吉壽日本料理 (已結業)

最近食多咗放題，亦都沉迷左食放題，如果美味的可以再翻兜，不美味的試一次就足夠。三文魚．油甘魚．希靈魚．甜蝦通常去食放題都係食呢啲類型嘅魚類，三文魚切得幾好，肥美之外啲紋理都幾靚。甜蝦都幾大隻！啲肉質好鮮嫩，好味過好多唔同嘅放題。另外還有肥美得很的油金魚，每一口都是滿滿的油脂，吃起來味道10分良好，希靈魚好爽唷！有好多款唔同嘅壽司上面都係一塊生嘅魚，沒有認真理會是什麼魚，總之朋友叫咗好多款不同的魚生，每一款都有魚鮮味，口感不錯。嗰個飯亦都唔係好酸，調味同埋熱到都OK。有一個是生蝦的壽司，切得剛剛好，而且已經去了腸，口感夠爽口，而且吃起來鮮味十足。燒三文魚sushi 好香，燒到d油出哂黎，幾乎入口即溶，香到爆，好味過普通三文魚壽司。牛油果蟹子軟腳蟹反卷可以叫一細件，唔需要好似係日本餐廳咁一叫要叫一條，牛油果冇咩特別味道不過咁樣嘅配搭有稔有脆滿足到口感。個反卷色彩食材豐富可見廚師的心思。牛肉粒整得好鬆化，咸香一流。食落完全唔使牙力，好方便，越食越想食，之後叫多咗一次。雞翼+吉列炸蠔炸之後入面仲有好多汁嘅雞翼，肉質好滑，味道較濃郁咸味。另外嗰隻蠔就唔係太大啦，不過個外皮炸得脆都唔錯嘅。嘢食質素

今次黎到吉壽，成個格局都好靚，吾知係咪因為新裝修重開，感覺上用料都靚好多，裝修都幾華麗得體，不過價錢都相對提升左少少，要試試先知內涵有冇昇華！我坐近窗邊，一望落去就係旺角大街，風景不錯。旁邊仲有位置可以比我地放置雜物，空間感比較大。首先叫左個刺身，三文魚係必點之物，三文魚舊舊肥厚，肉既色水都幾橙，不過感覺可以再肥美D，如果再多D魚油就更加正！甜蝦比一般外面食冇甘滑潺潺，最怕D勁滑潺潺，而且甜度可以，其他刺身一樣新鮮。火炙壽司到啦，普通壽司就話可叫可吾叫姐，火炙壽司點都要叫黎試下！大致上黎講每款都好食，不過特別要讚一讚鰻魚壽司，鰻魚好長好大條，鰻魚肉質吾粉，燒汁配鰻魚係經典。要食鰻魚，亦都吾少得環球海鮮盛宴既「蒲燒日本鰻魚」。呢款蒲燒鰻肉，用燒汁燒製，汁與魚肉已融為一體，味濃而甜，基本上肉質都吾會鬆散，而且嫩滑多汁，鍾意食鰻魚既朋友必點之一！來到炸物之選，芝麻雞翼、炸蠔、香芋丸、榴槤炸彈少不了。芝麻雞翼同炸蠔炸得好香好脆身，芝麻雞翼肉質好滑，外表芝麻咸香，正！炸蠔入面吾會太細隻，冇縮到水，而且仲有好多蠔汁，吾會乾爭爭。香芋丸同榴槤炸彈，入面餡都好甜，就算係炸物但我覺得當甜品食都吾錯，通常

今次同兩個朋友過黎聚下，人既然多食放題自己抵啲。聽聞過呢度係重新裝修又未黎食過，就三個人都同意黎呢間食。不過其實最重要都係夠方便，一出轉右就到。呢度嘅門面係好靚好堂皇下，入面都好整齊，唔同嘅區嘅畫分都好清晰，一眼就可以知道飲品，甜品，同小食喺邊。小食種類都好多下，有炸野亦都有冷食。我幾中意啲炸物，炸得好脆好好食，但真係好怕食完會爆瘡XD所以拎嘅野食都係每人一件算啦。至於冷食就拎翻多啲，因為我真係好中意食啲辣味八爪魚同啲螺肉，因為啲汁真係好好食好開胃!帶子燒芝士汁嘅帶子，當中嘅帶子食落去冇沙，整得幾乾淨，而配埋個芝士去燒，整到成隻帶子好濃芝士味海膽手卷食完熱食緊係要食翻啲壽司店必食嘅，就係海膽手卷啦。呢度海膽手卷好迷你下，但係唔代表佢嘅海膽份量係少架。手卷嘅飯同海膽量各佔一半，所以一個手卷根本唔足以填夠我嘅胃口，呢三個手卷只係我地第一輪叫嘅，試完之後，就梗係叫多幾個啦!刺身呢度咁多刺身，我比較喜歡嘅當中嘅三文魚，北寄貝同帶子。呢三樣兩身都好好食。雖然我覺得三文魚淡味左少少，但係份量好足好大件，帶子同北寄貝都幾鮮甜。個人黎講，就比較中意熟蝦，所以甜蝦就食得少啲。大蝦咁唔食咁多甜蝦，就梗係食

