吞POT 雞煲火鍋.住家菜 (已結業)

今日難得放假，就同男朋友仔黎旺角食好野，慰勞下自己 booked 左夜晚八點半，入到去岩岩滿座lol 見到張Menu , 好多野食簡，招牌雞煲都六個呢排做野咁辛苦，緊係要滋潤下，想食咩就食咩！滋補螺片花膠雞煲唔係講笑，真係忍唔住要飲多兩啖湯先，睇到奶白色既湯就覺得好吸引，飲落味道都好濃一塊塊雞件，好大件，而且嫩滑，本身好鍾意呢種滑得黎又有口感既雞肉花膠同螺肉都好好味，花膠真心好膠，點解可以大塊到咁，啖啖都正，回味無窮！螺肉好彈牙，趁快食，因為煲得耐會縮水，早食早享受～～芒果味啤酒，2.5%酒精濃度only, 淡淡既芒果味，易入口，值得一試正常油麥菜雞子，男朋友至愛有大有細，我專簡啲細既黎食必食之選：芝士嚮鈴，輕輕浸落湯就ok, 好脆！咬開啖啖芝士，令人一試難忘差啲唔記得講，醬料有咁多樣簡，適合不同口味既朋友，我傳統啲，都係豉油、指天椒同䓤花臨走見到啲魚魚好治療，影番張相留念整體黎講，值得一試，因為我地得兩個人，食得唔算多，一班人黎食可以叫多啲唔同既野食！

一年四季都鐘意打邊爐 因為烚下烚下 自己鐘意食乜就淥 好自由～ 吞pot一直都是打邊爐既頭幾位選擇。不過一直都未有機會試既花膠魚翅雞煲 今次終於一嚐 好滋味。雞煲一上枱 見到湯底奶白色 已經知道好足料～ 魚翅大大片 花膠又煮得夠腍 再配埋雞件 基本上 兩個女仔 淨係食呢煲湯都夠曬飽。我地兩個女仔 飲左差不多2/3煲湯 先開始打邊爐。手打墨魚丸。識食既 一定食手打丸。彈身有咬口 食到粒粒墨魚 唔係麵粉做既丸。推介！朋友仔唔係好喜好肉類 所以配料都是輕食為主。蜂巢豆腐 索曬花膠湯 口感煙煙韌韌 次次打邊爐都會叫。花膠湯底好足料 唔油膩 所以好適合淥蔬菜類。萵筍爽口 油麥菜鮮甜 夠曬健康～ 鐘意飲啤酒既朋友 好多選擇👍🏻👍🏻順帶一提 7:30前離座或9:30後入座 半價！！岩曬我呢D會早放工既人。抵到爆！

今日放左學去左旺角行街，朋友話落雨趁天氣涼左小小就要去打邊爐。旺中附近就有間吞pot雞煲好似幾正，用openrice訂位有85折！見餐牌有滋補螺片花膠雞煲同辣油花螺雞煲都好吸引，但食雞煲就一定要食辣嘅關係我地就揀左後者。辣酒花螺雞煲個煲一上枱就好香嘅酒味，雞煲份量十足，螺都有唔少。入口雞肉好嫩滑，食落唔會好辣，但好惹味，仲食到好香嘅酒味。餐廳提供左竹籤比我地㓤花螺，食得好方便，啲螺都有好香酒味。自制蟹粉蟹肉雲吞雲吞比想像中大隻，掉落去煮到佢浮面就食得。雲吞入口好熱，要攤凍啲先好食，唔係爆汁就好易熱親個口。蟹粉味好突出，食到有一絲絲嘅蟹肉，好好味。蘿蔔打邊爐又點小得蘿蔔，每次邊爐都一定會叫。蘿蔔入口清甜，無渣。薯粉薯粉都係食辣邊爐唔小得嘅主食，薯粉索曬d湯，好入味。呢隻幼身嘅薯粉比粗身嘅更加容易入味同好食！

記得這裡有一家雞煲火鍋，相約朋友一試！景觀開揚，坐位闊落！有調味盤一早放置桌上，醬料選擇挺多！😍選了滋補螺片花膠雞煲，湯很入味，配上嫩滑雞件，喝個不停，點了蜂巢豆腐索味，味覺享受！還有驚喜的是自創爆芝響鈴，職員稱即炸叫我們新鮮熱騰騰地吃，裡面芝士很香濃，一件份量已夠！😋點了一盤特級雪花肥牛，份量很多，肉質鮮嫩，不錯！除了肉當然也有菜，娃娃菜浸雞湯很入味，不用太有罪惡感☺️☺️叫了一枝柑桔檸檬，鴻福堂枝裝，夠方便！

