和氣食堂 (河畔花園)

營業中

休息中

我呀姨住呢頭附近，我今日就去探佢，順便食個午餐，佢話想食日本野，佢就提議食和氣食堂，因為都幾多款式選擇！一去到，可能係中午時間，都有好多人已經係到食緊午餐，門口都有人等緊位！坐位都舒服，員工都有禮貌！午餐餐牌～價錢都好合理，唔算貴我地就叫左浦燒鰻魚便當🍱呢個便當都幾豐富，又有鰻魚飯、壽司、吉列蠔同凍豆腐，鰻魚飯好香好入味，壽司都好大件，吉列蠔都好脆好香口迷你三文魚帆立貝刺身丼配牛肉烏冬🍜先講刺身丼，刺身都好新鮮好厚切，帆立貝好鮮甜，份量都好多牛肉烏冬，好多配料，超多粟米同牛肉，好正跟餐加$12可以配2款小食！味咐螺肉份量都幾多！和風沙律調味調得不錯👍🏻三文魚壽司炸蝦卷我要推介大家食，炸蝦炸得好香脆，味道不錯跟餐配飲品，都有好多選擇總括而言，餐廳食物味道唔錯，午餐選擇都多，員工同環境都做得好好！

琴日內地有幾個朋友嚟咗香港，我梗係盡地主之誼同佢哋食飯洗塵，梗係睇吓酒店附近有啲咩好食啦一睇附近原來都好多嘢食個喎，有燒味小菜，又有台灣野又有打冷，但班朋友仔話想食日本菜，原來日本菜佢附近都有，上網睇過都OK咁我地就一齊去啦！入到去地方都闊落坐得都好舒服，侍應都好好招呼一坐低就已經比啲茶我哋飲三文魚鮮果蟹子沙律用料十足喎，有奇異果、火龍果、士多啤梨、蜜桃而且食落酸酸地甜甜地呢個前菜好開胃好清新黑豚肩燒丼佢嘅肉質味道都Ok 而且我鍾意佢有炭火燒過嘅味道，食起上嚟好惹味真係好好食如果飯嘅汁多少少就好大阪豬扒丼，即刻諗起大阪燒！佢個頂配菜係椰菜絲搭啲沙律醬，同埋有d大阪燒嘅汁將佢哋撈勻食好好食豬扒都好大件同脆口，而呢個飯啱啱相反，因為有層薄薄的洋蔥蛋，香滑嘅蛋汁撈勻，夠晒多汁！天婦羅都無咩特別，夠熱辣辣，Ok 我啲朋友都話好食，呢幾日淨係喺呢度附近都有排試

之前食過黃大仙個間，覺得質素不錯，甘岩經過就入去食多次😈👿2個女仔唔算太肚餓，叫得唔算太多😹但呢度既menu同黃大仙有d唔同，佢冇我好中意食既抹茶雪糕😿⭕️明太子醬天婦羅蝦 $68有4大隻，麻麻地天婦羅既我都覺得好好食！因為有d好香既明太子醬食落唔會乾加上d蝦好大隻好厚肉好新鮮！⭕️芝士玉子燒 $38朋友叫的，真係好厚，好多芝士但燒得過火🙈⭕️蒜燒廣島蠔 2隻$45好大隻！真係好大隻！食落都幾有鮮味又唔苦！⭕️四式魚生丼 $118有齊帆立貝，拖羅碎，三文魚籽同油甘魚，十分足料！帆立貝好厚，油甘魚好新鮮，撈埋拖羅碎同三文魚籽超級豐富又幸福！

今晚想食日本菜，之前食過黃大仙果間和氣食堂覺得唔錯，今次揀番朋友家附近的沙田和氣食堂！ 都係食到好飽好滿足咁離開 哈哈我地叫左三文魚鮮果蟹籽沙律做前菜，三文魚切到細細條，但幾新鮮。蟹籽有好多😍 令到沙律嘅口感好豐富！！仲有芒果、火龍果、奇異果同埋好多生菜。叫左幾款燒物，最鐘意嘅係三文魚鰭！！鹽燒三文魚鰭三文魚鰭有好多魚脂，所以食落勁香，只係加少少鹽已經帶出佢嘅香味，入口即融嘅感覺真係好幸福 哈哈燒牛舌牛味重，唔韌, D醬汁幾好味！黑豚肉肩燒丼呢個黑豚肉片真係無得頂！因為燒過嘅關係，好香燒烤味，加埋d燒烤汁撈飯，正呀！三色刺身丼，刺身有三文魚、油甘魚同埋鰻魚，每樣3塊，仲有甜蛋同蟹籽。三文魚同油甘魚厚切，肥美。鰻魚味道都唔錯。飲品叫左草莓番石榴熱情果梳打，草莓味較突出，有一點點熱情果嘅酸甜味。好大杯，兩個小女生飲都夠。

