吞POT 雞煲火鍋.住家菜 (已結業)

據說吞Pot嘅雞煲幾出名，但係好耐冇打邊爐所以決定叫個豆腐清湯鍋（好似健康啲😂）個豆腐湯底有豆腐菇同埋蕃茄，都幾足料👍 一坐低就俾咗個九宮格調料俾我哋，阿妹最鍾意麻醬，好開心呢間有，我就試左麻辣醬，同雞煲嘅味道好似🤣叫咗牛柳粒，好有牛味夠新鮮，豬梅肉同平時食嘅豬肉片差唔多😌 鮮蝦雲吞入面蝦大大粒，牛柏葉好大碟吾錯，值得一提嘅係佢有芝士響鈴，而且芝士味好濃郁，芝士fans一定好鍾意👏我哋仲嗌左個小食脆皮炸大腸，呢個好啱我嘅口味，平時食嘅炸大腸成日都會中間一堆脂肪好油，但係呢度唔知係咪炸嘅方法唔同，脆皮得來中間咬落去覺得好似有筋既感覺，而唔係覺得食緊一堆脂肪，好好食😋最後好驚喜嘅係我哋今日比較肚餓所以五點幾就嚟，而原來七點前買單係所有配料都五折，我哋人均消費只係一百六十‼️仲平過任食火鍋😍😍原來佢午時都有做lunch set，幾平，如果我喺附近返工應該會嚟食下😌😌

☀️吞Pot雞煲☀️位於旺角樓上鋪☀️食雞煲亦可睇景🏙🐔滋補螺片花膠雞煲 💵208🍀🍀🍀🍀🍀🍀🍀🍀🍀🍀我同朋友見到menu 上花膠雞煲有👍🏻👍🏻就試試佢🤣同埋覺得花膠雞煲唔係到到都食到～我地2個人就嗌左半隻雞🐔入面湯底由鮮雞🐔、花膠、秀珍菇🍄、螺片而熬成～雞肉又滑又多肉😆花膠又勁大舊，而且又彈牙又腍👍🏻 湯底勁入味可以就咁飲，不過啲雞煲耐左會有層雞油，需要𢳂走啲油先～🦐蟹籽蝦滑💵88🍀🍀🍀🍀🍀🍀🍀🍀🍀🍀勁大份，面頭上用蟹籽黎裝飾👍🏻食落勁有蝦味，而且好彈牙，就算飽都要食多幾舊😂🧀自創爆芝響鈴💵45🍀🍀🍀🍀🍀🍀🍀🍀🍀🍀為左唔好浪費食物，我地只嗌左3件芝士響鈴試試先🤪點知真係好大件同好飽😂😂 外面脆卜卜，入面啲芝士同響鈴真係好夾～☀️Ps:唔好浸太耐，入面啲芝士會溶晒落雞煲到～🥬菜菜藍💵70🍀🍀🍀🍀🍀🍀🍀🍀🍀🍀菜菜藍入面有冬菇🍄、秀珍菇🍄、金針菇🍄、生菜🥬同埋白菜仔🥬雖然我地以為有粟米🌽同番茄🍅反而啲菇菇🍄好多～☀️整體而言，食物質素都不錯，尤其係花膠雞煲好滋補又入味，食物份量又多，個人認為芝士響鈴必食🤤真係有驚喜～

今日行過旺角想食雞煲見到大家都推薦呢間所以就上咗去食啦 上到去就見到一個好大嘅魚缸有好多唔同種類嘅魚 都幾靚㗎 呢度好大仲有好大嘅落地玻璃可以欣賞到出面嘅景色咁佢哋最大特色就係雞煲啦有好多唔同種類嘅湯底 而今次呢我哋就選擇左滋補螺片花膠雞煲 雞就揀咗全隻 首先我就飲咗啲湯先啦湯好重螺片同埋花膠味好好飲 唔會係好稀嗰種雞湯 煲入面仲有啲菇 都好入味 螺片都好好食餸就叫左芝士響玲 大家都推薦呢款野食 果然食落去好有滿足感呀響令入面嘅芝士咬落去就爆出黎 一定要試 另外就叫左d菜同腸推薦大家經過旺角都可以上嚟試吓呢間店啦

Had a gathering dinner with my boyfriend tonight here. This is our first time trying this hotpot place. I booked a table at 7:30pm tonight and there was no waiting time. The ambient is spacious I think. The restaurant is located on 23/f of a commercial building, so you can even get a clear view of Mong Kok if you sit close by the window. And lucky we just sat by the window side that day.Their signature dish here is “chicken pot” 雞煲. It is basically a pot of chicken. You can choose whole or half

