和牛燒肉一郎 (新都城中心二期) (已結業)

二探 和牛燒肉 一郎上輪小妹曾經去過一間燒肉店叫和牛燒肉 一郎 ，小妹一直都對佢念念不忘，即刻同朋友去再會一郎了😚。將軍澳分店既裝修自帶天然打卡光線，座位舒適，亦都繼續設有燒肉新幹線🚄而且小妹亦覺得佢既抽氣真係做得非常之好，全程都聞唔到油煙味，食得超舒服！真係值得一讚！👍🏻。今次小妹同朋友就一樣揀返個Courses C $ 398(WeekEnd$448)『 小童 $268』 不過留意返，燒肉 一郎每一間既分店既餐單可能都會有小許分別，可能有D食物加減，食過佐敦或者銅鑼灣店既朋友就記得要睇Meau 了~ 。今次小妹當然有再encore 上次力推既大判壽喜燒牛里脊肉！大愛🧡💛『easy必食推介』比大家可以參考一下💛🍜蕎麥麵：極度高質，出色既麵身、冷麵汁，配上小蔥花、海苔碎、鵪鶉蛋，整件事簡單中顯出不平凡！。🥩牛外橫隔膜：鮮嫩多汁、爽口，牛味亦都好夠，推介。🐚蠑螺：超級大隻，而且鮮味十足，估你唔到咁正。⭐️最後最後提提大家，留肚食佢D甜品喔~~ 超吸引架！#飲飽食醉#和牛#放題#高質#高質放題

今日難得入將軍澳，夜晚就當然要搵食啦。之前喺佐敦食過一次和牛燒肉一郎，佐敦分店每一次都好多人排隊，今次見將軍澳分店人龍唔算太長。又湊熱鬧忍唔住再食啦。我哋點咗B餐。每一個餐都會包埋沙律吧。飲品任飲，甜品同埋雪條都可以任食，以318嘅價錢嚟講，食到咁多款牛同埋其他食物。絕對係抵過放題。而呢間食店嘅特色係，佢上菜嘅時候唔係經由侍應捧俾你。而係經過條快線等你自己拎，好有gimmick。雖然我哋食嘅餐係第二平，但係啲牛都好出色，勁有牛味。而且其他食物都好食。我自己私心推薦炸蠔。呢個大家一定要試。蠔一啲都唔腥。如果未食過和牛燒肉一郎嘅話，我覺得大家一定要嚟試一次。

又同男朋友嚟食燒肉，之前食過佐敦分店，今次試吓將軍澳店。將軍澳店係新開嘅， 5:30已經見到好多人。最平嘅a餐，豬肉同雞肉任食。海鮮得多春魚，其他海鮮要貴啲嘅餐廳有得食。但雞肉口感都幾嫩滑，尤其係雞髀肉。而豬肉冇咩羶味，質素唔錯。雞髀菇同冬菇都好啱去燒。佢仲有一啲菜式可以放題任食，例如炸雞、薯條、炸蝦。炸雞同炸蝦都幾香脆。男爵薯餅係日本進口，平時食放題比較少有。我哋都食咗幾個。佢哋仲有飲品同埋甜品放題區。木糠布甸味道唔錯。最緊要有日本雪條任食。

和牛燒肉一郎在佐敦已經食過一次，原來將軍澳都開了！不過餐牌上是有不同的，將軍澳這間是人頭任食，同朋友夾完決定食C餐！任食真是好抵，所有飲品、沙律、甜品都是自助的，一來當然要食沙律～菜都好新鮮，款式都多。肉包了一碟和牛，小安都不是好知道如何分辨，哈哈～總之推薦脂肪多一點的！另外，必點溫泉蛋拌飯同炸蠔小食，絕對中和到燒肉的油膩感～還有些醃製小食，例如泡菜、醃蘿白等等，好似都是自家製，overall 質素都不差喔。

