和牛燒肉一郎 (新都城中心二期) (已結業)

食物一般般，種類唔算特別多，分A-F餐 ，B餐打後先有牛，我揀左B餐，加埋一 $350 覺得唔係幾值。環境都叫特別，有條高速線運食物到位，不過唔知點解我全部都係職員送黎。場內服務ok，職員路過會收碟。不過有樣野嬲嬲地我張飛係A026，嗌完A025之後直接skip左我去A027，如果兩個人係優先過一個人，咁點解唔分開兩種飛呢，A係1-2 B係3-4。沙律 飲品 甜品 都係任攞嘅，一個人食唔到好多，今餐係覺得唔係好抵。真一次就夠，下次試下第二D嘢。

☆ 和牛燒肉一郎將軍澳貿業路8號新都城中心2期1樓1040-41號舖✦ COURSE C U.S.牛+日本產豚&鷄新開無耐第一次試，所以試下個中價位嘅set先(尾圖有menu)，我比較注重食物質素多過種類，因為其實得90分鐘一定唔會可以試到咁多野，呢個set係美國牛，有唔同部位可以叫，例如SRF牛小排、牛肋肉、牛里脊肉、牛外橫隔膜、薄切上等牛舌芯等等⋯整體牛肉質素都幾好，無多餘嘅筋，油脂平均，就算之後再叫嘅都一樣，無話差左。海鮮我試左扇貝同蝦，扇貝唔錯，但蝦唔得好霉。叫左個黑松露薯條玩下，點知d薯條仲幼過小朋友d手指，然後個pat醬真係令我笑左，hea到一點，不過算數過下口癮嘅野。紫菜湯同蛋花湯都好味精，個蛋花湯0蛋花，一飲我：嘩！出前一丁豬骨湯麵個隻味精湯味黎架喎！自助區有拎沙律、野飲、雪糕、雪條，個雪糕牛奶味幾重幾好食，雪條都幾多口味。呢到其中一樣賣點係高速線送餐，但係除左頭2次頭盤係用佢送黎之外，基本上之後都係人手送黎，同埋落單之後都要等下，都有漏單情況。小總結：價錢高左少少，服務無乜，冷氣好L凍，試一次可以多一次都嫌多。

公司附近開咗間日式燒肉，想試好耐，之前見好多人排隊所以冇去。但今日lunch見到冇咩人於是同同事一於去試下。我哋一行五人有安心出行，所以可以坐同一台。呢間日式放題門口有一個好大嘅牛公仔，佈置都非常之吸引人。午市套餐種類繁多，令人花多眼亂，價錢由$60-$140不等。有和牛套餐，豬肉雞肉等等。咁啱呢排我戒牛，所以我揀咗豬肉片雞肉套餐。套餐包左飯同湯仲有甜品，仲有自助吧可以免費任飲例如檸檬水，橙汁，汽水及酸莓汁等等，仲可以飲天白飯同湯同沙律，都幾抵食。👍🏻豬肉片雞肉燒肉套餐燒豬肉片比想像中出色，冇諗過燒出嚟嘅豬肉片一d都唔柴，仲好多肉汁。整體來講個半鐘時間其實剛剛好，午餐以哩個價錢來講其實都幾唔錯，都值得一試。

和牛燒肉一郎一路都係相當之受香港人歡迎，就好似牛大人咁，都係主打食靚牛，不過一個打邊爐一個就食燒肉，想book位食都要預早好多日，客人川流不息，今次佢地終於開多兩間分店，一個銅鑼灣一間將軍澳，續上次去完佐敦分店，一路都有念念不忘想encore再食嘅想法，今次就去咗試將軍澳嘅分店，位於寶琳，b2出口一出直行2分鐘就到，超近地鐵站，繼上次去完佐敦分店。.今次再冇食c餐，食咗平少少嘅b餐試下分別, 90分鐘食燒肉其實有啲趕，食個陣記得唔好太慢摩摩，一燒就燒多啲🙈咁先抵得番條數架嘛，b餐嘅牛肉有10款選擇，最好食都係牛肋肉同瘦啲嘅牛脊肉，相較薄身啲會容易啲控制，另外有兩款醃製肉味道其實唔係話太大分別，但因為肉身厚肉啲，會難啲燒。另外麵食試咗蕎麥冷麵，的骰唔會太大碟，賣相美觀，麵質做得乾爽，有一隻生鵪鶉蛋，香蔥同Wasabi放入冷麵汁撈埋佢，點蘸吃起來味道不俗。另外得一款雞肉天婦羅🍤 炸物有炸雞炸蠔炸蝦薯餅薯條等，炸粉酥脆，蠔沒有腥味，高質安全可以order多啲😋食到乾乾地可以飲番碗蛋花湯或者海帶湯，味道都唔錯。

