吞POT 雞煲火鍋.住家菜 (已結業)

其實已經好耐冇嚟旺角，但係今次有驚喜。喺朋友介紹之下，黎左呢一棟大廈食雞煲。比想像中嘅旺角很不一樣，好似去咗銅鑼灣咁。門一打開，就見到一個大魚缸，座位亦都十分舒服。一望向窗邊好大個落地玻璃，景觀一流，完全唔似置身喺旺角一樣！我哋叫咗香辣雞煲，小辣半隻，兩個人食啱啱好。 啲雞好入味、 好滑、 辣度啱啱好。 鍾意食辣可以再叫辣啲。另外仲叫左其他配料打邊爐 ，佢啲丸類同埋餃子都係 人手做好足料。叫咗個手打黃金海膽黑墨丸， 都幾特別值得一試。自製鮮蝦雲吞皮薄餡靚， 啲蝦都好新鮮好正！整體嚟講無論環境同埋食物都一流，下次一定會再來！

好耐無食雞煲，朋友極力推薦這一間，所以來試試。一上來，𨋢門一開見到好大個魚缸，好靚，入面d魚好大條同有海龜，朋友個仔勁like。E度23樓個view都好正！坐得好舒服～但可能坐正風位，有少少凍～講返d食物，有幾款特色鷄煲，我地叫左半隻雞煲小辣～雞調味適中，辣得來唔會太咸～～好快我地就食完半隻雞，加水打邊爐其實食完半隻雞都有d飽，因為叫左碗白飯share送雞..連埋d雞煲汁𤏪飯超正！所以另外只叫了幾樣配料，但都吃不完，好飽！叫了牛，至愛鮮蝦雲吞，蝦滑&紅薯粉～雲吞皮薄函靚蝦滑堅食到蝦肉～下次一定要再食！

Went there for lunch on 50% hotpot offer. The birds eye view of mongkok streets from the restaurant was interesting! The food was fresh and of good portion, the hotpot base was yummy and doesn't seem to have MSG. Quite a few local beers to choose from as well. Overall a pleasant surprise!

今日放工後約咗朋友去食雞煲，揀咗呢間係彌敦道嘅吞POT試下。呢度雞煲有好幾款，有辣有唔辣，唔同風味，任君選擇。我地就揀左小辣嘅重慶麻辣雞煲。雞煲未上，店員先送上調味盤，俾我地混醬。等咗10分鐘，雞煲終於嚟喇!!個醬汁好香濃，少少辣。下次可以試試中辣，食落應該會過癮D。D雞又滑又惹味雖然只喺叫咗半隻雞，但兩個人都夠食。食到七七八八，店員加咗湯，就開始打邊爐。我地點咗份特級雪花牛肉同手工芝心牛丸。雖然唔係最貴個款牛肉，但質素都ok，有牛味唔韌。芝心牛丸唔同食開嘅芝心丸，喺流心架!打邊爐唔少得叫汽水，杯凍檸樂好大杯啊!!!

繼上星期食完台式涮涮鍋，今個星期再接再勵，搵埋好姊妹去食返個雞煲火鍋。吞POT喺彌敦道726 嘅23樓，景觀都唔錯，環境乾淨企理，枱與枱之間唔會好迫，坐得舒服。餐廳門口仲有個好大嘅觀賞魚缸。講返雞煲先，今次叫咗個重慶麻辣雞煲(小辣)。唔算食得辣，所以呢個辣度對我啱啱好。雞件煮得夠入味，而且肉質夠嫩。兩個人叫半隻雞食，份量夠晒，仲有quota加點啲配料打邊爐。推介爆芝響鈴新鮮即炸，沾上雞煲醬汁，香脆又惹味呢個響鈴仲有個特別之處喺食到半溶芝士，好香濃。打邊爐最鍾意食特色丸，所以點咗份十全大寶丸，一次試晒5款手工丸。個黑松露墨魚丸，好重黑松露香。除咗麻辣雞煲，呢度仲有藥膳雞煲同花膠雞煲，好似好滋補~得閒再嚟吞pot下先

