任食燒肉set,由最basic嘅雞同豬到唔同種類嘅牛都有價錢個range都好大, 雖然本身個人係好鍾意食牛嘅，但最後都揀咗雞同豬套餐試下水溫先。先講餐廳裝修，好新好闊落都好乾淨，職員並唔係每個都醒醒目目但係都好好禮貌。任食雞同豬肉類方面總共有五款咁多，有鹽汁同燒汁，但眼望同食落去基本上係冇咩分別，可能係想突出返本身個肉嘅味道😊 海鮮有一款，就係多春魚喇！ 蔬菜類都多嘅有菇粟米翠玉瓜南瓜等等，蔬菜可以讚一讚都新鮮嘅！熟食選擇都算多，會推介下個天婦羅蝦，炸雞都ok，蕎麥麵都OK，有跟鵪鶉蛋同Wasabi甜品方面有明治雪條提供，值得一讚，而飲品方面有佢哋自家調製嘅四款飲品有茶包有汽水機，任飲唔錯吖。

由於無得去旅行，但又要清假，所以今日同老公一齊拎左一日假，去新都城行街街。行街時見到呢間食燒肉既，聽講係新開左無幾耐，難得放假就食好啲啦，今晚決定食燒肉！我地揀左Course B 特選美國牛肉放題，一黎就送上一盤擺得好靚既肉，牛豬雞肉都有。除左食呢盤肉之外，仲可以scan QR code 無限order 食物，有瓜菜、豬牛雞肉、蝦、小食、壽司、湯、飯、麵，咩都有啲，有好多選擇。樣樣都想點，但係記得唔好眼闊肚窄，食得曬先好點，唔好浪費食物。我地鍾意食燒牛肉，咁多隻牛肉當中我推介牛肋肉，油脂跟肉的比例剛剛好。仲有老公話呢度既牛舌一定要食，係超薄切，薄到好似透明咁，因為好薄的關係，唔需要燒太耐，要小心留意住，好快就食得。肉質好彈牙，仲要好脆，仲正過食薯片！另外吉列蝦壽司卷、可樂牛肉薯餅、炸蠔都推介，紫菜湯清清地都好味。仲有自助吧，可以拎飲品、醬料、沙律、甜品、雪條。我覺得最貼心係擺左啲小餐盤係度，等你可以一次過拎曬要拎既野食野飲返埋位，真係方便好多，尤其依家要戴口罩出入。最後5-10分鐘記得食埋甜品呀！有成個雪條櫃放雪條，都係明治同樂天既，我覺得明治海鹽荔枝雪條都好好味！仲有一杯杯既甜品，的

知道將軍澳新開左間和牛燒肉一郎，就諗住同老公入去試吓。門口有隻大公牛，好易認。見到餐牌，考慮價錢後，諗諗吓都係試吓最平嗰餐，雖然得豬同雞。講返食物質素，豬同雞肉質一般，叫做有啲驚喜嘅係熟食，特別推介大分雞肉天婦羅壽司卷同生薑豚肉飯，大大份。甜品方面有樂天同明治雪條，最後我哋試咗好似夾餅嘅雪糕，都幾好食。見佢自助吧有啲果茶選擇，雖然種類唔多，但都幾好飲。醬料就得兩款，選擇較小。總括嚟講感覺幾新鮮，有條軌道送肉嚟，有啲似壽司店咁。

雖然冇食到牛，但D豬真心好難食，食過咁多燒豬之中最難食既一次，乾到冇朋友，炸物好食，甜品見到個樣都唔想試，雪糕好食😋，真心$198，呢種質素唔直得，不如唔好出🙃

呢間舖前前後後裝修咗有半年，一直好期待佢開張，因為將軍澳完全無一間好少少嘅燒肉店。咁啱行過見到佢開咗，於是就等佢5:30pm開門食餐好嘅。由於要等埋阿仔，由5:30等到6:15pm 個仔先到， 但一直都未滿座， 開始覺得有少少唔對路，可能定價比較高呱。不過都照食一餐試吓啦。我哋選咗第二平嘅餐，$368 + 10%，限時90分鐘，但留意 last order 係 60分鐘。先唔好講食物， 要用自己手機點餐，每次最多點5碟野，點知每一個份量都係2-3片，結果要不停點野食，成餐都好忙。唯有一個負責點餐，一個負責燒，一個幫手去攞飲品沙律。食物方便，真係唔想多講，牛肋肉嚟度仲有冰喺度，真正嘅雪花。 點咗客天婦羅炸雞，隻碟好大但得2件雞，每一碟食物都無2-3件 ，洗碗阿姐真係多得老闆唔少。說好的果汁任飲，其實係有果汁味嘅飲品，大多數係甜嘅。$400一位唔係話要求咩高級野，不過成件事覺得好唔值。

