和牛燒肉一郎 (新都城中心二期) (已結業)

朋友報料話新都城開咗間新的和牛燒肉放題，任飲任食90分鐘，6點去到未見有人排隊，於是同朋友入去試新嘢！ 門口位置有隻好大的牛，後方有一個雪柜入面放滿滿佈雪花的靚和牛，見到就覺得吸引，我地點咗Course C，可以食到10款美國牛肉、2款日本豚肉、2款日本雞肉，仲有其他肉類、海鮮及蔬菜等等。 第一輪的食物會先送上，是一盤牛類的肉，每款也有注明名稱，方便客人知道牛的部位，仲會附上一小碟的牛脂肪，塗在網上不容易令肉痴底！之後再點食物就掃QR Code在手機下單，十分方便！ 外邊有個自助吧，可以任取沙律、果汁、雪糕雪條等，除咗生的食物，仲有一些熟食可以選擇，例如壽司卷、蕎麥麵等等！送上食物會用坐位旁邊的輸送帶送上，按上開關鍵就可以取出食物，玩味十足！ 食物方面選擇偏多，我比較喜歡食牛，雪花比例唔錯，自己燒方便控制生熟度，口味個人化，可以加上生菜進食減低油膩感！另外海鮮也算新鮮，帶子大大粒，螺肉燒得香口不會過韌！熟食叫咗壽司卷和蕎麥麵，炸蝦壽司卷香脆可口，蕎麥麵配上鵪鶉蛋和醬汁，冷麵口感度適中，好味！ 最後食支荔枝味的雪條作為結尾，冷凍解膩，Yummy！

和牛燒肉一郎近排好hit。終於輪到為食妹👧🏻同🐽仔黎試下🥳。燒肉放題有ABCDEF六個選擇。我地揀咗中價嘅套餐C😬。用QR Code order食物。食物會由輸送帶送出。不經人手。超級衞生👏。套餐C有62款食物+牛肉特選拼盤。90分鐘任飲任食。絕對挑戰我個胃😛。牛肉幾高質。肉嫩味濃。除咗靚牛。海鮮都唔可以錯過丫🤩。平時食榮螺係凍食。原來燒熱咗味道都唔錯wor😝。海鮮又點少得大蝦。新鮮彈牙。蝦頭仲有蝦膏😌不得了。自助吧有飲品。沙律。甜品。記得拎雪條食丫😍係Meji雪條😍。

見佢新開張，咁就叫做幫襯一下先啦。兩個人食lunch叫咗個D course，係澳洲和牛嚟嘅。都要五百幾蚊一個人加埋一兩個人成為$1200。咁價錢上如果要放題澳洲和牛呢一個價錢都算係可接受範圍啦。如果只係睇價錢上嘅話。好似好犀利咁，有高速線嘅。咪就係嚟第一盤時有用其他都係有人拎過黎。食得燒肉放題，梗係有牛啦，比較覺得意外嘅係佢有榮螺同帆立貝佢嘅帆立貝個殼都有攤大手板咁大，燒起係鮮甜嘅，但都只係第一隻係咁。之後再嗌嘅都細咗好多同埋亦都冇第一隻咁好食。keep得住水準係佢嘅榮螺。佢嘅牛大部分都係麻麻地，油花都算係一般。但係叫做未加調味料前都有牛味同幾香又juicy 。咁佢第一盆畀你嘅頭盆實好食啲格。你試下問佢點解之後嗰啲唔同丫，佢實話係唔同部位格。其實所有嘢食都係叫正正常常唔係特別出眾不過畀個咁嘅價錢食呢啲嘢嘅話其實仲有好多選擇另外更加真心覺得佢唔得嘅係佢哋用具方面真係好浪費，平時食沙律甜品用嘅匙羹，一般都係用不銹鋼。佢呢間就特別另類，係都要用木匙羹。咁冇計啦講衛生抗疫嘅就犧牲一下環保喇。我相信如果佢唔用木匙羹嘅話我呢餐都唔使六百蚊一個人埋單囉。老老實實你枝木匙羹都唔預我返用又返用㗎啦你估個