平時少食放題，唔係太耐冇見嘅朋友叫到出黎，都唔知道呢一間放題嘅食物同環境都幾好、吉壽店一系列御品自家製壽司，款式五花八門，別具創意，如圖中這款名為御壽司，加醋的米飯圍上了香草，鋪上細碎鮮甜的三文魚和一隻甜蝦，賣相相當精緻吸引，品嚐一口，蝦和魚的鮮甜配上酸酸的米飯，簡直是味蕾的一大享受醬燒皇帝蟹棒壽司，金黃香軟，入口即溶的芝士配上甘甜的蟹棒，蟹棒的分量佔一大比例，加上小巧的米飯團，味道相當融合，配料遠多於米飯，令人感覺吃上一塊就值了！黃金魷魚軍艦以及蟹籽壽司同碟登場，在柔和的燈光映襯下，閃閃發光，令人垂涎三尺，急不及待把他們一一放入口中品嚐，黃金魷魚香甜爽口，有丁點咸咸的鹽味帶出魷魚的鮮甜。脆卜卜的蟹籽在口中跳躍，被薄薄的脆紫菜包着，口感一流！個人最中意就係呢度嘅甜品，因為可以自己整，發揮自己嘅創意力。呢一杯就係乳酪雪糕加左好多爆爆珠。我非常喜歡爆爆珠，所以可以見到後面嘅果幾杯都有好多爆爆珠。呢一度嘅環境真係好唔錯！

旺角吉壽店放題 包罗萬有,五花八門的壽司讓人眼花缭亂，刺身任君選擇。黃金魷魚軍艦和蟹籽軍艦和外面賣的壽司賣相一樣，但包裹外層的紫菜卻依然爽脆，材料新鮮而且份量很足。黃金魷魚有丁點過咸，而蟹籽就脆卜卜，一口咬下去，蟹籽在口中跳躍呢！發出聽得見的卜卜聲，很滿足！這些小巧精緻的壽司是御品自家製的，賣相吸睛，我和朋友一塊點的，我只嚐了最右邊的一塊，名叫御壽司，小小的飯團被香草包裹着，上一層鋪上鮮味的三文魚，再上一層是一隻可愛的甜蝦，一口吃掉，各種滋味盪漾在口中。雜錦刺身呀！一上菜，目不暇給，各種刺身映入眼球，乾冰的霧氣徐徐升出，鮮甜三文魚，帶子，爽口鮑片，鮮味甜蝦，口感希靈魚一一放在面前。各種刺身十分新鮮，鮮甜可口，從顏色和味道都能反映出來。小小精緻的海膽壽司，小小的飯團上鋪着滋味的海膽，紫菜也是脆的，可見這是即整即食，飯的份量少，可以讓我打胃留着，多嚐別的壽司。各式各樣的小菜蒜味螺肉和八爪魚小食也很滋味，份量隨你挑，愛多少可以吃多少。

一早訂左枱同家人去慶祝生日，見呢間未試過睇過食評都寫得幾好就訂左枱一試，點知非常掃興收場，呢間只能夠講垃圾水準，預早訂左9大1小，我們有4位大人先到達去到攞枱，一開始比張6人U型圓枱我，已經覺得點會夠坐，因為未齊人，所以未有開聲，唸住加椅算啦，我自己都做飲食業都了解免得麻煩人地搬嚟搬去，好了其他人開始陸續到來，坐落已經7個大人已經好逼咁要求加椅啦，一句首先問你幾多位呀，10位既話係呢張架喇，加椅會左到人行喎，唔行加，我們話咁唔加咁轉過第二張比我地啦，真係好逼坐唔落，反正隔离都有張放左8份餐具既長枱，回答唔得有人訂左，我地火開始嚟了，坐都坐唔到點食丫？之後轉左第二個人嚟講，第二個同樣話無得轉，話繁忙時間太多人訂枱，答話呢張係可以坐12個人的，因為個個客人身材有別？12個？咪講少啦，12個小朋友我相信應該好勉強可以，大佬，9個正常身型既大人呀，由於我地有個小朋友要度身高，所以該餐廳堅持要度左小朋友過左高度要收費先行轉隔离張枱比我地，最終小朋友度完要收費，他們才將我們轉至本來話有人訂左嗰張長大枱，我覺得今時今日咁既賺錢手法真係唔得，我都係消費者，已經好心先叫加椅，一句話左到人了事，話轉枱又要

