名屋拉麵 (已結業)

放工又係周圍搵食嘅時間，同同事黎左名屋拉麵試試，雖然店名有拉麵二字，但店內食品選擇蠻多，刺身飯都有㗎。坐低不久便決定食咩，快快下單先，同時店員亦送上水，是冰涼的檸檬水，正好解解渴。白桃果酒（$18）同事點了果酒試試，雪凍的罐裝果酒附上玻璃杯及冰，有誠意。斟左落玻璃杯後成件事高級哂，哈哈，說笑啦～桃味很香，酒精濃度輕微，很易入口。日式炸餃子（$20）點了一款小吃炸餃子，炸得香脆不油膩，點少少酸酸地嘅餃子醋剛剛好。碧綠翡翠拉麵（$78）同事點了綠色的拉麵，看起來很健康？有半隻溏心蛋，叉燒，鮮帶子，蟹籽，木耳絲同青蔥等，色彩豐富。綠色的湯底係菠菜湯，內裏有不少菠菜葉，味道清新香口，即使點了濃湯亦不覺膩。同事選了直麵，麵身彈牙掛湯。叉燒半肥瘦入口即化，帶子鮮甜，整體感覺很不錯。日式鰻魚飯（$78）自己點了鰻魚飯，原條鰻魚上㗎，視覺震撼！鰻魚肥美，肉質軟綿入味，下層的珍珠米香軟，吸了鰻魚汁好正！食物有水準，價錢亦合理，多多幫襯支持一下小店吧。

荃灣多野食就係人都知架喇!!! 但要好食又抵食其實真係要揀要諗天氣凍食拉麵就最岩熱辣辣咁上到枱 睇住佢出煙未食都已經暖晒先啦!!!同朋友晏畫經過一間叫名屋既拉麵店門面唔錯幾吸引 望埋個MENU就即刻想試下佢店面係正街面 好容易就會見得到 而且仲有紅燈籠吊左出黎 好易認到店內裝修燈光柔和 幾岩坐低慢慢食 空間感足夠 同幾位朋友一齊食一張過 唔洗迫下迫下MENU選都唔少 絕對岩晒貪心的我晏晝就食唔到咁多 如果冕巿我相信我實會點選推介食物碧綠翡翠拉麵 $78其實碧綠既湯底源自菠菜 平時出街食飯好少會食菜 而且食菜咁健康 無理由唔試下配上大大隻帶子 肥瘦適中既日式叉燒 黑白魚子 爽口彈牙加上我最鐘意既半熟蛋 流心既感覺 令人戀愛真係用料十足 完全係菠菜打爛而成既湯底亳不客氣 連個湯都飲埋!!!!!!!!!麵質彈牙 我揀左偏硬身既麵就住個人喜好 師傅都可以做得到 做得好麵條無斷既情況發生 証明師傅用心制造 讚!!!!!!雞翼串燒 $22 雞翼即燒好惹味 香脆內嫩 燒得岩岩好而且隻雞翼個SIZE係比較大隻 開頭都擔心咁大隻入面會唔會唔熟但食完又發覺岩岩好粉色熟透 鮮嫩估唔到串燒係出色之作 雖然係午

今晚所吃的名屋拉麵，其實是媽媽帶我去的。早幾天她買菜的時候，發現附近開了新拉麵店，她深知我喜愛吃拉麵，跟我提及一番，我也想知媽媽所形容價錢貼地拉麵味道如何，直接行動一嚐。小店拉麵店要突圍而出，除了價錢方面，當然要有一定姿「色」才可令客人再三回味。名屋拉麵有基本的白湯豚骨，也有紅湯辣汁，黑湯墨魚汁，綠湯菠菜汁，可謂各式其「色」，任均選擇。碧綠翡翠拉麵這湯頭以菠菜汁豚骨熬煮而成，口味新穎，我從未吃過蕃茄湯以外的蔬菜湯頭拉麵，故有點期待。翠綠的湯汁看似濃郁，但喝起來不會太濃也不會太淡，鹹度也剛好，非常棒，多一分菠菜的香氣與鮮味，少一分膩味，頗健康的。富含油脂的沖繩叉燒，口感十分軟嫰不油膩，肉香味十足，幾乎不需怎樣咬就於口中化開，個人還蠻欣賞的。魚籽與墨魚籽在湯中浮游著，不但養眼值高，而且卜卜作響的鮮美，令拉麵有畫龍點睛之效。珍寶刺身帶子炙燒後彷彿解除封印般，帶子肉質的香甜味都被誘發出來，飽滿多汁，大大滿足。美味的溏心玉子是吃拉麵時少不了的最佳拍檔，玉子口感軟滑，入口即化的同時，爆出濃郁蛋香，完全臣服於它的滋味。拉麵我選了硬的口感，十分爽彈，麵條有著菠菜甘甜的氣息，對於喜愛嚐蔬菜的朋友，個人倒