見這間新開嘅燒肉店 ，裝修門面好新穎 ，所以去一試佢嘅和牛 。當晚一行三人 ，點了 一個set D ,約五百蚊一位 . menu寫有和牛 , 等了一會很多款式的牛肉陸續送上來， 開始燒幾款來食，發覺完全不對勁 ，牛肉有筋，有些是韌的，全部都冇乜牛肉味， 完全不知道哪一件肉是和牛。 簡直難以置信 500蚊食這樣的牛肉 ,其他任點的食物 包括炸物 ,壽司等等 水準亦是低下貨色或味道。 完全唔明白點解夠胆開這樣的食店。 另外服務態度惡劣，其中一個老成點的男服務員 ，相信是部長 ，呼呼喝喝的語氣, 難以置信。 90分鐘過去, 换來的是一肚子氣。

我地2個人食，人均消費500蚊左右。寶琳區有燒肉店，當然期待同第一時間黎試下。我地初初以為都選擇左個不錯的和牛放題，但係店舖落左order之後，要我地等左10分鐘都未上燒肉，再問下店員先幫我地跟order，之後又等多5分鐘，食物同肉先上黎。。放題時間90分鐘真係好趕。。至於上菜方面，我地上d牛肉係無牌標明咩部位。我地有向店員了解，店員回覆我地是因為我地選擇左500蚊左右的澳洲和牛放題，要更貴的放題才有牌。。所以我地其實分唔出食左咩牛肉部位。。至於肉質方面，十分普通。。其他食物飲品正常，都有幾款選擇。。甜品芒果雪條較有驚喜。。整體黎講，於寶琳區開業相當好進取好驚訝🙀似乎要選最貴，最抵？

將軍澳新開左哩間燒肉，鍾意食燒肉既我當然要黎試下啦，餐廳會用新幹線將食物送到，都幾特別。餐廳內會有自助飲品、沙律及甜品吧，而佢既燒肉都有唔同既套餐可以選擇，大家可以因應價錢選擇唔同既套餐，今次我就點左B餐。🥩特選美國牛肉放題 平日$318 假日$36851款+桶盛美國牛肉七款（一口牛、里脊肉、牛肋條、牛外橫膈膜、牛肋肉、熟成壺漬牛外橫膈膜、醃漬牛肋肉）、豚肉四款、雞肉兩款、海鮮兩款、野菜10款、其他26款一開頭會黎左桶盛先，桶盛既肉質較佳，之後我地都用QR code點過其他肉類，質素不俗，但略為多筋，最推薦牛肋肉，油脂豐富，肉質軟腍，而且冇咁多筋，而里脊肉就會較厚同結實，牛舌芯亦爽口好食。🍢小食👇🏻特別推介男爵牛肉薯餅同南瓜可樂餅，表皮酥脆，非常香口，點埋沙律醬好好食👍🏻海帶湯充滿麻油香，香蔥海苔溫泉蛋拌飯都唔錯，食太多肉之後食啲飯無咁油膩。🍮甜品👇🏻估唔到哩到既甜品幾有驚喜，特別推介海鹽荔枝雪條同埋煉奶宇治抹茶雪條，雪條中間係軟心，兩條雪條都非常好食；另外亦有其他甜品，推介朱古力慕絲，朱古力味濃郁好味。

午餐去食 燒肉餐 完全勁多渣 唔知吐左幾多出黎 成餐吞得落肚既晤知有無完整一塊肉 食完完全好似無食過野甘 全場最好味既係 沙律菜既生菜 同機出 夠凍既汽水 ,其實肉片明顯有好厚既筋 餐廳係米應該唔好食水咁深呢 . 同埋碗碗碟碟用白色 但餐廳完全感覺係難理 明顯晤夠乾淨 完唯獨有個比較大既員工姐姐有禮貌 值得一讚

係一個「星期五」既晚上, 同熊嫂收工經過新都城見到都裝修左一排既燒肉店原來已經開左張就諗住入去試一試裡面既環境由於係新裝修, 其實第一個印象都幾好但當我地一坐低之後, 見到枱面上兩隻碟都充滿污穢成隻碟都好多黑色既污穢係上面…用手係捽得甩, 非常嘔心即刻叫職員幫手換碟…最後換左2隻非常濕既碟比我地, 似係洗碗機拎出黎(後面知道比客人裝熟肉進食既碟 同 裝生肉既碟係完全一樣..可能混埋一齊用)我地係光顧「C」餐, 平日盛惠HK$398 (假日HK$448)餐廳係用QR code點餐, 使用上都方便但我發覺屬於C餐既肉…都會係列表既「最底」….打開menu 首先揀到既會係「A」或「B」餐相對較便既肉..我到中段先發覺呢個問題我舉個例, 我「C」餐係有日本豚肉同雞肉, 入到menu, 最先見到會係「雞胸肉」、「豚肉」等當手指一直掃、一直掃、一直掃….過埋熟食炸物之後, 就會突然出現「雞胸肉(日本)」、「豚肉 (日本)」………牛肉同理。建議餐廳可以大方少少, 先按照客人揀既餐將較好既肉類放係清單最上面。牛肉方面, 完全唔合格, 先唔投訴佢肉類完全未解凍, 一塊冰咁上枱牛肉非常韌, 又多筋…食落無