呢間日式燒烤餐廳嘅裝修好新淨，環境衛生，而且佢哋上菜係用類似壽司店咁，有架車送食物到去你座位側邊，然後你再打開門拎食物出來，除咗乾淨衛生亦都好特別。套餐嘅選擇都唔少，由於朋友唔食牛，於是我就陪佢食雞肉豚肉套餐，雖然冇得食牛，但見到其他食客嘅牛同海鮮都非常靚。雞肉豚肉套餐裏面嘅款式選擇都唔少，雞有雞胸肉同雞腿肉，而豚肉亦都有豬五花同埋豬梅肉等等，肉質非常好，尤其豬腩肉係非常美味可口。我哋食咗好多碟。其他仲有多春魚、菇類、粟米、蔬菜、仲有好多小食炸物任點，全部都新鮮好味。炸天婦羅同吉列炸蠔都係非常好味，必點！我最欣賞呢間餐廳係佢嘅飲品提供好有誠意，佢哋浸嘅水果茶好睇又好味，甜品種類亦都多，有明治雪條（四五種口味），木糠布甸、牛奶布甸、各類慕絲等等，全部都密封包裝好衛生。呢度仲有任食沙律吧，食咁多肉當然要食一食沙律平衡返，食得開心又健康。

我地1家3口去食晚餐慶祝生日。叫左最平有牛個餐試下。都3百幾蚊。以人頭計。規定一人叫一個餐。我地3大1細都千3蚊埋單。但質素麻麻。一口牛超靭。牛里脊肉。雞。炸蠔同多春魚ok。豬無味。🦐d肉“梅"的兼黐殼好難攪。😰失望。仲要咁貴。唔會再去。

今日同個fd去左寶琳行街，見到有間和牛燒肉一郎，聽人講話唔錯就尼試試。餐廳門口整得相當闊落，正中間擺放一個巨型雪櫃陳列出一嚿嚿靚牛，證明餐廳裏面食既牛質素唔錯。我地點左B餐，呢個係放題形式，已經包左個盛合包括特選美國牛肉、雞肉、豚肉同部分蔬菜。一尼就即刻燒牛肉，油脂分佈唔錯、厚度適中唔韌，食完再不停order同一款牛都係任叫🤪我地另外都order左牛里脊肉同牛肋條肉，我相對鐘意食牛里脊肉，因為油脂豐厚而且牛味香濃，而牛肋條肉則較少油脂，食落略帶少少根，稍為遜色。雞肉就唔錯喇，估唔到燒完塊雞皮超香而且雞肉食落唔鞋口，好食！我地不停encore雞肉😋除左燒肉，餐廳仲有個甜品沙律bar, 有沙律、軟雪糕、雪條櫃、甜品櫃、汽水同特飲bar。我揀左美人柑桔水，好好飲、唔甜配燒肉一流😋另外都拎左啲奶凍仲有特別一提食左朱古力慕絲超正🤩入口極軟滑可可味香濃但唔太甜😛今餐完滿結束😚

90 mins ♨️Wagyu Yakiniku❤️🐮🥢💫..新派日式燒肉品牌♨️，以全港首創既燒肉新幹線🚅，智能化送餐俾客人，由佐敦開到黎將軍澳喇🥳，咁方便當然要黎試試呢。呢家分店以燒肉放題形式，選擇岩自己既肉類級別，一個價錢就可以無限Refill 食材：雞`牛`豬`魚`海鮮`蔬菜`主食`小食，都一應供全。分別有6個類別：A B C D E F 餐🍴，而且設有90 mins / 120 mins。以燒肉形式黎講，90 mins 就會略嫌趕左少少，但上菜速遞夠快，如果你係速食族時間都充足呢😋。l放題]l $398 / $448Course C：62 款+牛肉特選拼盤 (牛肉4款)✨美國牛肉10款肉✨日本豚肉2款 (豚里脊肉、豚肋肉)✨日本雞肉2款 (雞腿肉、雞胸肉)✨豚肉4款、雞肉2款、海鮮5款、✨野菜10款、其他27款今次揀左中價位 U.S.牛🐮，價錢分$398 (平日) & $448 (假日)，款式都不算少呢。而且自助落單上菜速度快，新幹線列車出餐感覺更新穎💕，趁住點餐後到自助Bar (沙律`飲品`甜品`雪條) 自由拎取，肉質雖然上枱時還沒太退凍，但經燒後肉質都不錯。炸物🍤`壽司🍣`天婦