今日決定左食雞煲上網搵下搵下發覺呢間好似好多人食訂咗位去到唔洗等叫左麻辣雞煲BB辣但係哩個程度已經超出左我承受辣道 一路食一路流鼻水 哈哈哈不過材料夠新鮮 手打蝦丸黑松露丸非常好食芝士響鈴同魚皮都係即叫即炸 好脆打手切肥牛都好有水準 唔係太肥另外再叫左個桂花蚌 新鮮一流雞煲比較辣 但係加左湯打邊爐之後就冇乜事不過飲左支啤酒就冇咁辣如果網上訂整個套餐就真係好抵食

之前同同事嚟食過，食物唔錯，所以今日又同老婆嚟encore～上次嚟食辣酒花螺雞煲，今次原本想揀第二款，但又抵擋唔住辣酒花螺嘅誘惑，所以都係叫返呢款雞煲今次我哋兩個人就食半隻雞，BB辣。雞煲好快就上檯，聞落好香好惹味。食雞煲最緊要梗係啲雞，呢度嘅雞件肉質都幾嫩滑，就算個醬咁入味都食得出雞有雞味；辣酒汁略帶麻辣，酒味香得嚟唔嗆口，非常惹味。花螺食落冇沙，爽口彈牙，用嚟送啤酒真係一流雞煲啲料嘅份量都幾多，我哋兩個人叫多幾份配料打邊爐已經好夠飽。我哋叫咗十全大寶丸、餃餃陣同自創爆芝響鈴。十全大寶丸　$158手打生拆蟹粉墨魚丸睇相可能睇唔出，真係有一絲絲嘅手拆蟹肉，啖啖肉！手打黑松露墨魚丸好重黑松露味，唔洗點豉油都好夠味。手打黃金海膽黑墨丸入面啲海膽甜甜地，唔錯。手打香煎鵝肝蝦丸個人最鍾意呢款，真係食到粒鵝肝喺入面，肥美得嚟唔油膩。手打芝心牛丸唔小心淥耐咗，爆走咗啲芝士，但一咬落去依然有啲熱辣辣芝士就流曬出嚟餃餃陣　$120有自製韭菜餃、自家製鮮蝦雲吞、自製蟹粉蟹肉雲吞同魚皮餃，每款兩隻。啲餃皮薄而餡多，好足料。自創爆芝響鈴　$45響鈴即叫即炸，香脆新鮮，芝士邪惡濃郁！

好彩一早訂咗位，平日晚上嚟到都幾full。湯底夠味，基本上我哋都冇點過醬料。辣酒花螺雞煲　（半隻）雞煲一上枱就食得，香辣惹味，份量足料，啲花螺好似食極都仲有咁雞肉同花螺都好入味，不過BB辣對我哋嚟講都係辣咗啲，職員就推介我哋下次可以叫再BB啲嘅BB辣食到咁上下就加湯打邊爐，我哋專攻啲自家製嘅配料，出面食唔返呀嘛～餃餃陣選擇困難症嘅我哋揀咗呢set餃餃陣，就可以一次過試曬佢嘅特色餃子喇：自製韭菜餃正正常常，都幾飽滿多餡。自家製鮮蝦雲吞蝦夠彈牙，皮夠薄，好食。自製蟹粉蟹肉雲吞真係食到滿滿嘅蟹肉，如果想散叫一款餃，最推介呢款。魚皮餃幾爽滑同彈牙，穩陣之選。自創爆芝響鈴新鮮即炸，芝士多到漏出嚟，就咁食已經好正好濃，兩個人揀細份（三件）啱啱好。十全大寶丸又係一set過唔洗諗有齊最特別嗰五款丸，全部手打，口感緊密扎實。整體上呢度啲食物用料都幾新鮮，而且款式特別，所以一直人氣高企都係有原因嘅～～

一出lift門就覺得好有生氣 魚缸好大，好想快d入去一探究竟環境企理，無咩雞煲火鍋味。通風幾好望窗外風景都好靚。落地大玻璃底下，透光度唔錯，夜晚景色都幾唔錯，雞煲火鍋黎講。環境算係有8/10之前聽過唔少朋友講佢雞煲高汁，要去try try。一坐低，雞煲選擇都多：有辣有唔辣，風味多選擇。仲可以加其他配料👍🏻等咗好一陣，期待已久嘅雞煲終於上檯la🤩🤩🤩🥳一上即刻食得😋有別於一般雞煲，有兩點：1. 佢每一舊雞，都係被滾油包覆住（辣椒籽溶於油中；加上辣椒、香料炒好，配上香芹芫茜。2. 佢雞味香，肉質唔錯，應該係文昌雞黎。之後轉咗清湯打邊爐，用返本來雞煲嗰底。咁就出事喇🤢🤢 皆因佢本身太足料（我地叫bb辣）頭一浸，我地落咗d好新鮮嘅油麥菜（份量足，夏天買到咁新鮮嘅真係都幾足本）🥵🥵辣到pk呀。 之後落d肉 落d粉絲即刻好返好多🤭鮮打肉丸，無咩加麵粉，感覺幾健康，肉質都鮮甜 唔太洗點醬食。整體感覺 ： 雞煲 8.5/10👍🏻👍🏻火鍋：唔建議繼續用雞煲底，可以的話加錢換其他湯底。佢火鍋料都靚，價錢反映都食物質素同份量，唔信你可以試下la🙂🙂