一個鍾意打邊爐嘅人無論係天氣好凍或者天氣熱，都唔會放棄佢去打邊爐決心，今日我就同我個friend去到一間叫做吞Pot打邊邊。一入到餐廳就畀我有一個好好嘅印象。因為一入去就會見到一個好大好靚嘅魚缸，除咗好靚嘅魚缸之外仲可以望見一個落地玻璃，係度望出去，可以望成個旺角嘅夜景。加上係23樓嘅關係可以望到更寬更廣嘅夜景，俾人有種好浪漫，好舒服，輕鬆同高級嘅感覺，喺度打邊爐真係令人更加開心。除左食物質素之外，餐廳環境都係好重要㗎，學食神話齋: 作為一個廚師，應該考慮到食客最細微嘅心理，所以呢間餐廳完全做得到呀！講完餐廳嘅環境當然唔少得介紹下呢度招牌食物，而呢度最出名的就係呢個招牌螺片濃雞湯鍋， 呢個湯真係不得了，除咗足料之外，你可以見到成鍋好白好濃郁， 慢慢煲滾之後成煲湯嘅香味出曬黎，我地忍唔住手即刻試返啖湯，飲完之後覺得雞湯同螺片簡直係絕配，我直頭想飲曬成煲湯，不過我知好食嘅野梗係要慢慢享受，慢慢品嘗。講完湯底，跟著就係講下打邊爐嘅料啦，今次我地叫左牛柳粒、十全大寶丸、芝士響鈴，仲有其他配料等。先講講呢個十全大寶丸，呢個真係一次過滿足你五個願望，可以試曬所有丸類，包括手打香煎鵝肝丸、手打芝士

朋友說看到openrice有半價雞煲優惠，便決定買優惠券一試。靠窗座位感覺開揚，適合三五知己相聚。調味架除了一般配料，另外還有麻醬和沙茶醬等供應。雖然有優惠，但雞煲仍然是很足料的，有很多花膠和雞件，還有一些秀珍菇。打邊爐前當然要先喝湯，才能品嘗湯底真正的味道。湯底很濃郁，忍不住先喝了兩碗。肥牛很大盤份量多，色澤呈鮮紅色，脂肪分佈均勻而且肉質軟腍，對愛吃牛的我來說很享受。爆芝響鈴名字很吸引，上桌時店員表示是新鮮即炸，輕輕灼一灼過後中間芝士慢慢融化，味道卻不會覺得很膩。手打芝心牛丸非常飽肚，手打牛肉配上融化的芝士味道很配合。最後當然要點一個烏冬作結，非常滿足的一餐。

今日休息同娘親去旺角行街，食完lunch、行街、行到攰媽媽系openrice搵左間餐廳再食晚餐，話同我滋補下甘話喎原來佢同我去食滋補螺片花膠雞煲，又幾有新意！辣雞煲食得多，花膠雞煲又真係未食過！我地食頭圍1730就最好，唔洗等位、仲可以簡坐窗邊睇下個旺角街景，可惜天公𣎴造美落雨，如果唔係個景色就更加靚1930離座仲有半價！我地點左：1. 滋補螺片花膠雞煲 半隻（$209）2. 自家制鮮蝦雲吞（$75）3. 珊瑚蚌（$115）4. 特級雪花牛肋片（$198）滋補螺片花膠雞煲 半隻雞煲一上菜就好想飲晒啲花膠雞湯，湯頭好香雞味，而且膠質好重，飲完有啲粘口添螺片、花膠有好多塊，而且都幾大塊添！侍應姐姐幫我地較左個「蚊之火」，保溫得黎又唔會煮老啲雞件，食到最後仲好滑自家制鮮蝦雲吞（$75）有8隻鮮蝦雲呑，佢係配左蔬菜黎做個雲呑，味道好夾，而且隻蝦好大隻、新鮮、同爽口，豬肉餡嘅調味恰到好處，成隻雲吞係食得出自家製嘅，又真係同出邊其他餐廳嘅雲吞唔同味道珊瑚蚌（$115）成隻碟都鋪到滿晒，顏色橙紅、有光澤、夠新鮮，煮咗大概30秒左右，點埋豉油嚟食，夠爽口特級雪花牛肋片（$198）我減肥唔想食肥牛，怕會

