味道樂居酒屋 (河內道) (已結業)

今晚同我朋友喺尖沙咀K11行完街就搵晚飯食，出左商場就見到呢間日本野好似好吸引，好啦一於試一試佢，估唔到都有驚喜。我大概6：00就到，所以好彩有位，因為我發覺未到7：00已經full house, 仲見到有人想walk in都無位，所以都好有人氣，下次想食都記得要book位。用木為主既裝修好有日本既感覺，餐廳乾淨企理，感覺良好。食物方面，叫左4款壽司，分別係海膽，火炙左口魚邊，帆立貝同油甘魚壽司。首先望落已經好晶瑩剔透，食落就真係好新鮮，海膽份量又多又甜，火炙左口魚邊燒得好香，充滿油脂既香味。成田醬燒燒鰻魚反卷好抵食，$78份量又多，鰻魚好肥美燒得好香甜，好味。大蔥特上吞拿魚腩卷，吞拿魚腩真係好足料，口感一流，精緻又好味。跟住點左新鮮赤貝刺身同埋鯛魚刺身，上次去完鹿兒島已經對當地特產鯛魚念念不忘，今晚食番一樣好有水準，真係好中意鯛魚果種啖啖肉既口感，另外赤貝都勁爽甜，勁新鮮。最後點左牛油香煎銀鱈魚，餐廳煎得真係好香，皮又脆，肉又香又甜。呢個餐廳一定要encore!

今晚同朋友慶祝生日嚟左味道樂居酒屋，熟食非常有水準，最出名係原條炭燒成田醬鰻魚，好香又滑又好豐腴燒銀鱈魚，驚喜係新鮮同好肥美，口感豐富，外脆香口原板海膽味道鮮無苦味7點魚生刺身，新鮮美味。火炙北海道帆立貝蟹膏反卷，好食，但帆立貝比較少，可能蟹膏味太搶，反卷做得唔錯。3式焗蠔可以一次試足三種食法。牛油炒雜菌，充滿牛油香味燒河豚干，好食，味香但份量少得可憐香蒜豬軟骨拉麵，溫泉蛋好味，多料味道又唔太鹹，豬軟骨份量適中。成田醬燒鰻魚反卷，好味，成田醬整體高質滿意絕對有下次

日本人放工後鍾意去居酒屋一醉解千愁，而小妹我放工後就鍾意去居酒屋開懷大食，同樣係居酒屋，但帶畀每個人嘅慰藉都唔同。「味道樂」係小妹其中一間一試愛上嘅居酒屋，同一般居酒屋一樣，都係以日本地道居酒屋嘅裝橫為主，日本傳統啤酒海報、木製桌椅同門窗、和紙燈籠... ...最得意嘅係一牆矇面超人面具，可以知道店主孩童嘅一面。而我最愛印有河豚公仔嘅碗碟餐具，可愛又富日本特色。小妹最愛叫一客香炸日本池魚仔($48)，原條小池魚鮮炸，雖然有啲殘忍，但食落外脆內軟，係送啤酒嘅良伴。再來一碟芝麻雞翼($58)，雞翼係香港人最愛，去到邊都有佢蹤影，嚟日式餐廳自然亦係桌上美點。食完一輪餐前小食，自然係主角上場，大蔥雞肉串($48)係必嗌，雞肉表面燒至微焦，伴隨大蔥香氣，令我諗起日本新宿思出橫丁食過嘅一道大蔥雞肉串，同樣出色。煙肉荔枝卷($48)以煙肉包裹荔枝肉放上爐上烤，煙肉鹹鮮香脆，荔枝甜潤，令人食完一串又一串。黑椒黑豚肉($48)肉質鮮嫩多汁，微辛黑椒突出黑豚肉鮮，配清酒最佳。雞骨腸($48)味道雖無特別，但勝在造型可愛。如果食咗咁多嘢都唔飽，不妨嚟一個原條炭火燒鰻魚飯($128)，拳頭咁大嘅飯團，手臂咁長

一心想吃鰻魚飯 search到呢間見到食評唔錯咁 點知… 大失所望！！午餐有set 份量一大條蓋飯的模樣就選這個 沒有多想其他前菜先來 都好正常等多陣鰻魚飯來到了個樣好大 仲驚一人食唔晒心急地夾開一口試試第一個感覺係魚肉點解咁硬嘅 ！？而且無咩鰻魚味 肉係結實而乾 多骨 唔熱繼續試下成條唔同部份 全部都係硬真係唔知係咪燒過頭兼放耐左個汁就偏咸 但不是招牌嗎？！點解可以差到咁嘅程度完全係唔值得去試好耐都未試過中大伏真係要寫個食評記住

