吞POT 雞煲火鍋.住家菜 (已結業)

今日同媽媽食飯，見到天氣微微轉涼就趁機會去打邊爐，有雞煲食有得打邊爐，咁就最岩我心水啦。近窗口位置望到遠景好靚。調味料又足夠，最鐘意炸蒜。有啲名好得意架選擇都有好多，有啲好特別。滋潤螺片花膠雞煲。媽媽成日都話女人要補下，所以叫左個滋潤版雞煲，味道濃香唔膩，真喺有螺片鮮味，雞煲半隻版，雞肉滑口唔乾身，份量仲好多。食完雞煲打邊爐啦四寶丸。我勁鐘意食丸，餐廳講明喺手打丸，丸類入口的確彈牙爽口，唔會好霉，最鐘意蝦丸有陣陣鮮甜味，蝦膠打到好實彈。叫左個烏冬，吸哂湯底好正媽咪叫左個菜，我打邊爐都喺鐘意食肉多啲十全大寶丸。好可愛既名，有5種唔同丸類，我最鐘意海膽黑墨魚丸。海膽汁滿滿好鮮，墨魚丸依舊彈牙，好驚喜

記得幫襯此店已是舊年帶爸爸來食，最近無意中又發現佢哋做緊新出的早鳥跟宵夜半價，只要7:30離座或9:30入座所有火鍋料跟小食就有半價優惠今次到帶媽媽來試，上回試過辣酒花螺雞煲，這回當然揀個無咁燥火又夠滋補嘅花膠雞鍋比媽咪<滋補螺片花膠雞煲> $158/半隻雞上檯時店員推介先嚐頭湯，奶白色湯中有半隻雞跟約十塊左右的嫩滑花膠，湯清甜帶濃香雞件好新鮮嫩滑，無雪味，而且滾耐後會有黃油滲出<沙薑雞腳> 鍋未到先叫個小食咬下，雞腳入味，腍度適中，好怕有啲咬唔開同過度地腍又爛<桂花蚌>呢到好厚身，烚完都算係咁，鮮甜美味<鮮魷魚>好新鮮爽彈，份量都幾多<蟹籽墨魚滑> 墨魚味都幾出，加上手打的爽彈，不錯另外仲有吸湯佳品竹笙，豆卜每餐都要食蔬菜，但叫了個萵荀最終賣單都係400多，勁抵食

每次來都會食花膠雞煲，好多料好好味，仲有新鮮炸嘅芝士響鈴，食嘅時候芝士會咇出嚟，不過泰式生蝦刺身就好差嘢飲都比較遜色。環境都幾好，有好大個魚缸有好特別嘅魚～最估唔到係地方小小都有BB櫈

呢間餐廳系旺角地鐵站附近，餐廳可以望到旺角的風景，而餐廳門口有個大魚缸，位置非常寬敞，雞煲有好多種，我選左重慶麻辣雞煲bb辣。呢間餐廳的餐廳裏面還可以在麻辣裏面選走辣，選擇非常多，如果想食d滋補d既，都可以選養身既雞煲，例如滋補裸片花膠。配料都有好多選擇，好多丸類的選擇，例如手打生拆蟹粉墨魚丸，黃金海膽黑墨丸，種類非常多，唔止一般餐廳咁黎黎去去都系果d丸。雞煲好快黎到，醬汁好濃味，叫左少少辣，麻味好夠，但又唔會倉喉嚨，味道好夠好吸引。雞塊好大舊，唔會有骨碎，如果唔加配料既話都已經可以好飽。仲有叫左個薯粉，一個薯粉已經好大碗。此外，呢間餐廳仲可以提供唔同既套餐，就算唔食雞煲都可以食其他野。好似茶餐廳咁。個人就叫左魚香茄子，套餐送埋冇味精老火湯，仲跟飯同有野飲，岩曬我ed飯桶。魚香肉鬆茄子唔會太淋好夠味，同茶餐廳差不多水準。呢間餐廳都幾多元化，如果有朋友來唔想食雞煲，都可以試下呢d。跟餐送既系合掌瓜老火湯，仲有菜送整體黎講，這間雞煲餐廳多元化，雞煲既味道同出面都好唔同，齒頰留香，希望下次可以再同d 朋友黎試下唔同款式的雞煲！