最不滿意某d食物落左單2，3次先黎一次，仲要本身點5件黎得1件。上菜速度又慢，都唔知佢係漏單定未做起，焗住要人重複落單，浪費時間。刺身尚可，熟食方面雞翼較出色，天婦羅蝦淡味，牛肉煱湯汁太甜，飲品和甜品選擇都算多。環境擠迫混亂，感覺麻麻，服務態度ok。試一次夠皮，唔會再去

最近出左去外國的朋友都慢慢番返黎香港，咁就當然要幫佢地洗洗塵，食番餐勁既放題啦吉壽於旺角地段方便，而且口碑都一直唔錯，所以我地就上左去食餐勁既 一去到就覺得門面好光猛，位置亦都相當好坐。 食放題就一定係叫魚生，壽司，咁我地當然都唔例外啦不過，吉壽有一個細細既空間，放置左唔同既開胃小菜。 我地就拎左螺肉，八爪魚。螺肉味道鮮甜帶微辣，用黎開胃，效果一流。 八爪魚我就覺得一般般，鐘意既一試無訪。 去到是日的重頭戲(刺身;魚生)⊙ω⊙刺身用一大個盤盛上，冰的分量好多，都未試過出現唔夠冰或者刺身有異的情況。 刺身主要叫左三文魚，甜蝦，玉子，油甘魚。 個人就最鐘意食油甘魚，相對厚身，而且食唔到乍，另外味道少少甜 三文魚油脂分佈好靚，食落口亦鮮美，唔會有煙靭既感覺 玉子夠凍，唔會好厚身，nice 雖然我唔食生蝦既，但見條條都好大隻，我班朋友又爭住食，應該都好唔錯除左生食之外，我地都點左好多熟食的。 個人最推薦既絕對就係焗蠔同黃金扇貝兩樣。 焗蠔以類似葡撻的面貌上枱，用so皮包住焗好既蠔，味道層次馬上豐富左，有脆亦有蠔既甜味。我地叫左幾輪狂食黃金扇貝用左好多芝士放係扇貝上面，拎左去焗，味道絕對係一絕另

吉壽裝修，收做"本格"放題後。我食過兩次，但卻有大分別。初時上菜好快，order寫幾多俾幾多，刺身厚切大方。所以我一個月後食第二次。。。。。點知，上菜慢（特別係刺身）！有意拖單刺身落8片俾4片，仲要漏幾種。燒物落4串俾2串。完全唔足數。感覺小家食物水準都keep到，刺身新鮮，甜品亦ok.但係如果自問大食，又想狂食刺身嘅，吉壽滿足唔到你。希望吉壽餐廳速改善，短期内無下次！

自從知道吉壽要裝修UPGRADED之後, 一直都期待緊佢裝修完食物質素會唔會改善得更加好…..今日終於有機會可以去試一試啦…..地址冇變, 但係裡面裝修完令人覺得感覺高貴左……刺身好新鮮而且點既數量都岩岩好: 三文魚好肥美, 蝦都好爽口彈牙, 魚生一啲雪味同腥味都冇, 質量都唔錯……創意壽司都有好多唔同既款式, 每款用料都唔錯, 新鮮而且細細粒容易入口之餘唔會太飽肚。每款味道都唔錯, 不過奇異果配鵝肝壽司味道真係好奇怪, 兩者味道難以溶合……卷物都唔錯啊, 特別係雙色花之戀真係好好味, 鮮味十足而唔覺得好膩……鰻魚卷物都好好味, 鰻魚入口即化, 甜甜地好好食, 仲有牛油果軟殼蟹好清新…..安格斯牛柳粒呢個真係極力推介, 分量都幾多, 牛柳粒既肉味真係好濃郁而且煮得岩岩好, 淋淋地又唔會太硬, 加埋蒜片, 更加惹味!!!!!!燒鰻魚鰻魚都燒得岩岩好而且入口溶化, 但係佢個鰻魚汁太過稠身, 有點美中不足…..整體真係唔錯, 一定會再食過!!!!!

