273
10
29
| 餐廳: | 和牛燒肉一郎 (新都城中心二期) |
|---|---|
| 優惠: |
於此國泰夥伴餐廳用餐賺里 ! 國泰會員用餐消費最高可賺取HKD4=3里數。受有關條款約束。 |
|
條款及細則:
|
|
|
|
開飯介紹
高質日式燒肉放題店和牛燒肉一郎全港首推使用「和牛識別番號」，和牛來源及背景一目了然，確保食客享用真日本和牛，品嚐真正滋味。全港首創「燒肉新幹線」的智能化送餐模式，送餐更快捷衞生。
繼續閱讀
附加資料
接聽/whatsapp回覆訂座時間: 14:30-18:00
營業時間
今日營業
12:00 - 23:00
星期一至日
12:00 - 23:00
以上資料只供參考, 請與餐廳確認詳情
有關獎賞計劃
優惠
| 餐廳: | 和牛燒肉一郎 (新都城中心二期) |
|---|---|
| 優惠: | 國泰會員用餐消費最高可賺取HKD4=3里數。受有關條款約束。 |
|
條款及細則:
|
|
|
|
我老公最鍾意就係食燒肉😋位於寶琳呢間燒肉一郎都開左一段時間，今晚我地兩個去試吓，佢門口有好大隻牛好搶眼😬 呢到地方好大，空間感十足，同埋好乾淨，有4個放題餐比大家揀，我地揀左B餐🐮特選牛之嚴選牛，呢到嘅放題野食真係超多種類，除左有牛豬雞，重有牛刺身，海鮮，料理，涼拌小食，湯粉麵飯，甜品樣樣齊😍佢呢到重有埋外置义電租借服務，好貼心❤️最特別係食飽之後每位人客可以免費襟一支棉花糖來食💕真係有得玩有得食架💁🏻♀️好開心😬❤︎︎❤︎︎❤︎︎❤︎︎❤︎︎❤︎︎❤︎︎❤︎︎❤︎︎❤︎︎❤︎︎❤︎︎❤︎︎❤︎︎❤︎︎❤︎︎❤︎︎❤︎︎❤︎︎❤︎︎❤︎︎❤︎︎❤︎︎怡怡推介以下必點食物💁🏻♀️𑁍特選 薄炙牛里脊肉配雞蛋佢上碟已經好精緻😍有埋個鳥巢兜裝住隻雞蛋🥚上，塊牛肉成塊布噤大，油花均勻👍🏻燒好後記得連埋蛋汁一齊食，勁淋滑🤤佢地係用日本雞蛋，超香蛋味𑁍熟成壺漬牛外橫隔膜佢份量都幾多，醃得相當入味👍🏻啲肉亦都好淋重牛味，我老公都食到停唔到口❤️𑁍炙燒拌生牛肉呢個係生食刺身，師父會用火輕輕燒一燒，比一般刺身嘅口感更加軟淋同滑，亦有火燒過嘅香味👍🏻🤤𑁍Cookies Cream雪條呢度啲雪條全部都好特別，出面放題好少見🤤本身我鍾意曲奇味嘅雪條，呢支Oreo曲奇雪條岩晒我口味❤️𑁍吉列炸蝦同炸雞呢到啲炸物必點，即叫即炸，唔係預先炸定，我老公最鍾意食香口野，我地全部清碟🤣
繼續閱讀
2122 瀏覽
兩個星期前食日式燒肉，那間燒肉店來自日本，主打和牛燒肉放題；由於是午餐，胃納有限，只揀了午市燒肉定食。今晚就決定一試和牛燒肉放題，不過就揀了另外一間店【和牛燒肉一郎】。餐廳網頁及餐牌均沒有介紹餐廳資料，相信係本地品牌；但標榜從日本輸入整頭和牛，並重點宣傳可以用抵食價品嘗優質的肉眼、牛柳、西冷等部位，甚至罕見的稀有部位 – 夏多布里昂（chateaubriand），即是最柔軟的牛柳中心位置。