吞POT 雞煲火鍋.住家菜 (已結業)

女朋友心血來潮話想打邊爐。由於今日大家剛好都係旺角收工，就選擇咗呢間好近旺角地鐵站嘅「吞POT 雞煲火鍋.住家菜」。一出升降機就見到有一缸風水魚，心情大好。餐廳係市中心地段，樓層夠高，望落去旺角嘅夜景都幾靚。我地兩個人叫咗一客招牌螺片濃雞湯鍋 $98。雞湯湯底夠晒清甜，好多菇同埋螺片，夠晒足料。大檸樂 $36。大大杯，十分滿足。青島啤酒（大支） $24。打邊爐唔少得啤酒呀。自家製鮮蝦雲吞 $75。大大粒，鮮蝦夠晒爽，十分彈牙，幾好。份量仲有八粒咁多！羊肉片 $88。好新鮮一啲腥味都冇，肉質好幼嫩，幾好咬口，很滿意。自創爆芝響鈴（六件） $75。打邊爐必備嘅響鈴。新鮮即炸，一放低就已經聞到芝士既香味，炸到脆卜卜又好香。配搭雞湯底真係一流。稻庭烏冬 $33餐廳環境都幾舒適，絕對會再來。

香港人一年四季都打邊爐，我地都唔例外夏天都打邊爐。今次係黎係滋補養生火鍋-花膠響螺雞煲。雞煲未到先黎調返個秘製醬汁先，依間有日式芝麻醬，既時有啲日式風味。雞煲黎到飲返啖靚湯先，料好足大大舊花膠，響螺夠厚咬落仲好彈牙，湯鮮味香甜，我地要左半隻雞份量都好多，雞肉嫩滑。大家都飲左兩碗湯嘅時候就可以加湯加料打邊爐喇～必食芝士響玲，係新鮮即炸，滾一滾即刻食得，酥脆口感充滿芝士奶香，好味秘試。佢地嘅肉圓都好新鮮，粒粒爽口彈牙，雲吞同餃子都係新鮮人手即包，雲吞有大大隻蝦，夠新鮮。肉類選擇都幾多，牛都有6款唔同部位，食牛嘅朋友仔有口福，我個人比較鐘意豚肉，依間嘅豚肉真係好香肉味，而且份量好多，我地4個人叫左兩盤肉已經好足夠。打邊爐最緊要有靚湯底，佢哋湯底味道岩岩好，唔會過咸而且夠鮮，當然食物材料都好重要，依間嘅肉類所提供嘅部位都好岩打邊爐，睇得出店家嘅用心。

一入到黎就望到個咁大嘅魚缸，感覺好高級🤣🤣坐起店內可以望到咁靚嘅城景，真係好少有。望住呢個景食野真係心情relax咗好多😆😆重慶麻辣雞煲$178雞煲係吞POT嘅主打，中意食辣嘅我點會錯過重慶麻辣呢！？啲雞煮得岩岩好，好鮮嫩，一啲都唔”鞋”😋😋雖然我地只係叫左BB辣，但係麻辣味十足呀！食完雞煲就緊係打邊爐啦😍西班牙頂級黑豚豬梅肉$118呢個豬梅肉雪花紋勁靚，肥瘦適中，食落嘅時候好香豬味，同普通雪藏豬肉差好遠！而且都幾厚切，口感十足😍😍象拔蚌片$75象拔蚌海水味十足，而且食落好鮮甜，仲十分爽口🤤🤤唐生菜$38菜嘅份都幾足，配埋麻辣雞煲嘅湯真係好正呀！🤩🤩凍檸檬茶$36檸茶雖然有啲貴，不過勝在夠大杯，兩個人share都夠晒😆😆

打邊爐梗係要唔同嘅調味料，去調教自己最鍾意嘅醬汁啦！ 呢度嘅選擇都好多，包有你鍾意嘅配搭！menu都係選用剔剔紙，有啲item仲係自家製作！一般大路嘢飲都會有得選擇！芫茜皮蛋鍋～ 本身呢個湯底夠曬下火， 另外，仲放咗啲菇入去，增添鮮菇嘅香味！自創爆芝響鈴～ 一上枱，侍應已經提示，話係即炸嘅！所以要新鮮食！ 裏面有勁多芝士，襯埋脆脆嘅響鈴，真係perfect match！鯪魚滑～ 好新鮮，一啲腥味都無！自製韮菜餃～ 一咬落去就知道佢真係自家製，真材實料，家的味道！蜂巢豆腐～ 打邊爐必點，因為佢可以吸曬湯裏面嘅精華，夠曬入味！稻庭烏冬～ 用嘅都係靚烏冬，帶點爽口而又不失香滑！