作為一個食肉獸，見到將軍澳廣場呢度開左一間燒肉店，就即刻同屋企人過黎食dinner。呢度啲肉望落去好吸引！呢間餐廳係專食燒肉放題既，提供唔同價位既燒肉放題，今次揀左呢個放題set唔算好貴，佢有51款食物可以選擇，包括豬、牛、雞、海鮮、蔬菜、熟食等等。呢度可以用QR code落單，好方便。牛肉幾正，肉味香濃！呢度既海鮮都唔錯，我地點左好多多春魚同埋蝦。仲有豚肉丼飯。另外仲有自助沙律吧，可以任食沙律、飲品同埋甜品，好豐富！

晚餐 去試下, 要有牛最少要揀B餐 呢盆係B餐包嘅食物 有個QR code畀你喺限時內叫 食物可惜 啲牛切得比較厚身反而 豬肉 比較薄身 大蝦都唔錯仲有其他熟食可以叫 但時間太緊逼 有沙律, 飲品 ,甜品 同我最欣賞嘅雪條

喺寶琳新都城新開了「和牛燒肉一郎」， 經過門口幾次都未有時間光顧， 今晚終於有機會 。卡座特別寬闊，2人坐得好舒服。 抽風系統唔錯。有幾款放題任選套餐，單點亦可。近門口有沙律包，飲品吧， 甜品櫃，雪條櫃。素描二維碼落單方便快捷， 卡座旁邊有輸送帶送出已點食物， 自己按制開門關門， 新奇有趣又比較衛生～沙律菜新鮮， 凍櫃好夠凍， 可自行添加芝麻醬及醋汁。有幾款自家製健康特飲， 試了西班牙特飲有啲似利賓納。 一傍有熱茶， 汽水機。 自行撳了一杯梳打水加橙味可樂再加冰～ 自家製特飲！我們選了B餐$318 90分鐘放題，共有51款食物加桶盛。先來四款不同肉類：雞肉，豚肉，牛肋肉和里脊肉。 各有特色，牛肋肉雪花紋平均分佈 ，牛脂香氣甚重。 豚肉切得厚薄適中， 高溫燒過 微微焦香迫出油份，入口香脆。同時間亦點了一些九州料理。海苔溫泉蛋飯～ 流心嘅溫泉蛋加上紫菜， 配烤肉 確實不錯。日式炸蠔 ， 炸粉好厚， 還好蠔肉鮮甜。南蠻炸雞， 味道最正，好入味！可樂餅， 即叫即做， 南瓜蓉入口香甜軟熟。蛋花湯和海帶湯一人份量只係小半碗， 每樣試啲都唔錯～這款腸超好味，烤完外皮好脆！ 味道又唔會太鹹。多春魚一般

見新開 裝修唔錯 特登book枱同朋友試下完全中伏既體驗 希望越大失望越大第一 燒肉質素差: 牛無牛味 上枱仲係冰凍同硬 夠膽講無一隻牛係好食 連少少燒肉既油香都無 靠食其他熟食填肚第二 service差: 加左68$ 啤酒放題 第一杯等左半個鐘先上 要求refill時 waiter態度勁唔耐煩 疑似經理仲直接喺Walkie 話「4號枱又催兩杯啤酒啦」第三 侍應唔熟手 樓面唔夠人: 叫換網叫左3次 要等十五分鐘先有人黎換 就算你食人頭$700一位靚牛都係焗等冇得燒第四 冇提示截單時間: 90分鐘放題 食左60分鐘就俾張單你 毫無預警下QR code已經叫唔到野食同場其他食客都有投訴 加埋一人均消費$650 真係好唔掂無下次

