和牛燒肉一郎 (新都城中心二期) (已結業)

寶琳新開燒肉放題，門口睇好似都幾靚，而且新開諗住質素應該唔錯，而且價錢唔平，所以就試一試。兩個人叫左course D (每人$600)，價位對比牛角已經係相當高，但course D 最高級既牛肉(黑金和牛)，完全冇和牛應有既脂肪分佈同口感，燒完勁難咬，叫左幾輪質素都係咁，非常失望，完全唔係$600該有既質素。另外叫左一個薯條試一試，居然係凍既，都冇要求即炸，但最少作為炸野起碼都應該要翻熱。由此可見整體營運質素同食物要求好低，完全唔係每人$600該有既飲食體驗。 希望大家唔好中伏。