吞POT 雞煲火鍋.住家菜 (已結業)

又到左打邊爐的季節了，自從疫情後，好耐都無試過同朋友食雞煲了。我地一班女孩子都比較著重養生，所以今次就來到吞pot 試佢啲養生雞煲!!!醬料嘅選擇非常多，一共有九款，總有一款岩你心水。滋補螺片花膠雞煲一坐低即刻點左雞煲先，雞煲熱辣辣滾起，香氣撲鼻，入面有好多花膠同螺片，非常足料。花膠大大舊，而且又有滋補養顏功效，真係忍唔住要飲多幾碗呀!!!自創爆芝響鈴呢個響鈴係我最期待的，必叫之選!! 響鈴大大舊，入面仲充滿芝士，淥完之後仲吸收晒湯嘅精華，真係好滿足呀！特級美國肥牛肥牛油脂分佈平均，牛味濃，大碟抵食！手打芝心牛丸呢個都係我喜愛之一，一咬落去就爆曬啲芝士出來，而且口感彈牙，正！野生竹笙竹笙又係食雞煲必點的，因為又係會吸晒啲湯，非常滋味！菜菜籃最後緊係要點返啲蔬菜平衡下。呢個菜菜籃有生菜，小白菜，金菇，冬菇和秀珍菇，很豐富而且非常新鮮。非常滿足的一餐！

成日都會喺太子附近，因為喺附近返工，今日見凍凍地天氣轉涼就去打邊爐，我記得之前食過一間幾好味，價錢又好合理嘅，叫做呑POT雞煲火鍋住家菜喺彌敦道726號，成幢大廈都係食店，最吸引嘅就係23樓，因為我自己鍾意打邊爐同埋食雞煲門口個魚缸好靚，一邊打邊爐一邊望住咁靚嘅魚，望出去個景仲靚，係咁靚嘅地方食嘢特別開胃泰式生蝦刺身 75元，好抵食有成十二隻蝦，隻隻都新鮮爽甜，蝦肉爽口彈牙，配上少少泰式辣醬，一流。頂級安格斯牛小排 278元，牛肉一到睇到都知道好好味，好大碟牛肉，牛肉肥瘦均勻，而且充滿油香，牛肉味好重，入口即溶，味道真係好好。咁靚嘅牛肉仲要一大碟都係二百幾蚊好抵脆肉鯇腩 93 元，鍾意食魚嘅人一定要食呢個，魚肉非常結實，爽口彈牙，而且仲係好新鮮珊瑚蚌 125 元 ，都係唔會失望，新鮮爽口，而且仲要好大隻，份量好足。自製爆芝響鈴 6件 75元 呢個簡直係必食嘅推介，招牌菜冇得輸，響鈴即叫即炸，新鮮熱辣，大大嚿嘅響鈴拖一拖水就食得，響鈴炸到金黃色好香脆，中間仲要包住啲芝士，加埋啲清湯味，真係好好味西柚特飲 36元 清新嘅西柚味配上一片檸檬，酸酸甜甜又開又解渴係咁舒適嘅地方食飯，估唔到買單仲

天氣愈黎愈涼啦😌 又係打邊爐嘅好季節啦食得多麻辣火鍋 有時都想養生一點😂位於旺角彌敦道726號 好似無特別大廈名但就成層都係餐廳😍 今次就試左吞Pot雞煲火鍋🤤環境真係唔錯 最吸引係可以對住個夜景話明想養生D 當然要揀個養生湯底啦😍一坐低就有個醬料拼盤自己落最正係有麻辣醬😍▫️滋補螺片花膠雞煲🐔 ($208/半隻)兩個人食黎講 份量真係幾大😳雞煲材料有花膠、螺片、秀珍菇首先個湯底好濃好好飲🥰 花膠超大舊 好彈牙 建議浸多一陣先食 會更加入味 🤤▫️頂級安格斯牛小排🥩 ($258)本身睇餐牌價錢覺得有D貴但佢真係好大碟😲 充滿油花嘅牛小排灼到七成熟啱啱好 肉質爽口肉味濃▫️自創爆芝響鈴 ($75/6件)響鈴食得多 無諗過可以加埋芝士🤤要比一般浸耐少少 咬落中間芝士爆開個味好濃郁呀🤪 不過食多幾舊真係有D漏😂叫多碟油麥菜同兩枝大啤🤪 真係飽到行唔郁 對住個夜景吹下水好快就消化完啦😂😂