誤打誤撞上網搵到呢間雞煲。心口掛住一個勇字再戰新嘢。麻辣重慶雞煲（少辣），喜歡那種麻麻的感覺，越吃越辣就是精髓。雞肉好鮮，嫩，滑，有雞味，麻辣好好味，跟之前吃其他雞煲的味道很不一樣，惹味更多。西班牙黑豚肉，上枱個陣還以前落錯牛肉，因為那個雪花美到跟牛肉分不清。很有豬的味道，很鮮，沒有雪藏味，不沾醬也覺得很好味道。吃過才知道，貴，一定有佢的價值。滑嘟嘟（墨魚滑+蝦滑+鯪魚滑）墨魚滑係最好味，裡面有一粒粒的墨魚粒，好有咬口又彈牙，好有墨魚味。一讚。蝦滑也很好味，但不及墨魚來得鮮甜，口感比較膠了一點。鯪魚滑也好好味，若不喜歡有骨的魚就不要吃，因為頗多細骨，但好有鯪魚鮮味。油蜜菜，正常，不過加落雞煲裡，都沾滿了辣椒，很嗆喉。青瓜特飲,好清新，配雞煲一流。服務好好，店員又細心。因為剛巧碰上遊行，埋單離開時店員還囑咐小心點回去，行太子會安全點。感覺很窩心呢還有靚靚的夜景可以看，簡直物有所值.

今次又黎吞pot 食最愛的自家菜午餐今次個menu，好似樣樣都好吸引，留意如果遲黎有時比較受歡迎的款式會賣曬，入之前要留意最終決定要F 餐先黎碗老火湯，今次係雪耳粟米湯，好清好甜，好潤。之後到主角出場喇!!!!!咖哩味好濃，辣度適中，如果對唔食得辣的人黎講可能勁左少少，薯仔等配料都好足，一如以往咁好岩大食一族，食完唔同下晝冇力氣番工做野💪🏻💪🏻牛腩方面，好Lum 好軟，好好食一個令人好滿意的午餐🤗🤗

最近覺得身體好似有D潺,好易傷風感冒，於是就約埋朋友出旺角去食下藥膳雞煲補反下先，我地行到去旺角與太子交界附近時，見有棟大廈有好多餐廳係裡面，其中有間食雞煲都聽過下幾有名的，一進入lift 內，每間餐廳位處的樓層都很清晰顯示於lift內，到達23/F 門一開，眼睛望到的是一缸大大的深海魚，色彩鮮豔非常吸引人投注目禮，其中有條很大又黑又有斑點的魔鬼魚，牠不是平時我們所見到啡黑色的那種魔鬼魚，我差點以為那是玩具魚。店員帶我們埋位坐低後，我們開始睇餐牌，單係雞煲既款式都有成7種，當然我緊係會選擇叫花雕藥膳雞煲啦，朋友仲話想食下些小食菜，於是我地揀左個比較健康的吞pot招牌沙律。隔左一陣，店員拿著雞煲黎幫我們起火，店員提醒我們說現在巳可以即食，跟著招牌沙律也送到，當中有蘋果條、生菜、蟹柳絲、蟹籽加上麻醬，食落清甜美味，唔會太流。食完沙律，我們便開始進食雞煲，藥材味好香，而湯內會見到有北芪、當芯、紀子、紅棗和准山等藥材，我地二人唔係好大食，所以只係叫左半隻雞，雞肉都好入味，我地一直煲住食，所以肉質唔會話太嫩滑，我倆食完仲飲哂煲內的所有湯，一滴都唔浪費。

今日好友聚餐, 有成6 個人, 所以決定去食雞煲兼打邊爐 ! 由於全人類都係九龍人, 所以今次我地決定試新菜, 去咗旺角食吞pot雞煲 !叫咗個辣酒花螺雞煲, 汁底味道濃郁, 但建議嗜辣者可以叫中辣或以上, 因為小辣係唔多辣的。雞件十分嫩滑入味，花螺亦夠鮮味! 成個湯底加咗3-4次湯都仍然十分夠味! 食肉獸嘅我地叫咗一個頂級牛小排同豬腩片, 肉質十分軟熟 ! 不過講到是日favourite 都係個蟹子墨魚滑,  夠哂彈牙 !仲有叫咗個十全大寶丸! 有5 款不同料餡料, 每款2 粒! 本人係成功爭取到粒黃金海膽黑墨丸嚟試 味道不錯 ! 真係有海膽係入面 !!!至於飲品方面, 就叫咗個青瓜特飲。感覺似青瓜梳打 ;) 食濃味雞煲配清清地嘅青瓜飲料係幾一絕 ! 

