影片
更多
2021-08-27
37 瀏覽
由於無得去旅行，但又要清假，所以今日同老公一齊拎左一日假，去新都城行街街。行街時見到呢間食燒肉既，聽講係新開左無幾耐，難得放假就食好啲啦，今晚決定食燒肉！我地揀左Course B 特選美國牛肉放題，一黎就送上一盤擺得好靚既肉，牛豬雞肉都有。除左食呢盤肉之外，仲可以scan QR code 無限order 食物，有瓜菜、豬牛雞肉、蝦、小食、壽司、湯、飯、麵，咩都有啲，有好多選擇。樣樣都想點，但係記得唔好眼闊肚窄，食得曬先好點，唔好浪費食物。我地鍾意食燒牛肉，咁多隻牛肉當中我推介牛肋肉，油脂跟肉的比例剛剛好。仲有老公話呢度既牛舌一定要食，係超薄切，薄到好似透明咁，因為好薄的關係，唔需要燒太耐，要小心留意住，好快就食得。肉質好彈牙，仲要好脆，仲正過食薯片！另外吉列蝦壽司卷、可樂牛肉薯餅、炸蠔都推介，紫菜湯清清地都好味。仲有自助吧，可以拎飲品、醬料、沙律、甜品、雪條。我覺得最貼心係擺左啲小餐盤係度，等你可以一次過拎曬要拎既野食野飲返埋位，真係方便好多，尤其依家要戴口罩出入。最後5-10分鐘記得食埋甜品呀！有成個雪條櫃放雪條，都係明治同樂天既，我覺得明治海鹽荔枝雪條都好好味！仲有一杯杯既甜品，的
行街時見到呢間食燒肉既，聽講係新開左無幾耐，難得放假就食好啲啦，今晚決定食燒肉！
我地揀左Course B 特選美國牛肉放題，一黎就送上一盤擺得好靚既肉，牛豬雞肉都有。
除左食呢盤肉之外，仲可以scan QR code 無限order 食物，有瓜菜、豬牛雞肉、蝦、小食、壽司、湯、飯、麵，咩都有啲，有好多選擇。樣樣都想點，但係記得唔好眼闊肚窄，食得曬先好點，唔好浪費食物。
我地鍾意食燒牛肉，咁多隻牛肉當中我推介牛肋肉，油脂跟肉的比例剛剛好。
仲有老公話呢度既牛舌一定要食，係超薄切，薄到好似透明咁，因為好薄的關係，唔需要燒太耐，要小心留意住，好快就食得。肉質好彈牙，仲要好脆，仲正過食薯片！
另外吉列蝦壽司卷、可樂牛肉薯餅、炸蠔都推介，紫菜湯清清地都好味。
仲有自助吧，可以拎飲品、醬料、沙律、甜品、雪條。我覺得最貼心係擺左啲小餐盤係度，等你可以一次過拎曬要拎既野食野飲返埋位，真係方便好多，尤其依家要戴口罩出入。
最後5-10分鐘記得食埋甜品呀！有成個雪條櫃放雪條，都係明治同樂天既，我覺得明治海鹽荔枝雪條都好好味！
仲有一杯杯既甜品，的的識識咁，食多幾杯都唔怕漏。我鍾意上面有芒果個杯，上面係芒果啫喱，下面啲芝士蛋糕好滑。
張貼