旺角726哩棟大廈不嬲好多餐廳天氣涼左想去Shabu shabu 下於是約左屋企人黎吞pot😸😸個名真係好搞笑如果有得日日吞pot 你話幾好😹😹餐廳系23樓，環境吾錯，幾舒服有火鍋/雞煲可以揀：👇🏻我哋揀左最出名滋補螺片花膠雞煲嗌左半隻雞（$208hkd)花膠雞煲平時已經少見，雖然只係半隻雞，但係超足料，認真，好多花膠，仲要每舊都大大舊，好彈牙。螺片同菇都好多，雞肉分量正常，雞肉鮮嫩，重點係個花膠雞湯好鮮甜，係咁飲黎養顏🤣🤣🤣我哋仲嗌左一大支青島（$34）兩個人分都分左兩杯半😂😂😂我哋兩個人食，本身諗住嗌個菜單，最後太飽，所以冇嗌到😂 多d人食應該可以試多d配料😂餐廳職員幾有禮貌，做野都快手下次再同朋友黎食😇😇

因為媽媽想打邊爐嘅關係，特登搵咗呢間有養生選擇嘅雞煲嚟食，so far勁驚喜同真係勁足料！再加埋每樣野都份量好大，同媽媽都食到捧住個肚走😂首先湯底方面揀咗滋補螺片花膠雞煲，湯底係完全就咁飲都冇問題，勁入味，螺片同花膠嘅味道都融入左個湯底度，都忍唔住飲左兩碗😋😋😋另外花膠一上枱嘅份量都嚇親我，係多到嚇親😂仲要一啲都唔馬虎，每舊塊大大舊，另外雞肉都好嫩滑，份量好多，真係淨食呢個煲到飽😂但我哋都有叫到其他嘢食嘅，首先有個特級雪花牛肋片，對於兩個人仲有一大鍋足料雞煲來講份量真係有啲大，但一上到枱見到啲雪花均勻咁落喺每一塊度，每一塊都大大塊，即刻勁吸引，食落牛味好足夠，肥瘦啱啱好，因為我個人唔係好鍾意太肥嘅牛，所以呢個對我來講啱啱好🤤🤤🤤🤤仲有十全大寶丸🍢，因為呢款有齊晒樣特色嘅手打丸，所以就心郁郁叫咗嚟食，真係各有各驚喜，個人最鍾意手打黃金海膽黑墨丸😍入面真係食到海膽，而且成個感覺都好match☺️手打香煎鵝肝蝦丸都有驚喜，不過就略嫌鵝肝有啲太細粒🤣仲叫咗貴妃蚌，份量好大份，但就有少少腥🤪同埋炸魚皮，即炸熱辣辣咁上，好好味！配埋個咁龍嘅湯底一齊食，超級入味，不過呢個炸魚皮單食都唔錯，因為應該落咗

一班人嚟咗呢度打邊爐，所以個餐單同晚餐一樣係晒係散叫嘅～見到人地啲午餐set超大份！！仲要係每一款都勁大份，下次試下先～好多配醬俾我哋揀～因為我地今次係打邊爐嗌咗花膠雞湯底同埋雜菌魚嘅湯底～兩個都幾濃幾好味～不過雞個個好油，有啲怕油姐～ 我哋乜嘢都嗌咗啲，包括牛頸隻、豚肉，手打丸同埋海鮮滑～佢啲手打丸幾好味～正常足料嘅質素肉類同菜都係，夠新鮮呢度嘅環境幾舒服，一路打邊爐都唔會覺得好熱或者好大浸味不過環境可能會迫少少～順帶一提，幾鍾意呢度啲碗同埋餐具，幾好攞上手/剩住

朋友想食雞煲，因為佢女女有100cm，又唔係點食嘢嘅人，所以我地揀咗哩間單點雞煲火鍋店。我地2個人嗌咗辣酒煮花螺雞煲，花螺幾好食。鋪頭做緊小食及配料半價優惠！提醒大家，最後煮蔬菜嗰陣記得叫服務員換湯底，我地就係唔記得，d菜又吸油，辣到食唔落！by the way，服務員唔主動提供開水，要叫幾次先黎，哩樣嘢有待改進！