4月過得好開心，我同男朋友今年加人工的幅度都算不錯，值得食番餐雞煲火鍋慶祝下，同事推介一間位於旺角中心附近一間叫"吞POT雞煲火鍋，住家菜"，交通方便，店鋪位置唔難。餐廳位於23樓，景觀開揚，夜景好靚，加晒分呢間餐廳可以選擇的雞煲味道有很多，我倆就選左一個餐廳推薦，有like既重慶麻辣雞煲，雞煲嚟到既時候已經熟晒，可以即食。一打開雞煲芫茜洋蔥既味道好出，望落雞既份量相當多(我倆只點了半隻雞，要留肚打邊爐)，每件雞Size平均唔會過大。雞的肉質算唔錯，而且煮得剛好又夠滑，因為第一次到訪餐廳，唔知道餐廳既辣度如何，只點了最基本的BB辣，起初唔算太辣，但食下食下，雞煲愈煮愈收水，麻同辣既味道就愈濃香，愈食愈惹味，作為雞煲黎講，香料味夠出夠多，味道豐富。食完雞煲直接加清湯打邊爐，火鍋配料選擇都算幾多，淨係肉類同海鮮都已經十幾廿樣，再加埋啲丸、餃子、蔬菜、麵、烏冬等等，二大版紙任揀。醬料方面自己調配，都有十幾種醬料可以揀，相當唔錯。第一款一定要點餐廳招牌菜，佢地自家創作既爆芝響鈴！like爆^^店員向上菜時會溫馨提示系即叫即炸，要盡快享用，所以我都立即把握時間，夾一舊即刻放入口，外皮好脆仲有暖暖

同姐妹打邊爐，上到嚟發覺個景好正，好開楊，坐得好舒服，岩晒邊食邊飲住嚟吹水！小店一間，自家制用心制作，值得再試，下次試下個麻辣雞煲先！湯底同食物種類都算多，掛住食後面仲有一頁唔記得影！睇住咁開楊嘅景觀，食都食得開心啲！嗌左個招牌魚湯鍋，湯底夠白，正！裡面有番茄、秀珍菇同好滑嘅豆腐，仲有夠薑，去左陣腥味！廣島蠔，一食就知並非用大陸貨，煮完出嚟完全冇縮水，蠔味鮮甜！頂級安格斯牛小排，估唔到咁大碟，足本，靚貨，有肉味，肥瘦適中，冇得輸！手打黃金海膽墨魚丸，墨魚丸外層有墨汁包住，黑麻麻咁，食落裡面包住海膽，仲有粒粒墨魚喺度，有料嘅墨魚丸，心機之作！抵讚！自制九菜餃，皮薄多料，咬落夠juice！炸魚皮，本來係好普通，冇需要特別介紹，但竟然係即炸，上檯嘅時候仲熱架！

又是打邊爐，又是吃雞煲？ 不要緊，重點是好唔好食，以前打邊爐以食材為先，湯底為副，但現在不同了，食材湯底也重要，有時湯底更可以帶給食物更好的味道。 網上找了這食店，看到有花膠螺片雞煲，立刻打去訂位試試，我7點多去到，景然有窗邊位坐，夜景不算好靚但也不錯。齊人開餐上湯底，香濃的花膠螺片雞煲湯真係好似好足料（自己看相），香噴噴的湯底雞件算滑，牛肉靚，丸好味，記得未加湯前試下湯。丸不得不提，火鍋通常的配角，但用這湯底一定要試下，不用點醬油試試那原味，我本人就覺得有驚喜，其它食物都算是中上有餘。 

同朋友gathering，打邊爐同雞煲就最好喇！所以選擇了吞POT ，入到去第一個感覺係好親切，因為養咗成缸龍吐珠！好靚仔呀佢哋！坐低揀嘢食，不過因為前2日先食過雞煲，同埋同行友人有人唔食得辣，今次決定試下花膠螺片湯打邊爐(全隻$248)！個湯係用大瓦煲上，呢個已經好夠誠意啦！湯料都幾足，用或然率嚟計，一匙「不」落去有6成機會撈中雞肉，其次已經係花膠同螺片，係得1成機會撈唔中料！雞肉幾嫰口，不過螺片就細粒少少，鐘意食嘅客官可能要用心搵下先有。不過味道真係好香濃，飲多幾啖有種成口都係花膠痴住嘅感覺，正！呢到又講少少點食，加湯係會加雞湯嘅，所以呢第一煲大家不妨盡飲湯，飲到咁上下先加湯！至於火窩料，個人感覺最出色就係廣島蠔($68)喇！都大隻架，放入去窩入面都唔會點縮水，啖啖肉！而雪花肥牛($138)呢都好薄，入口有溶化感覺，香口又嫰滑，幾好。牛柳粒呢，個人就唔太喜歡正正方方嘅牛牛，都係一片片好啲，不過食落都唔韌，唔係我杯茶啫。至於邊爐必備嘅響鈴，吞POT 有自創「爆芝響鈴」($58)，呢個不得了！放入湯幾秒上返嚟，熱辣辣之餘先有脆脆口感，之後就有溶化嘅香濃芝士，好味！所以話，其實都唔一定要

