味道樂居酒屋 (河內道) (已結業)

係河內道附近搵日本野食，被我地發現呢間居酒屋，外面望入去好似唔太大，不過原來坐到好多人，而且weekday都滿座，食物應該唔差。二人座不用等就有位，打開餐牌發現很多選擇，壽司刺身、燒物、主食、前菜都有很多款。我們點了海膽壽司、吞拿魚腩、帆立貝蟹膏壽司、燒酒甘魚鮫、原條鰻魚飯同店員推介的燒花甲。餐廳上菜速度非常快，第一碟上左吞拿魚腩刺身，肥美得來唔會成口油，不錯。海膽都非常新鮮，仲食到濃濃的海膽味。帆立貝蟹膏壽司很夠味，濃濃的蟹膏不會覺得膩。原條鰻魚飯十分吸引，又厚身又長，吃下去還覺得十分肥美，第一次叫到鰻魚比飯份量還要多的鰻魚飯！燒油甘魚鮫沒想到咁大份咁抵食，魚肉大大啖仲燒得好嫩滑。小小的居酒屋想不到食物水準這麼高，大家都吃得很滿足。

係河內道附近搵日本野食，被我地發現呢間居酒屋，外面望入去好似唔太大，不過原來坐到好多人，而且weekday都滿座，食物應該唔差。二人座不用等就有位，打開餐牌發現很多選擇，壽司刺身、燒物、主食、前菜都有很多款。我們點了海膽壽司、吞拿魚腩、帆立貝蟹膏壽司、燒酒甘魚鮫、原條鰻魚飯同店員推介的燒花甲。餐廳上菜速度非常快，第一碟上左吞拿魚腩刺身，肥美得來唔會成口油，不錯。海膽都非常新鮮，仲食到濃濃的海膽味。帆立貝蟹膏壽司很夠味，加上蟹膏不會覺得膩。原條鰻魚飯賣相很吸引，又厚身又長，吃下去還覺得十分肥美，第一次吃到鰻魚比飯份量還要多的鰻魚飯！燒油甘魚鮫沒想到咁大份抵食，魚肉大大啖仲燒得好嫩滑。小小的居酒屋想不到食物水準這麼高，我們都吃得很滿足。

一行出尖沙咀地鐵站，就見到佢，六點冇乜人，心血來潮就試一試，估唔到咁有驚喜😱日式裝修，輕快音樂，靚靚餐具。個menu選擇好多，基本上款款都好別引！我地叫左火炙帶子同三文魚腩壽司，炙燒三文魚腩真係好好味，一定要叫呀！魚腩厚厚，輕燒表面令油脂更香，我超鍾意食火炙壽司，而呢款做得真係好唔錯🤤🤤🤤蒜片香煎厚切牛舌好淋，唔係有咬口個種，但我鍾意呢種口感多啲，表面微脆帶感香，食完一片又一片~見到餐牌有呢個咁特別既煙肉荔枝卷，就點黎試下。外咸內甜，煙肉燒得剛好唔過老，都幾得意。個原條火燒鰻魚飯傻嫁，成條鰻魚咁上，仲要大大條，細食既真係要諗清楚叫唔叫😂😂抵到傻左😂😂其實我冇食過壽喜燒lol見佢個牛肉壽喜燒一百蚊左右咁抵就點黎試下。牛肉脂肪唔太多，啱我。明太子雞翼漲卜卜，熱辣辣，內餡好惹味，正👍🏻唯一有少少減分既係炸薄脆魚片最後先上xd 但佢真係好好食，完全唔油，點埋美乃滋，食到停唔到口🤤🤤🤤好似食緊零食，但新鮮同口感好好多。埋單真係好驚喜，點咁多，飽到傻都係六百左右，唔講以為係偏遠地區既小店。但重點係上菜快，而且野食係完全冇伏，味道偏好，性價比無敵高！🤪

尖沙咀食物選擇太多，真係要細心咁搵，先會搵到自己鍾意食嘅嘢，喺K-11 行完街，一出到去就望到「味道樂」望一望餐牌就決定要喺呢度食啦！食物選擇好多，有刺身、燒物、壽司、鍋物等等。一睇餐牌見到有鵝肝壽司就即刻話要食哈哈鵝肝壽司（兩件） $98外脆內軟，一咬落去就有啲香濃嘅汁湧出嚟。深海池魚王（薄切）刺身 $158薄薄嘅池魚刺身，新鮮爽口油甘魚腩（兩件） $58 海膽壽司（一件） $38火炙左口魚邊（兩件） $48燒到好香口，有豐富魚油加上入即溶！正味淋魚干 $68未食話燒到咁淋身嘅雞泡魚乾！加埋燒汁燒到甜甜哋嘅表面，入面係軟淋淋嘅魚肉！簡直係味覺嘅享受。鹽燒澳洲羊架（兩件） $1288成熟 啱啱好 鹽啱啱好帶出羊肉啲鮮味