香港地食肆林立，但而加要搵正野食，唔單止要向橫發展，仲要向高空發展。前幾日就喺旺角搵左呢間坐落23樓既特色雞煲火鍋店，我諗唔係有openrice我都唔識黎。一出𨋢店鋪內就見到呢個五光十色既靚魚缸，非常奪目吸晴。坐落於23樓旺角中心地帶，正值黃昏時間，晚霞亦份外迷人。室內環境寬敞亦不失優雅。點了辣酒花螺雞煲半隻雞2人份量。食雞係我既至雞，呢個雞煲既汁冇令我失望，麻辣好惹味之餘亦帶少少甜味，可能係少少酒既原因。雞肉索晒啲汁，食到停唔到口。而花螺一樣係，佢勾起左我小學時期去街邊買一串串螺肉食既回憶，味道同口感不相伯仲。講到特色野食，呢個十全大保丸確有特色。出面係新鮮製墨魚丸，牛丸同蝦丸，而入面啲餡料絕對唔惹少，分別有蟹粉，黑松露，鵝肝，芝士同海膽。最鍾意蟹粉墨魚丸，事關墨魚丸好新鮮彈牙，蟹粉咪濃郁，配搭得宜。号外牛丸個牛味好重，加上芝士入口即溶，人間美食。餃餃陣有4款餃類，分別有魚皮餃，韮菜餃，鮮蝦雲吞同蟹粉蟹肉雲吞。不過不失，只係比十全大補丸比下去了。呢個芝士響鈴又係必食既。店員提醒響鈴係剛剛炸起，所以唔浸湯已經食得。我浸了兩，三秒就吃了一口。不得了，一咬落去濃郁芝士爆晒出黎，正到暈，亦非

平時返工真係好攰，唯有放工食餐好既作補償啦。一打開𨋢門見到大魚缸🐟，有好多大魚游來游去，立即醒神哂～🏙餐廳位於高層23樓，有大塊既落地玻璃可以望到旺角夜景，令我暫時帶走工作既煩躁感。🐔辣酒花螺雞煲 (半隻)🥘 $158叫左BB辣🌶，對我呢D唔太食得辣既人黎講，辣度剛好。雞煲見到好多唔同香料，雞肉夠入味，螺肉份量多，好彈牙，惹味之選。雞煲內既雞食哂後，就可以加湯。平時火鍋必點肥牛，極少食丸，但呢度丸甘有特色，又怕太飽，所以最終選擇棄牛吃丸。🍡🍢十全大寶丸 $132一共有五款，每款兩粒。🦀手打生拆蟹粉墨魚丸：蟹粉生拆，真材實料。🐾手打黑松露墨魚丸：充滿黑松露特殊的香氣，味道唔錯。👑手打黃金海膽黑墨丸：好多墨魚粒，充滿口感，海膽有鮮味。🦐手打香煎鵝肝蝦丸：表層有蝦味，鵝肝餡肥美，鵝肝味道充斥著口腔。🐂手打芝心牛丸：牛味濃郁，配埋香氣濃芝士餡，最好食係呢個。🍴餃餃陣 $88本身想食海中蝦🦐，最後無貨先改餃餃陣。有4款唔同口味既餃：魚皮餃、鮮蝦雲吞、韮菜餃、蟹粉蟹肉雲吞。無乜驚喜，蟹粉蟹肉雲吞較好食。🧀自創爆芝響鈴 $36響鈴係即叫即炸，表層充滿腐竹香味，內裡芝士如噴泉般湧現，超級極度邪惡！但好

虽然窗外是略显破旧的九龙西街景，好在够高，食物质素ok，虽然中午食鸡煲，亦看到本地食客选择套餐，整体评价：不贵又抵，很赞不算太咸，油腻程度适中。唯一遗憾：老板忘了上响铃，直到最后，已肚饱。上海来的朋友吃地几开心。