一大班朋友出來吃飯通常都會去打邊爐，事關計返錢嗰陣會容易啲嘛。不過港式火鍋離離去去都係果幾款口味，麻辣、鴛鴦、雞煲呀呢啲，大家食飽就算，真係好悶。唔知係咪年紀大左，而家追求並唔係量，其實質素都幾重要。今日同事介紹左一間火鍋店，食過之後我覺得原來普通食材也可以變得不平凡，真心想分享一下。一睇menu，大家實會話咪又係咩雞煲火鍋底，所以我今日特登揀左款特別啲膠啲嘅，滋補螺片花膠雞煲，一係唔食，一食我地要食得最招積。堅係「膠」嫁！湯底仲非常濃郁。雞都幾滑！配合埋花膠，成件事好補呀。當然唔少得頂級雪花肥牛，牛唔算太薄，有牛味，但唔建議淥太耐。呢款自創爆芝響鈴大家一定要試，新鮮炸好嫁！打邊爐我鍾意食蠔，今次叫咗價錢較相宜嘅廣島蠔，呢個蠔都算大隻，好新鮮，淥完之後唔會得返好細粒，亦都唔會好腥，幾好食。打邊爐最重要梗係要飲凍野，仲要夠大杯先至夠爽，好彩呢度有特大嘢飲，大檸樂就一定夠晒飲啦！

趁天氣仲涼涼地，梗係要繼續打邊爐啦！雖然我其實係一年四季都會打邊爐😂😂一出𨋢就見到呢個好有氣勢嘅魚缸！入到去環境都唔錯，唔會好多人污煙漳氣咁，枱同枱之間有足夠空間，坐得夠舒服。坐窗口位，見到復活雞😂望出去見到旺角街景，幾好view!今次就揀咗滋補螺片花膠雞煲，因為半隻雞都係＄158 ,但係啲食材就好似好名貴好吸引咁，所以就忍唔住叫咗呢個！呢個煲絕對冇hea你，因為真係有好多花膠同螺片喺裏面，啲雞又好滑，個湯仲好濃味，同朋友忍唔住飲完一碗又一碗，差啲飲晒成煲！好彩佢加湯係加豬骨湯，唔驚冇湯打邊爐！講番啲火鍋料，我覺得全部都好新鮮，特別推介芝爆響鈴！佢啱啱炸起熱辣辣脆卜卜，最特別嘅係佢中間有芝士，第一次食，好正！餃同丸都好多有特色嘅選擇，我就叫咗個手打香煎鵝肝蝦丸同蟹粉蟹肉雲吞，全部都真材實料，真係有鵝肝同蟹粉，好味！啲肉都好新鮮，叫咗一個肥牛同埋牛柳粒，好有牛味，牛柳粒好有牛味有咬口同埋唔會韌，推介！食完咁多肉，當然要食返啲菜，呢個菜菜籃好多款菜都有，仲擺得好靚好似一扎花咁，好有心機。總括來講，好滿意呢度嘅食物同埋環境，有機會會再嚟食過。

今次唔係第一次幫襯，上次食過重慶雞煲，感覺唔錯，所以今次一班fd話食雞煲，我就介紹咗佢地嚟呢間，諗住可以坐得耐啲同環境靜啲...一心一意諗住大家都喺食麻辣/重慶雞喇，點知有人提議要滋補花膠螺片雞煲，並大多數通過，嗰下即刻怕唔知咩味，點知嚟到原來好似邊爐咁，但加埋雞落去，初初以為啲雞會好韌，因為係咁煲，點知食落又幾嫰口，幾滑...另外啲花膠同埋個螺片真係都有一定數量，有啲意外驚喜，加埋個湯幾好飲，大家都忍唔住喺咁飲湯之後打邊爐當然要叫返上次最like 嘅爆芝響鈴，今次仲喺即嚟即放湯即食，攪到個響鈴個心勁熱，但芝士熔晌口感覺非常好，最愛咁樣食芝士😂見上次叫咗安格斯牛，今次試雪花牛質素都幾好，唔係差好遠，份量比我想像中多，牛味重，加上佢地切得好薄身，好快燙幾下又食得，愛「牛」嘅朋友喺咁搶食，攪到另外都有叫嘅牛柳粒成日落咗晌個爐到都唔記得夾上嚟，overcook, 但好彩入口唔太韌，唔洗浪費食物...靜靜環境唔限時，加埋一杯特大飲品解渴....是次再次幫襯感覺仍好，再有機會都推薦畀其他人