進口的每一頭和牛均有獨立出生證明，餐廳門口也標示了是日「和牛識別番號」，食客可從相關網頁輸入番號，查証和牛出生地、性別、品種至飼養牧場等資訊。門口有兩個大雪櫃，展示了大大件鹿兒島縣產及熊本縣產和牛西冷及肉眼。室內裝修一般，並非預期中的高級日式燒肉店，而是同迴轉壽司店的設計差不多。果然一如餐廳的宣傳口號：全港首創「燒肉新幹線」智能化送餐模式，直接將新鮮和牛送遞。其實，這種迴轉燒肉店在日本九州宮崎縣及鹿兒島縣兩個盛產和牛的地區也不是新鮮事。放題有四個價位，週末及假日價為：A餐($348)、B餐($498)、C餐($648)、D餐($938)。比較一下餐牌，不同價位有不同放題內容。🥩🥩🥩🥩🥩** A餐供應嚴選牛肉(11 款)任食，另外還有豚肉、雞肉、海鮮、野菜及其他日式小吃 / 炸物共72款🥩🥩🥩🥩🥩** B餐供應特選牛肉(25款)任食，另外還有豚肉、雞肉、海鮮、野菜及其他日式小吃 / 炸物共102款🥩🥩🥩🥩🥩** C餐比B餐多了7款日本和牛燒肉 / 壽司 / 刺身及1款海鮮，日本和牛就只是里脊(ロース)🥩🥩🥩🥩🥩** D餐比C餐再多8款日本和牛任食，並且選用更多油花、質素更好的肉眼(リブロース)、西冷(サーロイン)及牛肋肉(カルビ)🥩🥩🥩🥩🥩每款套餐又會奉上每人一客指定盛合，C餐有舟盛合、桶盛合、極上花盛合及是日寶盒。D餐再多了四天梯(日本和牛精選部位)及夏多布里昂（chateaubriand）。比較一輪之後，覺得D餐太貴，尤其從 openrice 食評見了夏多布里昂（chateaubriand）的照片後，質素唔穩定、亦及不上曾經吃過的，所以決定揀C餐和牛燒肉放題（$648）。問了服務熱心的侍應，舟盛合及桶盛合只是從放題食品中挑選了一些海鮮、牛肉、豚肉及雞肉，所以要求取消，留肚挑選自己喜歡的食品。極上花盛合包括和牛肋肉、和牛里脊、美國牛里脊、牛橫膈膜、牛舌及豚肋肉，可以一試，藉此比較一下美國牛肉同日本和牛嘅分別。是日寶盒是 A4和牛西冷。打開小寶箱就見到一大片佈滿雪花脂肪紋、表面灑上金箔的極品A4和牛西冷；真係要雞蛋裏挑骨頭就是級數未達 A5、雪花脂肪紋可以再細密一些。薄身和牛西冷由同一位熱心侍應哥哥代為處理。油花豐腴、肉味香甜濃郁、肉質軟滑，差不多入口即化作滿腔油脂及肉汁；每一方面都很出色，真真正正可以品嚐到 A4和牛的高質美味！如果可以厚切就更好！吃完 A4和牛西冷，仍然回味無窮，輪到親自動手燒極上花盛合。和牛肋肉及和牛里脊味道雖然仍吸引，有油花、有肉味、肉質軟綿，但始終比不上和牛西冷；不過仍算好味道，和牛肋肉又較和牛里脊好味。有比較，就會有所失望。其餘的美國牛里脊、牛橫膈膜、牛舌及豚肋肉就明顯給比下去了，同坊間普通日式燒肉店差不多。C餐的7款日本和牛放題為4 款燒肉、1款刺身及2 款壽司，開餐前已經決定集中食和牛燒肉，放棄其他豚、雞、海鮮、日式小吃 / 炸物，務求回本。