吞POT 雞煲火鍋.住家菜 (已結業)

早幾日就online book左呢間餐廳，參考過食評都不錯，決定去試試！今日係預訂食飯時間前上餐廳放低生日蛋糕，到夠鐘就同朋友一行5人到餐廳用膳，我地叫左個螺片花膠雞煲，味道不錯，可以煮得再濃啲，味道會更佳！推介手打不同味道既蝦丸墨丸，本人最愛鵝肝蝦丸！自家製響鈴和炸魚皮也不錯喔！大約2325，店員過黎話2345要清場，咁就叫店員清理枱面，諗住比驚喜朋友為佢準備生日蛋糕，點知店員從雪櫃直接幫我將蛋糕送到枱面，個一下我真係吾知比咩反應，店員放低蛋糕講左句“吾好意思，有啲趕！“但我後面仲有兩張枱係到打梗邊爐！我覺得你趕時間，但都吾差個5分鐘比我製造小小驚喜比朋友，就係咁所有驚喜被店員幻滅了，我真係好無奈！對餐廳員工有點兒失望，有啲店員好似發梗夢咁

上一次嚟吞pot係食辣螺雞煲，幾惹味今次同屋企人嚟就試唔辣既花膠雞湯離遠見到店員捧個煲己經聞到好濃雞湯味而且煲內勁多雞件同花膠，充滿膠質，係食得耐會比較多油十全大寶丸係呢度招牌有蟹粉、墨汁花枝、黑松露墨魚、芝心牛同鵝肝蝦丸每一粒都如名咁濃香而且都好彈牙我最中意墨汁個粒，大粒得嚟你會見到勁多墨魚粒，好爽店員話炸芋頭同響鈴係即叫即炸。響鈴係上菜個陣已經聞到好重豆香，聽到岩岩上獲既喳喳聲，浸三秒可以食啦，芋頭係外脆內粉，很實心安格斯牛小排分量都幾多，左下係我一隻手。唔好睇佢薄薄地，食落牛味好，油脂岩岩好，一粉足夠六個人食啦打邊爐難免要叫野飲，28蚊一杯大檸樂，目視有700ml架

呢個餐廳名好特別，吸引到我所以一於帶埋我個好姊妹一齊黎吞下ＰＯＴ啦女仔當然要補下啦所以嗌左個花膠雞煲呢個湯底既湯就咁飲真係好似屋企煲既花膠雞湯咁，超好飲好香好鮮，驚肥既飲之前最好片一片下Ｄ油，我朋友好飲到飲左３碗佢Ｄ雞好滑好多肉，應該係新鮮雞白菜腐皮索哂Ｄ湯汁，正牛既雪花分布好靚，而且好重牛味兩個女仔唔洗＄５００，食到好飽。而且值得一讚既係，餐廳內既廁所提供埋熊寶貝衣服清新噴灑唔洗驚食完火鍋有陣味，可以直接去下場見朋友啦

他們的材料新鮮和性價比高，好吃～環境不大，有落地玻璃可以看到旺角夜景，燈光蠻有feel，氣氛當晚比較熱鬧～先點了bb辣雞煲，一點也不辣而帶甜，適合不能吃辣的朋友，味道卻不是我杯茶，下次可以吃中辣或其他鍋底～吃完再打邊爐，首推大蝦，新鮮而彈牙，肉身緊實，五隻$98，我覺得抵吃～牛肉一大碟，味道有點奶香味，不錯；三鮮膠滑有魚，蝦，墨魚，墨魚滑好吃；珊瑚蚌蠻新鮮而且分量足，卻有腥味，美中不足；手打牛丸外型像玩燃猿的蛋蛋，但吃到很香的牛肉味，不過不彈牙；響鈴是新鮮炸的，要趁熱吃，好味；脆脘片很新鮮爽囗；鮮尤很爽口很鮮甜；豆腐很滑，蓮藕片脆囗，豆卜內裡蠻滑的，好像跟外面買的不一樣，菜算大碟，皇帝菜的梗好硬不好吃～飲料大檸茶和大柚子汽水蠻大杯～整體性價比蠻高，海鮮新鮮爽囗，手打丸好吃～