今晚去呢一間味道樂食一入到去，好有日本嘅感覺，店子不算好大間，但係好有親切嘅感覺，好多日本嘅擺飾菜單上的圖片眼花撩亂、點了以下幾款黑松露和牛炒飯$58（碗）有淡淡的黑松露味，雖然冇明顯嘅和牛粒但係都食到牛肉嘅香，同埋一碗飯嘅份量都唔少，對於$58嘅價錢來講性價比唔錯極鍾意食壽司同極鍾意食海膽既我，見到海膽就自動波嗌咗海膽極鮮甜，一舊壽司上面已經有好多份量海膽！連埋紫菜趣卜卜食，yummy三文魚腩食得出好新鮮!隻牡丹蝦癲咗，好大隻 又係超新鮮勁爽口極鮮甜。俾埋蝦頭入邊仲有蝦膏三文魚腩刺身，冇得彈嗌左系撚鯛薄切，唔知係我見識少定點🤔唔似我平時食鯛魚既感覺 問過職員 佢哋話可能係部位有啲唔同🤨汁燒大白鱔，呢個都唔錯呢個漏左單，亦都好快送上嚟，蟹膏味道香濃，帶子big size

滿滿幸福海膽丼 - 無改錯名呀！勁幸福呀！海膽超新鮮呀！足量海膽配呑拿魚配埋成兜三文魚子！香，軟，滑！🤤👍😋推爆！三式燒蠔 - 辣蒜，芝士，煙肉！各有特色，勁香！大蔥厚切日本煙豚腩 - 腩肉燒走左部份油脂，所以食落唔會覺得好油，反而食腩肉香味，同香甜嘅大蔥好夾😋😆🐷黑松露和牛炒飯 - 名乎其實！正👍安格斯牛肉串 - 個人中意食牛味多啲，所以無左面頭啲燒汁會更perfect芝士吉列虎蝦卷 - 勁大片芝士，炸蝦🤤🤤🤤就算怕肥都要食呀🔥🔥🔥大滿足！

係尖沙咀嚼shopping完就要揾食，經過見8：30後都咁多人在內，就即管一試。裝修好似係日本小店一樣。坐下就叫了一杯白桃乳酸梳打和檸檬威士忌梳打。松露帶子沙律，帶子蟹膏卷再來是鹽燒三文魚魚頭，牛肉壽喜燒，牛肉好大片和軟滑本來都已經危飽飽地，但覺得唔食鰻魚飯唔似食日本菜，所以叫了原條碳燒鰻魚飯，因為即燒，所以要等10～15分鐘，為了食好野，一於等。鰻魚飯一上枱，真係都幾震撼，真係足一條鰻然。另外，佢啲服務都幾貼心，見茶杯飲剩一半就即刻加菜，碟也一見有骨就即更換。

性價比高的居酒屋🏮位於k11後面 交通十分方便 好容易就搵到建議要book位 很熱門的 不然要在門口排隊裝修是懷舊日本風🇯🇵有很多以前的牌子和玩具.原條成田醬炭燒鰻魚飯$138嘩超長超大條😍呢個價錢黎講真係好抵肉十分厚身 冇乜細骨 可放心食用飯好軟熟 索哂啲鰻魚汁又唔會太咸.火炙北海道帆立貝蟹膏卷$88中意佢微微用火槍燒過 賣相精美蟹膏燒得好香🦀帆立貝很滑 好match.迷你火炙左口魚邊丼$78好香 次次見到有左口魚都會叫因為火炙過後會充滿油香👍🏻配飯一流.香炸日本池魚仔$58第一次食池魚仔🐟細細條好得意炸很香脆 粉漿薄薄一層 有水準池魚仔炸完之後好似冇骨咁 啖啖肉好適合配啤酒🍻同朋友聚會一齊分享.大葱厚切日本煙豚腩$58好好味！！！同京都食的豚腩串味道一樣重油香又燒得超級滑🍢好開心係香港食到呢種味.燒日本播磨蠔$100/3隻因為剛剛好有三款口味 所以就各一吧櫻花蝦🦐提升左蠔嘅鮮味 燒得好滑雙重芝士🧀味道略嫌蓋過蠔的鮮味 有點可惜蒜香風味🐚有啲似蒜扇貝的口味 有蒜葱同肉粒.牛油蒸蟶子$128/2隻完全食很出嘅新鮮 因為超級滑 冇異味表面再灑上黑椒 提升左蟶子嘅鮮❤️好喜歡.梅酒🍸$58無