荃灣區越來越多不同的食肆，今晚在橫街內看到一間拉麵店，這裡店面30個坐位。拉麵有四種選擇，除了拉麵之外，食物還有刺身、壽司、手卷。我們選了碧綠翡翠拉麵($78)，另外追加叉燒($18)，赤紅地獄拉麵($69)，油甘魚刺身($58)，飲品要了可樂和芬達(共$16)，之後又追加白桃果汁酒($18)。碧綠翡翠拉麵，其實係帶子、叉燒、溫泉蛋、紫菜、黑色飛魚子及紅色飛魚子，帶子好新鮮，應該係刺身級，溫泉蛋係流心蛋黃，最好味係叉燒👍👍👍，用半肥瘦腩肉切薄片而造成，所以瘦中有肥、肥中有瘦，而且好有肉味😋😋😋，另外麵中有菠菜絲，這個拉麵好特別，連個湯都帶綠色，名字都是因此而命名。赤紅地獄拉麵，內有叉燒、三文魚子、溫泉蛋、蕃茄蓉、飛魚子、木耳絲，辛辣情度不算太辣，可能因為有蕃茄蓉，所以看起來很辣，其實只屬小辣，如果可以吃辣，應該可以叫中辣以上，麵質適中，吃完這個拉麵之後，身體都感到暖起來。油甘魚刺身，很新鮮而且有鮮甜味，想不到拉麵店都有這樣好的刺身。在進食中，聽到店員對話，應該是幾個八、九十後，共同創業，怪不得店員都幾投入和熱情，為了支持本土創業，下次有機會再來。

喺荃灣估唔到畀我哋搵到一間隱世食舖， 食日式拉麵。但佢嘅湯底都好特別， 除咗正常嘅豬骨湯同埋辣湯之外， 佢有一個黑豹墨汁 拉麵同碧綠翡翠拉麵， 我同男朋友就食咗墨汁同埋辣湯拉麵， 兩碗拉麵都好足料， 赤紅地獄拉麵湯底好濃郁好夠味， 唔算話太辣， 黑豹墨汁拉麵除左有豚肉外，仲有好多海鮮， 有青口，大蝦。 個湯底都好正，墨汁味好濃 ，如果唔想太濃都可以揀正常或者偏淡。小食都有好多款式可以揀， 我哋叫咗燒沖繩豚肉， 日式炸豆腐，芝麻雞翼同埋鐵板芝士薯仔， 個日式炸豆腐不得不 盛讚， 出面炸到脆卜卜 但入面啲豆腐係勁滑， 勁好食， 所以下次黎除咗試其他款式嘅拉麵，我都會一定再叫呢個炸豆腐。 芝士薯仔用鐵板上，熱辣辣， 同芝士一齊食個味好夾， 芝麻雞翼又炸得好香脆 ，燒沖繩豚肉燒得啱啱好，半肥瘦， 好惹味。

講到拉麵，男朋友都算半個拉麵控，作為無飯夫婦，今日收工依然係食完飯先番屋企。黎左荃灣呢邊試左呢間新開無耐嘅拉麵店，平時就少啲黎河背街呢邊，感覺呢頭好似「靜」少少。餐廳位置就唔係好多，大概廿零個(?)，裝潢冇乜特別啦，都係普通街坊式日本菜嘅樣，不過都一樣有吧枱位，隱約見到師傅煮麵，或者會聞到鐵板香平日晚上，客人唔算多，始終呢邊都唔係餐廳集中地。餐廳播住嘅熟悉嘅日文歌，都係經典嘅廣東歌改編，我地都忍唔住細聲哼唱。午市供應飯、壽司拼盤、魚生飯、拉麵、烏冬等，下午茶時間都相當優惠，一個拉麵都係$38，仲送汽水，都係做街坊生意。晚市選擇都多，餐牌供應4款拉麵，包括：菠菜汁豚骨湯、豚骨濃湯、辣汁豚骨湯、墨魚汁豚骨湯，定價$59-78；另外有飯麵，例如雞扒、豬扒飯、鰻魚飯、炒拉麵、冷麵等，定價$56-78，小食方面有串燒牛舌、雞軟骨、雞骨腸、青口、焗蠔、餃子等都有。以小店而言，選擇都算多，而價錢都相宜。至於質素方面，我明白固之然不能同日本嘅過江龍麵店比較，始終係港式麵店，不過以此價位，都不失為一個選擇。而且晚市都唔收取加一服務費，平平地人均六十蚊都食到碗麵/飯碧綠 $78拉麵方面可以自選直麵/曲麵；

