影片
荃灣原來開佐間新拉麵鋪，今晚決定去試吓先!☺依間拉麵店都幾特別，除咗有正常嘅豬骨湯之外，仲有獨特嘅黑豹墨汁拉麵同埋碧綠翡翠拉麵😳😳黑豹係墨魚汁豚骨湯，碧綠就係自製菠菜汁豚骨湯，而麵可以選擇直麵或曲麵、軟硬程度，照顧曬唔同客人嘅口味！最後就決定試下依碗出面一般拉麵鋪食唔倒嘅墨汁拉麵😚黑豹拉麵除左有豚肉外，仲有好多海鮮，例如鮮蝦、青口、蟹柳，仲有叉燒😍😍份量一啲都唔少而且味道一流，蟹柳同鮮蝦都好鮮甜，叉燒肥瘦適中，薄切上，肉質滑溜夠鮮嫩🤗🤗至於湯底方面，小小稠身墨魚汁嘅味道都幾重，好香口但唔油膩，非常特別嘅一個湯底，同拉麵亦相當配合！麵質方面揀佐硬嘅曲麵，食落好煙韌同好有嚼勁，啱晒我口味!😋掛湯效果都唔錯，啖啖拉麵都食到墨汁嘅味道，總括嚟講係一碗好有水準又有創意嘅拉麵🤤🤤身為吃貨嘅我，只係食拉麵感覺唔夠飽，就決定叫多碟店主推介嘅汁燒三文魚頭😋😋三文魚頭出名係魚頭中嘅極品，豐厚嘅油脂令魚肉入口即溶🤣🤣厚厚嘅魚皮充滿晒膠原蛋白，絕對係女仕們嘅最愛😍個汁用佐好多心思去調製，醬汁帶出佐成個魚頭嘅鮮甜味，成個魚頭都好入味，由裡到外都充滿秘製醬汁嘅惹味，最有難度係入味得嚟唔會煮得過熟，啱啱好熟keep到魚嘅滑身😁😁店主果然好推介，絕對係必食之選👍🏻👍🏻👍🏻荃灣，以後又有一個食日式料理嘅好地方😍😍（抱歉忘了影相，但還是推薦大家吃的喲）
繼續閱讀
前排去左一田掃貨，收工就會合男朋友係荃灣等。男朋友想食拉麵，又唔想行過去大河道個邊食，所以搵左一田附近既拉麵小店試下。餐廳環境Menu：我地叫左兩碗拉麵同兩客壽司一齊食。三文魚壽司三文魚好新鮮肥美，雖然不是入口即溶，但總好過外面連鎖店的壽司。牛油果軟殻蟹卷 $78超推薦大家叫牛油果軟殻蟹卷，軟殻蟹即叫即炸好香口，份量十足。赤紅地獄拉麵 $69男朋友叫了赤紅地獄拉麵，一開始以為很辣，但是辣味不會蓋住豚肉濃湯的味道。配料有叉燒、流心蛋、三文魚籽，味道還可以，男朋友話不過不失～碧綠翡翠拉麵 $78賣相不太討好，但配料份量十足。配料分別有珍寶帶子、魚籽、叉燒，仲有我最愛的流心蛋。碧綠翡翠拉麵的湯底有驚喜，原來是自家製的菠菜豚肉湯，每一啖都是菠菜與豚肉的精華。呢間名屋拉麵雖然位置比較遠，但特色拉麵同牛油果軟殻蟹卷都幾好食，我推薦碧綠翡翠拉麵比中意食菜多過肉既朋友！
繼續閱讀
今日嚟左名屋拉麵都有唔少人食有4款拉麵如果唔夠飽都可以點小食或者唔想食麵嘅話，可以點飯食菠菜豚骨拉麵🍜本身一嚟到有啲驚係伏，因為綠色太養眼食落去有啲健康嘅感覺，一種新嘅感覺，頭幾啖唔太習慣，因為未試過有隻拉麵咁有菠菜味而且有超多蟹籽粒，不起一羹慢慢咬，好爽！肉都好大塊！辣味拉麵唔太辣，但係同普遍食到嘅辣味拉麵冇乜大分別不過呢度比起出面嘅拉麵平好多就真如果budget有限又想食拉麵嘅話，可以嚟呢度試下！雞軟骨 $42呢個小食有少少唔化算，因為份量太少lu如果多翻啲就好lu明太子雞翼