朋友介紹，食物質素唔差！價錢正常！但唔係放題任食的居酒屋要限兩小時還枱，想邊飲邊食邊傾計就唔會揀呢間！因為我地有6位，坐得齊黎每人比啲意見點菜，等埋啲食物黎到都已經起碼半個鐘，到食了一大半食物時想加食物已經唔可以再加，因已用了餐1.5小時，係時候埋單！

熟食一流👏🏻見身邊好多朋友都食過呢間味道樂 大讚高質 試試佢先~我覺得呢到嘅熟食比壽司類岀色😝先介紹熟食先✨✨ 原條成田醬炭火燒鰻魚飯 $128首推呢個成條上嘅鰻魚飯 鰻魚厚實🤩加埋甜甜鰻魚汁 成碗飯都食得唒呀略嫌細骨較多 如果多花功夫挑走細骨就一流了✨ 汁燒大白鱔 $68白鱔魚皮燒得香脆 魚肉軟熟💗同鰻魚飯的很不同喔✨ 鹽燒澳洲羊架 $128羊架大大件 燒得啱啱好呀肉質淋淋地 燒到半生熟 仲用鹽作調味 好味道👏🏻✨ 鐵板蒜片香煎厚切牛舌 $68牛舌堅厚切又爽口 夾埋炸蒜片一齊食惹味呀✨✨ 系撚鯛 $168個名好好笑😂😂嗌左薄切 掂酸酸地嘅醬汁 幾match ✨ 大蔥特上吞拿魚腩卷 $78份量多 不過有點失望嘅卷物吞拿魚腩唔算肥✨ 鵝肝壽司 $98中規中矩嘅壽司 圖片顯示係香煎鵝肝送上枱嘅時候 鵝肝沾咗炸粉再炸😯味道還不錯的✨總括來講 我覺得呢間居酒屋嘅熟食比刺身類別好食🤪🍽 味道樂居酒屋 (尖沙咀)🔎 尖沙咀河內道2號地舖

成日喺IG度見到人哋嚟食呢一個原條鰻魚飯，今日終於嚟到，真係好full🤯好彩book咗枱😂店員話啱啱換咗餐牌，所以我哋就叫咗個新既火脊三文魚沙律。原條鰻魚飯真係勁大個，而且鰻魚汁都好好味，$128又真係幾抵食嘅😛不過味道就冇乜大驚喜，反而我覺得其他小食更加吸引！因為好鍾意食帶子，所以叫咗兩份帶子刺身，原來勁大粒好鮮甜！海膽壽司都幾新鮮，仲要上面嘅海膽勁慷慨🤩最後呢一個芝士炸蝦卷係超級好食，入邊嘅炸蝦係啱啱炸起，脆卜卜好新鮮！👍🏿👍🏿

呢間日本居酒屋之前已經經朋友介紹聽過佢嘅名，但因為本店喺長沙灣冇咁就腳，依家係尖沙咀開咗分店，所以就同朋友嚟咗試。餐廳喺K11對面，所以其實係比較近尖東地鐵站，地理位置都幾方便。黑松露糖心蛋一打開餐牌，第一頁就見到糖心蛋嘅圖，橙黃色嘅糖心蛋加上黑松露，作為愛蛋之人當然要叫一客。蛋嘅生熟到啱啱好，而且食落蛋香都足夠，表面嘅黑松露醬黑松露味都好濃郁，呢個前菜小食真係叫得過。脆炸軟殼蟹反卷由於同朋友唔想食炒飯，想試多啲壽司，所以就決定咗帶兩款反卷，第一款就叫咗我平時最愛嘅炸軟殼蟹。一盒總共有六件，軟殼蟹嘅份量好多，識落脆得黎好香口，可惜識落已經凍哂，如果熱食應該會更加好食。帆立貝蟹膏卷由於我同朋友都好鍾意食帶子，所以第二款就揀咗佢，中間卷有蟹柳同青瓜絲，表面就係帶子同蟹膏，蟹膏嘅味好濃郁，食落幾新鮮。富士山蘋果蟹籽沙律呢個沙律係全晚最驚喜的，蘋果嘅份量好多足足有大半個，而且食落好爽口好鮮甜，令成個沙律都好新鮮好開胃。唯一係沙律醬多咗少少。帶子刺身餐廳每一款刺身都可以揀壽司或者淨刺身，由於我哋已經有兩款反卷，所以之後另外追加左一客帶子刺身，純粹滿足一下想食帶子嘅心。

