吞POT 雞煲火鍋.住家菜 (已結業)

雞煲雖然惹味香口，但係食完加湯打埋邊爐始終太油同埋個湯都變得冇咩味。今次就過黎試下呢度既花膠雞煲，咁就夠晒健康啦個鍋夠晒足料，勁多花膠，而且每件size都唔細，夠晒膠👍🏼安格斯牛小排，雪花分佈均勻，加上濃郁既牛肉味，令人食指大動！即炸響鈴，唔係好多火鍋餐廳會即炸，食落唔會覺得油，值得加分！十全大寶丸，個鵝肝蝦丸真係幾正，大大粒鵝肝係入面，另外蟹粉墨丸都幾香蟹味，果然係呢度既招牌菜👍🏼成日見到都好想試既hite芒果啤，終於都試到，味道都唔錯，有淡淡既麥香，可以一試！

看見開飯網有許多食評讚賞此店，於是便預訂座位試試看。此店位於23樓，居高臨下俯瞰旺角彌敦道景觀。甫踏出電梯便見到個大魚缸養著很多龍吐珠，令人眼前一亮，坐下便立即點菜。先來個螺片花膠雞煲，湯呈奶白色，入口香味濃郁，除了吃到鮮嫩雞肉外，還吃到軟腍花螺，果然貨真價實，滋味無窮。吃畢雞煲後便加湯打邊爐。我們點了雪花牛肋片，牛味十足，頗有嚼頭；又點了此店自家製即點即製炸魚皮，果然香脆無比，不容錯過；再點了十全大寶丸及餃餃陣。顧名思義餃餃陣是自家製魚皮餃、雲吞等餃類食品，一客四款共八粒，略嫌一般，無甚驚喜。至於十全大寶丸是海膽黑墨丸、蟹粉墨魚丸、黑松露魚丸芝心牛丸及鵝肝蝦丸，果然夠特別，內藏饀料，值得一試。是夜回歸紀念日，令我們吃了一頓愜意的晚餐，邊看著電視的煙花匯演，邊看著窗外行雷閃電，邊吃著豐富的美食，簡直是人生一大快事😊

今日又係姊妹gathering嘅時間啦，今次我哋揀咗旺角打邊爐，我地第一次嚟到呢座building， 原來全棟building都係餐廳嚟嘅！呢間餐廳响高層，所以景色好開揚，旺角嘅夜景又真係幾靚！雖然餐廳唔係十分大，但係枱與枱之間得都唔算迫！服務方面，每位侍應都有禮貌，話頭醒尾。啤酒嘅種類都幾多真係幾多特別嘅食物選擇個雞煲好夠味，仲有好多花膠同螺片肥牛油脂分布好平均，有牛味！平時少食豬嘅朋友都話幾好味

歺廳環境吾錯，但冇用，因為就算早過繁忙時間到達也不可揀位坐。對於一間午市有窗邊位但冇得訂位同時又要客人搭抬坐的歺廳，店員的安排實在奇怪。用膳時間50分鐘雖然看似足夠，但不應在客人坐底左點埋菜先通知。食物方面，質素好一般，尤其是排骨飯，冇味冇水份。雖然價錢合理，但總括以上，不見得歺廳定位可高於一般旺角區平庸的茶記，同一大廈有更多選擇。

睇完openrice所以專誠去試試！如果10分滿分我會比7分，食物水準整體不過不失，牛就比較失望，而丸丸130幾蚊得幾粒，價錢貴但都算好味，而上址只有10多張枱，沒有房間，我地一行4人都要$980，平均每人250.如牛肉或其他野可再好小小，就算價錢貴小小都ok,如未試過上址可以一試，但有要求可考慮其他地方！

今日跟好友行咗成日旺角，本身都係帶着疲累嘅身軀去搵啲平時未食過嘅店舖，不過大部份都經常食過嘅嘢，所以繼續搵。剛行到一間大廈發現樓上原來有很多食肆，一見到有火鍋店就好想食！於是我哋就兩個女仔去咗間餐廳望一望 ，環境好靚有一個好大好靚嘅魚缸，入面仲有魔鬼魚！入面每台都是四至五個人，都幾多人食呢間店，所以就選擇了！對我來講火鍋材料以每份計算嘅品質係好啲既，所以都叫咗唔少食物。首先係個藥膳湯底既雞煲，好香既藥材味加雞，感覺上好補身，真係唔錯，兩個女仔都可以好快清晒佢！之後就開始打邊爐！首先開始食頂級雪花肥牛，牛肉嘅品質十分好，完全食得出佢同啲幾十蚊嘅分別!我們再叫了一些魚皮餃和手打墨魚滑，兩者都唔錯但我比較喜歡手打墨魚滑，吃下去會有鮮嘅味道！跟住重點推介就係脆肉鯇魚腩，平時喺出面會食得多嘅係薄切片，而呢間切片非常厚身，我經常跟身邊的朋友說其實厚身嘅脆肉鯇才會吃得出嗰種爽~呢碟就啱晒我！整體來講這間店的品質不錯，而我覺得好啱三五成群自己去聚餐傾吓計堆下啤酒，不過建議要先訂枱！因為現場都幾多人食同埋排隊！下次會想叫多啲人試埋麻辣火鍋和十全大補丸！