做完運動最好就食個雞煲 旺角呢間吞pot就腳之餘 ，環境舒服 ，完全唔焗束 仲要好乾淨 唔會油笠笠 服務都非常好 員工好貼心同親切好多款雞煲同湯底既選擇 雞煲底好香唔油 ，叫左bb辣 ，岩岩好十全大寶丸都好彈牙，全部都係包心丸 入面既料好多汁，亦都好夾薯粉比出面既幼身，過一過湯就已經食得 唔會好似平時咁痴晒係煲底 入左味既薯粉充斥住湯底既濃郁，好煙韌，正呀個人覺得必試既就係芝士響鈴 ！個響鈴十分十分咁酥脆，係酥到如果講野會飛晒啲碎碎出黎蜂巢豆腐好多層，完全將湯底既精華融入埋綿密既豆腐，一咬落去咇晒啲湯底

今日同同事嚟到旺角食雞煲 旺角雞煲有好多選擇今次試吓呢一間吞pot雞煲 見佢個名咁特別😎一入門口就見到個大魚缸 入邊有魔鬼魚架呢度嘅雞煲屬於散叫模式 材料都好多選擇啲名都好盞鬼😂我哋呢啲麻辣愛好者 就梗係揀麻辣雞煲啦雞肉嘅份量都好多 件件都大大嚿好多肉我哋揀咗少麻辣 因為驚太辣 帶定頭盔😂小辣啱啱好 麻味亦都好夠 加埋啖啖雞肉好惹味喔🤤另外都打邊爐嘅時候佢會有一個調味盤可以自己撈自己想要嘅醬 另外飲品都好多選擇 想啤一啤都得啊呢個頂級牛肉雪花均勻 淨係個樣已經好吸引食落口又滑牛肉味又重 正呢個十全大寶丸犀利啦 最勁嘅就係佢有驚喜因為你一日未咬落去你都未知道入邊到底有咩餡 全部味道都有驚喜 又夾又好味自創爆芝響鈴剛剛炸起送上枱 再點落麻辣汁嗰度 好正咬到中間仲會發現有半溶嘅芝士 好正好好味食麻辣雞煲點可以冇薯粉呢度嘅薯粉屬於幼身嗰種 淥一淥 好快熟😂幼身好處就係佢好吸味 🤤呢間雞煲好正 會再encore😎👍🏻

上次同朋友去食韓燒時見到同一棟大廈有好多唔同食店，其中一間就係今晚去食既吞POP雞煲！因為我們都被店名吸引了店內環境也不錯、就窗邊座位坐滿後會有一點點迫而已！調味料好多選擇，基本的蒜蓉、麻醬、辣椒都有齊我們選了「芫茜皮蛋鍋」湯底都算好足料下，皮蛋也比酒樓的火鍋多手打香煎鵝肝蝦丸（每碟6粒）外表跟墨魚丸差不多，但其實內有乾坤！內藏香味四溢的鵝肝粒手打墨魚丸我們另外也叫了半隻雞件來滾湯～雞肉好嫩，我們都後悔...沒有點雞煲呢⋯⋯脆肉鯇片牛柏葉 勁爽口蟹子墨魚滑必食推介 - 頂級安格斯牛小排肉質好嫩，而脂肪分佈好均勻，望上去偏瘦但食落不韌之餘仲好易入口，會令人食到停不了口！下次一定要同朋友再來食雞煲先得！

貴人出門招風雨小妹我唔係貴人不過今日落雨落到屋企附近水浸雖然水浸，不過都阻唔到我要食雞煲嘅熱情架！旺角站起來B1出口向太子方向行大約兩分鐘吞POT 雞煲火鍋一入到見到好大個魚缸，有好特別嘅魔鬼魚好有生氣多款火鍋必備醬料叫左杯特大咸檸七爽一爽主角雞煲出場重慶麻辣雞煲（BB辣）醬汁好濃，岩哂重口味嘅我😂雞肉都好滑，一隻雞四個人食唔夠半個鐘已經俾我地清哂太餓了連洋蔥都好入味配料十全大寶丸，5款特色丸類每樣兩粒餃餃陣，4款餃類共8隻樣樣都可以試哂頂級雪花肥牛，牛味重不得不提一下每次去邊火鍋都要叫嘅響鈴！自制爆芝響鈴新鮮炸起上枱，咬過時芝士漏出黎好正

