名屋拉麵 (已結業)

荃灣原來開佐間新拉麵鋪，今晚決定去試吓先!☺依間拉麵店都幾特別，除咗有正常嘅豬骨湯之外，仲有獨特嘅黑豹墨汁拉麵同埋碧綠翡翠拉麵😳😳黑豹係墨魚汁豚骨湯，碧綠就係自製菠菜汁豚骨湯，而麵可以選擇直麵或曲麵、軟硬程度，照顧曬唔同客人嘅口味！最後就決定試下依碗出面一般拉麵鋪食唔倒嘅墨汁拉麵😚黑豹拉麵除左有豚肉外，仲有好多海鮮，例如鮮蝦、青口、蟹柳，仲有叉燒😍😍份量一啲都唔少而且味道一流，蟹柳同鮮蝦都好鮮甜，叉燒肥瘦適中，薄切上，肉質滑溜夠鮮嫩🤗🤗至於湯底方面，小小稠身墨魚汁嘅味道都幾重，好香口但唔油膩，非常特別嘅一個湯底，同拉麵亦相當配合！麵質方面揀佐硬嘅曲麵，食落好煙韌同好有嚼勁，啱晒我口味!😋掛湯效果都唔錯，啖啖拉麵都食到墨汁嘅味道，總括嚟講係一碗好有水準又有創意嘅拉麵🤤🤤身為吃貨嘅我，只係食拉麵感覺唔夠飽，就決定叫多碟店主推介嘅汁燒三文魚頭😋😋三文魚頭出名係魚頭中嘅極品，豐厚嘅油脂令魚肉入口即溶🤣🤣厚厚嘅魚皮充滿晒膠原蛋白，絕對係女仕們嘅最愛😍個汁用佐好多心思去調製，醬汁帶出佐成個魚頭嘅鮮甜味，成個魚頭都好入味，由裡到外都充滿秘製醬汁嘅惹味，最有難度係入味得嚟唔會煮得過熟，啱啱好熟keep

前排去左一田掃貨，收工就會合男朋友係荃灣等。男朋友想食拉麵，又唔想行過去大河道個邊食，所以搵左一田附近既拉麵小店試下。餐廳環境Menu：我地叫左兩碗拉麵同兩客壽司一齊食。三文魚壽司三文魚好新鮮肥美，雖然不是入口即溶，但總好過外面連鎖店的壽司。牛油果軟殻蟹卷 $78超推薦大家叫牛油果軟殻蟹卷，軟殻蟹即叫即炸好香口，份量十足。赤紅地獄拉麵 $69男朋友叫了赤紅地獄拉麵，一開始以為很辣，但是辣味不會蓋住豚肉濃湯的味道。配料有叉燒、流心蛋、三文魚籽，味道還可以，男朋友話不過不失～碧綠翡翠拉麵 $78賣相不太討好，但配料份量十足。配料分別有珍寶帶子、魚籽、叉燒，仲有我最愛的流心蛋。碧綠翡翠拉麵的湯底有驚喜，原來是自家製的菠菜豚肉湯，每一啖都是菠菜與豚肉的精華。呢間名屋拉麵雖然位置比較遠，但特色拉麵同牛油果軟殻蟹卷都幾好食，我推薦碧綠翡翠拉麵比中意食菜多過肉既朋友！

今日嚟左名屋拉麵都有唔少人食有4款拉麵如果唔夠飽都可以點小食或者唔想食麵嘅話，可以點飯食菠菜豚骨拉麵🍜本身一嚟到有啲驚係伏，因為綠色太養眼食落去有啲健康嘅感覺，一種新嘅感覺，頭幾啖唔太習慣，因為未試過有隻拉麵咁有菠菜味而且有超多蟹籽粒，不起一羹慢慢咬，好爽！肉都好大塊！辣味拉麵唔太辣，但係同普遍食到嘅辣味拉麵冇乜大分別不過呢度比起出面嘅拉麵平好多就真如果budget有限又想食拉麵嘅話，可以嚟呢度試下！雞軟骨 $42呢個小食有少少唔化算，因為份量太少lu如果多翻啲就好lu明太子雞翼