同朋友一齊去將軍澳食呢間和牛燒肉，一入門就已經被間舖頭嘅氛圍吸引住∼乾淨利落嘅格局再加上霓虹色嘅點綴好吸引呢∼又有自助飲品同埋甜品bar，都有好多選擇！我哋選咗放題，係呢度除咗食雞、豬肉同海鮮類，當然唔少得和牛！有牛唔同部位揀，除咗有「一口牛」嘅size，亦都有一整塊牛排嘅份量都有，燒得黎真係好滿足！其中個薄炙牛裡脊肉係高級靚牛獨享嘅稀少部位，油花好靚！佢亦配一碗生雞蛋醮食，但係就算唔配蛋漿，個牛肉單配些小嘅燒肉汁都已經更帶到佢本身濃濃嘅肉味出黎，而且個口感唔會太韌得黎又真係有入口即融的感覺。日本豚里脊肉、豚肋肉，瘦中有肥，食落夠香口。日本雞腿肉雞胸肉，尤其是雞腿肉，很嫩滑~~~做完一輪食肉獸都想從肉類方面抖一抖，就試咗牛油野菜嘅set。雖然啲野菜唔算好多種類，但係份量同朋友兩人分嘅時候，意外地覺得都啱啱好，足以畀我地嘅味蕾從重口味嘅世界休息一陣。個錫紙盤裡面都有一塊未融牛油慢慢等佢一路烤一路融入啲蔬菜裡面，建議用嘢蓋一蓋住個盤，咁烤出黎就唔會太乾。果然烤野菜同牛油真係好夾！之後又試咗佢哋嘅小食，黑鬆露薯條！薯條嘅薄脆度適中，同味道較為濃烈嘅黑鬆露醬一齊食，無論係口感定係味道都好正，完

和牛燒肉一郎新都城中心開業了 ,我們特地去試下 。之前喺佐敦食過, 回味無窮 。店門口放滿一嚿嚿和牛 好搶眼 。熱情嘅店員安排我哋坐低 ,座位係舒服嘅卡位,非常闊落 。有好幾款放題 ,價錢越貴,牛嘅質素當然越高 。飲品沙律, 甜品都是自助式 。啤酒要另外加錢, 有生啤, 雪糕係貴價嘅日式雪糕 !我們點了特選美國牛肉放題,九十分鐘平日$318。可隨意挑選沙律飲品及甜品,小孩價錢$200 可以點到51款食物 !包括美國牛七種一,口牛里脊肉牛肋條,中外橫隔膜牛肋肉, 醃製牛肋肉,和豚肉 雞肉,海鮮...下單後食物不一會就送上了 ,由餐桌旁邊那條運輸帶送上 ,不經人手,乾淨俐落 。疫情期間實在安心,我哋每款牛肉都試下 !重點推介!牛肋肉! 外觀脂肪比例非常美麗, 口感有如上等和牛嫩滑 ,稍為燒到佢表面呈現金黃色,香氣滿瀉 ,入口即溶 !用生菜包裹住食,更減低油膩感 。不經不覺下食咗好多件! 這個嘅醃製牛肋骨條, 口感更為鬆軟多汁!成條放下去燒,更具風味! 我們另外叫了一份薄切五花腩 ,很容易就燒成金黃色 。我點做一份泡菜夾住嚟食,好似韓式食法。 至於燒雞肉都好juicy 沒有太多嘅脂肪除了燒肉

日式燒肉店和牛燒肉一郎進駐香港不久，極速於將軍澳開分店。雖然餐廳主攻吃牛，不過亦有雞肉及豚肉任食放題，可以滿足客人不同需求。任食放題包括享用無限量沙律、飲品、甜點及雪糕雪條，客人可於自助區域自由挑選。餐廳將送餐模式智能化，設有燒肉新幹線，運送部分肉類到客人面前，非常方便。雞肉及豚肉放題 ($248)雞腿肉可選鹽味汁、燒肉汁或走汁；口感柔滑，油香四溢，肉味香濃。明治海鹽荔枝雪條一打開就聞到陣陣荔枝香，入口荔枝味相當突出，還帶淡淡的鹹味。