幾有驚喜😂😂 食物質素頗高 👍🏻👍🏻1. 赤貝雖然唔系好大塊 不過好爽好新鮮有朵菊花系上面點綴 影相幾靚2. 燒牛脷厚切牛脷 燒到鎖住肉汁 加上有少少鹽食到男友話要encore 😂3. 炸池魚仔配啤酒🍻簡直一流😍😍 好脆好脆 食到停唔到口囉😂😂4. 炸軟殻蟹卷物 / 帶子蟹糕卷物兩款都好有誠意 材料多 而且配搭好5. 燒煙肉荔枝卷出面好少見呢隻串燒 不過荔枝甜 加上燒肉 好夾6. 鵝肝石鍋飯呢個正 又有少少飯焦加上少量菇 成個飯都好香

上星期放工同男朋友食左呢間餐廳。由於間餐廳係地鐵出口隔離，成日經過。今次第一次食，又幾好味喎！我地叫左幾樣野齊share～火灸北海道帆立貝蟹膏卷好特別，我地之前都無食過呢種配搭，成個舖排好有心思。燒到好香嘅火灸帆立貝表面係濃厚嘅蟹膏，底下係包左蟹柳嘅壽司，正！三文魚腩剌身&牡丹蝦剌身三文魚腩厚切而且好新鮮，牡丹蝦都好大隻，味道鮮甜。原條成田醬炭火燒鰻魚飯呢個原條鰻魚飯睇落就好似一舊特大鰻魚壽司，底下更有塊荷葉做襯托，賣相已經太吸引！鰻魚燒得特別香口，個飯配埋醬汁口感一流，必食！我地叫左鹽燒雞軟骨同埋汁燒大白鱔。兩款都燒得好香，雞軟骨好爽脆，口感一流。雖然白鱔lon左少少，唔過仍然相當惹味。最後仲有鵝肝多士。呢個認真正！好少鵝肝多士會有咁大塊鵝肝，份量十足之餘亦十分好味。好滿足～

是晚來到尖沙咀河內道的味道樂居酒屋，距離K11 及地鐵N2 出口也很近。餐廳面積不算很大，有十多張枱。枱與枱的距離比較近。店內裝潢設計簡單得來很有特色，有很多日式玩具和擺設。牆壁的木版上還有繪馬，很有日本風情。以魚為圖案的餐具也很別緻。網池刺身（半條）（$118）網池刺身口感爽脆，魚的脂肪比例適中。刺身呈透明，一口咬入，吃下去清甜。半條份量不算太少，份量是合理水平。排列方面也很有美感。味噌蟹甲羅燒蒜多士 （$118）單獨的甲羅燒在磯燒時吃過不少，不過這次沾上蒜多士就比較少見。甲羅燒經過味噌調味，整體來說味道比較濃也不失蟹膏的鮮甜味。多士沾上蟹膏的樣子賣相吸引。岩鹽脆炸三文魚鱗 （$48）三文魚鱗炸過後口感酥脆，再配上岩鹽很香口。原條成田醬炭火燒鰻魚飯 （$128）鰻魚份量充足，有約20cm 長，魚肉也厚身。成田醬帶微甜，鰻魚嫩滑肥美。油脂感不錯。煙肉櫻花蝦煎廣島蠔 （$88）平日吃到的太多是生蠔或炸蠔，這個煎廣島蠔是比較新的嘗試。櫻花蝦的份量很多，多得我們最後用了來佐鰻魚飯。煎蠔也能保持半濕潤的狀態。燒油甘魚鮫 （$128）燒油甘魚鮫表揚燒得焦香，十分惹味。 甘香的油甘魚油與滑嫩的魚鮫