今天約了好朋友食飯，朋友介紹這一間，聽說他早前吃過覺得不錯，所以特意提早預約，讓我可以試一試他介紹的花膠雞煲。我們都很喜歡打邊爐，而我們也很重視打邊爐的湯底，所以對這個花膠雞湯也期望很高哦！我們相約在餐廳樓下，大廈門口等，位置也很方便，很快便找到了，所以我們早了很多到達，但幸運地，他們盡快安排了座位給我們，讓我們不用停很久。這家餐廳環境不錯，寬敞，景觀不俗，座位也舒服。我們叫了一個花膠雞煲，牛小排，手打四寶丸，鹹檸檬七喜。我們下了單後，不用很久雞煲便來了，花膠及雞的份量也不少哦，湯料十足，雞味很濃，雞肉及雞胸也很嫩滑。朋友強烈介紹，這裏的牛很好吃，所以我們叫了一份牛小排，真的很意外，肥瘦的比例剛剛好，灼十秒，入口即溶，牛味很香，一點也不油膩。手打四寶丸，也是我們打邊爐常叫的。

今日黎到位於旺角嘅呑pot雞煲火鍋坐底就會有個9宮格醬料架俾你任加由於我地食第一轉7:30前走配料會有半價，所以都叫左幾個招牌配料個雞煲叫左重慶麻辣口味小辣一上就已經煲好食得個醬汁勁野味，帶有麻辣嘅口味超好食最後都叫左個白飯一齊食佢嘅雞件件都好有肉，唔會太多骨口感好滑呢個自創爆芝響鈴好大舊輕輕滾兩下就ok入面真係有好多芝士咖岩哂鍾意食芝士嘅人自制韭菜餃包得好飽滿皮嘅厚度適中，唔會滾兩滾就爛晒韭菜味好重食得出好新鮮另外就叫左個十全大寶丸有齊晒佢舖頭招牌手打丸類粒粒都好足料，入面有唔同嘅料叫呢個拼盤一次過可以試晒咁多隻味總體來講呢間雞煲鋪頭食物質素好高如果覺得有啲貴，不妨喺7:30前嚟食半價之後嘅配料價錢其實都幾平

我地6個人，叫6個小菜套餐一齊食，咁每人都可以食6個餸，好似屋企食飯咁，每人仲有一碟菜、湯同埋野飲，埋單都係每人$60。不過籠仔飯就唔岩share食，我地叫左一個，結果剩左d飯係到😐

星期三放工緊係要歎下，想坐得舒服又食得過癮，首選吞POT，雖然有少少貴，但係勝在物有所值，又唔驚俾人趕走~上次食過豬肚雞，今次就食麻辣重慶雞煲($178)，可以話係非常惹味，用咗洋蔥同辣椒一齊炒，配料唔多但係已經夠哂入味，辣味愈煲愈入味。雖然唔識分新鮮雞定急凍雞。但係雞肉都非常鮮甜。食得七七八八就可以加水打邊爐。自製爆芝響鈴($75/6件)，層層響鈴包住厚厚嘅流心芝士，非常邪惡，因戚係即炸，所以要快啲食，唔係嘅話就會冇哂口感。十全大寶丸($158)，粒粒都係手打，爽滑彈牙，入面嘅餡料都非常高檔又豐富，而且創意襯搭滿分，物有所值啦。

做野做得太辛苦，今日係時候慰勞下自己，就同朋友黎左之前都食過一次既吞pot打邊爐。晚市7點入座，已經非常熱鬧，所以一定要訂位。環境舒適，通風好，唔會有一大陣味，靠窗位置仲可以欣賞街景添。叫左麻辣重慶雞煲($178/半隻)，十全大寶丸($158)。非常推介麻辣重慶雞煲，可以自選辣度，叫左個BB辣試下。雞件炒得非常香，辣辣地令人流哂口水，每件都非常有肉，而且係足半隻份量，冇偷工減料。十全大寶丸有5款自家手打丸物，包括手打生拆蟹粉墨魚丸、手打黑松露墨魚丸、手打黃金海膽黑墨丸、手打香煎鵝肝蝦丸、手打芝心牛丸，每款有2粒，擺碟吸睛，每粒都好有份量同滑嫩，特別鍾意蟹粉同鵝肝丸，味道濃郁，而且食材好新鮮。而芝心牛丸入面既芝士多到爆哂出黎添。入座後，侍應會放上九宮格調味盒，按個人口味，選擇鍾意既味道。幾創新，而且鍾意點撈都得。整體，舒舒服服嘆火鍋，同鄰座座位唔近，唔駛趕住食。而且侍應服務唔錯。