foodpigss🐷🐷無意中發現左呢間新開又抵食嘅拉麵店 入去點左個汁燒雞扒飯（$56）本身冇咩期望 事關覺得好多價錢相若嘅餐廳啲雞扒都好大雪藏味 但呢間竟然一啲都冇 反而有啲串燒風味仲好juicy添🤗 另外仲食左呢兩隻香辣汁焗蠔（$28）個汁有微微辣 又有少少似沙律 其實幾開胃蠔嘅size仲幾大隻下而牛仔骨串燒（$38）就係呢餐裡面比較遜色嘅一道 事關佢有啲韌 所以要落足牙力不過好彩有個汁搭夠 加上一分錢 一分貨 其實性價比唔低不過以同樣價錢黎計 個人較推薦燒沖繩豚肉串燒（$38）事關佢燒得好惹味 肉質又嫩滑 之後又點少得飲返罐可樂（$8） 呀🤤 爽！最後就係重頭戲👉🏻👉🏻👉🏻碧綠翡翠拉麵（$78）綠bb嘅湯底令🐷🐷聯想到wasabi 但其實佢係好特別嘅自製菠菜汁豚骨湯 相對地 菠菜味較豚骨味重 都算幾真材實料😆 配埋木耳條、蟹籽同黑魚籽真係幾match💚 另外又點少得沖繩叉燒呢~ 好香好嫩😁 而溏心玉子都幾流心幾滑 但就得半個 唔夠喉😣 早知追加喇！ 而成碗麵中 🐷🐷最滿意就係有珍寶刺身帶子😍😍😍 大粒又鮮甜💓💓 整體而言真係有驚喜 仲要唔洗加一🤡 可以話係平靚正😉P.s 拉麵可選

今日就同friend去咗荃灣嘅名屋食拉麵。荃灣不嬲都多好嘢食嘅，唔知係咪因為呢間拉麵嘅位置就比較僻，所以夜晚去嘅時候都唔多人，唔使等位。不過真心價錢好公道，所以都覺得慢慢會有越來越多客人。環境方面，都幾乾淨，又有洗手間提供。店舖都幾大，幾寬敞。有吧枱位坐，幾有日本嘅風味。因為今次我哋四個人，所以就冇坐吧枱。食物方面，我就叫咗個黑豹墨汁拉麵。配料有勁多海鮮，啱晒我呢個海鮮迷，有蟹柳、蝦、蟹子、青口。款款海鮮都好新鮮，我就尤其欣賞佢加左蟹子。青口同蝦，亦都幾大隻。通常啲拉麵店都有得揀軟硬度，名屋除咗有得揀軟硬度之外，仲有得揀直麵或者曲麵。佢嘅麵質亦都幾煙韌。餐牌亦都有好多串燒可以點。今次我哋就叫左香辣雞翼、珍珠番薯、鯖魚、豬頸肉、鐵板蒜蓉牛舌。串燒嘅價錢亦都非常之合理，細細份，每款都可以食試少。本人尤其欣賞佢嘅鯖魚，我本身唔太鍾意食魚，今次朋友叫咗就試一試。點知一試返唔到轉頭，仲同朋友爭魚嚟食。鯖魚配佢個醬汁，食到停唔到口。名屋算係一間高質嘅拉麵店，價錢亦都非常之平民。環境整潔、店員服務態度好有禮貌，值得一讚。下次一定會再帶家人朋友黎食拉麵。