早一兩個月經過新都城二期見到有間新開嘅燒肉和牛燒肉一郎 超級多人排隊諗住試吓不過排左成個幾鐘放棄咗咁啱今日經過寶琳 食最早果場5:30有A至F餐揀 豐儉由人F餐 $998 一位 極上日本和牛雖然好吸引 不過為咗荷包着想 揀咗c餐 任食美國牛肉 日本豚肉雞肉一開始就叫上咗SRF 極 牛肉特選拼盤每一款試吓先邊款好食就再encore🐄 M9 澳洲M9肩脊肉呢款就最好食，油脂分布平均，油香好重，都做到入口即溶🐄另外仲有SRF 肩胛小排，牛肋肉，牛里脊肉，薄切上等牛舌芯，薄炙牛里脊肉等等薄切上等牛舌心牛舌好薄 燒1分鐘到就可以食 比較爽脆有時唔係淨係一定要食厚切牛舌薄切加少少鹽都幾好食㗎除咗拼盤嘅牛之外其實呢個套餐都包左10款美國牛肉仲有海鮮，炸物，主食等等 都有幾多嘢食㗎我就encore左覺得唔錯嘅SRF 肩胛小排同牛肋肉，食得燒肉多就會覺得好油膩，好彩呢度都有資助班可以揀自己整沙律，加埋啲柚子醋，再食埋個雪條，又可以重新大戰一次。另外都叫咗個香蔥海苔溫泉蛋拌飯 配牛食冇諗過都幾好食，撈埋一齊，我哋兩個人食咗三碗啊！另外甜品都有蛋糕同埋布丁，另外仲有日本雪條，海鹽荔枝，抹茶紅豆，芒果等等。食

百款配料任食 海鮮牛舌 壽司刺身A4和牛佈滿大理石油花且口感柔滑濃郁，牛迷必試~!6款放題套餐 配備不同種類的和牛，美國和牛澳洲和牛還有其他牛肉部位如牛舌、牛肋條、牛里脊肉另有豚肉、雞肉、海鮮等選擇放題有和牛刺身、手握壽司、 熟食如炸雞、海鮮煎餅、燒肉丼、拉麵等清新沙律、精緻切餅、雪條、自家製飲品、果汁自助區任食任飲和牛部位肉質鮮嫩而軟腍有齊和牛、雞肉、豚肉、海鮮 貿業路8號新都城中心2期1樓1040-41號舖

餐廳位於將軍澳，距離地鐵站路程只需要五分鐘左右，十分方便。餐廳位於大型商場之內，內裏冷氣充足十分舒適，加上餐廳內裏的設計，座位十分寬闊。餐廳主打的就是燒肉任叫任食，更可以挑選srf和牛，絕對是超水準表現，一個價錢可以吃到不同種類的牛肉，絕對吸引。餐廳更有熟食提供，極度推薦的就是他的炸雞，炸蠔和炸蝦，香脆可口，最重要吃起來完全不油膩，不會滿口炸粉。另外，壽司方面，也做得不錯，即叫即製的感覺就是這樣的美好。