4 款日本和牛燒肉是：和牛ロース、和牛焼きしゃぶロース、和牛すき焼きロース及和牛サイコロステーキ。和牛里脊(ロース) 同極上花盛合的和牛里脊相同，味道係4 款和牛燒肉最好味，也是心目中的日本和牛。和牛薄炙里脊(焼きしゃぶロース)及和牛薄炙壽喜燒里脊(すき焼きロース) 分別在於後者多了壽喜燒甜醬汁，也可以加隻温泉蛋。兩款賣相都唔係好似和牛，冇油花。如果油花豐富，真係可以凌空在烤爐上涮幾涮，靠滴出來的油脂引起火舌炙熟牛肉，也是「薄炙」的概念，曾在其他店試過。但這幾片牛肉就不可以了，只能鋪在爐上面烤，結果因為太薄而黐著烤爐網架。味道方面，因為冇油花，肉質雖軟、但不滑溜、稍為嚡口，有牛肉味、但不香甜；做不到入口即化，同預期有落差。叫了幾份都是這種質素，有點失望。和牛角切一口牛(サイコロステーキ) 賣相參差，肉質也不佳，軟綿但有點靱。反而薄炙蔥花牛舌及牛油帆立貝又幾好味。C餐的放題燒肉款式中，只有和牛里脊(ロース) 算係心目中的日本和牛，其餘三款一律麻麻，總體來說有點失望。可能 D餐會好味過C餐，因為多了的8款日本和牛中有5款是燒肉（其餘3款是和牛壽司 / 刺身），而且全部是味道更好的肉眼(リブロース)、西冷(サーロイン)及牛肋肉(カルビ)部位，不過就要俾多 $300，貴過C餐差不多一半！覺得唔抵，未食過又擔心再次失望 ⋯⋯ 相信應該不會再試和牛燒肉放題了！
繼續閱讀
同朋友寶琳附近飯聚，揀左呢個和牛燒肉放題，有4款餐可以揀，今次揀左C 餐，有黑毛和牛西冷1塊，多款和牛同幾款海鮮任食，都係598一位，今次要全力開動喇！一坐底店員就準備好和牛寶箱，舟盛合，桶盛合上枱，之後想encore 可以再手機落單，一次過放哂上枱真係嘩嘩聲，盛況空前。和牛寶箱係黑毛和牛西冷，油花平均，誘人嘅粉紅色，由店員主理燒烤，保證肉質保持鮮嫩多汁，鬆化甘香，油脂香咀裡爆發。舟盛合係各種海鮮，虎蝦，海蝦，廣島蠔，帆立貝，同鮑魚，新鮮厚肉彈牙，另外仲有加蒜蓉牛油或者黑松露牛油嘅大蝦，味道更加香口，鍾意食海鮮嘅一定滿意。桶盛合係各式招牌肉類，個人比較喜歡牛腹肉，肉質條理分明，嫩中帶咬勁，肉味濃，其次喜歡薄切牛舌，燒得脆脆地，牛舌味好香。呢度仲有牛肉刺身供應，韓式生伴牛肉就相當有驚喜，加入蛋黃，醬油，蔥花，令牛肉絲更嫩滑，一口氣就食哂成碟了。牛刺身壽司用上嘅牛肉好嫩滑，完全無筋，值得一試。值得一讚嘅係呢度有多款自制醬汁可以order, 而且各具特色，有洋蔥汁，比較似韓式嘅洋蔥醬汁，鹽蔥汁，特別適合搭配雞肉，味噌汁，配搭豚肉就最啱，最喜歡的是咖哩汁，日式咖哩口味，點牛肉或者豚五花都係好夾，令味道更上一個層次，想配返碗白飯添呀！食咁多肉，一定要加配一些涼伴蔬菜，泡菜同涼伴菠菜就最啱，微辣爽口，平衡一下油膩熱氣感。飲品有多款自制嘅混合果汁，試左美人果茶，有菠蘿同橙香，微甜帶茶香，滿意。