吉列牛忌廉烏冬專門店 (百樂中心) (已結業)

上年喺京都勝牛食過價廉物美既吉列牛，至今仍然魂牽夢縈🤤；後來又食過香港幾百蚊既吉列和牛，雖則美味但錢包也大出血，所以知道銅鑼灣有得食相對平價吉列牛之後，等唔切約飯友就孤身前來試水。日式韓式傻傻分不清，反正都係吉列都係牛，應該換湯不換藥掛😂無影到環境相，但係窗口望出去有跑馬場🐎有山景⛰️，都算豪華吧！zoomZoom...ZOOM!怕肥膩的朋友有福了，因為店家捨和牛而取美國牛裡脊肉，加埋油炸麵包粉外皮，油量就啱啱好，不怕擔不起脂肪quota（利申：我未怕過XD）吉列尚算香脆、無油溢味，150g既牛肉份量厚道，質地可以用爽口彈牙黎形容，雖然牛味唔係好濃，但係鮮嫩juicy，蘸上甜豉油和芥末沙律醬，鹹鹹甜甜、老少咸宜的風味真心happy😋😋😋凍豆腐、番茄、沙律等小菜也不過不失。平心而論，呢個吉列牛定食（$148）既吉列牛算係抵食👍🏻👍🏻👍🏻食慣和牛吉列既人可以黎試下換新口味。好景不長！正當我沈溺於牛牛的溫柔鄉！霎時之間竟然被一下從雲端打落地府！而犯人⋯⋯竟然係眼前呢碗冷酷無情的白飯！呢個飯真係超級、超級、超級超級難食，唔單止literally做到味同嚼蠟，仲要又乾又硬又梗頸😵稍不留神就可以升級

吉列牛忌廉烏冬專門店好想食吉列牛肉啊！上網搜尋到呢一間吉列牛肉專門店，就喺銅鑼灣嘅耀華街，趁住今日好天氣，坐在窗前，望着窗外嘅景色，心曠神怡。餐廳的窗前是一排卡位，每張枱上都放有一個吉列牛肉專用的爐呢。黑色的牆身配上木製的餐桌，感覺不俗。適逢下午茶的時間，三四時的時候，餐廳人客很少，製造了一個寧靜機會讓我和朋友輕輕鬆鬆的吃一頓飯。除咗吉列牛套餐、忌廉烏冬、呢度仲有釜飯、涮涮鍋同埋超過20種小食。如果想飲本地啤酒，呢度都有個好選擇，就係可以點選門神啤酒，支持本地啤酒，值得一讚！牛舌雞肉串$38呢個串燒，我個人幾鍾意，雖然係牛舌，但係已經混和左係雞肉串當中，味道融為一體，都幾彈牙。個口感有啲似雞軟骨串嘅爽口，個人覺得幾好味。味噌蟹蓋配紫菜飯團$58呢一個食品，賣相幾精緻，價錢都唔貴，蟹蓋中附上三個白色嘅飯團同紫菜，可以俾我哋自行配上味噌蟹蓋包成飯團呢。吉列牛定食$148外層的吉列脆皮比想像中的薄，包裹着粉紅色嘅生牛肉，看似很生的牛肉但一點血水也沒有，吃入口中也沒有血腥味，若是油炸過久，便會讓裡頭的牛肉太老又不好吃。食的時候再逐片放上鐵板上略為煎熟，肉質依然保存嫩滑！配菜方面較為簡單，有車厘

週未放工就一定要慰勞下自己，聽從朋友介紹黎左百樂中心呢頭試下個人氣吉列咖哩烏冬。二人食就點左個吉列套餐，有牛又有烏冬可以一次滿足兩個願望。吉列牛。上枱時應該只有三成熟，外表炸得香脆亦可根據口味再放上火爐再煎熟一點。其實煎到五成就差不多了，因為呢個牛油花唔多，主要係赤肉過熟的話會韌，影響口感。沾上少許芥末以減低油炸嘅肥膩感，幾唔錯。套餐配備左普通麵豉湯／白飯／一口豆腐及麻醬蕃茄。兩個小食都唔算特别，但配醬嘅柚子醬油加上少少芥末個味道同牛扒好夾，食落更清爽。忌廉烏冬。咖喱味夠香，但辣道唔強都係偏向日式嘅甜味咖喱。加上忌廉嘅烏冬食落更覺滑溜，食時有啲忌廉嘅奶香味，唔錯。下次要食佢個雞肉炒麵！以呢個辣度應該好吸引。但略嫌牛肉粒有啲過老，連埋烏冬食會影響到少少口感。單骨雞翼(蜜糖燒烤味)。一食落口就覺得同SHAKE SHAKE薯條嘅味道十分相似，正中我地嘅味道！大量燒烤粉覆蓋住可口雞翼，每一啖都係惹味享受。正。兩款飲品都唔錯，玫瑰梳打入口好香，菠蘿冰涼，各佔小小酸味啱晒黎配炸物同食。餐廳改名無花巧直接了當講出自己招牌菜式，方便食客入到黎點餐。呢點幾唔錯，似足日本。