一共四人，首次嘗試，揀選了$498放題。內裏間格可以接受，但通風及抽氣系統稍為不足！飲品是各款一般菓汁，味道一般。汽水則為杯装自助汽水機提供，味道較淡; 未有罐裝汽水供應。至於$498所提供之牛肉，屬第二等價錢，所提供之牛肉質數太差，入口無味，更不可能有什麼牛肉鮮味存在。唯有改吃巳被醃製才增加味道！在指定時間前30分鐘已被提醒結賬及最後下單！就在這時，各種問題亦相繼而產生！先前所下單之肉量只是少份量供應，更有不足情况。在最後下單，結尾下單共五份牛脊肉，送來的只有八件，不足五份。向侍應作出表達，除了侍應失踪了，當然亦未有將牛脊肉補回！真是太差的經驗！！

見呢到新開張，兼且被佢門口隻牛所吸引，一於入黎食下燒肉😜呢到雖然係做放題任食，不過都係行高質素路線，而且有唔同COURSE可以選擇，豐儉由人。我地揀左COURSE C 美國牛肉及日本產豚肉及雞肉放題(WEEKDAYS $398/每位)，一共有62款食物可以ORDER，同埋有一份牛肉特選拼盤，90分鐘任飲任食裡面座位空間都好闊落呢到有提供圍巾，咁就唔使驚食到成身污糟😛出面好多款自家製水果茶可以飲，喺後面都見到職員切緊生果不斷製作中仲有沙律BAR可以自取，咁就唔會淨係食肉食到好膩😄呢到係用手機掃QR CODE自助落單，然後會用自助運輸帶送上食物，幾方便又特別😉涼拌豆芽、青瓜泡菜、白蘿蔔泡菜：先點D前菜黎食，開一開胃😃落完ORDER一陣，D食物開始送上😍SRF極牛肉特選拼盤：拼盤一共有4款牛肉同埋D蔬菜，見到SRF牛肉顏色粉嫩，D油花分佈都好靚，淨係睇都知夠高質😍佢有件肥膏等你燒下個網，咁就燒肉時唔會太癡網😉D牛肉唔使燒得太熟，輕燒2邊就食得，入口肉質嫩滑唔會韌，而且牛味都好濃郁🤤SRF肩胛小排：食完拼盤就另外追加SRF牛肉繼續燒，質素KEEP住同樣高質，唔會再落ORDER就變差👍🏻帆立貝、

🌎和牛燒肉一郎 (將軍澳)最近新都城開左間日式燒肉放題 好驚喜佢地有智能送餐車🚅 好時尚同埋送餐效率高 我地簡左c餐 有10款U.S美國牛肉選擇 另外仲有海鮮 沙律同果汁 牛外橫隔膜：燒烤過至全熟有少少焦香，食落肉質厚實，肉味比較濃！牛肋肉：一片片細細塊，輕輕燒過有網紋，燒至全熟都保持肉汁鮮嫩。牛里脊肉：油脂分布均勻，燒至全熟有少少焦香，食落油脂好香肉汁仍然保持。薄切上等牛舌芯：切到好薄一塊塊，輕輕燒一燒變色就可以，肉質有爽口嘅感覺。日本豚里脊肉：切到好似薄片一樣，燒至金黃色有少少焦味，脂肪入口即化，好香口！💵人均消費：398+1✨環境及衛生：6.9/10🙋🏻‍♀️推介指數：7.1/10📍將軍澳貿業路8號新都城中心2期1樓1040-41號舖

先唔講坐低15分鐘都無嘢食，半個鐘先夠膽死走埋嚟問我頭盤到未。問佢啲嘢食有冇漏單，佢就要返你講返晒邊樣未到，佢先幫你跟，大佬你乜叉都無嚟過，我同你遂樣列出嚟？想問你拎把鉸剪剪肉，你同我拎把生晒銹嘅嚟重要同我講成間鋪得呢一把。講到宜家都重未講嘢食就真係知咩料。個爐較到最大，啲牛都可以燒3分鐘先有啲色睇下，啲魷魚一放落去就爛晒，唔知道可以點樣食。假假地都叫和牛放題，啲牛難食不在話下，一大堆牛嚟到都唔知邊樣打邊樣，叫五、六種嚟但得一樣係正常。收咁嘅價食咁嘅嘢，極度失望。可樂有氣，薯條好食，有冷氣，總之入到黎記得唔好燒嘢食就得。

