和牛燒肉一郎 (新都城中心二期) (已結業)

這天約了朋友到新都城，吃了一頓非常豐盛的日式燒肉放題。我們吃中價的C餐，可以無限吃10款美國牛肉及其他52款食物，還可以自取沙律、飲品及甜品。這裡的沙律吧蔬菜種類不算少，感覺亦很乾淨，只是我一心吃肉，所以我跳過了。飲品吧選擇亦非常豐富，有8款特飲、綠茶、紅茶及汽水。汽水機還提供梳打水，可以自己組合減甜汽水及按自己喜好調配飲品。肉類方面，我們入座的時候，餐廳會安排SRF 極 牛肉特選拼盤及澳洲M9肩脊肉。我們吃的套餐可以單點SRF美國牛肉，所以吃拼盤的時候需要細味，然後再大量點選自己最愛的那款肉片！我這天選中的部分是牛小排，我喜歡它肉質嫩滑、柔軟，肉味濃郁，油脂香氣不會霸道，密密吃亦不會味覺疲勞。這塊牛排上面沒有配上名牌，但我想它應該是M9肩脊肉。我覺得它的味道是比較好的，油脂分布很均勻，吃下去感覺比較順滑，香氣亦比較濃厚，很可惜它不在可以任選的清單上。這天餐廳有社交網站額外優惠，所以我們得到一份牛肉盛盒。這個擺盤滿分，上面還有金箔！雖然我覺得牛肉沒有因為金箔而變得更好吃，但我看到這個造型，我吃得很開心！這裡任點的食物還有日本雞肉、豚肉、海鮮、前菜及熟食。雞肉及豚肉很不俗；熟食種類亦不少

因為老爺生日嚟試下晚餐，基本上夜晚不用訂位有大把位，不過早一日訂位會有牛送4人食，揀左最便宜有牛肉的B餐，但都300幾蚊一個人，明明寫住限時90分鐘，但入座竟然同我講只可以頭60分鐘落order，90分鐘只係食，心知不妙，但已經坐低左兼老爺想試，唯有都試一餐手機掃QR code落單，牛肉選擇不多，有熟食（如天婦羅、炸蠔、泡菜、牛肉烏冬、薯條、海帶湯、壽司等）搭救都ok，我坐卡位，落單後座位旁有條密封的路軌傳送生肉類到你座位，再響起音樂提你自己撳掣開門擺食物，都幾有趣個餐包salad bar，果茶類飲品極多款式，另有汽水，惜熱飲除頹廢茶包外無別的選擇，沙律亦好普通同無選擇，可有可無，另甜品種類不多，唯一係北海道雪條有4-5款算不錯重點燒肉，個樣不錯，牛來自美國，但燒完吃上去很靭，質素不算太好（可能我叫牛肉中最便宜的餐）最不濟是爐，將火力調至最大仍很弱，時大時細，而且爐只有中央圓圈位置火力較猛，外圓基本沒有火，於是外圍燒很久肉都不熟，反之中央位置很易燒焦，很難拿掐而且爐火細，花很長時間燒，基本上一直在燒也很慢鉗子設計差，很花力時間一到60分鐘便截單，並即時要求你埋單，感覺很差，此時餐廳有一

想食燒和牛嘅就要早啲排隊啦🔊🔊🔊搭正六點鐘見就已經排長龍啦😱 😁好彩有訂位咋😅入到去好簡潔好清心仲好乾淨添👍👍👍毫無負擔地任點任食，的確是人生樂事。我哋落咗個B餐特選美國牛肉放題九十分鐘👍美國牛肋肉😋 燒至每邊均勻5成熟😋 ，入口即化的牛肉woo令人嚮往😍越高的脂肪含量，令到d肉食起泥更甜、更滑順的口感，除此之外，仲好香又多汁添😋美國牛里脊肉擁有大量豐富、均勻的油花😋最滑順、最軟嫩、 燒耐小小等啲油花滲透落啲肉度再食落口香濃油花同d肉汁混埋一齊風味濃厚嘅牛肉二至四人圓形牛肉盛盒 （ 只要like佢哋社交平台只有得送㗎喇） 我梗係唔執輸啦油花最豐富，只需要燒一燒味道最香，口感最滑順多汁，睇吓油花分布越均勻、越豐富，口感就更多汁美味😋一口牛😍 有得畀你揀用乜嘢醃製材料㗎，我哋選擇用鹽，出嚟嘅肉汁鎖住喺個牛肉裏面一咬落去真係一口牛啲汁同埋肉令到個口感好豐富 熟成壺漬牛外橫隔膜及外橫隔膜，是横隔膜下方靠近肋骨側的部位，與橫隔膜一樣，睇起來是肉，但被歸類為內臟類💯燒到7成熟😋😋柔軟又多汁💯💯CP值也很高牛迷一定不會失望豚里脊肉勁正，無油脂，大塊都係豚豬用生菜加少小醃製咗嘅大豆芽，包住一齊韓國風味