約左食得辣既朋友食飯 梗係揀辣野食🤩兩個女人去食雞煲 揀左香辣雞煲保守d 揀左中辣🤣第一次幫襯 唔敢叫大辣 可以揀半隻/一隻我地揀左半隻呢個雞煲香且辣🤤🤤 有指天椒同洋蔥 （我叫左走芫荽）醬汁好惹味食第一舊都覺得辣 但辣得黎又想追住食半隻都好多 兩個人食都好夠 好飽食到最後果舊 個咀都紅晒🤣🤣🤣我地叫左鹹檸七夠鹹 又帶點酸 配雞煲好match ! 我地仲叫左「十全大補丸」有5款唔同既手打丸 都幾得意手打生拆蟹粉墨魚丸手打黑松露墨魚丸手打黃金海膽黑墨魚丸手打香煎鵝肝蝦丸手打芝心牛丸本身比較期待蟹粉同海膽丸但我覺得最驚喜係芝心牛丸&黑松露墨魚丸🤩可能因為雞煲湯底味好濃 蟹粉同海膽味就唔算突出而芝士同黑松露 都無比湯底辣味蓋過同埋係手打嘅關係 全部都好彈牙

今日同朋友去旺角行完街 兩個人都咁夾想打邊爐！即興搵左呢間吞Pot 雞煲火鍋🐥🍲 上到去已經見到有好多檯客 好熱鬧 好有氣氛 剛剛入座 店員就即刻比左醬料比我地調醬選擇都有好多 可以按自己口味隨意調配😋見到呢到招牌係花膠螺片雞煲！估唔到打邊爐都可以養生滋補☺️😋 因為得2個人，所以就叫左半隻雞養生一下！ 個煲勁足料 有好多螺片花膠 好唔客氣😛 雞亦都十分嫩🐥 一上檯個煲仲已經好香好濃配菜叫左呢個爆芝響鈴 3件 我鐘意食脆響鈴 所以放左3秒就夠🥰 入口好芝心 好驚喜呢個配搭！不過3件岩岩好 食太多既話就會膩～～ 打邊爐點可以唔叫丸呢 另外叫左份手打蝦丸好足料 有成6粒😋 好濃蝦味！最後為左健康啲啲 叫左個菜菜籃🤪🤪 菜菜藍 金抵食 有金菇、生菜、白菜仔等等 食完無咁有罪惡感😋😋😋😋

上網睇呢間火鍋店個湯底好似好好食咁，而且材料豐富，於是就入黎試下。同女朋友嗌左個滋補螺片花膠雞煲，絕對係真材實料！因為有好多花膠，而且舊舊都好大條，螺片亦差唔多有10幾塊，雞亦都好嫩滑，成個煲嘅精華係晒個湯底到，真係忍唔住飲左幾多啖湯～另外仲嗌左個菜菜籃！有白菜仔，生菜，冬菇，金菇，草菇，樣樣蔬菜🥬都好新鮮，份量亦好充足。嗌左個手打蝦丸，食落去幾新鮮幾彈牙，食得出師傅真係手打！重頭戲當然係個看創芝士響鈴！首先大大舊就一定～再將佢放落去淥一陣，好重芝士味之餘，亦都可以完全吸收晒湯底嘅精華！食落去雖則好飽好漏，但真係非常滿足！呢個真係必嗌！最尾，就嗌左象拔蚌片，建議淥10秒鐘好啦，因為我發覺淥超過30秒真係好韌！10秒鐘煮法的確好爽口，好有鮮味！總括黎講，兩個人食連加一加醬料要500幾，價錢可能稍為偏貴，但食物質素+份量都對得住個價錢！

星期六晚飯時間，周圍都full booking 要等位既情況下上左黎walk in 居然有位打定中伏既準備，果然無令我失望兩個人叫左半隻雞煲，雞係有雞味既，但好麻，本身都係比較食得辣，但食左幾舊雞之後真係麻到頂唔住要加返湯打邊爐，之前都未試過雞未食完就要加湯最伏係椒鹽豆腐，完全無椒鹽，而家椒鹽好貴咩另外價錢偏貴，但出品同普通火鍋店一樣，唔值價錢從來都唔係一個問題，如果出品好食，貴都無問題但呢個價錢食呢啲嘢，只可以話係曬錢