在旺角鬧市中，這座大廈一啲都唔起眼，但有舒適的環境，無時間限制，更有無遮無檔既風景，絕對係三五知己傾計既好地方。食物方面，胡椒豬肚雞煲超好味，有特式既丸同餃子，但偏鹹，好彩有杯大大大檸樂，其餘火鍋配件夠新鮮，響鈴同魚皮即叫即炸，好好味。

今日同朋友旺角行街, 經過見到成幢都係食野既樓上舖, 見個店名幾得意, 上openrice睇下食評, 見野食都幾啱口味, 見未夠七點, walk in睇下有無位, 幸好時間早, 唔洗等位。座位都幾寬敞, 啱晒吹水, 散叫, 唔洗計時比人趕。醬料齊全, 自選, 估唔到仲有芝麻醬同麻辣醬。本身鍾意食辣酒煮花螺, 所以今次選左辣酒花螺雞煲, 味道香濃, 雞肉好滑, 份量不小, 花螺又夠入味。蟹子蝦滑$68都幾大碟, 蝦滑夠彈口!第一次食冰菜, D菜滿佈晶瑩水珠般, 好得意!熟左D水珠仲係到, 入口好滑, 水珠有口感, 幾好食! 呢個梅酒都幾好飲!

最近天氣凍返, 所以想打下邊爐, 又食下雞煲, 上網睇食評唔錯, 所以預先book定位。呢到雞煲都有好幾款, 有花雕藥膳雞煲, 胡椒豬肚雞煲, 重慶麻辣雞煲, 香辣雞煲, 螺片花膠雞煲, 辣酒花螺雞煲, 仲有支竹羊腩煲。我就選左辣酒花螺雞煲, 小辣, 雞都幾大舊, 雞肉夠嫩滑, 雞同花螺都入晒味!兩個人都鍾意食牛, 點左碟特級雪花肥牛, $138估唔到咁大碟, 色澤好靚, 好香牛肉味, 好有嚼勁, 又唔靭!另外叫左炸支竹, 用辣汁湯底煮到入味, 真係好野味!鹹檸七好大杯!

今日星期日同朋友喺旺角行 一早 完街 冇嘢做又攰又餓，發現吞pot雞煲呢度原來五點半已經可以開市喇。 趁冇乜人 早嚟早享受， 打邊爐嘅嘢就緊係拾下拾下慢慢食啦 先至夠開心。 我喺23樓呢度望住條彌敦道 又夠哂開揚 都幾好view。 逐樣逐樣點咗少量慢慢食諗住一路打住一路點。 打邊爐當然要飲番兩支大啤先至夠鬼佬清熱氣啦， 當你食到熱辣辣嘅時候再飲啖冰凍嘅啤酒先至叫做享受 燒咗兩日野食喉嚨痛痛哋今日唔決定唔點辣雞煲食，又點返個魚湯湯底清清地， 奶白色嘅香濃魚湯底，一啲都唔失禮過呢度嘅雞煲 美國桶蠔， 滾完仲好飽滿juicy唔會縮到一粒細細嚿變咗蠔豉。 而且在索埋魚湯嘅味道非常鮮甜，推介 頂級美國牛小排 塊塊厚切有番咁上下分量，油脂分佈均勻， 牛味十足， 食完仲keep住滿口牛嘅甘香味，正 薄切 甜蘿蔔， 湯魚湯底簡直perfect match 即點即炸 脆炸 魚皮， 泥到仲熱辣辣，就咁食已經好好味，完全唔捨得在加落個湯底到， 影響佢新鮮滾熱辣嘅質素😂 手打 海膽墨魚丸， 粒粒成粒乒乓波咁大粒， 超香濃嘅墨魚味，非常出色