今晚又係放題夜，誤打誤撞朋友們又簡左呢間正野之前已經食過，今晚再黎挑戰😂😂😂晚上8點入座 2小時時限每位$238+1第一round必叫既刺身蝦有2款，珍寶蝦鮮甜實肉有口感北寄貝都幾甜，其他都唔錯Sushi舊飯硬左少少，細細粒一啖一粒都幾方便手卷其實好袖珍，一啖一口都幾好唔會太飽不過今次海膽唔算太過新鮮味道一般炸物只食左紫薯炸物，食落好軟身而且好甜，好食！芝麻雞翼香脆可口熱辣辣嫁！😍😍😍 雞翼肉質好細嫩❤️ 喔依西～～～又再encore 食刺身不過今晚應該冇帶子，叫左幾次都冇😢😢😢整體味道都幾好而且仲有乳酪雪糕食。不過10:00 係咁吹我地交枱但係last order 既野又未黎，係咁叫人走但又話d野食黎緊🙄🙄🙄係呢點有d唔開心囉！今晚真係食到媽媽聲咁叫～好飽啊😂

上星期六晚同女朋友係朗豪坊行完街諗住求其搵啲好野食，就近近地去左食吉壽放題。一入到去入面就見到個超大自助飲櫃樻，飲品種類目測有十幾種以上。呢啲都只係罐裝同紙包飲品仲未計有清酒，豆漿等等既其他飲品。選擇多到眼都花。係飲品樻隔離仲有甜品吧，裏面有好多糕點類既甜品同馬卡龍。最後，仲有部重量級既yogurt 機，有提供原味同雲呢嗱味既yogurt。呢個格局比起普通放題好似多好多好野食咁喎入到去坐低，即刻叫左一堆野食先。最快上既當然係魚生刺身啦！跟住其他野食都陸續上到，上野食既時間都算幾快，同埋無漏單既情況發生，食放題黎講都係第一次。魚生剌身幾新鮮，正常水準。反而啲燒物功架十足！特別係鹽燒牛舌，燒得啱啱好，吾會太韌，而且隻醫汁好入味。仲有我至愛既串燒雞軟骨，香口得黎又脆卜卜。不過成餐飯最令人驚喜既反而係我女朋友叫既榴蓮炸彈。佢係一粒外層炸成脆皮，內層就係熱既流心榴蓮蓉，當甜品黎食真係無得頂！成餐飯每人都係240，星期六晚，仲要多野食過岀面普遍既放題，性價比算係幾高啦！

今日約左一班朋友食放題吉壽放題食物種類好多, 重有一些自助區比我既感覺好似食緊半自助餐咁花多眼亂的飲品,也有點像去了便利店一樣! 除左點餐紙的炸物天婦羅之外,自助區還有一些炸物例如春卷, 薯格, 炸雞~會不斷refill, 都保持到是熱的~這個值得一讚! 甜品亦非常出色有我超喜愛的乳酪雪糕~甜品的款式很多, 而且味道都不錯!特別是那個tiramisu 跟朱古力布朗尼!甜度剛剛好!!這樣的質素, 也只是二百多元!我覺得算是不錯的啦! 　

朋友生日就同佢食放題慶祝下，我一坐低就急不及待出去睇吓有咩好嘢食嘩！單單飲品已經有超過30種唔同口味！實在太壯觀！另外，仲有好多唔同嘅熟食區，簡直就係一應俱全！返到埋位，朋友已經叫咗一枱嘢食佢哋嘅上菜速度都幾快！呢個係避風塘金剛腿，鍾意食辣野嘅我簡直滿心歡喜估唔到一份細細份嘅炒田雞都落足唔同嘅調味料，味道非常惹味，而且田雞腿好大隻，肉質鮮嫩，咬落去啖啖肉！依個係中華四川炒辣蟹，佢哋嘅蟹肉質一啲都唔霉，果然係日日新鮮空運到港！而且蟹大隻得嚟又多肉，雖然有啲辣，但係唔會遮蓋左蟹本身既鮮甜味辣酒煮花螺，花螺配辣酒煮成既汁好香，實在太好味！花螺嘅肉質好有口感，配埋個汁好夠味！呢個係北海道390牛乳海鮮鍋，清甜得黎又有淡淡牛乳香，裏面有好多唔同嘅蔬菜，完全索晒牛乳湯味，連海鮮都特別鮮甜迷你海膽手卷超可愛我特登就咁試d海膽，一d都唔腥，甘甘地，好唔錯！👏🏻👏🏻黃金焗美國帶子，面層係蟹子加沙律醬，有口感得黎又開胃。原隻帶子啖啖肉，有點鮮甜。牛油燒翠玉瓜，香得黎又多汁！燒有機菠蘿好正！暖暖地，好香既菠蘿味而且非常甜！！川燒秋刀魚燒得好香，一d都唔腥，肉質好實都好鮮美，完全唔苦蒲燒日本鰻魚有甜甜地既鰻魚

頗貴 又多人又少野食 三文魚籽軍艦 金菇牛肉 卷 魷魚壽司呢啲咁基本既野都冇 熱咖啡熱朱熱奶茶又冇 其他餐廳同樣價錢好過吉壽好多 好既係8點後冇限時 同埋waiter waitress好人 冇漏單 勤力執抬