今日收工黎左荃灣食晚飯，揀呢間新新地嘅拉麵店，見評價都唔錯。我地黎到嘅時候大概八點鐘，可能因為星期五晚，客人都幾多，只剩番兩張枱同吧枱數個位置。餐廳裝潢普普通通，同好多拉麵店一樣都有吧枱位，可以望到師傅煮麵，都幾有風味。其餘都係木枱木櫈，乾淨企理本來以為只有拉麵食，原來晚市仲有飯同多款小食，價錢相宜，選擇都幾多，而且晚市都一樣免加一，講緊係飯六十零、七十蚊。飯有雞扒飯、鰻魚飯、牛肉生姜燒等，本來都想來一客，但見席上大部分人都係食拉麵，我只好都跟風一下，飯就留待下次。拉麵都有幾款，六十至八十蚊左右。我地揀左「赤紅」、「碧綠」，顧名思義，對於口味都略略猜到一二。同大部分拉麵店一樣，可以有自選部分：麵、麵質、咸度、蔥1) 我嘅赤紅，揀左直麵（唔鐘意食直麵，可選曲麵）；麵選左中等硬度，始終第一次黎食；咸度都算正常，唔想太重口味；因為本人唔太鐘意食蔥，所以走蔥。呢碗麵本身有：沖繩叉燒、溏心玉子、飛魚籽、鮮蕃茄蓉、三文魚籽、木耳絲、紫菜，非常豐富。但因為我眼大睇過龍，以為冇玉子，所以就額外加左溏心蛋一隻($8)。紫菜即時食，夠脆。湯底方面係辣汁豚骨湯，豚骨味就冇乜，但本來見到顏色唔算好鮮紅，以為辣

因為朋友好鍾意食拉麵，所以我哋不時會搵吓唔同地區嘅拉麵店去食😊😊😊今次咁岩喺荃灣行開街，就選擇左呢一間名屋拉麵😆😆😆呢間拉麵店嘅裝修都係以木為主，而且餐廳嘅廚房仲係半開放式，客人可以見到師傅整拉麵嘅情況😎😎😎佢拉麵方便有四款晚市供應：名屋。赤紅。黑豹。碧綠。佢哋改嘅名都好特別😁😁😁仲有好多款唔同小食任君選擇✌🏻✌🏻首先我哋叫咗一款餃子，餃子煎香左外皮非常之香脆🤤🤤餃子入面就係豬肉同椰菜，仲有少少肉汁保留到😉😉😉 唔錯👍🏻我哋分別叫咗兩碗拉麵：一碗就係名古，另一碗就係碧綠☺️☺️☺️首先呢碗就係名古拉麵，佢分別有叉燒，半生熟蛋～叉燒肥瘦相間入口即溶，而且非常入味💓💓💓另外叫咗一碗碧綠拉麵💚💚💚你碗拉麵非常特別：佢個湯底係用菠菜汁而製成。而且仲有叉燒、黑松露、魚子、帶子同半熟流心蛋🍳🍳🍳上碗拉麵湯底都充滿着菠菜嘅味道，而且綠色嘅拉麵湯底都係第一次見😲😲😲可以見到真係用新鮮菠菜而成嘅菠菜汁做湯底，因為見到一粒粒嘅菠菜🌿🌿🌿棉質我叫左普通硬度，拉麵仲有分：直身 同 曲身 麵條😌😌😌以我個人覺得非常重視一碗拉麵糖心蛋嘅質素，但係佢呢個糖心蛋如果可以在濃味少少就不得了🤗🤗🤗另外我同朋友都分別叫咗一罐嘢飲

簡簡單單，食碗拉麵，加啲小食又一餐！一般人都喜歡到出名的拉麵店，如一蘭，豚王拉麵，都非常好味，但人亦多，等兩個鐘，食半個鐘我喜歡去到邊，食到邊今日行到荃灣，想食拉麵，於是就來了名屋拉麵門口都貼上餐牌，價錢相當實惠，原來午巿仲抵添全日都免收加一，真正街坊價晚巿，要個拉麵，自選軟硬度，咸度，多少蔥。。。碧綠翡翠拉麵，自制菠菜汁豚肉湯，好清新，香港人多肉少菜，呢個湯有刺身帶子，肉厚鮮甜黑魚籽，三文魚籽，當然必食嘅就緊係玉子啦义燒肥嘅爽，瘦嘅香墨汁海鮮拉麵， 墨魚汁豚肉湯香濃無比有刺身蝦，青口，魷魚麵嘅軟硬度適中青口肥美脹卜卜鐵板蒜蓉牛舌$38牛舌切成厚粒狀有口感 配以蒜蓉洋蔥更惹味香辣焗蠔，估佢唔到居然只係28蚊size一啲都唔細， 酸酸辣辣， 蠔味十足加18蚊可以叫果酒簡簡單單一餐， 價錢實際招呼又好， 難怪星期二都坐滿人囉