今日同朋友去位於N2尖東站出口的味道樂居酒屋食晚飯，朋友係超鐘意黎以間食，餐廳用心設計，有日本的懷舊玩具，懷舊貼紙，懷舊海報，仲有超人公仔和面具。餐牌上種類都非常多，有刺身、壽司、漬物、小食、燒物、一品料理、飯、麵大蔥特上吞拿魚腩卷-有6件，大蔥配上吞拿魚，超級夾，吞拿魚蓉入口即溶，飯入面包了紫菜和青瓜絲，口感更有層次蟹籽壽司，蟹膏壽司滿滿的蟹籽，口感脆卜卜，蟹膏壽司有驚喜，滿滿的蟹膏，蟹膏味道濃郁野菜牛肉湯烏冬-烏冬夠大碗，是手打烏冬，牛肉有嚼勁 芝士鐵板餃子-餃子煎得剛剛好，芝士配上餃子味道十分夾巨峰提子乳酸梳打

間唔中都要去下居酒屋食日本料理，今次去味道樂居酒屋食晚飯，由於18:00時間尚早，所以唔駛等位。門口已經勁有日本feel ，餐廳以木為主，甚有日本居酒屋風格，最特別之處係有好多日本懷舊玩具，有超人面具、超人公仔，已經好少見。七點刺身盛合（$438）+原板海膽（$288）有三文魚、牡丹蝦、拖羅、帶子、油甘魚、鯖魚、鰹魚刺身，而且仲要厚切，刺身非常新鮮，由其油甘魚，魚肉細緻甘甜，拖羅接近入口即溶，而至愛既牡丹蝦甘甜濃郁原板海膽肥大肉厚，入口隨即在嘴裡化開，味道濃厚甘甜，最地道傳統吃法是以紫菜包裹，沾一點醬油及wasabi同吃，好味到返唔到轉頭芝士免治雞肉棒（$58）雞肉棒混了雞軟骨，食落更有口感香炸一口芝士（$48）新鮮熱辣辣炸起，炸得金黃香脆，芝士仲係流心

因為一啲特別日子，就搵咗一間比較靚小小嘅餐廳慶祝，見到網上評價唔錯，於是就想過嚟試吓。餐廳走日式居酒屋路線，裝潢十分有氣氛，好似有種去咗日本嘅錯覺，令人好懷念日本既旅行！我哋一坐下就被黑板上面嘅是日海鮮吸引了，見到牛油燒聖子，喜歡食海鮮嘅我當然要試吓啦～呢碟真係全晚最好食既一碟！除咗本身自己都鍾意食海鮮，亦都因為呢度嘅聖子好新鮮，洗得乾淨冇沙，重點係個調味我覺得好正，火候適中，聖子係啱啱熟，保留左海鮮應有嘅鮮味～呢度嘅串燒同埋芝麻雞翼都相當唔錯，同朋友黎食時加杯酒，真的很減壓啊！日本餐廳必食的仲有魚生，不過我地只點了三文魚和吞拿魚，質素對得起價錢，入口油香融化的感覺好正啊～牛肉壽喜燒是相對性價比較高的，可以食飽啲，不過牛肉稍嫌不夠入味，如果用再薄身的牛肉吸到準就更好了～另外還叫了一個軟殼蟹反卷，味道也不錯～整體而言，呢間餐廳好得我歡心，會再同朋友黎食下串燒飲下酒，短暫逃離一下香港既忙碌。

難得同朋友一齊轉左新工所以我哋就一齊決定去食餐好嘅上網搵搵下就搵到呢間餐廳啦我哋六點幾就去到所以都唔算人多但係過咗一陣成間餐廳已經坐滿人估唔到有咁多人嚟食呀餐牌上面嘅食物花多潦亂我哋都用咗一啲時間先揀到食咩最後決定叫一個壽喜燒同埋海膽飯仲有牛脷+8件壽司滿滿幸福海膽飯呢個飯名副其實令人覺得好幸福啊海膽超多而且冇臭味仲重海水味添鹽燒厚切特上牛舌味道調得幾好但係唔算十分之重牛肉味表現尚可牛肉壽喜燒牛肉有啲厚總括來講味道都唔錯壽司比較多係魚類食落都幾新鮮！今餐食得好飽好滿足！