-原條成田醬炭火燒鰻魚飯😀（$128）依個鰻魚飯份量好多，而且原條鰻魚真係好大條，超過20cm，不過食落比較多細骨，肉質都嫩滑，而鰻魚汁都好香甜！牛肉壽喜燒🥘（$98）牛肉壽喜燒湯底幾甜，而且好濃郁，牛肉份量好多，食落幾有口感😚，而且鍋入面都有好多材料，例如：菜，粉絲，金針菇😎，依個牛肉壽喜燒真係幾好食🤤-鹽燒厚切特上牛舌❤️（$68）牛舌燒到岩岩好，好惹味，食落有點爽口，食之前加少少檸檬汁😚，更加好味😆-大蔥特上吞拿魚腩卷😍（$78）一共有6件，吞拿魚食落口感清爽，入口即化，不錯😚-牡丹蝦🦐（$58）牡丹蝦食落口感紮實，嫩滑😋-巨蜂提子🍇乳酸梳打（$38）巨蜂提子味好突出，好好飲🤗-白燒酎梳打🍹（$58）飲落幾開胃，雖然係酒，但好易入口😎-PS 如果大家Like和Save 餐廳的Facebook 和Openrice，就會送黑松露糖心蛋，正👍🏻-

星期五總係想食好西，今晚去食我最喜愛的家鄉菜，頭盤來一客鮮甜大大粒帆立貝，令我胃口大開😎😎之後點咗秋葵、冬菇、雞軟骨串燒！燒得唔錯，仲非常Juicy =] 主食方面點了火炙北海道帆立貝蟹膏卷，上層有鮮甜帆立貝配上濃厚味道嘅蟹膏，啲飯撈埋蟹膏真係好正啊！食到涼涼地，最後點個牛肉壽喜燒暖暖胃，份量十分，我永遠覺得甜豉油湯底配肥牛，再加上一隻半熟蛋結合簡直係完美嘅配搭，肥肉鮮嫩加上啲菜都好新鮮，令呢個壽喜燒更加錦上添花🌸🌸唔知你哋嘅Friday Night 又點過呢？Lucas就應該捧腹而睡啦😎😎

約左朋友拎手信, 順道黎#味道樂醫肚食日本野點可以無酒佐餸架簡單一杯#白桃燒酌梳打, 女仔口味都岩飲先黎#火灸左口魚邊壽司兩件 + #七點極上刺身盛 + #真蠔左口魚邊入口即溶,刺身盛兩個人份量岩岩好牡丹蝦勁creamy唔在講, 生蠔又勁juicy勁新鮮, 仲有海膽同鮑魚片怕d冰太凍既話可以夾起再慢慢嘆跟住#明太子雞翼勁中意佢脹卜卜, 一啖咬落去爆唒肉汁, 皮脆肉香!仲有#鹽燒三文魚鰭魚肉滑一滑, 完全無唧檸檬汁, 咁先夠原汁原味!再黎#鹽燒厚切特上牛舌 + #汁燒大白鱔基本上每次見到menu有大白鱔串燒都一定會點咁先知餐廳既串燒質素如何表面見到少少燶, 但其實火侯係岩岩好肉質彈牙爽滑, 炭燒既香味, 超中意!最後追加#脆炸軟殼蟹反卷好滿足, 下次再黎食過!

週年紀念，朋友介紹此間居酒屋質素很高，於是一星期前預約。地置位於K11附近，N2出口行幾步就到，相當方便。鋪內格局擺設精緻，杯碗用具亦居有特式。打開餐牌，不禁被「滿滿幸福海膽丼」$258吸引。老公就點了鵝肝雜菌石窩飯$138、帶子刺身$58、油甘魚腩刺身$78、鹽燒特厚牛舌$68、金菇牛肉卷$68、芝麻雞翼3隻$58。首先先來刺身，帶子大大粒，鮮甜新鮮，油甘魚腩爽身，厚切、甘香。一見到好多海膽，心裡‘嘩’左一聲，毫無入手舀飯，於是先將海膽夾在碟上，把吞拿魚撈均，一啖飯內有吞拿魚、三文魚籽加海膽，海膽鮮甜，冇腥味；三文魚籽粒粒分明，脆口彈牙。真係何其幸福😋😋胡椒炒雜菌做底，一上菜已經好香飯粒粒分明，鵝肝香脆，內軟鹽燒牛舌好驚喜！厚切令咬感一流！爽彈之餘，醃料恰到好處，加埋檸檬汁，更特顯味道！雞翼炸得香脆，咬開流汁、好juicy牛煎完一點也不韌，金菇索哂牛肉汁味今餐為週年紀念，作個完美回憶，每樣都好好味！