佢夜晚開5:30，未夠鐘已經見到人排緊隊。我發現佢除咗放題之外仲有散餐可以叫，散餐價錢都唔算貴，如果食唔到放題咁多嘢可以試吓食散餐。佢面積比起佐敦相對細，但佢依然門口係有隻大嘅牛可以俾你影相，而且有個大雪櫃放晒啲牛係入面。入去嘅時候員工都會叫口號，一入去同佐敦一樣燈光充足，而且因為時間相對於早，未話好多人坐得都比較舒服。我哋坐卡位，隔離有條輸送帶，呢個就係燒肉一郎嘅其中一個賣點。而枱面就會擺好咗筷子紙巾濕紙巾同埋圍裙。今次我揀咗B,價錢為$318一位，食嘅時間為90分鐘。包咗特選美國牛肉，一共有51款食物可以選擇，另外會有個桶盛。牛肉選擇有七款，豚肉四款，海鮮兩款，野菜十款，其他廿六款。仲有自助吧嘅嘢飲沙律同甜品。落咗單之後店員會拎一張有QR code嘅紙俾你，當你點餐嘅時候用電話掃QR code落單就可以，方便快捷。佢同佐敦分店唔同嘅地方就我覺得佢小食比佐敦多選擇，但相對於唔同嘅地方就係牛肉冇佐敦咁清晰說明係咩肉。但係我依然期待嘅係佢每一次送食物嚟嗰刻，依然做到嘅係乾冰充足，嚟到嘅時候都會出晒氣。佢嘅沙律吧係自己夾沙律嘅模式再加醬，相對於款式就同總店相比就冇咁吸引。但嘢飲方面係一樣嘅

友人家附近新開了一家門口神秘又有標誌性牛牛像的日式燒肉店，她當然call我這牛魔王下班後去一起吃啦！這裡按食材級別分了不同set，而B set 的特選美國牛肉放題，一人318元是能吃牛肉類中最便宜的餐，有七款牛及其他食物可選。90分鐘放題，由掃QR code落單開始計時。它會顯示實時放題時間進程，到第60分鐘時會自動截單，所以記得記得要盡早落單！等食途中去自助吧。飲品都走養生路線，又排毒又蔬菜水果等等，味道比較清淡，適合燒肉後喝；還有沙律和稍後才挑戰的甜品。先來的是限定一份的桶盛，牛、豚、雞都齊了。燒肉汁主打是鹽味汁和燒汁，但我覺得沙律吧的胡麻醬及柚子醋都挺適合的。如果坐到中間的枱，甚至會有無接觸送餐服務，食物會由密封輸送單送到枱旁，只要按掣開門取食物再關門就可以了。首輪差不多把能叫的牛肉都叫了。大大粒一口牛比較花時間燒、牛里脊、牛肋肉、牛肋條都可選原味或燒汁等醬汁，牛味濃、牛脂香，兩面烤到剛好熟就能得到較軟的口感。尤其里脊肉更是最滑，另外還有味道較甜較有咬口的熟成壺漬牛外橫隔膜，不同口感的牛肉都不錯。脂肪量不算多，不會容易膩。吃肉吃到中場休息先吃點蔬菜，泡菜單吃挺開胃，夾牛肉吃也可；

我之前喺佐敦有食過，入到鋪裏面好大，而且入面啲服務都非常好，會帶路會介紹餐單，個個服務員都面帶笑容，所以我就叫D 餐，成個過程都非常之享受飲品味道都OK，沙律都足夠，雪糕都有好多品種，所以令到我對佐敦嘅鋪印象十分之深刻。咁啱好我喺新都城購物嘅時候我就見到一郎和牛和燒開咗新嘅分店，咁我都係食過就知道係好味嘅所以就入咗去，當時我入嘅時候係朝頭早12點多d，咁我就話我一位有冇位，咁喺門口嘅服務員好似仲未熟悉檯位咁「咁我都原諒啦因為新店」。之前我喺佐敦食嘅時候佢哋嘅開放時間話係六點左右先有位，咁我就知道咗新店加咗午餐定食，咁我就嗌咗一個套餐價值$218，咁呢個價錢未有+1啦，當其時啲服務都係還可以嘅，一有空盤佢哋會即刻收走，呢一點係非常好嘅，服務都非常之禮貌，但係當我食落口，無論係肉質口感都差過佐敦嘅，肉質睇起嚟唔係幾好，特別有幾舊周邊黑晒，我係有啲失望嘅因為價值218點解啲肉質係咁樣嘅？d邊又黑肉質又唔係話好靚，我作為一個消費者我認為被欺騙左，甚至令我懷疑係兩間唔同嘅公司，我非常之失望，一個套餐會有一個甜品一個小菜一個飯一個湯飯同湯可以任添，但我覺得佢嘅小菜應該要俾多少少太少得個幾粒牙窿都塞