見到附近新開左間日式燒肉店，趁假期黎試下，反正唔洗排隊！首先，食物質素以呢個價錢黎講差到離晒大譜，牛肉硬過柴，飲品任裝但除左汽水之外好多都好淡味。Staff無乜禮貌，野食等好耐，完全唔知加一服務費服務左去邊。。。So far野食等左4個字要催先有（留意返入座1小時就截order）。問佢拎把較剪剪一塊大既肉，點知黎到生晒銹！嚇到我呀！心諗點用黎剪肉呀？請staff幫忙拎過把，居然答我全間舖得呢一把生晒銹既較剪

一行八人食咗二千幾蚊，但食到一肚氣！門口女侍應態度差，首先問佢每個套餐既分別，佢就比個menu你自己睇；食完野問佢攞牙籤，問左好幾次都冇反應，但其實佢聽到，因轉頭攞左比我地。食食下60分鐘就要埋單，又話要截單，但可食多30分鐘，仲要同你逐分鐘計，食到幾點！ 最離譜係雪糕機問咗兩次都係壞機，黃金時段雪糕機壞，又食唔到！態度差！食嘢要計時，但係又要畀個QR code自己用電話叫嘢食，食野限時間，但又要自己用電話叫嘢食，叫嘅嘢食每碟份量又細，又要不斷叫，叫得嚟又要燒嘢食，食嘢趕頭趕命又畀人講埋單！ 嘢食質素一般！呢間冇下次 ！唯一一讚就係啲雪條幾好味！

將軍澳地膽嘅我一有新餐廳我一定會去捧場一下呢一間燒肉店一開我就好有興趣因為被佢門口一比一牛吸引左次次黎都大排長龍今次約左老公1700 就棒下場先等無咁多人嘛牛肉控嘅我地真係非常開心我地叫左course B90分鐘任食會早半小時截單記得60分鐘左右點齊想食的下單係自行do QR CODE 點餐套餐包括豬牛雞肉任點任燒有熟食前菜小食燒物仲有菜類選擇仲有自助BAR包括了：雪條區/飲料區/甜品區/沙律區送餐係由自助運輸帶送上夠衛生又方便不斷點牛食牛味濃 配上特配醬汁 好味除左燒肉，仲可以叫其他熟食食物普遍質素都高而且選擇款式都多一讚！今次點左生姜燒豚肉飯、壽司熟食質素都高炸蠔一定要點黎食呀炸得香脆蠔都好新鮮最後食雪條做一個完美句號

最近唔知點解好想食牛 好想瘋狂咁食牛肉朋友話食過呢間好正 今晚仲唔到我將成隻牛食落肚😆收工即刻出寶琳 好彩時間尚早 唔洗等位可以直入😎雖然我地得兩個位 但係都有卡位坐 卡位空間好闊落 就算坐四個人都唔會逼因為月尾有點窮 所以只係揀左Course B包左7款牛 4款豬 2款雞 2款海鮮 10款野菜 26款其他另外沙律bar 飲品bar 甜品bar 都係任食揀好食邊個course 職員就會比個QR code你用手機掃描落單 仲會先上左個頭盤 唔會等好耐都無野食係朋友掃QR code諗緊食咩既時候 我已經走左出去搵食😂沙律bar 有生菜洋蔥 菠菜 甘荀絲 豆角 椰菜花 栗米 青瓜醬汁就有芝麻醬同沙律醋可以自己任意配搭飲品bar 既野飲好特別 又多選擇當中包括8種果茶 4種汽水 2種熱茶果茶我會推薦西瓜紅莓茉莉茶/甘荀蘋果美人水呢兩款都好香 帶有少少甜甜地 配搭燒肉可以幫助消滯涼菜都有好多選擇 估唔到涼菜都可以做到咁出色 不得不提餐廳既醃漬蘿蔔 超級入味 係我食過咁多餐廳最入味最正既一間但係泡菜就….完全可以skip🙊牛肉方面 肥瘦均勻 肉嘅厚度適中 大細岩岩好可以一啖放落口 慢慢品嘗個份牛肉