另外熱飲有桂花烏龍茶包，味道唔錯。甜品有好多款日本雪條，好似煉奶紅豆，鯛魚燒，鹿兒島白熊雪條，海鹽荔枝，角10棒，唔係平時食開個d 口味，好新奇，但食唔落咁多，試左鯛魚燒，威化皮入面有雲呢拿雪糕，朱古力脆皮同紅豆蓉餡，相當有層次，好食。每位食放題嘅客人都可以免費玩1次自動棉花糖機，揀好款式就會即場整一支花式棉花糖出黎，留低香甜嘅回憶，大人小朋友都會好開心。
繼續閱讀
為食同事生日👸🏻，當然要同佢食好西慶生🤭~和牛燒肉一郎之前都想試，今次就去新都城分店食～門口有隻1:1黑牛模型🐃，好逼真，同事遠睇仲以為係真牛😆餐廳提供5️⃣款套餐，有不同價位選擇，而且仲有為唔食牛嘅客人提供雞豚套餐👍🏻~【C餐日本產黑毛和牛】💰寶箱寶物係帶有金箔的和牛西冷🥩油脂如雪花般😍，肉色鮮紅，見到都食指大動🤤~店員親自主理和牛西冷👍🏻入口充滿和牛脂香，肉質柔軟多汁😋!!💐極上花盛盒、桶。盛盒花盛盒排得甘靚🤩，有啲唔捨得食呢~🥩和牛肋肉同和牛里脊肉都好正~🛶舟。盛盒寶船上載滿多款海鮮😍🦐手掌大嘅大蝦，肉質爽彈鮮甜!!!🦪鮑魚鮮嫩柔彈，鮑味濃郁~🥩和牛薄炙里脊肉、和牛牛肉角切薄炙里脊肉軟嫩多汁😋，角切牛味濃郁~🤩套餐除左好多唔同款式嘅牛肉，而且仲有多款小食(涼拌小食、牛肉刺身、牛肉壽司、卷物、炸物等等)。應該大胃王先可以一次過試哂所有嘢🤣自助區有齊沙律🥗、甜品🍮、雪糕🍦及飲品🧃~飲品有多款特色果茶及果汁，❤最鍾意美人果茶酸酸甜甜，好開胃~🍬甜品仲有一個亮點🌟🌟!!! 依家每位食放題套餐嘅客人，都可以有造型棉花糖呀🤩🤩~Kawaii ne😊~仲有好多款式嘅棉花糖可以揀選擇😏👧🏻👦🏻小朋友一定好開心呢~同事好滿意呢餐和牛燒肉生日飯!💯食到好味的食物，好滿足呢😊~黎緊1月29日係肉の日🥳，可以$498/位食和牛放題，超心動呢💓~
繼續閱讀
平時少食牛既我，每次去食燒肉都會被和牛豐富既油脂吸引住😝今次就同牛控老公去左食日本產黑毛和牛放題😋我地2人要左Course C：日本產黑毛和牛放題及極上花盛合🐃食物端上時好驚喜，用個木製寶箱裝住塊靚靚黑毛和牛，一打開仲有層仙氣升上黎😍打咭一流，黑毛和牛達到A4級別👍🏻店員會幫我地燒到最適合既熟度見到紅肉同埋油花分佈均勻豐富，油脂一路燒一路溶化，入口有濃厚嘅牛味，黑毛和牛肉質亦較結實，油香入口即溶，口感豐富，食完回味無窮🥹🥹另外，已想不到嘅係和牛都在任點名單上😍最推介和牛薄炙里脊肉，進食嘅時候沾上溫泉蛋，成個肉質好幼滑，又不失和牛既牛肉質感，好滋味🥰另外老公最愛係生和牛壽司🍣，平時好少機會食到生和牛，肉質鮮嫩無根，加上可以任點，所以老公都encore左好多次😆呢度仲有自助水吧，有許多養顏水果飲品，果汁，汽水，仲有多款甜點，爆谷，沙律，雪條，座位亦都好寬躺，坐得好舒服，值得一讚係店員都好親切同我地逐一介紹牛肉品種/產地，令我哋更加享受這頓晚餐🥰
繼續閱讀