是晚~~~黃雨夜，大雨到行一步都會全身濕晒既地步.........當然就要準時收工，相約摰友吞POT去這間餐廳位於旺角彌敦道大街上(近洗衣街)，地點非常方便，而且這座商業大廈內有很多不同種類食肆可供選擇。上次選了另一間，今次就試一試呢間啦........因為店名好得意啊餐廳喺23/F， 一開LIFT門便被這一個大魚缸所吸引了，裡面有好多好特別的魚啊，而且每條都好大條架店面算是中型SIZE啦，有10幾張檯，大約可容納60人左右。醬汁配料都有好多種，店員會先放低給我們自己混醬先。待我們混好後，才會收走，以便騰出檯面空間，等一下擺放火鍋配料我們這次點了莞茜皮蛋鍋，諗住清清熱莞茜皮蛋鍋 $65(哇 ~~~ 鍋內有好多莞茜同皮蛋啊，我非常中意，整鍋都變得好清甜啊)娃娃菜 $28唐生菜 $28(蔬菜非常翠綠，好新鮮，而且洗得好乾淨啊)手打香煎鵝肝蝦丸 $88(一咬開粒蝦丸就會見到鵝肝，原來塊鵝肝都唔細架。鵝肝被煎後放入蝦丸內，被煎過的鵝肝充滿著騷香，非常濃郁香口，而蝦丸大粒得黎又爽口彈牙。這個配搭第一次食啊，好味又特別，推介)手打墨魚丸 $68(墨魚丸大大粒，爽口又彈牙，而且好有墨魚味。)自制鮮蝦

香港人最愛火鍋，我亦唔例外。雞煲集合左雞汁既精華，加以優質上湯，yummy yummy!炎炎夏日，食辣野最緊要有大冷氣，唔洗身水身汗。吞pot地理位置方便，一入去就有個大魚缸，令人放鬆，可以盡情食同暢談一番！上菜快，雞肉嫩，醬汁惹味，辣度任君選擇。食完雞，加湯打邊爐。有上等雪花肥牛，肥瘦均勻，有厚度，有牛香！手打丸彈牙，有創意，色彩繽紛。不得不提既係芝心響鈴，新鮮炸好，膽到卜卜聲，芝心軟綿，多重口感😋野飲就大大杯，大大啖飲好爽好爽！

昨晚和朋友們去了位於旺角彌敦道726號23樓，吞POT 雞煲火鍋.住家菜。餐廳名字很有趣，而且位置亦相當方便，在旺角港鐵站出來三分鐘就到。一到餐廳，已經看到一個很大的魚缸，養了生猛的龍吐珠，充滿生氣。店員很有禮貌安排我們到窗口位置。可以望到外面的風景。我們點了芫茜皮蛋鍋，手打香煎鵝肝蝦丸，頂級安格斯牛小排，稻庭烏冬，手打黑魚丸，自制蛘蝦雲吞，鮮雞件，脆肉魭片，生柏葉，蟹子黑魚滑。芫茜皮蛋鍋清清地，感覺沒有食火鍋般熱氣手打香煎鵝肝蝦丸，第一次食，感覺很特別，蝦丸彈牙，但入面有一塊小鵝肝，幾得意的頂級安格斯牛小排，脂肪網紋分布平均，好味啊手打墨魚丸入了些墨魚碎，咬時又有些趙頭脆肉魭片很新鮮，好味啊生柏葉清潔得好乾淨，令人食得放心總結：吞POT 雞煲火鍋是整潔企理的火鍋店，如果有埋放題的話，就更加好了