今日同Bestie兩個撐枱腳,想舒舒服服咁打邊爐，open rice 見到幾多人都話依間好😆😆一於上嚟試吓😎😎雖然我得兩個人，但係店員俾我哋四人枱坐得都幾舒服，一望出去就係旺角夜景，感覺唔錯😌😌我哋叫咗個藥膳雞煲、頂級雪花肥牛、蟹子墨魚滑、脆肉鯇魚、魚皮餃同生菜。個藥膳雞煲個味同媽媽煲比我飲嘅補湯係一模一樣架😳😳😳頂級雪花肥牛嘅脂肪同肉嘅比例均勻😍😍另外好欣賞佢嘅脆肉鯇魚，好厚切、啖啖肉😍😍真心推介

前后光顾过3次来吞pot啦，前两次因为有朋友不吃辣，只可以叫花胶鸡（好失落，都好食嘎)第一次夜晚人气很旺，但楼底较低，真系好吵第二次中午来，所有配料都半价，超级抵打（8成客人都在吃午市套餐，鸡煲上得超级慢）第三次终于吃上大辣的香辣田螺鸡煲啦依然等了好久（也可能因为好期待所以觉得耐），终于有滋滋漫香的鸡煲奉上啦！辣味足，而且值得称赞的是香味也够(香港的辣很多时候只求辣味，却不太追求香)，这家做到香辣不简单，红油也很是诱人。满足！中间再加汤的时候，也是真加汤哦（每次遇到加水的火锅店，简直打心底diss，没有火锅精神)肥牛，一碟盛惠138（还能再半价，感动得快哭了)响铃，午餐肉，田螺都不错炸芋头居然不糯居然！居然！不好吃等鸡煲的时候叫了小食沙姜鸡脚--浓浓的雪藏昧，鸡脚爱好者们都不愿再碰，看在鸡煲真的好吃份上没有要求回水。

旺角區其實都好多吾同品牌既雞煲, 點解今次揀吞Pop？ 全因之前FB抽奬活動中咗佢張$500 Coupon 為食妹即刻約朋友去試下吞Pop雞煲既威力啦!向未食前我都上網Search 過食評, 見到大家都覺得好味, 新鮮及服務好! 所以一於約埋三五知己去試咗吓有幾堅先!首先我地點咗辣酒煮花螺雞煲（2者都係我既至愛）, 由於有小朋友後尾又加咗個蕃茄薯仔湯煲, 方便吾食辣既小朋友食2個煲都好快上, 仲要好好味,螺無沙, 雞夠滑! 蕃茄薯仔煲夠入味, 老公仲飲咗2碗湯添不得不試佢個鮮炸魚皮, 真係勁脆勁好味👍🏻👍🏻👍🏻飲品選擇都多, 仲有手工啤添有濃有淡俾大家選擇, 老公2款都試過, 但感覺分別不大!大家不妨試試由於大家都好肚餓, 但埋真係太好食 無影相, 結果只提供一張照片

屋企人想食特別d的雞煲，最後搵左尼間係旺角的雞煲火鍋店阿媽想滋補D，揀左螺片花膠雞煲！個湯真材實料，花膠好厚，個湯有好香濃的雞味，飲完一定好滋補！冰菜好少有，表面有一粒粒水珠，食落口感好特別，好爽！墨魚滑，蟹子蝦滑，鯪魚滑全部都好滑好彈牙！牛三郎，一次過滿足三個願望，有齊雪花牛肉，雪花牛肉粒，牛肋片！肉質鮮嫩，油脂分佈均勻，牛肉味濃！脆鯇片刀工唔錯，冇咩骨！好新鮮，爽口響鈴幾特別，中間有芝士，喜歡芝士的朋友一定要試下！象拔蚌片一般般，不過不失！總括而言，尼間餐廳的食物唔錯，真材實料，款式又多，仲可以係廿幾樓望著旺角的景黎食，都有另一番風味！