收工去荃灣探朋友，諗住食個飯然後行街，朋友係荃灣地膽，介紹哩間性價比高既餐廳，我都係第一次去。去到門口見到好多紅紅既拉面燈籠，好醒神。門面已經好吸引，仲有好多餐牌介紹。入到餐廳，見到裝修同座位安排都好舒服。去到日式小店，最想試既都係拉面，所以我同朋友一人選左一款拉面。好鍾意哩度既拉面可以自訂口味，從面質，味道，配料都可以選擇，成餐飯感覺好自主。我地點左兩杯飲品，朋友簡單要了汽水，我就點了一個白桃果酒，平時去到日式餐廳點白桃果酒都要幾十蚊，哩度連同拉面一齊點只需要加$18，其實都幾抵。白桃果酒味道偏甜，好適合女仔飲，好開胃。點左兩個小食，先黎左個七味雞軟骨，雖然油炸，但唔會好油膩，七味粉既味道配合雞軟骨好野味，好有咬口，好開胃。食日本野，就會好想食蝦天婦羅。天婦羅蝦都唔油膩，蝦炸到金黃色，賣相好吸引。朋友仔鍾意味覺刺激，見到地獄拉面就流口水。偷偷試左一啖湯，都ok喎，雖然辣辣地，但其實好野味，好開胃，又唔算太辣，幾適合鍾意好辣既朋友仔。我就一見到墨汁拉面就最開心，唔係好多日本餐廳有墨汁拉面，緊係要試一試，旦凡西餐有墨汁面，我都會好鍾意試，因為可以食，可以玩，次次都好好笑～一黎到就要即試吓

琴日同女朋友去咗荃灣街市買生果，順便睇吓金魚行吓街，行到肚餓本來諗住去食泰國野，點知見到街市附近有間新開嘅拉麵店，去門口睇下見價錢比起一啲大型連鎖拉麵店平，而且佢有好多選擇有串燒、有刺身、壽司仲有丼食，真係幾有特色咁就一於去呢間拉麵店醫肚美國燒牛舌個口感係爽脆嘅，同埋牛味好香加小小鹽更加突出佢個味鰻魚燒玉子賣相已經好吸引原來玉子入面包住鰻魚，加埋鰻魚汁真係好juicy 個配搭幾好芝麻雞翼我都好鍾意食，皮脆肉嫩鐵板燒豬頸肉，開頭我以為會有鐵板上，原來唔係。不過加啲檸檬食又幾好食喎豬肉好嫩口我點左一個名屋豚肉拉麵追加溫泉蛋，原來都好大碗同埋湯汁香濃入味，因為食拉麵個湯真係好重要女朋友點左一個赤紅地獄拉麵，聽個名就知道係辣啦，我飲咗少少，佢湯底係特別嘅，因為我食過嘅日本地獄拉麵係冇佢咁辣我整體上覺得呢間拉麵小店性價比真係高，可能佢嘅位置比較偏，但我覺得正正因為咁租金冇咁貴所以先有咁嘅質素

荃灣真的很多平民化的食店，就連拉麵店也有很親民的選擇，就像這間名屋拉麵。餐廳的設計滿有特式，環境也算舒適。拉麵有4款，更可自選味覺及加上不同配料，我更發現這裡是免收加一的。除了拉麵，這裡其實也有其實小食及晚餐，這張是他們的飯餐。鰻魚玉子燒 $48這份玉子燒做得不錯，上桌夠熱，蛋不會煎得過老，入口滿滿蛋香，夾著軟中帶彈性的鰻魚味道很夾。牛舌 $22牛舌燒得不會太乾，入口爽中有彈性有咬感，牛味算重，胡椒粉也沒有太多太搶味。鹽燒鯖魚 $48燒得魚皮部分微脆，魚肉不至於很軟嫩，但亦不會乾硬粗糙，重點是沒有腥味，總結而言是合格的。碧綠翡翠拉麵$78綠色的拉麵賣相蠻詭異的，不過在你知道其實是自家製菠菜豚骨湯下，其實也沒什麼啦。拉麵除了沖繩叉燒，還有珍寶帶子刺身、流心玉子、木耳絲、飛魚籽和墨魚籽，以這個價錢來說也太豐富了吧。沖繩叉燒豬肉味十足，肥瘦剛好，口感軟稔，好吃；珍寶帶子刺身鮮甜爽口；流心玉子夠溏心又很入味。而自家製菠菜豚骨湯，除了有淡淡菠菜味，亦能嚐到豚骨的香。麵質方面，煮得軟硬剛剛好，口感有彈性。雜錦壽司拼盤 $78内有三文魚、立魚、油甘魚、玻璃蝦、左口魚邊、八爪魚、加州卷，刺身屬不過不失