朋友話想試呢間 雞煲打邊爐⋯我就梗係碌一碌Open rich ⋯呀 Open rice人地影既餐牌先！我咁大食！梗係即時投訴朋友竟然揀間唔係任食既打爐爐？點個朋友一句「我要既係quality 唔係quantity!」Ok ... 我就陪你試一次到底有幾有Quality!*Book左兩位七點，去到即刻可以安排入座⋯咁岩見到Open rice有餐飲劵。原本$158 半隻雞，買左餐飲劵就可以享用全隻！梗係買啦！著數呢啲野⋯你懂的～*我地點左螺片花膠雞湯做湯底！是咁的！味道係唔錯！雞湯份量都幾多！但是⋯好快已經食到好口乾⋯如果⋯我係話「如果」，如果湯底加左味精令到啲味咁濃既話，我個人係十分厭惡既！*Any肥 朋友讓晒啲花膠俾我食！小姐我食骨膠原都食得幾高興！花膠大大塊好滿意！*然後兩條友好似岩岩放監出黎咁⋯無計啦⋯窮等人家食開任點任食⋯慣左多多款細細份⋯點知瀨野！份份都咁大份⋯*讚！-爽脆魚腩 堅多肉 堅爽口*超讚！-牛肋片 比起肥牛⋯我更喜歡牛肋片純粹食牛肉！又滑又無咁肥！-娃娃菜！甜到癲左！浸埋湯勁好味⋯*麻麻地！-手打唔知咩好似好珍貴果啲丸⋯其實粒粒都好大粒，好似係有黑松露之類果啲東西⋯

因為這次去香港前, 在開飯喇參考了很多道地的餐廳,也常常因為看港劇, 所以對香港的打邊爐超有興趣,所以就在開飯喇選擇這間火鍋店,因為我們太晚過去了, 所以到餐廳只有商業午餐可以選擇,打邊爐沒有提供(太可惜了),套餐的部分我們點了蒸肉餅跟雞肉飯;香港的蒸肉餅跟台灣的味道完全不一樣; 肉質蒸出不會有太乾或太柴的口感,而且雞肉的口感就是白斬雞的fu, 好吃不油膩;還有燙青菜跟例湯可以中和一下, 一餐下來其實也很有飽足感,雖然這次沒吃到火鍋; 下次來一定要再來光顧這間的火鍋

晚上在旺角行街時，聽朋友講好想食雞煲及想食火鍋，於是去左吞 pot 雞煲火鍋，一入到店便叫了個麻辣雞煲火鍋，在等野食期間見到店內魚缸中的好多條大魚游來游去好有動感，當店坐滿客人時好有氣氛。當麻辣雞煲火鍋上時，充滿著麻辣香味，當中有麻辣湯汁、雞、洋蔥、蔥... 食到滿口麻辣味覺，令人停不了口，飲啤酒再急不及待食雞煲，想食極不飽。再加湯汁做火鍋，叫了個開心樂園餐，包括：日本蟹柳、雞肉腸、芝士腸、午餐肉），火鍋時又另一番風味，食蟹柳和午餐肉，似附加小食，增添火鍋口感。

想食D無咁熱氣既午餐,上網查到呢間有得食雞煲火鍋又有住家菜的食店,如果食那時唔想食火鍋,食住家菜都好啊!一入去個場都多人,午餐時間D人多數食住家菜,也有人食火鍋,火鍋睇上去都吸引,有機會下次可以黎食XD~我地2個人點左2個住家菜。呢個蒸排骨臘腸飯,有菜有湯有飯,又有免費飲品,五十幾蚊,D飯多到食唔曬,好食啊,調味好似媽媽煮餸咁,O岩O岩好呢個蝦仁炒蛋五十幾蚊,蛋好滑,蝦夠爽口,好味道!一樣有飯有湯又有菜和免費飲品窗外景色出lift就見一個大魚缸呢隻龜好可愛喔,眼神夠精靈,影佢又唔怕鏡頭XD總括而言,如果鍾意食清淡健康既飯餸,呢間好符合到啊!