疫情開始之後都好長時間冇出過街打邊爐，今次放工就同朋友嚟到呢間雞煲店食番餐好既～雙拼湯底 $95我地就揀左豆腐清湯鍋同香濃沙嗲鍋～個鍋一嚟到就超香沙嗲味😆本身諗住清淡啲就叫咗個清湯，結果最後都係係咁食沙嗲鍋，沙嗲鍋最在太香濃❤️牛三郎 $278又一款啱晒選擇困難症嘅朋友，呢一款有牛腩片，雪花肥牛同埋牛柳粒，個人認為牛肉唔使煮太耐，就算睇落有少少紅都OK，咁樣食唔落肉質最鮮嫩！！爆芝響鈴(三件) $45呢款係佢地既自創菜式，我自己都好鍾意，喺沙嗲鍋煮幾秒然後一咬落去，滿口芝士味，但又唔會覺得好膩，芝士控必叫！皮蛋 $18 我同朋友就就咁調麻辣口味既醬汁點黎食，過下口癮，皮蛋都冇乜特別～中規中矩😗開心樂園餐 $72呢一份我就覺得唔算特別抵食，因為份量唔算多，性價比唔算高，但都幾鍾意佢哋嘅午餐肉，應該係炸過嘅，食落真係香啲🤤龍口粉絲 $33碳水化合物怪人打邊爐當然唔少得主食🤣我自己就鍾意放落沙嗲鍋煮然後撈芝麻醬食，超邪惡但好滿足～甜甜咸咸既味道好過癮～菜菜籃 $70健康人士（扮）出去打邊爐當然唔少得菜，唔食返啲綠色嘢點得呢🤣🤣呢個菜菜籃入面有小白菜同生菜，仲有幾種菇！啱晒咩菜都想食嘅朋友仔整體

放假去旺角行下，咁啱撞到中學同學，好耐冇見，搵間餐廳坐低聚下舊，睇到有吞POT 雞煲火鍋.住家菜，位於樓上23樓，同學話幫襯過都覺得唔錯，一於齊齊食火鍋，邊食邊傾。餐廳主打雞煲和火鍋，因為我哋得兩個人，唔食得咁多嘢，所以只選擇食火鍋。喜歡食魚的我見到有鮮魚湯鍋，立刻order，好快一煲熱辣辣嘅魚湯就在眼前，用火滾住飲，真的像在家飲緊阿媽煲的湯，奶白色有鮮味，豆腐嫩滑，秀珍菇爽口，還有蕃茄。自創爆芝響鈴，即叫即做，即食香脆可口，中間的芝士好惹味，放入火鍋吸收湯汁食也不錯，魚湯加埋芝士，又是另一種滋味！西班牙頂級黑豚豬梅肉，豬梅肉肉質好鮮嫩，油脂味道甘香，豬肉味香濃。手打蝦丸比較普通，唔夠彈牙。

陪阿妹去花園街買嘢，天氣熱到唔想行，等佢買完立刻搵餐廳食嘢兼休息涼下冷氣。去咗附近嘅吞pot 雞煲火鍋食火鍋。入座後，侍應即送上火鍋混醬調味料。阿妹好鍾意火鍋店的招牌鮮魚湯鍋，一上檯立即飲返碗，奶白色的湯味道好濃郁鮮甜，還有蕃茄、豆腐和菇。西班牙頂級黑豚豬梅肉：外表肥美，脂肪比例分佈均勻，口感柔嫩，一咬落肉汁香甜四溢，肉味之香濃絕非一般的豬肉可相比。自家製鮮蝦雲吞：雲吞以鮮蝦、豬肉和韭黃包裹而成。皮薄餡多鮮蝦爽口。