荃灣出名多野食，今日同朋友行行下就見到呢間拉麵店，一於試下佢😋一入到黎，見到環境都幾闊落，裝潢好有日本feel，而侍應服務都幾好，我地一坐低就拎左兩杯水黎。呢間店除左有拉麵嗌，仲有唔同既小食，有燒物、串燒、仲有壽司呀！拉麵可以揀直麵定曲麵、麵質、濃定淡、有蔥定無蔥，符合返唔同食客既需要。我同朋友就各自叫左碧綠翡翠拉麵同赤紅地獄拉麵，另外再加兩款小食— 鐵板豬頸肉同鐵板蒜蓉牛舌。野飲方面，我叫左荔枝果酒，朋友就要提子果酒。首先黎到既係野飲，有果味得黎又有少少酒味，幾好飲。之後就到拉麵喇！赤紅地獄拉麵配有叉燒、蟹籽、三文魚子同紫菜。個湯底幾濃，辣度岩岩好，配埋蟹籽同三文魚子豐富左口感，同個麵好夾！而個碧綠翡翠拉麵食落幾清新幾特別，有幾粒帶子都好食，價錢唔算貴，但重點配料多，CP值算高，值得一試！另外個牛舌好有驚喜，件件都厚身又大件，仲煎得好香，食完好滿足。兩個人食左咁多野最後埋單都係二百幾蚊，好抵食。

食物來說，拉麵可謂我的最愛。今次找到了名屋拉麵，地點有點隔涉，看來名屋要在推廣上多花一點心思。鋪面乾淨舒適，有點荃灣地道的感覺，不過，最地道的還是食物的價錢，價錢尚算平民，起碼不用痛著銀包都吃個拉麵。點了個餐廳特色 ［翡翠拉麵］，［鐵板蒜蓉牛吞］和［炸豆腐］［翡翠拉麵］綠綠的很感引，又不會給人一種很化學的感覺。湯底菜味很香，上面每個配料都很好吃。拉麵整體都很好吃，值得一試。唯一美中不足的地方，竟然是最吸引的帶子，帶子厚身啖啖肉，本來可以好好享受的，但就不太習慣將刺身放左熱呼呼的湯裡。［鐵板蒜蓉牛吞］很香，牛舌很滑，加上蒜蓉很香，都值得一試。炸豆腐不貴，但就一般般，可以不試。

荃灣又開新拉麵店了！店舖外掛著小燈籠 遠遠一看就能找到 ！店員安排我與好友二人坐四人枱，坐得闊落又舒服～ 餐牌選擇不多 ，但每款都好吸引我， 全是我愛的口味！ 經過一番焦頭爛額後才選到今晚的拉麵 ，就是名屋豚肉拉麵了！ 朋友則選了赤紅地獄拉麵 說要挑戰一下自己～ 拉麵是似一蘭般可以自選麵的硬度與湯底濃度 也可以追加不同配料 如溏心蛋（超推薦！）及豬軟骨（也是必加的！因為豬過骨的確好淋及入味）客人可以按自己口味點一款最適合自己的拉麵～ 拉麵十分有驚喜 配料超豐富 每啖也有不同層次的享受 與先前在名古屋當地吃過的感覺都大同小異 湯底及麵底都超出我預料 十分推薦名屋豚肉拉麵！ 餐飲則點了蜜桃烏龍荃及蘋果紅茶 其中前者有淡淡蜜桃香 ，與烏龍是絕配 ，適中的甜度搭上爆珠 ，好特別的口感！ 另外也點了兩款小吃 ，分別是芝麻雞翼及炸軟殻蟹～ 雞翼很脆身又香口 ，很想追加一碟呢 😜軟殼蟹則偏軟身不會介親嘴 ，也能吃到啖啖蟹肉～ 埋單六樣野才差不多260元 ，低價高享受啊！ 拉麵最平才59元 ，絕對值得一試 ，包你食過會再回頭！