同女朋友再次黎到味道樂，對呢間日本餐廳既刺身念念不忘，所以今次食刺身為主我覺得餐牌如果可以寫到明個盛合有咩combination 就prefect啦，因為淨係睇圖片唔係好清晰結果我們叫咗：五點刺身盛合（$298）三文魚腩 刺身 3件（$58）海膽壽司1件（$38）灸燒左口魚邊壽司2件（$48）岩蠔（$98）刺身同壽司都係一如既往咁新鮮同好食，尤其係三文魚同鮮蝦，滑嫩到筷子夾都夾唔實。海膽都好正，無異味，呢個價錢係值得既。左口魚燒得恰到好處，醬油味濃👍🏻而最impress我既係個岩蠔，本來想叫特大真蠔（$88）可惜無貨先揀佢，計埋加一都唔平，但係一上菜當下我女朋友係嘩咗一聲，因為真心幾大隻，手掌般大，又肥又大，爽口鮮味多汁！同埋原來岩蠔係蠔中極品👍🏻長知識了以上用cocktail送，別有一番風味

好食嘅餐廳係值得一去再去既。今日去呢一間餐廳係位於尖沙咀嘅味道樂，其實之前已經係長沙灣食過佢嘅分店。當時已經覺得好好食，咁岩今日經過尖沙咀，就諗住試吓佢呢一間嘅質素，果然一樣冇令我失望。佢裝修係日本特色居酒屋，入到去感覺非常舒服同放鬆。佢嘅擺設好有特色，放咗一啲日本面具同好多海報，好似去咗日本一樣。我去嘅時候係夜晚大概7:00當時見冇乜人仲未需要排隊就即刻入去。今次我叫咗海膽丼飯，佢嘅海膽睇落非常新鮮，而且仲加埋大大粒嘅魚子，用碗仔裝住，賣相已經非常吸引，食落勁甘香，好creamy。配埋啲魚子一齊食味道非常夾，成碗好快就已經食晒。而當然唔少得叫咗佢嘅招牌鰻魚飯。鰻魚非常大條，夠晒足料。見到差唔多台台都有叫，而且加埋佢嘅醬汁一齊食好惹味，而且只係百幾蚊又唔算好貴喎，性價比都好高值得推薦。另外仲叫咗蟹黃帶子壽司同埋流心芝士年糕。芝士年糕咬入去已經食到好香嘅芝士味，熱辣辣一入口就爆曬芝士汁，而且一啖一個份量啱啱好，用嚟送燒酒或者嘢飲簡直一流。總括嚟講，呢一間味道樂居酒屋性價比好高，而且服務態度都唔錯，經常會主動幫我地加水，同埋上菜速度都幾快，絕對有下次。

之前有一次walk in諗住試下，可惜冇位，所以今次就專登book咗位先去去到侍應已經同我地講限時個半鐘定兩個鐘，咁我地都ok,諗住食完再行街喺我地揀嘢食途中有另一枱入嚟坐低，聽到限時之後佢地猶豫咗一陣，最後都係決定走去食另一間。我地總共叫咗8樣嘢咁多！第一樣係原隻脆炸軟殼蟹蟹籽沙律，軟殻蟹炸得好脆！好好食！第二樣係燒白飯魚干，本時屋企煮飯都會食到，咁嘅食法都係第一次，脆卜卜，冇乜味咁，點沙律醬好食第三樣係原條成田醬炭火燒鰻魚飯，條鰻魚真係好長，仲好厚肉不過啲醬唔係幾夠第四樣係味淋魚干，我比較鍾意食再脆啲嘅，不過呢隻有啲肉地，幾有口感第五樣係鐵板蒜片香煎厚切煎牛舌，煎得好好食！一咬就咬得開同埋等一陣再食另一舊都仲係熱嘅第六樣係煙肉荔枝卷，兩隻味好夾，荔枝好清新第七樣係鹽燒翠玉瓜，呢個比我想像中燒得好食，好多汁，食咗咁多肉食返啲蔬菜好fresh第八樣係鹽燒雞翼，去到最後先唔記得影相，太多嘢食食得太開心就係好普通嘅燒雞翼整體嚟講呢間都幾有日本feel,成間居酒屋放咗好多玩具擺設，好得意！嘢食都好好食，值得嚟食，不過座位之間有啲逼，好易就聽到隔離講咩