之前去尖沙咀食過呢間火鍋，覺得唔錯，所以今次帶埋屋企人食旺角分店，今晚去到都幾full，全場差不多滿座，最好真係早一日打電話book位先，就唔洗等位配菜料都幾吸引，丸類基本上都是手打系列，亦有不少特色小食，當中炸魚皮、炸大腸睇圖真係好吸引👍🏻菜菜籃 $70打邊爐一定會叫菜籃，主要有金菇、茶樹菇、冬菇、生菜同白菜仔，滿滿一籃，蔬菜新鮮，洗得幾乾淨滑嘟嘟 $120三款滑都好想試所以就叫左呢個總合滑，分別有蟹子墨魚、蟹子蝦滑同鯪魚滑，鯪魚有少少腥🙈所以加左蔥去除味道，彈牙方面我比較喜歡墨魚滑，爽口彈牙，稠度都幾高，唔洗再加調味直接食都好味🤤炸魚皮 $65因為即叫即炸既關係，所以都要等候時間，但都幾值得一等，魚皮唔會油淰淰，咬落好酥脆，魚皮香脆且無腥味，不過如果冇咁碎口感會更佳

已經好耐冇食雞煲，有朋友帶路黎到呢間吞POT火鍋店，地方唔算大，大約有20張檯左右，抽風系統不錯，周圍唔會煙霧彌漫呢到除左火鍋之外，午餐仲有住家菜可以叫，套餐包左湯、菜同飲品，平均一份餐$60內，外賣仲有折扣，都幾抵食👍🏻點餐途中店員就送上調味盤，共有9款配料，醬料每位收$12，乾淨衛生上菜都好快，好快就齊哂食物，冇漏單，份量比想像中多，三人食都食唔哂🙈餃餃陣 $120見到都幾多人推介呢款餃餃陣，三款自制餃，包括韭菜餃、鮮蝦雲吞、蟹粉蟹肉雲吞，仲有魚皮餃，自制餃隻隻都好大粒好足料😍特別是韭菜餃，一咬滿口都是韭菜，皮薄適中，不過鮮蝦雲吞比較咸，調味較重紅薯粉 $35一大碗紅薯粉，分到三至四碗，好飽肚，不過口感同想像中有出入，腍身同好易碎，有點似煮耐左米線，唔算好掛湯，但絕對夠飽🤣

吞Pot雞煲火鍋位於旺角726號23樓，係香港總共有三間分店，可以食雞煲或者打邊爐都得，招牌雞煲可揀全隻或半隻，款式有7款，仲可以選擇不同辣度，由走辣至大辣任君選擇，當中辣酒花螺雞煲更是必食推介，但因為我同朋友都食唔到辣，就揀左胡椒豬肚雞煲🙈胡椒豬肚雞煲 $178雞煲已經煮好，一上檯店員就話食得，打開煲蓋胡椒香四溢，非常香，雖然只是點了半隻雞，但相當足料，食到最後仲有雞件湯頭愈煮愈濃稠☺️濃濃的胡椒味食到辣既刺激感，但不會使人滿頭大汗，豬肚好爽口，雞肉嫩滑，不會太肥膩特級雪花牛肋片 $198牛肋片有8塊，切得好靚🥰油花均勻，輕涮幾十秒，口感軟嫩適中，同時不覺得好油膩脆肉鯇片 $78鯇片開邊，魚片雪白大片，肉質結實清爽，食落冇骨又爽脆，不錯👍🏻

身為一個火鍋熱愛者，打邊爐對我黎講絕對係一年四季都可以做嘅事💕一早就聽聞呢間雞煲好出名，再加上最近因為翻工太忙已經好耐冇食過火鍋，今次就一於同fd黎試下呢間~胡椒豬肚雞煲($178半隻雞)雖然半隻雞聽落唔係好多，但其實對於兩個女仔黎講已經完全足夠，可以食到好飽~胡椒豬肚雞煲個湯絕對係全個火鍋的重點，因為加左雞入去煮的緣故，令個胡椒豬肚湯底極鮮甜~💕我同朋友最後幾乎飲曬全個湯，而且值得一讚的係，呢個胡椒豬肚雞湯絕對唔係cheapcheap味精湯，因為食完全餐落黎完全唔會feel到口渴，絕對真材實料！材料方面，豬肚同雞件分量都好足，豬肚夠爽口，雞件就算煮到最尾都依然好好食~自家炸響鈴($60)本人覺得響鈴絕對係火鍋必點的配料，因為響鈴可以吸收曬個火鍋d湯汁，絕對係世界之最！💯而且現場見到幾乎每枱客人枱面都會有碟響鈴，可以見到響鈴究竟有幾受歡迎~紅薯粉($35)紅薯粉偏向似粗身粉絲，唔洗等太耐已經夠淋可以食得，係同樣可以吸收湯汁的配料，又係火鍋必點配料之一！另外值得一提的係，呢間個雞煲係一上台已經可以食得唔洗等，絕對岩曬d冇耐性的朋友仔~