影片
更多
2017-11-18
221 瀏覽
今日收工黎左荃灣食晚飯，揀呢間新新地嘅拉麵店，見評價都唔錯。我地黎到嘅時候大概八點鐘，可能因為星期五晚，客人都幾多，只剩番兩張枱同吧枱數個位置。餐廳裝潢普普通通，同好多拉麵店一樣都有吧枱位，可以望到師傅煮麵，都幾有風味。其餘都係木枱木櫈，乾淨企理本來以為只有拉麵食，原來晚市仲有飯同多款小食，價錢相宜，選擇都幾多，而且晚市都一樣免加一，講緊係飯六十零、七十蚊。飯有雞扒飯、鰻魚飯、牛肉生姜燒等，本來都想來一客，但見席上大部分人都係食拉麵，我只好都跟風一下，飯就留待下次。拉麵都有幾款，六十至八十蚊左右。我地揀左「赤紅」、「碧綠」，顧名思義，對於口味都略略猜到一二。同大部分拉麵店一樣，可以有自選部分：麵、麵質、咸度、蔥1) 我嘅赤紅，揀左直麵（唔鐘意食直麵，可選曲麵）；麵選左中等硬度，始終第一次黎食；咸度都算正常，唔想太重口味；因為本人唔太鐘意食蔥，所以走蔥。呢碗麵本身有：沖繩叉燒、溏心玉子、飛魚籽、鮮蕃茄蓉、三文魚籽、木耳絲、紫菜，非常豐富。但因為我眼大睇過龍，以為冇玉子，所以就額外加左溏心蛋一隻($8)。紫菜即時食，夠脆。湯底方面係辣汁豚骨湯，豚骨味就冇乜，但本來見到顏色唔算好鮮紅，以為辣
本來以為只有拉麵食，原來晚市仲有飯同多款小食，價錢相宜，選擇都幾多，而且晚市都一樣免加一，講緊係飯六十零、七十蚊。
飯有雞扒飯、鰻魚飯、牛肉生姜燒等，本來都想來一客，但見席上大部分人都係食拉麵，我只好都跟風一下，飯就留待下次。
拉麵都有幾款，六十至八十蚊左右。我地揀左「赤紅」、「碧綠」，顧名思義，對於口味都略略猜到一二。
同大部分拉麵店一樣，可以有自選部分：麵、麵質、咸度、蔥
1) 我嘅赤紅，揀左直麵（唔鐘意食直麵，可選曲麵）；麵選左中等硬度，始終第一次黎食；咸度都算正常，唔想太重口味；因為本人唔太鐘意食蔥，所以走蔥。呢碗麵本身有：沖繩叉燒、溏心玉子、飛魚籽、鮮蕃茄蓉、三文魚籽、木耳絲、紫菜，非常豐富。但因為我眼大睇過龍，以為冇玉子，所以就額外加左溏心蛋一隻($8)。
紫菜即時食，夠脆。湯底方面係辣汁豚骨湯，豚骨味就冇乜，但本來見到顏色唔算好鮮紅，以為辣度一般，估唔到都有少少後勁，幾辛辣，辣得黎唔係用油堆砌，因為湯底飲落唔會油淋淋，都係我喜歡嘅類型，口渴就例牌，但唔會太過份
麵揀左中等硬度嘅辣麵，比起平時食嘅拉麵店，麵質腍身啲，所以如果鐘意煙韌啲、有嚼勁嘅拉麵，可選硬。直麵掛湯效果不錯，啖啖都有辣汁。配料相當多，比較罕見加入三文魚籽、飛魚籽呢兩款，感覺即刻矜貴左，比想像中都冇違和感，幾鮮味。
溏心蛋流心效果出色，雖然冇乜蛋味，但8蚊來說，已經好唔錯叉燒唔會好肥，大大一片，正。
2)朋友點嘅係碧綠，呢款麵本身有：沖繩叉燒、溏心玉子、木耳絲、珍寶刺身帶子、黑魚籽，價錢係78蚊，都唔貴。
佢同我自選嘅差不多，一樣都係揀直麵，中等硬度、咸度正常，唯一係佢冇走蔥。
湯底係自家製菠菜汁豚骨湯，平時就好少食呢啲特別湯底，因為見幅圖幾吸引，試下，不料都唔錯
湯底有啲菠菜蓉，湯底唔油，都幾特別。叉燒肥瘦適中，帶子有足足三片，都揼本啦，幾鮮味；仲有麵中有黑魚籽，味道唔濃，唔會好腥
3)我地點左兩串雞骨腸串燒，燒得幾香，熱辣辣，個人黎講好鐘意呢隻腸
4)天婦羅炸蝦一客有三隻大蝦，38蚊都幾平，幾抵食，炸漿唔會太厚身，不過有少少硬，唔多鬆化，但呢個價錢，不妨一食。
5)拉麵可以加錢配飲品，有水果酒加18蚊；汽水加8蚊，我地揀左蜜桃烏龍茶加10蚊，配上冰塊。
本來以為係街坊拉麵店，不料都幾好食，諗唔到食乜會再訪。
張貼