之前同屋企人黎過呢度食火鍋覺得唔錯，今次再同友人上黎，友人第一次上黎話呢度D裝修及擺設幾有特色幾得意，由其對龜龜特別有興趣上次同屋企人食火鍋，今次想食吓個辣雞煲其實仲有好多其他選擇，不過我哋兩丁友唔能夠叫太多，下次先再試其他友人好喜歡呢度自由調配醬料，因為選擇唔少等咗一陣間雞煲就送到，嘩……已經聞到好香 好濃烈食落更加係好入味，點餐時可選擇唔同既辣度，我哋揀咗小辣但已經好有刺激感,不過雖然係辣但醬汁又有少少甜味中和番喎，甜甜辣辣味道啱啱好，友人都話非常美味我哋仲叫一碟沙薑雞腳，好淋好入味，友人食到舐舐脷魚皮餃上次火鍋我都有食， 我喜歡佢嘅質感煙煙韌韌而且味道唔錯呢碟象拔蚌片， 雖然細細件但食落好爽口都幾鮮，口感相當唔錯今次我哋叫嘅嘢食雖然唔係好多， 但係每一樣都幾好食，由其是係個雞煲相當嘢味，唔係淨係我覺得好食架，睇吓個場幾多人就知啦，下次我會再約埋多幾個人一齊嚟， 食埋其他今次未食過嘅野食先得呢幾隻公仔幾搞笑， 呢度啲擺設真盞鬼

平時食雞煲通常都中意嗌麻辣，因為唔係間間麻辣以外既湯底都好味，有時更會冇乜味，呢間既雞煲令我有驚喜。佢既花膠雞煲湯底非常濃，所以雞肉都好入味，而且都好滑嫩，雞既份量都好多，啖啖肉，同埋花膠都幾多架白菜同腐竹同呢個湯底好配，索哂湯既精華，最好一開始就落左先，咁先索到最原始既花膠雞湯味雪花肥牛既油脂分佈好靚，好重牛味，好大碟呀食食下發現隔離有個超可愛既雞仔裝飾，餐廳用左落地玻璃，可以一路食一路望下夜景

放工去搵野食，經過尼棟大廈試下新野要左個牛三朗，一次過試嗮3種牛，正！三種肉質都唔錯，最鐘意食牛肋肉！自家炸響玲，即叫即炸，中間有芝士流出來，必點推薦蜂巢豆腐，口感爽滑，吸埋D湯汁一齊食，good十全大寶丸，五種手打滿足咩都想試下的慾望，D丸夠彈牙，有特色湯底要左個螺片花膠雞煲。花膠好厚身，湯好濃郁好滑，適合女士滋補下下次早d黎，享受下半價優惠

今晚同兩個friend去食雞煲，今次唔叫任食，試下d散叫雞煲。呢間樓上鋪，環境都幾舒服，仲有窗口位。雞煲價錢128蚊起，選擇都幾多，今次食返重慶麻辣雞煲不過驚太辣，所以叫左個bb辣。我地叫左半隻雞，雞件非常入味。即炸魚皮，夠香脆，未等個湯底黎到已經食晒金菇都正正常常。牛最平都要百幾蚊碟，塊數唔多，叫左雪花牛肋肉，有牛味又咬口，幾好食，果然一分錢一分貨！墨魚滑都好彈牙生菜非常翠綠新鮮。呢度仲有椰青水飲，夠解渴。仲有超大杯檸樂埋單三位六百幾蚊，價錢都合理。

今日同朋友一齊去旺角行街，佢話要食雞煲，咁咪上openrice 搜尋吓囉，最後揀咗呢間樓上火鍋店上到去一入去就見到呢個大魚缸好多魚好靚之後服務員就安排位置比我哋，睇睇餐牌先，當然係先揀朋友話要食既雞煲先啦，呢度有幾款不同既口味，我哋揀咗辣雞煲貪佢夠惹味，配料有好多選擇，但我哋怕食唔哂，所以只係揀咗三兩款須然雞煲本身有味，不過有其他配料當然自由發揮整個合適自己既醬汁先啦等咗一陣間主角就送到，雞煲本身已經煮熟咗，不過黎到仲要開爐加熱，未滾透D香味巳經開始透出，我哋急不及待就打開起筷喇睇賣相就知個雞煲好入味啦，食落就覺得超入味添，須然我哋係選擇半只雞，但份量都真係唔少喎，除咗入味外D肉仲幾嫩口吓，你一件我一件不停食好快就食咗大半，係時候叫服務員加湯滾埋其他配料潮洲魚旦及金菇係我每次火鍋既必然之選，呢度D魚旦細细粒，食落都幾彈牙爽口，金菇沾上辣雞煲既汁好惹味，食生菜就刺激喇……雞煲D辣汁完完全全沾晒上生菜度，食入口真係食到火噴噴但又超級惹味喎真過癮呢度除咗唔同既火煱外仲有幾款小食，我哋叫咗個椒鹽豆腐，我估係即叫即炸的，好香脆味道唔太重啱啱好食到火噴噴叫咗杯西柚特飲，酸酸甜甜透心涼，好味呢一餐又