我都係第一次寫評語，因為不寫不快，等一次遇到咁。。見佢話12 點開門，咪11:50 去到等，點知12:10先正式開店安排入座，坐低後，仲見員工掃地，感覺極之差，點知，好戲在後頭…….到點餐，全店得兩個員工知運作，其他問極都答唔到你，餐具都冇放齊，三催四請先拎到筷子黎，仲要行行企企，冇心做野。到燒嘢食，個爐無啦啦熄咗幾次，原來有三分二的人都係咁，全店得一個店員知原因，再去整，最後我都要換枱！食物質素唔見好，性價比其低，一定冇下次！

員工未必對餐牌好熟啦，問佢細節好似唔太識答，啲牛嚟左問佢係咩部位咩名又答唔到，這裡需要改善一下，你唔熟唔通我熟？唔識答可以先叫我等一等有答案再答我吧，聽到我同我朋友一舊雲咁，早知喺門口問到清清楚楚先入座啦。放野下來的人成條蝦觸鬚隊咗落我杯嘢飲裏面，當時我已移緊位，不至於阻多你一秒吧？另一個員工放低隻碟之後拎開隻手就有幾點嘢飛出嚟。其實注意返衛生都ok嘅，不過呢間冇下次lu。不過讚一讚門口接待的員工都很友善

餐廳位於寶琳，位置便利。餐廳門口有一頭牛作裝飾，栩栩如生，十分搶眼。餐廳裝潢簡潔，清一色卡座，座位旁是旋轉取餐處，點的餐到達便可以自取。設有自助區，有不同的特色飲品、汽水、果汁等。還有不同的甜品和沙律。最讓我驚喜的是雪櫃有各式日本雪糕，有樂天和明治的雪條，我最喜歡明治煉乳芒果雪條，奶味突出，還有芒果果肉。其他食品可以掃QR code下單，例如前菜、蔬菜、美國肉等。有不同的肉類選擇，例如牛里脊肉、牛肋條、牛外橫隔膜、牛肋肉、熟成壺漬牛外橫膈膜、醃漬牛肋肉等。蔬菜有菜生菜、錫紙牛油包野菌、栗米、洋蔥、意大利青瓜、南瓜等。我點了泡菜盛盒，有三款不同口味的前菜，有泡菜、青瓜和白蘿蔔泡菜。白蘿蔔泡菜酸甜很開胃。薯仔沙律冰涼很清新。汁燒牛肉溫泉蛋飯很大一碗，牛肉很多，有一粒溫泉蛋，如果分量少一點更好。錫紙牛油包野菌放在爐上面煮就可以，很方便。

$398 美國和牛放題任食，採用了新式送餐餐車，大部分肉類，菜類都不經侍者，直送到座椅旁，非常方便有效率！環境：就是平日的迴轉壽司新套路，以電子下單後，餐車馬上隨著軌跡為你送上生肉，正！服務：在沒有那麼龐大的送餐服務需求下，侍應們服務沒有馬虎，值得一讚食物：$398 美國和牛任吃含美國多款SRF和牛，牛味脂香並重，而且還有整整十款，含牛肋肉 牛里脊 牛橫隔膜 牛舌心 肩胛小排等美國高價貨品，大多都只需要在大火下簡單烘烘，就已經金黃脆彈又juicy了！另外可點的日本豚肋肉，日本雞腿，都有著真實的日本肉類質素，肉香足而又不會太半令人眼花撩亂！牛的油香，豬的油香，雞的油香，肉汁被猛烈的火爐鎖住，這交響樂美極了！另外，炸雞的味道也意想不到的出色海鮮絕不失禮，帶子的件頭大而且帶點鮮味，不會是超迷你版本蝦同樣出色，彈牙鮮味，完全沒有雪味！此外，滿滿生果的美人茶既清甜又清爽，很正！非常多的雪糕 雪條類產品，喜歡奶香的你不妨多拿幾條！總結：食物質素對得住這價格呢！