尋日 雖然好熱 但係突然之間好想打邊爐所以就去咗呢度打邊爐 第一次食就一於試下佢個招牌邊爐 花膠雞煲 要讚既係 初初驚個鍋會同張相好大出入 花膠少咗冇雞個湯唔奶白色 咦~ 又似模似樣喎 多花膠多雞 個湯奶白色嘅 第一印象幾好 d花膠係有骨膠原feel既🤤🤤 有d似媽媽煮嗰d 好好味除左花膠雞煲 我哋仲order咗生蠔， 魚腩， 芝士響鈴， 肥牛， 同埋叫咗 一杯咸檸七。 全部食物都多幾高質生蠔應該係嗰啲急凍日本廣島生蠔， 佢每粒都好大隻就咁烚都唔冇腥味係呢度食完之後引到我想買返包急凍生蠔自己喺屋企煮嚟食脆肉鯇魚腩正正常常芝士響鈴同出面嘅響鈴好唔同， 佢個響鈴好大舊好脆裏面有啲芝士。我覺得唔浸黎食會好食d。 平時唔鍾意食響鈴㗎我都食咗成條。 推介大家試下。最後提提佢個位置地鐵出口行四分鐘到就到啦尚算方便

打算揀一間唔限時的餐廳，可以方便跟朋友聊天。朋友搵到這間。上到去，還境都可以，要讚的，是有街景睇。我們叫了一個麻辣雞煲(中辣)，鮮支竹，午餐肉酥炸魚皮，生菜，特級美國肥牛，手打四寶丸，餃餃陣(餃子)等。另外叫了飲品(大咸檸七)。雞煲味道一般，最差的是四寶丸，完全唔新鮮。咸檸七的汽水，冇汽的。之後叫了炸響鈴，雖然是即炸，但偏了火，有點兒燶。埋單$1,275，3個人食，如果這個價錢食放題，一定會好好味。

黎到旺角，任食邊爐就十分之多，有時唔想撐到咁飽，同食好d，就可以黎到主打高質食吞Pot環境方面環境就十分抵讚，望出窗外，睇到香港晚市夜景，十足去左酒店食Buffet咁正。枱與枱位置都算寬，打邊爐黎講，環境十分抵讚。食物方面1）叫左個雞煲，小辣，辣椒落得夠足料，食落好過癮，唔錯，食得辣既朋友絕對值得一試2）打手丸同餃，價錢上比其他店的確係貴左d，但勝在料勁新鮮，見到真係手打出黎既，仲要打到起曬膠，另外餃方面，亦都好足料，皮薄3）不得不提佢個邪惡既芝士響鈴，本身響鈴已經夠高卡路里，加埋芝士真係十分邪惡呀。不過堅係好食，岩岩炸起既響鈴放落去拖一兩秒，就最好不過既食法，拎上黎食到佢既香脆，又不失湯底既精華。

今日約左舊同事係旺角見面，所以揾左呢間吞pot雞煲，個名好有創意，朋友食過都話唔錯。一入黎就見到大大個魚缸 好搶眼唔好以為哩到得雞煲食 打邊爐都有幾款湯底揀 食物款式都好多架 雖然唔係任飲任食 但食物質素係好高質 諗左好耐之後終於決定叫極品雞煲翅 因為個個煲都好吸引咁。我地2個女仔所以只係叫左半隻雞 個煲黎到好有驚喜！因為真係有大大舊既魚翅架 而且數量都唔少 啲湯好鮮味 我地差不多飲哂啲湯 飲完啲湯已經好飽 由於我地都好細食 所以只係另外叫左手打墨魚丸，萵筍片，蜂巢豆腐 同埋油麥菜 總括黎講 哩到環境舒適 食物有質素 絕對值得再黎呀~