行過見到新開燒肉店，好大隻牛好吸引，未開已經有好多人等緊位，但係餐廳環境好大，所以我哋好快已經等到位。我哋揀咗套餐B，特選美國牛肉放題，食物種類都有好多，有齊牛肉、豬肉、雞肉、海鮮、其他熟食同甜品雪糕等等，90分鐘放題，時間都算充足。特別推介牛肋肉：脂肪比例好，好有牛味，有入口即溶嘅感覺，燒出嚟好Juice。薄切牛舌：好容易燒，口感幾好，牛味充足。雞肉：連埋雞皮燒好香脆，雞肉柔嫩滑口海蝦：新鮮，肉質Q彈日本牛奶雪條：奶味香濃個爐頭仲可以自己揀大中細火，配合唔同嘅食物調教大細，中途仲可以請侍應幫忙更換網，抽風系統做得幾好，唔大油煙。用輸送帶傳送食物，幾有趣。出邊飲品吧同埋沙律吧都有好多唔同選擇。甜品有三四款，雪糕都有三四款。

餐館座位寬敞, 很舒適.  見餐館新開張, 就星期日去食晏一試.  選了B餐, $368 一位收費放題 (計埋加一$404),  但只給予90分鐘時間, 根本談不上享受(60分鐘內點餐及15分鐘衝刺完成枱上食身物).  再講, 醬油只有2款, 而且味道相當淡, 不能帶出食物嘅鮮味, 可以話從未食過如此難吃的牛肉.  所以只此一次, 不會再幫襯.

今日行街經過，見新開左間燒肉放題，雖然新開，但係見佢分店都受歡迎，所以都諗住去試一試。點知就換來不愉快既經歷。 其實食物質素唔差，但明顯地員工缺乏培訓，叫左既食物無黎，又黎左d無叫既野，叫一份就黎兩份，錯漏百出。 我碟食物未食完，問都冇問就收咗佢，我同我老婆都打左個突。 用餐時間得90分鐘，60分鐘就last order，可想而知，對一般食客黎講會好想d食物快d黎而又吾會錯，但係依間餐廳就未做到令食客對送餐方面感到滿意。 希望餐廳盡快作出改善，咁先令食客覺得值回票價

今日午餐，門口餐牌註明「可在自助吧隨意挑選沙律、飲品及甜品慢慢享用」。被吸引去消費。但入到去發現甜品不包括在內，沙律及飲品先可任取，問職員門口餐牌寫明有甜品，佢話只限放題。你未order可選擇離開。

今天午餐份量不夠, 下午小米完成興趣班後, 就覺得十分肚餓... 而小米就建議食新都城新開的日本燒肉店.  原來小米早已發現這鋪位有<和牛燒肉店>的圍板, 後來在8月初開張了, 小米躍躍欲試. 今天就借機<SELL>我囉!    反正現在很肚餓,,,, 大家就來試試新餐廳. 晚市初啟, 客人不多... 我倆是第3枱入座呀!!! 在卡位就座後, 做最重要的事: 選擇コースCOURSE.   小米太高了, 不能享用小童優惠; 而且小米又不吃海鮮, 所以最抵食的A餐, 是唯一没有蝦和貝類的コース. 以手機下單後, 小米就衝到自助區取飲品了!    自助區有沙律, 甜品雪糕系列. 飲品區少不了汽水茶啡, 還有4款美人特飲       甘筍蘋果美人水   柑桔美人水  西班牙特飲=香格里拉   排毒健美綠茶     首輪食物來到了! 打開座位旁邊的閘口, 就可取出食材.     豚里脊肉  薄薄的里脊容易燒熟, 在燒好後要盡快享用. 因為店內冷氣大, 里脊放涼後, 肉汁容易揮發而變乾.....自己就如此中伏了!     還是一塊一塊地燒, 可保肉質滑滑.豚肋肉=五