#meloin @wagyuyakinikuichiro高速線壽司就食得多，高速線燒肉放題你又食過未？ 和牛燒肉一郎門口擺左隻大牛牛🐮非常吸晴，今日就同朋友黎食晚餐❤️❤️餐廳有6個餐供選擇，melody不是燒肉狂魔，點一個中間價位的餐，基本上非常豐富，燒肉、前菜、海鮮、飯麵煮食、炸物、壽司也有，外面還有沙律吧、醬料區、飲品、甜品。💫日式牛肉放題C餐$398/位💕大部份食物密封的高速輸送帶傳送，送到後會有提示聲音，按掣開門，取出後按掣關門，非常衛生。💕牛肉款式多，每一款都設有鹽味和燒汁味供選擇，澳牛簿身夠淋❤️melody食完再encore 💕豚肉和雞肉質素過，有產自日本🇯🇵的雞和豬👍🏼💕海鮮選擇雖然少，但貴精不貴多，原隻扇貝新鮮，加埋蒜蓉牛油就絕配💕蔬菜選擇豐富，食燒肉當然要配上生菜🥬，雜菇包用錫紙盛載，方便燒烤💕前菜有韓式泡菜，有點像食韓燒的感覺💕飲品是自家製的新鮮水果茶，水果新鮮切，沒有添加任何糖分，適合健康瘦身人士，吃完油膩的肉有點清新的感覺💕甜品是重點，並不是一般的雪糕，而是日本的雪條，有北海道牛奶味、波子汽水角切、荔枝蜜桃🍑，當然是最經典的牛奶味最好吃😋一次不能食曬全部味道，要留

放工諗住去食餐好，點知一肚氣忍唔住破戒打左我第一篇食評。咁一入去睇佢門口嗰d和牛諗住質素應該都唔差，入到去就揀左佢700幾蚊既和牛set,可以食埋和牛剌身，點知原來係惡夢既開始。一order 完佢會上左隻船,入面有唔同部位既牛，一夾起全部牛未溶雪，完全唔知點食，一路燒一路出水。咁算，唯有嗌下其他牛食下，點知完來係熟食放題黎。order 左既和牛係永遠都唔會黎，嗌d雞呀熟食就全部黎曬，咁我就同侍應講叫佢跟下，點知等多幾個字都係無野到，跟住再追左3次先到，前前後後追左成個鐘先有第一碟和牛出現。下面依碟唔係和牛，係普通set都有得食，燒完完全全食唔到，全筋。和牛剌身壽司完全係難食到震撼和牛唔知咩位，全部係舊冰黎依個好小小，起碼咬得開塊牛可以企到咁直就知係兩塊冰黎收一位$700幾蚊夠膽死俾$100都無既質素(全部結冰牛同筋)真係永世black list,今日我出post請永大家三思，要食就佢最cheap嗰隻，食左自助bar算。

媽媽生日諗住帶佢食好嘢，咁啱樓下開咗間新燒肉就試吓。 我哋嗌咗course D有90分鐘可以食，每人食咗600蚊得佢嚟個個頭盤係好食，之後嗌嗰啲都好難食。佢所謂嗰啲健康飲品都係勁淡，啲味又假，淨係飲到糖水味。啲海鮮又唔新鮮啲蝦全部都係霉嘅，海螺又靭完全食唔到。侍應服務態度又差，一坐低無人問你食course幾，舉咗陣手先有人行過嚟，成日掛住傾偈，又叫個客遞啲碟比佢，唔該都無聲。成餐飯都食得好唔開心好失望，咁嘅價錢食其他好過。