繼續閱讀
收工去荃灣探朋友，諗住食個飯然後行街，朋友係荃灣地膽，介紹哩間性價比高既餐廳，我都係第一次去。去到門口見到好多紅紅既拉面燈籠，好醒神。門面已經好吸引，仲有好多餐牌介紹。入到餐廳，見到裝修同座位安排都好舒服。去到日式小店，最想試既都係拉面，所以我同朋友一人選左一款拉面。好鍾意哩度既拉面可以自訂口味，從面質，味道，配料都可以選擇，成餐飯感覺好自主。我地點左兩杯飲品，朋友簡單要了汽水，我就點了一個白桃果酒，平時去到日式餐廳點白桃果酒都要幾十蚊，哩度連同拉面一齊點只需要加$18，其實都幾抵。白桃果酒味道偏甜，好適合女仔飲，好開胃。點左兩個小食，先黎左個七味雞軟骨，雖然油炸，但唔會好油膩，七味粉既味道配合雞軟骨好野味，好有咬口，好開胃。食日本野，就會好想食蝦天婦羅。天婦羅蝦都唔油膩，蝦炸到金黃色，賣相好吸引。朋友仔鍾意味覺刺激，見到地獄拉面就流口水。偷偷試左一啖湯，都ok喎，雖然辣辣地，但其實好野味，好開胃，又唔算太辣，幾適合鍾意好辣既朋友仔。我就一見到墨汁拉面就最開心，唔係好多日本餐廳有墨汁拉面，緊係要試一試，旦凡西餐有墨汁面，我都會好鍾意試，因為可以食，可以玩，次次都好好笑～一黎到就要即試吓個面質，面質好彈牙，同埋好開心有咁大塊紫菜，海鮮都好足料，有蝦，青口，蟹柳，蟹子，湯底味道都好好，唔會太咸。而見到隻溏心蛋就更加吸引，入口溏心滲透住蛋香。成餐飯食到飽飽，又坐得好舒服，店員都好有禮貌，好滿足。埋單兩人都係$250，真係好抵食啊。
繼續閱讀
琴日同女朋友去咗荃灣街市買生果，順便睇吓金魚行吓街，行到肚餓本來諗住去食泰國野，點知見到街市附近有間新開嘅拉麵店，去門口睇下見價錢比起一啲大型連鎖拉麵店平，而且佢有好多選擇有串燒、有刺身、壽司仲有丼食，真係幾有特色咁就一於去呢間拉麵店醫肚美國燒牛舌個口感係爽脆嘅，同埋牛味好香加小小鹽更加突出佢個味鰻魚燒玉子賣相已經好吸引原來玉子入面包住鰻魚，加埋鰻魚汁真係好juicy 個配搭幾好芝麻雞翼我都好鍾意食，皮脆肉嫩鐵板燒豬頸肉，開頭我以為會有鐵板上，原來唔係。不過加啲檸檬食又幾好食喎豬肉好嫩口我點左一個名屋豚肉拉麵追加溫泉蛋，原來都好大碗同埋湯汁香濃入味，因為食拉麵個湯真係好重要女朋友點左一個赤紅地獄拉麵，聽個名就知道係辣啦，我飲咗少少，佢湯底係特別嘅，因為我食過嘅日本地獄拉麵係冇佢咁辣我整體上覺得呢間拉麵小店性價比真係高，可能佢嘅位置比較偏，但我覺得正正因為咁租金冇咁貴所以先有咁嘅質素
繼續閱讀