碧綠翡翠拉麵 HKD78。青bb嘅一兜嘢 諗返起tvb美女廚房班藝人整嘅暗黑料理 點知真係有餐廳整用綠色做主題嘅主菜 唔理佢伏唔伏都有心癮想叫來試下(雖然有細到大啲人都同我講好奇心害死貓。 問返侍應先知原來係菠菜豬骨湯底 雖然個人唔係太好菠菜 但已經好冇腦咁落咗單。由於嗰陣時間最好早 都係五六點左右 所以全餐廳得我一個客 而餐廳有一個開放式廚房 未上枱已經聞到陣燒烤味就開始有啲期待。 一上枱就睇得出餸菜嘅分量好大方 冇欺場感覺 如圖帶子有三粒 一大塊叉燒 有啲木耳絲 黑飛魚子同埋蟹子 仲有拉麵嘅常菜 溏沁蛋同紫菜。先食曬d魚子(因為驚食食下沉咗底 就好難撈返上嚟食 分量都唔少 用隻羹連埋啲湯放落個口度 口感綿密 甚少機會係熟食魚子 我幾鍾意呢種食法。帶子有驚喜 表面輕輕燒過搞到香味出曬嚟 不得了！外酥內軟 吞入個肚。紫菜就冇乜嘢好講 其實係紫菜浸入碗湯嘅嗰部分都淋曬 上面就少少咸 卜卜脆 都係拉麵必有嘅裝飾品嚟 至於糖心蛋都係冇乜特別嘅地方。至於叉燒 多肥少瘦 顏色好睇 同帶子一樣香味十足 咬起上嚟好柔軟 not bad！。但係比較叫人斟酌嘅地方曬碗湯 碗湯嘅味道比較淡 就係食麵嘅時候

我一向都鐘意食拉麵, 所以一放假就會週圍搵好野食, 今日俾我搵到呢間名屋拉麵, 見舖頭門口幾別緻, 就一於同朋友入去試下👻店內裝璜帶有傳統日本色彩, 我個人十分欣賞日本文化, 見到有兩幅日本美女圖, 賞心悅目。另外, 亦有一些漁網, 草帽和火水燈掛於牆上, 充滿古樸的風情。除了環境舒適外, 食物質素亦不錯。我們共叫了三個拉麵加兩款小食, 因兩人同是為食之人, 所以想試多一個唔同口味既拉麵😋全部野我地都兩份食👍🏻首先係赤紅拉麵, 呢個湯底係辣辣地, 幾香濃, 而且有唔少既三文魚子同蟹子做伴菜, 鮮味十足, 拉麵彈牙有咬口, 叉燒半肥瘦有微微燒過, 十分香口, 讚!黑豹墨汁拉麵, 墨汁香味加上豚骨湯既鮮甜令我引唔住飲多幾啖湯, 另外有大大隻青口同蝦。食完辣味同墨汁, 叫多個原味豚骨拉麵, 因唔夠喉, 哈哈! 同樣好味👍🏻至於小食亦有好多選擇, 我地揀左鐵板豬頸肉同香辣焗蠔。豬頸肉同洋蔥在鐵板爆炒, 好惹味。香辣焗蠔用辣汁一齊焗, 蠔肉飽滿, 對於我呢個蠔迷黎講, 真心正斗😋朋友唔係蠔迷都話好食😄食左咁多野埋單先係272蚊, 抵食! 下次會再去食試埋其他小食👍🏻

荃灣呢間名屋拉麵，位置雖然有d難搵，不過為左食好西，行耐d都係值得既。一入到來，環境幾闊落，四周圍都有d日本魚村既擺設，未食嘢都已經感受到濃厚既日式風味。侍應態度友善，仲有個半開放式廚房同水吧，可以一邊食嘢一邊欣賞到師傅既手勢👍🏻呢度唔單止有拉麵叫，仲有好多日食，燒物，炸物，串燒小食，十分之豐富，一次過滿足你幾個願望。同女朋友兩個人都算係大食之人，除左一人叫左一碗拉麵之外，都點左幾款小食試。呢度只得四款拉麵，其中黑豹同碧綠幾特別，我估應該係墨魚汁同菠菜麵，但本人較為鍾意原汁原味，叫得名屋拉麵，我就試左呢度既招牌豚骨濃湯，一上檯以為湯底有d稀，但食落都算濃味，落單既時候仲可以揀麵底同軟硬度等等，配合返個人口味。鍾意食辣既女朋友叫左赤紅，味道都唔算話好辣，味道幾特別，拉麵配料豐富，叉燒糖心蛋都係中上水準。另外，仲叫左一份食親元氣都必叫既軟殼蟹手卷，呢間既軟殼蟹睇落完全唔輸蝕，份量大，都算十分足料，啖啖肉。最後，呢度既串燒值得一讚，呢款燒牛柳粒我比9分，即叫即燒，一啖咬落去，裡面十分juicy ，唔會話燒到好乾，好重牛味，配埋上層既蘿蔔蓉，一陣就ko左。食飽飽，當然唔少得野飲，叫左一杯荔枝味