新派燒肉店 #和牛燒肉一郎 鋪面環境好乾淨好寬敞 原來佢仲有3間分店 包括#佐敦 #銅鑼灣 #寶琳用QRcode落單後發現 原來佢哋唔係人手送餐㗎！ 卡位旁有條食物鐵路送餐🚞😆 成行路軌仲有玻璃窗 確保食物衛生👏🏻 叫餐後仲好快到🤓食物方面 仲有自助飲品區 沙律菜區 甜品區 同醬料區 就算公用地方都keep得幾乾淨 👍🏻 飲品選擇種類好多 全部都係健康果茶、果汁😆 ❣️#CouseC #U.S牛+日本產豚&雞整體肉類選擇都幾多 豬牛雞都有齊 個人覺得 #美國牛里脊肉 最好食 肉質較淋 油份充足 幾香牛味而又不太膩😋海鮮方面 有墨魚仔 螺同帆立貝等等 個人覺得帆立貝最好食😚 都幾鮮甜，叫左半打都無漏過單😊配料方面都有好多 食開韓式燒肉既朋友 可以叫泡菜同生菜🥬 仲有洋蔥、青瓜等等，夾埋牛肉一齊食好正😍 推介👍🏻用餐時大概只有一個半小時，邊食邊燒 有點忙😅 用餐後 仲有甜品杯、雪糕等等可以食，記得把握時間喇~😊🔺🔺🔺🔺🔺🔺🔺🔺🔺🔺🔺🔺🔺🐷味 道 : 🟡🟡🟡🟡⚪️🏠環 境 : 🟢🟢🟢🟢🟢💰抵 食 : 🔴🔴🔴🔴⚪️‼️性價比 : 🟣🟣🟣🟣⚪️❣️整體評分 👉🏻 8/10-📍和牛燒肉一郎

今晚唔想煮飯，阿仔提議食一間喺屋企附近開嘅燒肉店，之前喺佐敦食過呢間嘅燒肉都覺得唔錯。阿仔唔食海鮮所以今次揀咗最平嗰個餐Course A 每人$198之後用QR code 落單肉類可以選擇雞同豬肉肉類都幾新鮮👍🏻雞腿肉好嫩滑😋海鮮有多春魚😍係我最愛熟食都幾多選擇，阿仔叫咗碗香蔥海苔溫泉蛋飯，好大碗，海苔好爽脆，撈埋隻溫泉蛋，正呀🤤我就叫咗蕎麥麵，另外仲點咗炸蝦🍤、炸蠔、薯條🍟、壽司、枝豆…..自助區有飲品，沙律，甜品🍮，雪糕雪條🍦最後梗係要食返啲甜品同雪條先完美啦！食到勁飽都係$198，下次多啲人可以一齊食有牛肉嘅B-F餐

最近寶琳新開左一間燒肉店都未試過😝，今日晚市就即刻去試下啦🥳，而且呢度係用路軌送餐，相當方便有趣⭐️.Course A: 雞肉及豚肉放題(90min) $198呢個套餐有雞肉同豚肉嘅放題🤩，平日都只係$198都幾抵食🔥，而且除左燒肉之外仲會有各種小食、炸物，出面亦設有自助區😍，有好多種特色飲品同甜品可以不停食添😜.肉類:肉類方面我就比較鍾意食豚肋肉同雞腿肉😎，豚肋肉夠曬肥美，油香味道相當吸引😜.炸物:呢度嘅炸物選擇相當多😆，而且我覺得全部都好高質，遠超一般放題水準❤️。我就特別推薦唐揚炸雞、天婦羅同薯餅，炸得好香脆而且炸皮又唔會覺得太厚🤤

早排去過這間食店食晚飯 ，現在才有空寫這個食評。 我們當晚叫了course D, 裏面包括好多牛肉食材，牛肩脊及 和牛等等。 但是發覺食物質素差強人意 ，牛肉大多是靭的和有渣， 牛肉味亦都很淡，甚至無牛味 ，绝對不是優質貨水平。其他熟食和飲品亦是一般行貨,快餐店水平。價錢是绝對是偏貴。另外服務員的對答和態度不太友善。來食放題的,不等於客人就是拼命食回本的粗人。如果這店不改善食材和服務 ，相信將軍澳的街坊朋友們都不會回頭再光顧的。

知道將軍澳開咗燒肉一郎今日終於去咗試下，去到門口見到好大隻牛好吸睛佢分咗六個價位嘅餐， A餐只包括豬同雞，B餐開始先至會有牛，如果想食和牛就要從D餐起跳啦！枱面上面放咗圍裙，咁就唔怕啲油彈到成身都係啦，值得一讚👍🏻今次我就選咗B餐，佢係美國嘅牛肉放題，有7款美國牛肉選擇，個人覺得美國牛里脊肉最好食，比較香同軟身，牛肋肉亦都不錯除咗肉類仲有海鮮，叫咗海蝦，都算大隻南瓜可樂餅同男爵牛肉薯餅都好出色黑松露醬配薯條好好食，好鍾意食呢一種幼薯條沙律區有用簾蓋上，比較衛生，打開簾我見到色彩繽紛嘅沙律好吸引飲品係自家製嘅，感覺比較健康，而且又唔會好甜甜品區有兩款甜品提供