店內湯底及食品多元多化，種類繁多，飲品亦有很多選擇。當天試了招牌重慶麻辣雞煲，麻辣雞煲味道香濃，但不會過鹹，辣度剛好，而雞肉質感亦十分嫩滑，不用加醬料亦很入味，不過記得食完雞件先加湯，否則雞肉會淡。餸菜方面，特別推介自家製的炸響鈴，口感香脆鬆化，有豆香，十分足料。另外，手打生拆蟹粉墨魚丸味道鮮甜，口感爽滑彈牙，中間有蟹粉作餡料，別具心思，層次豐富，必試之選！芫荽和竹笙用料亦十分新鮮，分量十足，跟湯底配搭一流。環境方面，店內裝修開陽舒適，有空間感，而且更設落地大玻璃，夜景不錯，冷氣充足，適合與朋友相聚。當晚與朋友兩人進餐，以上分量剛好，很滿足，而且性價比高，極力推薦！

今日同朋友去到旺角覓食，唔知食咩最好就係打邊爐，嘢食選擇，大家又可以揀自己鍾意食嘅嘢。因為只有兩個人食，所以我哋都唔能夠食太多嘢食，我哋揀咗重慶麻辣半隻雞、竹笙、鮮炸響鈴、手打蟹粉墨魚丸、芫荽。嘢飲方面我就叫咗可樂（總係覺得打邊爐要配可樂，攰嘅時候亦特別想飲可樂），而朋友就叫咗健康嘅無糖茶。呢度環境細細，但係坐無虛席。嘢飲方面雖然選擇唔多，但係打邊爐嘅常見野飲呢度都有。重慶麻辣雞煲都好香口惹味，絕對係重口味人士嘅最佳選擇，兩個人來講做半隻雞就最好，咁先可以試多啲其他小食。鮮炸響鈴即叫即炸，新鮮熱辣，果然唔同整好一盒盒嘅質素唔同，幾值得一試。手打蟹粉墨魚丸味道都相當唔錯，每次打邊爐都會叫手打丸，同外面買加咗好多防腐劑嘅丸仔好唔同，而且仲有蟹粉餡喺裏面，令到墨魚丸嘅味道更加豐富。整體而言，今日同朋友打邊爐都打得好開心。

今晚同朋友去旺角吃飯，朋友介紹我們去食吞pot雞煲火鍋。有好多不同的雞煲選擇～極品雞煲翅～辣酒花螺雞煲～香辣雞煲～滋補螺片花膠雞煲～花雕藥膳雞煲～胡椒豬肚雞煲～重慶麻辣雞煲～香辣雞煲應有盡有，我們要討論下先選了滋補螺片花膠雞煲，螺片和花膠足料，雞很滑，不會因為煲得耐而失去雞味。到叫餸啦，我們叫了手打芝心牛丸、手打蝦丸、手打墨魚丸，都很彈牙好味。我們又叫了自家製鲜蝦雲吞、特级美國肥牛、豬頸肉和羊肉片，都好新鲜美味，。最後當然要叫菜，叫了娃娃菜、生菜等，又新鲜又多。我們吃得又飽又滿足，不停聊天，十分開心。

囡囡想食火鍋，我上網找找，發現吞POT雞煲火鍋，食物吸引，就吃這一間。今日下午6時半到達，已有幾枱客，大家都在打邊爐，吃得津津有味。環境清靜，枱與枱之間有足夠距離，在疫情下最適合朋友共聚。我同囡囡坐下，立即看看有什麼好吃，雞煲都有7款，款款吸引，好多選擇，有極品雞煲翅，也有重慶麻辣雞煲，真是有選擇困難症，我們最後選了胡椒豬肚雞煲，可選半隻(178元)，全隻(258元)，不貴。胡椒豬肚雞煲好好味，胡椒味重，豬肚好吃，雞好滑，我們很喜歡吃。我們叫了手打墨魚丸，雖然只有6粒，但很彈牙和有墨魚味，大大粒，好好味。我們又叫了娃娃菜，好新鲜，菜多，2人夠食。環境不吵，我們可靜靜聊天，吃了一個多小時，肚子飽飽才離開。