朋友介紹黎到呢間旺角嘅雞煲火鍋店，店仔細細原來人流都幾旺，7點半開始已經滿座，好在我地有訂位，入座見到桌上嘅醬料，揀左炸蒜，蔥同xo醬，準備好就可以起動!朋友揀左花膠雞煲全隻，好大煲好足料! 湯頭好香，比起太濃味嘅醬爆麻辣雞煲正!超甜粟食落幾嫩，唔會太老/韌皮茶樹菇好大兜，夠滑丸類多款式，夠彈牙juicy，唯定價有點偏高。餃餃陣最正係韮菜餃，好大隻好足料炸芋頭成為朋友的最愛，試左1舊真係好好食，夠粉，好香芋頭味，吸埋湯汁更正。炸響鈴好大舊，夠熱夠脆牛小排雪花好靚，食落好滑好香牛味。打邊爐必備冰凍汽水，呢杯大檸樂就夠哂滿足朋友叫嘅西柚梳打賣相都非常好，甜甜酸酸嘅碳酸飲品可以消消油膩。每人約250蚊消費，特別推介大家試試花膠雞煲同牛小排

今晚同舊同學食雞煲，一到埗見到小小魔鬼魚係度漫遊，心諗，佢晚晚係度睇住人類食雞煲係咩心情....我心情就是要醫肚了，睇睇餐單，選擇都幾多，唔食雞煲都可以揀其他火鍋湯底。我地就揀左店員推介嘅螺片花膠雞煲，奶白色嘅雞湯味道濃郁，雞肉花膠份量足。隻雞好厚肉，嫩滑彈牙。松露墨魚丸好香松露味，仲有蝦丸都好彈牙。腐竹可以吸哂湯汁精華，香滑有豆味。生菜好新鮮，玻璃級別。蝦滑 墨魚滑份量大，整到十幾粒，鮮甜彈牙。粟米滾起囉…爽甜嘅粟米非常搶手。響鈴是即炸好香脆，淥3秒搞掂。牛小排好大碟，一眾牛魔王急不及待出手。淥起又爽又滑，係出乎意料地嫩滑，唔太肥，肉質很有水準，推介! 大吃大喝一輪，價錢相當合理，覺得真係大伙人聚餐好地方。

成日抱怨男朋友帶我去大排檔吃飯，佢話今日想打邊爐食雞煲，朋友介紹左一間有夜景既打邊爐餐廳真係咁正？一上到去真係有夜景！而且裝修都好高級，但價錢反而好平民，就係地鐵站附近，夠晒方便呀餓啊餓啊梗係叫個雞煲先！重慶麻辣雞煲bb辣，半隻都已經好大煲一黎就聞到真係好香麻辣味仲好多洋蔥同元西，啱晒我口味！D雞一d都唔鞋，而且好入味好想叫碗白飯食呀😂食完個雞煲就叫左火鍋配料。點少得生菜同午餐肉呢午餐肉加上個雞煲幾麻辣味真係好正🤤食到停唔到，生菜都好嫩，放入煲一陣就食得！最後d湯越煮越夠味，叫左份金菇，好滿足呀同男朋友飲左兩杯大檸茶，係平時茶餐廳份量既2倍，抵飲又抵食

已經第2次幫襯，覺得呢度雞煲同火鍋配料都好正，所以帶埋家人黎食，一坐底就見到大大條錦鯉同可愛的小魔鬼魚。今次叫左有2個推介的花膠雞煲$248，湯底非常出色，花膠夠大舊夠足料，雞肉新鮮份量夠，6個人一隻全雞剛剛好。十全大寶丸$132，最好食係芝士牛丸，爆出香濃芝士，又彈牙多汁。配料加追油麥菜，生菜，午餐肉，茶樹菇，粟米。茶樹菇最正，好粗，夠爽夠滑。炸芋頭熱辣辣上枱，好香，忍唔住即刻攞黎食，非常粉，好好味，推介。即炸響鈴夠香脆，火鍋必備。$188安格斯牛小排，上枱賣相好靚，份量非常足料，肉質爽嫩，牛脂味濃，有為火鍋劃龍點睛的效果。走嘅時候發現早走遲黎有半價咁抵，下次要就啱時間再黎過。