話說之前食過佐敦個間和牛燒肉一郎 一直都念念不忘 想再食都好難book位一聽到將軍澳開左 即刻book位上次食左C餐 諗住encore 發現個餐牌同佐敦有唔同今次一於試一試個D餐 黑金澳洲和牛放題假日$548 + 10%出面有好多唔同款嘅果茶同甜品 仲有個雪條櫃 任你揀等之際 忍唔住食左好多個牛奶凍 推介一黎上左個牛肉特選拼盤見到好多牛肉好正有成70款牛肉有澳洲和牛(牛肋肉,牛腱肉), 澳洲牛(肉眼,牛柳,西冷), 仲有唔同款嘅美國牛同日本牛,豚肉同雞,仲有啲熟食同炸物 一定食得飽90分鐘放題 60分鐘就會截單 淨番30分鐘俾你慢慢燒 唔驚燒唔切 好似迴轉壽司甘 啲肉通過迴轉去到你度 感覺好似衛生好多

今日同阿媽行街，佢突然間話想食燒肉，見到lee間新開嘅燒肉店平平地就入去試吓，因為阿媽本身唔食牛肉，所以叫咗set A（雞同豚肉）$198/人一坐底店員好貼心，每人派一件即棄圍裙，等你燒肉時唔會彈到周身都有我地坐係中間卡位，會有自動送餐運輸帶送到你枱，全部密封，送到面前時你撳掣，先可以攞食物，方便又衛生，全程上網落單好方便等緊嘢食時可以去自助bar區攞熟食同嘢飲自助bar區都有好多嘢揀，有沙律，特式飲品，雪糕同雪條雞肉同豚肉每樣都有3款肉汁比你選擇，有燒肉汁，鹽味汁同埋冇汁，肉類都好新鮮，最後我哋都叫咗個生薑豚肉飯同埋蕎麥麵

成日經過呢間和牛燒肉一郎，家中小朋友見到呢一隻黑毛和牛話好想入去食。睇睇下100cm以下小朋友係唔使錢㗎，咁抵，忍唔住一家三口入去食日式燒肉啦～晚市有唔同COURSE可以選擇，我地揀左COURSE C 美國牛肉及日本產豚肉及雞肉放題( 平日 $398/每位)，90分鐘任飲任食 ，62款燒肉燒海鮮熟食任點！！食主菜之前緊係要食返d開胃前菜點了泡菜盛合 開開胃，為燒肉做準備。外面還有沙律BAR可以自取 飲品區太吸引，五顏六色嘅水果特飲小朋友最enjoy條自助運輸帶送上食物，爭住開門。一坐低有一份SRF極牛肉特選拼盤送來，每款牛肉都有字條清楚顯示，會清楚知道食緊邊個部位，試過好味再encore ! SRF牛肉油花分佈均勻，輕燒2邊就食得，超濃牛味好Yummy！牛外橫膈膜是靠近內臟的部位，食落口感軟中帶有咬勁，我也很喜歡。不斷追加肉肉燒燒燒，牛香在口腔久久不散，大滿足！也點了不少海鮮，大大隻帆立貝、大蝦、墨魚 ，海鮮新鮮爽口，網燒的海鮮也很香口呀日本豚里脊肉好有驚喜！有油脂燒完肉味濃由於燒肉燒海鮮太出色，我哋已經食唔落其他熟食，甜品有日式雪糕同雪條，飽飽太滿足，小朋友也食得開心，下次要再來食啦

呢日黎到將軍澳新都城呢一間新開既和牛燒肉一郎! 一D 都唔難搵, 佢就係正2期既正中間~ 門口仲有一隻大既牛牛, 一經過就見到, 好顯眼! 我地揀左要B 餐~ B餐係特選美國牛肉放題, 盛惠318$一位~ 佢係QR CODE 落單, 想食幾多就落幾多, 我地坐左係有路軌送餐既位置, QR CODE一落完單都唔駛5分鐘, D 牛肉就經由呢個路軌送到! 路軌仲有透明蓋蓋住, 唔駛驚飛咁遠會唔衛生, 禁個制就可以打開個蓋! 再禁多次就可以關~ 餐廳仲好貼心咁準備左圍裙,對於著左白色衫又成日整污糟自己既我真係非常之岩用!講番D 野食先~ 野飲就係出面任拎~ 有好多果茶, 亦都有可樂個D, 無糖茶都可以自己沖! 真係應有盡有, 另外出面仲有沙律可以自己夾, 配有唔同既醬汁想食幾多就拎幾多~ 講開出面就講埋甜品都有唔少款式! 有布丁等等, 仲有估佢唔到有獨立包裝既雪糕三文治, 我都忍唔住食左兩個! 當然仲有好多雪條個D, 但雪糕三文治真係第一次見, 好有童年回憶! 雖然餐廳名叫和牛燒肉一郎, 但肉類都唔止有牛,仲有雞同豬, 同埋估佢唔到仲有咁多熟食可以揀, 有炸雞, 天婦羅等等, 每樣野都好出色!