正所謂冇期望就冇失望 我抱住零期望試左威爾斯附近既和氣食堂 結果都係冇失望既黑豚軟骨烏冬 ($55)烏冬一大碗 材料又夠多 就算唔中意食都一定食得飽😄 豬軟骨好入味 本身以為會好韌 但食落又ok 而啲烏冬亦唔係預期中既淋zi zi貨色 而係ok彈牙、有口感既烏冬 唔錯唔錯除左烏冬之外 亦有一系列魚生飯同日式料理選擇 整體質素同價錢成正比 係同區德美外既另一個日本野選擇👌🏻至於服務方面 當日我地大概3點去到 佢地淨係提我地last order時間但冇講佢地要落場 可能阻住佢地休息啦 所以全程黑面

由於今晚要食自助餐嘅關係，下午都係唔食太飽，但係又想食日本野喎，所以特登過咗嚟沙田食咗呢間平靚正嘅日本野。我哋三個人都係叫咗三樣嘢食，首先黎個凱撒沙律，上邊有隻溫泉玉子，整爛佢混係沙律入邊，成個沙律juicy，同埋佢份量都幾大碟，食如果感覺好fresh!!之後嚟咗個刺身拼盤，啲三文魚好新鮮同埋好大件，甜蝦好鮮甜， 完全唔似出邊嗰啲一陣味，個感覺好似放咗好耐咁。我個人好鍾意食刺身，所以好容易食得出佢係咪新鮮。之後嚟咗個魚頭鍋，佢個名叫做「石狩鍋」，好特別我第一次食，個魚頭好大個，佢係燒過嘅魚頭再放落湯度， 所以食藥後一啲都唔腥，再加埋個煲入邊有菜、豆腐、日式粉絲、同埋一啲菇類，不錯！

平時食開嘅日本餐廳，大部份都係食啲大型連鎖店，今次終於比我搵到間細舖頭，啲嘢又好食又大件。先來個前菜，叫咗個溫泉玉子牛油果凱撒沙律，啲牛油果都幾多，份量都幾大，兩個人食啱啱好。之後叫咗個黑豚肩燒丼， 佢用嗰啲咪係珍珠米，好彈牙，豚肉好香，同埋食落口唔覺得佢係雪藏味。其實我好鍾意食魚同埋芝士，之後我哋叫咗個雙重芝士鰻魚卷，呢個餸簡直不得了，鰻魚好大件，兩種芝士混合埋一齊食，味道好重，但係又唔會搶左鰻魚嘅味道。最後呢一個係見到隔離枱叫咗呢個，所以我有跟住一齊叫，佢叫做石狩鍋，勁大個三文魚頭，下邊有啲蔬菜係底，魚頭係笑過，好香好好味，個湯比個魚頭浸過之後好濃味。

上次來過和氣食堂吃吉列豬扒蕃茄烏冬，覺得無論味道還是口感都是很一般，所以今次不吃它的麵食，而選擇它的雜錦刺身丼。始終天氣太熱，也會想吃點冰涼的，刺身丼正合此意。雜錦刺身丼有三文魚，吞拿魚，蟹籽，玉子，甜蝦，刺身種類尚算豐富。三文魚鮮甜度還好，不算是豐富油脂的部位，但是味道也可以接受。蟹籽本身就有鹹度，份量頗多，拌飯吃挺不錯，咬破的口感很爽脆。甜蝦蠻新鮮的，吃起來彈性十足，美味可口。至於吞拿魚跟三文魚差不多，不夠肥美，魚味單薄。雜錦刺身丼飯雖不是最鮮美，但至少比上次的蕃茄烏冬好。

今日我同屋企人去沙田河畔花園探一位親戚，探完之後，我同我屋企人喺附近食午餐，最後我哋選擇咗和氣食堂，因為要比佢門口嘅海報吸引左！估唔到12點鐘食，都幾多人喎，仲有好多人喺門口等位，同埋有好多遊客來幫襯Tim !咁我哋就選擇左兩個午市套餐！北海角切魚生冷麵 $62個冷麵有胡麻汁同和風汁揀，我就揀咗胡麻汁，冷麵好入味，魚生都唔錯，都幾新鮮， 細細粒易入口，仲要有好款式嘅魚生，配料都幾多下架，仲有我最愛嘅玉子！吉列豬扒番茄湯讚岐烏冬 $58呢度烏冬都幾特別架，佢係用蕃茄湯做湯底，蕃茄湯好濃好香，仲好入味添，豬扒都炸得好脆，好香口，仲有我哋最愛嘅日本魚肉、粟米同海帶做配料😍套餐加＄12就可以追加兩款小食！真係好抵👍🏻味付螺肉 味道唔錯，份量都不少，小食來講都算抵👍🏻跟餐仲會附送飲品👍🏻總括來講，餐廳嘅日式午餐都算幾抵食，食物份量都唔少，味道都唔錯，下次我都會來試吓個晚餐先！