新到荃灣區美食天堂，這家日本拉面店就在住所附近，於是經常幫襯。先後嘗試了四款拉麵。除去.地獄拉麵不夠辣，其他都很好呢。而且目前還未出名，次次都有座位。價錢都不貴。可謂心水店鋪。湯味正好菠菜湯底都好味 叉燒有淡淡的炭燒喂個人不喜墨魚 不過色香味俱全！加上濾鏡後呃like勁正心情鬱悶時候想吃下辣，可惜不夠辣呀。

兩個餓壞了的人一心由金鐘來回荃灣，就是為了吃名屋拉麵！餐廳在荃灣，走10分鐘便到。遠在天橋上已看到門口的人龍，最後我們等了約 15 分鍾才能入座。排隊的時候店員在拿岀點餐紙給我們寫，便能先提交所以師傅便能先預準食物，以節省時間。餐廳面積細小，僅僅坐到十人，而全部座位也是吧台形式，面向廚師，非常地道。枱面上還放上一些香港旅遊美食書藉。每碗拉麵也有魚粉。它們的建議食法是先喝湯，再吃拉麵我點了菠菜拉麵，因太餓所以加多了配菜和麵底，芽材十分爽口，很惹味。湯底喝起來像一個濃郁菠菜湯，非常過癮。我一向喜愛硬質拉麵，麵質煮得洽到好處，偏硬得來口感又煙韌，絕對高質。

琴日行過見到有新開既日式餐廳就決定今日放工去試，今日食過，真心覺得值得推介。一坐低就有店員俾張點野食單俾我，但我見佢咁多選項，又面硬軟度，又直面曲面咁，就有d疑問，店員就好好心機咁一一同我解釋，最仲意就係d咁有服務精神既小店依間店真係好貼心，有得揀面既軟硬度，濃湯定淡湯，曲面定直面，所以碗面真係設合唔同客人既需要。望落餐單，全部都係平民價之選，如果想食好野又想慳錢既話，依間係一個好選擇而咁多樣野食入面我最仲意既就係赤紅地獄拉麵la，啱曬仲意食辣既我，碗面有一大塊紫菜，浸落湯度配埋辣湯同配料，一啖食落口，好滿足ar, 仲有半隻流心蛋添，另外有2塊大大塊日本义燒，甜甜地好入味，面既軟度適中，係我心目中要既軟度ar另一碗我朋友點既黑豹墨汁拉麵既海鮮都好好食，湯底又香，忍唔住飲埋d湯落肚。有蝦有青口，好多海鮮係入面，鮮味十足。鐵板牛舌就係我每逢去日式餐廳都好仲意食既小食，而依度既牛舌都無令我失望，香得來又唔硬，好好食。咬落既感覺有d鵝肝咁，果然有水準雞串咬落去，嘩，熱到我，朋友仲笑我洗唔洗咁心急，但真係好香ma, 咬落去陣陣好似去左日本地道串燒個隻味咁，一個字: 正!最後我地雖然好飽，但係都點

荃灣多嘢食就眾所周知，收工過黎搵好西食，估唔到呢間日式店咁出色👅真係估你唔到👅👅我就一個人嗌左三樣野嘅😶廢話唔多講即刻為大家介紹一下✌白桃果酒🍑🍑🍺雖然佢係罐裝，睇落唔算好特別，但係飲落去同拉麵同埋雞翼係好夾，而且呢個係加埋冰底❤要飲就倒落去，有意思有意思👍赤紅地獄拉麵🍲我本身就好中意食硬身麵底嘅，今次當然都揀返硬底啦！食落口個種硬度，我真係超中意，好有口感。話明赤紅，梗係辣野！食落唔算太辣，適合唔太食得辣但又想試嘅人😎糖心蛋流心效果超出你所想😍三文魚籽冇諗過同碗拉麵咁match😍香辣雞翼🐥雞翼真係如其名，夠香夠辣！辣味依然唔算好勁，適合一眾想食辣又唔食得嘅人！香味十足，但又唔會重口味，外脆內滑！雞肉鮮嫩，一啲都唔肥膩，唔似有啲餐廳會煎得佢太熟太‘鞋‘又冇味，仲好油😥🚩好彩呢間店舖唔係開係大商場入面，如果唔係肯定好多人入去，排晒長龍😔下次一定要試埋個翡翠拉麵👍😝呢間日式店舖值得為大家推薦⭐一人聽住日文歌黎食，好有feel😂有啲仲係日本歌手翻譯其他國家歌手嘅歌黎唱！好特別！有啲客人仲跟著黎唱，搞笑😂