好嘅湯底係火鍋底嘅精萃，今次尼個花膠雞湯底嘅火鍋湯底，美容保生2合一，非常正，好多大件花膠，非常足料，因為甘，湯底都好膠、感覺每一口都食到滿滿嘅骨膠原😍，花膠好有嚼頭，好滑，好愛，雞都係好有嚼頭，好彈牙，好有雞味，食得到嘅新鮮🤗炸豬大腸係必點小食，如果晚上7點半前買單埋單離座小食配料半價，真係貼心的優惠、炸大腸係即點即炸，好脆好正。有嚼頭，距仲會配有喼汁，點落去酸酸甜甜、真係人間美食，生菜係好新鮮好爽，好新鮮、所有點的材料都好新鮮，全部即叫即整，可以食到即整嘅食物係非常好味嘅，所有材料都俾滋味嘅湯底保住，食到原汁原味，好甜

係旺角行完街唔知食咩好～近住係花園街果頭，朋友話不如去726棟大廈睇睇，話好多野食～望完水牌一輪，原來有雞煲食，好啦一於就試試～一上到去環境好舒服，仲以為打邊爐會好吵好大煙，但呢度通風做得幾好，唔會局～打邊爐雞煲當然係醬料最緊要！呢度既醬料都算多～話咁快雞煲就到了～我地叫了重慶麻辣雞煲的bb辣～兩個人的話建議食半隻就已經好夠啦，因為仲可以叫其他火鍋料啊！多蔥係我最愛既選擇！雞肉唔鞋，味道係偏重口味，如果唔食得辣，叫bb辣係岩岩好！食完雞煲之後就開始打邊爐啦～午餐肉係必叫。呢度既午餐肉質量幾好，唔係d普通牌子。生菜叫左2盤，因為我地太鍾意食菜啦！生菜加上雞煲d湯底，好入味，其實唔係點醬油都已經好夠味！適合喜歡重口味的人。湯底仲好濃，生菜滾完之後真係好正啊最後叫左金針菇，慢慢滾到索晒d雞煲湯底，真係好入味～呢餐無食粉面澱粉，但已經覺得好飽啦～食完仲可以吹下水，舒舒服服咁坐下

女朋友剛剛轉工，有好多野都要慢慢重新適應，為左鼓勵佢，就帶佢去食雞煲火鍋，朋友介紹一間位於旺角中心附近叫"吞POT雞煲火鍋，住家菜"，交通方便，好易搵。餐廳位於高層23樓，裝潢簡潔，景觀開揚，有大大塊既落地玻璃，望到旺角夜景。雞煲既種類很多，我選左一個最受食客歡迎既重慶麻辣雞煲，雞煲嚟到時已經熟晒，香噴噴，流晒口水，可以即食。一打開雞煲芫茜洋蔥香味湧緊出黎，望落雞既份量相當多，每件雞Size剛好又夠入味。雞的肉質不錯，煮得剛好又夠滑，因為第一次到訪餐廳，唔知道餐廳既辣度如何，只點了最基本的BB辣，起初唔算太辣，但食下食下，雞煲愈煮愈收水，麻同辣既味道就愈濃香，愈食愈惹味，原本只系想叫半隻雞再留肚打邊邊，但最後真系忍唔住，叫多一份滑雞片，再煮黎食食完雞煲直接加清湯打邊爐，火鍋配料選擇有好多，有肉類有海鮮仲有丸、餃子、蔬菜、麵等等，加加埋埋都已經十幾廿樣第一款一定要點餐廳自家製既"爆芝響鈴"！正到冇朋友^^即叫即炸，夾一舊試一啖，外皮好脆仲有暖暖餘溫，裹面既芝士就爆出黎出嚟，帶有些少咸香，好濃既芝士味，好吸引我地兩個牛魔王梗系要叫碟牛食下啦，餐廳提供肥牛肉既種類算多，有7-8款；而我地叫既