兩個人想食雞煲，就上左黎E間樓上餐廳食了。一開始其實都無咩人，但係愈坐就愈多人😂。樓層夠高，窗口位景色非常好！！！好岩一班人一齊食飯，又唔係太嘈！一開始會俾左一堆野你調返個混醬先嘅！我就簡簡單單用左蔥同蒜蓉，仲加左啲佢provide 嘅麻辣醬。麻辣醬相當惹味，唔係大麻，但係好香。主角是雞煲！我地兩個人叫左半隻雞。友人不能食辣所以叫左BB辣度。其實都幾惹味。醬汁濃得嚟唔係得個咸字。洋蔥夠多，我就食得好開心😂，猶其係啲洋蔥soak晒啲雞煲汁果時。正！其實食完半隻雞都飽左5/6成。所以叫多份丸就call it a day 了。分別係蝦，牛，墨魚同黑墨魚丸。唔係行緊彈牙路線，但反而係好軟軟稔稔咁嘅！最後叫左杯西柚特飲減減個油膩感😂。

一入到去，最吸引就係呢個夜景，俯瞰整條彌敦道，情侶或聚會嘅好地方！而且一入到嚟店員就好主動招呼，仲攞定調味料俾你揀大致上有呢10種調味料，而我就揀左芝麻醬，味道夠濃，而其他配料如蒜頭，同葱花等都見新鮮。揀左個辣酒花螺雞煲（半隻），叫左小辣。對於我呢d唔係好食得辣嘅人嚟講算可以接受。由落單到上菜大約都等左10幾分鐘，相信係即刻整所以需時較耐。因為嚟到已經係熟哂，所以可以即刻食雞肉好入味，會食到好輕微酒味，仼何人都能接受程度。店員都好細心提供竹籤嚟整螺肉出嚟。螺肉份量都好多，有接近15粒。打邊又點可以無牛肉。今次揀左頂級雪花肥牛，擺盤都幾靚。至於食落去就唔算太嫩口，不過都夠牛肉味。油麥菜新鮮，四色丸全人手製作，個人覺得蝦丸最好食。黑墨魚丸同墨魚丸食落去就無咩大分別，墨魚味以墨魚丸濃少少，牛肉丸係無筋，食落爽口。最後多叫炸大腸。怕熱氣可以先放落湯裏，食落去相當爽口，最好味係個醬汁，酸酸甜甜，相當開胃。最後埋單差唔多800，有少少貴，但環境搭夠，而且臨走時見到特定時段有半價，不妨一去

很久很久沒有吃雞煲了，突然心血來潮想要來個香香辣辣的惹味雞煲，再加上剛好來到了旺角，就上了openrice 找了找，結果search到了這一家樓上雞煲店。一進來是一個挺有情調的金魚缸，真的有點懷念，店面不大，但坐得挺舒服的，我和朋友坐的是靠窗的地方，超大塊半落地窗旁邊就是聳立的高樓大廈石屎森林，景色很漂亮。店家非常貼心，把窗台鋪上了假草，還放了小雞仔超可愛，客人可以把包放在這。叫了一個香辣雞煲，$178，因為朋友不太能吃辣，所以叫的bb辣，加了一杯西柚特飲和一杯凍檸茶，各$36，和之後用雞煲醬煮了個薯粉，$36原價，7:30前結帳所以半價$18。先說雞煲，雞煲很惹味，調味很足，雖然不是超級驚艷但自有一種家常的味道，挺不錯的，不過雞煲會愈煮愈辣，所以就算是叫的bb辣之後也會變得有點辣，不能吃辣的朋友可以要走辣哈哈。兩杯飲品有同一特色，就是不！會！太！甜！沒叫少甜但它們都不會太甜，能喝出自家制的感覺。大大杯，配上超長飲管非常方便。最後是薯粉了，非常彈牙，拌了雞煲醬煮的很好吃，喜歡的話還可以蘸火鍋醬料，更惹味！這裡的火鍋醬料非常齊全，除了醬油外你有8種配料可以加進去調味，所以我調的醬料非常正