上次經過見之前意壽司個位開左間新拉麵店 啲menu非常吸引 即刻約中同去試試😋😋時間雖早 但已經有不少街坊入座 墻上既漁網裝潢好有feel見到menu二話不說揀左我的地獄拉麵 見到佢咁多料都唔敢追加 驚食唔哂四款拉麵 可以揀番直/曲麵 同埋拉麵質地同味道等仲可以加錢轉特飲 我就揀左白桃果酒😍食完一啖火辣拉麵🍜再加一口果酒 真係好舒暢😂一上碟見到咁大碗 真係覺得自己無追加係明智之舉咁既價錢咁足料既份量 性價比很高🤓🤓想讚一讚啲叉燒 肥瘦均衡又唔會「鞋」個黑邊我估係豬皮 夾住食加一份煙韌😋😋中同唔食得辣就揀左火焰魚生飯 賣相極其吸引仲有滿滿的魚子鋪面😛😛 側面睇都好震撼 份量一樣好足 男仔食都一定夠飽！最後仲叫左個鰻魚燒玉子share! D鰻魚好夠味而且玉子很嫩滑 口感好夾好豐富除左don同拉麵 仲有其他燒物同小食！要再黎試其他類別😛😛下之陪完媽媽買菜就可以黎呢間就腳高質餐廳食🤩🤩

難得和朋友到荃灣千色匯逛街，上網Openrice找了附近一間吃拉麵的。餐廳不算很大，由於時間尚早，不用等位，有點像包埸的感覺我和朋友各點了1個拉麵及3個小食，因為實在太肚餓！名屋豚肉拉麵 ＄59這個拉麵豬骨湯底較濃稠，配以半隻糖心蛋和3片日式叉燒。拉麵幼身，質感軟滑，日式叉燒的顏色挺靚，脂肪和肉相隔，不會嚡口。糖心蛋生熟程度剛好，入味得來不失蛋香碧綠翡翠拉麵 ＄78這個碧綠翡翠拉麵比想像中好，湯底味道較清，有明顯的菠菜味，減低油膩感，而且湯底有菜渣，加上蟹籽一起吃，很有層次除了剛提到名屋豚肉拉麵的餸外，碧綠翡翠拉麵還有3粒帶子和蟹籽，價錢很實惠，因平時坊間的拉麵$80-$90只有溏心蛋和叉燒香脆一口芝士 ＄38芝士新鮮炸起，外脆內軟，內裏的芝士不是拉絲的芝士，口感較軟滑香辣雞翼串燒＄22 ＆ 軟骨串燒 ＄142款串燒也是即叫即弄的，香辣雞翼和雞軟骨均燒得乾身。雞翼共有3隻，雞皮燒乾了油分，變得又薄又脆，但香辣雞腿翼不辣，要是辣點會更惹味呢而雞軟骨外脆中軟內脆，加了小小香料調味，好吃呢，$14元4粒也不貴，當小吃很過癮呢白桃果酒＄18 ＆ 蜜桃烏龍茶＄18白桃果酒，酒精濃度不高，只有4%

荃灣出名多野食，要突為而出，真係少d創意都唔得🤷🏻‍♀️朋友介紹呢間新開既拉麵店，拉麵既湯底有好多選擇，剛巧去開荃灣，第一時間就諗起要挑一挑機簡左地獄拉麵，夠晒濃味，又夠辣，有三大件叉燒，最特別既係有三文魚子同蟹子，增加口感呢碗係最簡單既豬骨湯拉麵，簡簡單單最能試出真功夫，個人最鍾意都係隻溏心蛋拉麵可以簡曲麵、直麵，濃度同硬度，似足日本咁細心另外仲叫左燒鯖魚，魚皮香脆，魚肉都夠晒出味明太子雞翼，唔會燒得好乾，帶有淡淡既明太子香呢個燒芝士年糕真係滿分，通常坊間食到既都係炸芝士年糕，好油，呢度用燒既感覺唔會咁膩，反而更食到芝士既香味燒雞軟骨❤️呢個又係我另一最愛除左拉麵之外，仲有好多小食/燒物可以叫Early dinner未係好多人