多年未認真的在沙田閒逛了，這天跟朋友來到河畔花園附近，發覺食肆林立，跟印象中完全不同了，轉變真的很大。偶然來到一間日式料理小店，店舖不算大，座位排列整齊，裝潢佈置應該經過一番用心配搭，舒適整潔；加上店員的服務很熱情，又見到場中食客枱上的菜式賣相亦頗吸引，頓時泛起了入去一試的念頭。入座後打開厚厚的紅色餐牌，圖文並茂頗為精彩，雖是小店經營，想不到這裡的食物種類繁多，刺身、壽司、卷物、沙津、炸物、拉麵和丼飯等等都有供應，當中很多菜式都是廚師自家創作設計，有些更是將中西不同食材混合使用的Fusion菜，看來頗有驚喜。首先點了開胃前菜，溫泉玉子牛油果凱撒沙律，清爽的羅馬生菜配上牛油果，還有蕃茄和酥脆麵包粒，撈上凱撒沙律醬，加上面頭的流心滑溜的溫泉蛋，賣相吸引。將溫泉蛋弄穿讓蛋汁流進沙律內一同進食，清新中帶點蛋香，加上軟滑的牛油果，爽脆鮮甜的菜蔬，開胃好味，感覺健康。接著來點壽司，三文魚腩壽司，三文魚腩厚切大件，刀功感覺一般，但勝在肉質細嫩鮮美，入口脂香滿腔；而飯粒富米香有彈性，飯糰黏糯結實度亦剛好，師傅握壽司的功架尚算不錯。火炙海膽左口魚裙邊壽司，海膽質素一般，經火炙後鮮甜味更濃縮；而火炙後的左

有朋友喺威爾斯生咗個小B ，探完佢，都要搵搵食個午餐醫下肚，聽聞附近嘅河畔花園多嘢食，就近近地行去睇吓，見到呢間日本野都有唔少人等位，就即管入去試試。正值午餐時間，呢度個餐牌有好多套餐選擇，仲可以以$14追加兩款食品。我揀咗蒲燒鰻魚便當，再追加左糖心蛋，同章魚小丸子，套餐仲有飲品選擇。鰻魚便當份量不少，仲有至愛嘅麻醬豆腐，四件壽司，吉列炸蠔兩隻。鰻魚飯嘅鰻魚肉汁豐富，配上醬汁撈飯，味道不錯。另外三款食物，麻將豆腐絕對係消暑極品，壽司份量不少，有生有熟，魚生大大件，至於吉列炸蠔，吉列粉漿不會太厚，蠔亦保留到很juicy, 追加嘅糖心蛋經過滷水醃制，仍然做到糖心嘅效果，絕對值得一讚。

週末和好久不見的朋友約了吃日料，大圍沙田這邊本身日料店就不多，找到這家隱蔽的小店。特地從大圍搭地鐵前來一探究竟。店內丼飯原則很多，糾結的每一份都想試一下，最終選擇了海鮮烏冬，因為都唔係咁鍾意食飯。可以選擇醋汁或者芝麻汁，撈面果然是非常入味。魚生也很新鮮。加12蚊就可以升級套餐，仲可以選兩款小食和飲品，價格也很合理。朋友吃的三文魚丼，整整一碗三文魚生～總之河畔花園的住客好幸福，大圍就沒有這樣一家魚生店

我與朋友都喜歡食日本野因為去日本旅行時去了很多當地餐廳食飯，今晚相約了去沙田的約和氣食堂餐廳叫了一個4式魚生丼，有三文魚3片、甜蝦、拖羅碎、三文魚籽，其中一三文魚及甜蝦好新鮮，三文魚籽又大粒又多，充滿海洋氣息。鐵板一口牛粒，是充滿日本菜風味，錢板令牛粒更熱更香口，牛粒入口即容，牛肉汁令人好想多食兩粒。明太子醬天婦羅炸蝦，炸蝦炸得恰到好處，令肚子好餓，再食溫泉玉子牛油果凱撒沙津，能配合到沙津醬汁令人覺得開胃又健康。燒日本廣島蠔蒜燒芝士燒，芝士燒法令蠔味更突出，好有日本餐特式。

最近因為工作需要來到沙田，不過本身對沙田不太熟悉，所以尋好吃的都是看網上的推介。看見大家推薦和氣食堂，亦沒有負評，相信有一定的水準。愛吃麵食的我當然選吃吉列豬扒蕃茄湯讚歧烏冬呢! 吉列豬扒份量一般，不乾炸得挺乾身，不油膩，我最怕膩味的炸物，幸好這不是。豬扒肉質談不上鬆軟，亦不至於乾柴。蕃茄湯頭不夠濃郁酸甜，宜多添加新鮮蕃茄提味，不是用茄膏熬煮出來。烏冬方面入口稍稍覺得軟腍，和我期待的彈牙十足距離頗遠，如以價錢來說差不多，所謂一分錢一分貨。

入黎沙田睇下樓，係附近醫醫肚。揀左#和氣食堂，用APP拎定飛，行個圈就入得。叫左個#黑豚肩燒丼。肉質、口感ok，飯底就dry左些少。服務唔錯，斟水幾密，環境舒適。下次黎再試下其他。