早排食過尖沙咀嗰間，覺得都幾吾錯，今晚約左老友去旺角食飯，想打邊爐吹下水，見到有呢間，又唸起上次好想試佢個花膠雞煲，於是乎再食多次啦😍今次呢間喺旺角同太子中間，東亞銀行隔離大廈，即使由旺角東站來都非常方便，而且易搵。約左7點，但我地早左到，好彩，佢地都好快安排到個四人枱比我地兩位用，室內環境都幾闊落，而且位於大廈23樓，坐喺落地玻璃前嘅食客仲可以飽覽美景。唔使諗，一坐低第一樣野就係叫咗個花膠雞煲先，等左差不多10分鐘，雞煲就到，我哋叫咗半隻雞嘅份量，但係都唔少喎，湯底好夠味，喺未放嘢落去前，我哋一人飲咗一大碗湯。雞好滑，好入味。最鍾意啖啖花膠，即刻覺得自己多咗好多骨膠原🤣上次試咗牛頸脊，今次食牛小排。真係冇得輸，呢個價錢絕對值得，雪花分布得非常均勻。手打院係我每次打邊爐必食嘅，因為佢夠彈牙😍叫咗杯大大杯檸檬茶，佢係正常size嘅兩倍，啱晒我呢啲打親邊爐都飲勁多野嘅人🤤

在旺角吃飯人多擠迫是必然，想找到一間餐廳能坐得舒適，一坐便坐上兩小時的真的不容易，今天就找到這間樓上火煱，讓我們吃個痛快。坐在窗邊，看著整個九龍夜色，其實蠻享受的。調味㗎乾淨整潔，款式足夠，是火鍋好伴侶。終於來了今晚的主角，滋補螺片花膠雞煲。湯頭非常入味，無味精，一喝就喝上三碗，非常滿足。雞肉嫩滑入味，份量充足。我的大檸茶，火鍋必備，可中和食物的濃味。湯滾了，一定要試試這個爆芝響鈴。整快芝士收藏在響鈴，再即叫即炸，非常新鮮，芝味爆燈。特級美國肥牛十分豪華，佔了三分一桌子，每片牛肉薄度適中，油花分佈平均，肉味較重。芋絲份量多，每顆都爽滑可口，尤其是沾上這滋補湯底，份外配撘。

由於今日落雨，天氣好差，喺旺角想暖笠笠嘅嘢，就同朋友決定咗去食雞煲！佢係旺角天橋一落就係，地點好易搵，一入到去唔會有雞煲火鍋嗰種油膩同煙味，反而環境清靜寬敞，坐得好舒服，我地個景係望住成個旺角嘅大嘅落地玻璃窗！令到我同朋友都堅持兩個坐埋同一邊一齊睇風景，食住野睇住風景好chill ! 開揚一點都唔焗促～仲有個魚缸睇魚！一來店員就比一盤9宮格醬料自己調配，生蒜加炸蒜最正！由於兩個都想食啲養生鍋，係花雕雞煲同埋花膠雞煲中決定飲完成個身都會暖笠笠嘅滋補螺片花膠雞煲（半隻）$208。一等鍋滾起，勁濃郁的濃稠感，但係味道又唔會好似落咗好多香料味精嘅重口味，係清淡舒服嘅湯，唔會好似出面雞煲用過多調味料搞到好鹹好口渴。雞湯亦都唔會太肥好啱女仔飲。份量非常之多，係我哋兩個掛住飲湯食雞都食到飽，所以最後尾都冇加其他配料，下次要留肚試配料！佢全部都新鮮製，十全大寶丸勁特別，好想試！仲有芝士響鈴，都係好獨家，出面未食過，下次真係要試吓！滋補雞鍋滾起撈走表面白泡同油就食得啦～材料方面，我最驚喜嘅係雞肉，仍然非常之嫩滑，因為通常煲嘅雞湯雞肉都會相對比較鞋，但佢口感都好好，唔會有雪味，雞肉好食！花膠呢啲對皮膚咁好