朋友介紹來這間吉列牛專門店，每次去到百樂中心也要排隊排一陣子！餐廳裝修以黑色為主，燈光也是比較偏暗的原來除了有吉列牛，有其他釜飯、烏冬及小食等吉列牛定食十分豐富，令人十期待！這吉利牛可以自己燒，肉質鮮嫩，再加上外面脆的口感，十分開胃，我們都吃不停。第一次以wasabi 這個配搭來吃牛，味道及效果也不錯！飯素也很開胃！原條鰻魚蟹籽釜飯朋友點了這個，賣相很吸引，原條鰻魚十分肥美，再配上的個釜飯，朋友極速吃完，大讚好吃！Kobekyu 秘製蛋卷這個秘製蛋捲真的不得了！蛋的生熟到剛好，不會太老，而且每一口也有芝士，再配上秘製的醬汁，感覺是有一點Wasabi的味道，令人一吃再吃！韓式甜辣醬單骨雞翼單骨雞翼最適合我這些懶人！是傳統的韓式甜辣醬味，不會過辣，味道剛好，而且雞翼肉質鮮嫩肥美！整體來說，環境及食物質素也不錯，沒想到釜飯易令人感到驚喜！下次可試試忌廉烏冬！

之前成日喺ig見到人地食吉列牛，另外知道個忌廉烏冬都好似幾出名就想嚟試一試。今次同一個朋友嚟食，佢話之前食過覺得幾好食就拉我嚟再食一次。既然佢係吉列牛忌廉烏冬專門店，梗係要兩個都點嚟食下。⬇️咖哩忌廉牛肉烏冬⬇️個忌廉烏冬嘅一層雪白忌廉睇落好治癒😂雖然睇落好似好heavy, 但其實佢冇我想像中咁厚，佢係打到好似泡泡咁。忌廉下面就係咖哩烏冬同牛肉。撈埋一齊食之後，忌廉同咖哩出奇地夾，好creamy好好食😍，而且牛肉份量都好多。⬇️吉列牛定食⬇️定食有少量前菜、白飯、麵鼓湯同一份吉列牛。白飯上面有埋飯素比較好下飯。個吉列牛只係邊邊炸好咗，入面仲係紅色嘅生肉所以要用佢提供嘅小爐煎熟佢，放上去好快就熟可以食。外面個邊炸到脆，但入面就好軟熟，而且好有牛肉香。之後我地都有叫多兩個小食⬇️牛油蜜糖單骨雞翼⬇️雞翼有好香甜嘅蜜糖味，而且佢係單骨雞翼所以食得都幾方便，落埋檸檬汁就更好食。⬇️蒜片牛舌芯⬇️薄薄嘅牛舌微微烤焦，食落好香同唔會太硬太乾身，而且有埋蒜片同葱嘅關係食落好香口。

近日見到友人在facebook盛讚這間吉列牛忌廉烏冬，今晚決定親自去試一試今晚order左1 set 吉列牛定食+咖喱忌廉烏冬(牛肉)吉列牛定食包括 飯素加珍珠米飯， 車厘茄，麵豉湯 麻醬豆腐，沙律及 自家製蛋黃芥末醬，好豐富吉列牛份量頗多，厚切 ，外面已炸至金黃，脆卜卜，內裏肉嘅部分尚未熟透，還是嫩紅色的食嘅時候要在小石爐上燒一燒先，每邊只須燒數秒，一咬落去真係外脆內juicy唔使蘸汁 已經感受到牛的原汁原味和嫩滑，好正咖哩忌廉烏冬 (牛)~成盤白色的忌廉放在你面前都咪話唔驚，但原來內有乾坤原來咖喱烏冬就在奶白色的忌廉下面，咖哩烏冬甜中帶點微辣，再混合忌廉一齊食，口感份外順滑，估唔到咖喱和忌廉可以咁match,正牛肉蘸自家製蛋黃芥末醬也好美味Kobekyu 滋味單骨雞翼~雞翼炸得好香口，真係食到停唔到口芝士焗 露筍~ 露筍好鮮嫰，用芝士焗好好味

岩岩過左個週末，又到左要番工既星期一，趁晚上冇咁多人，去同朋友試下呢間位於銅鑼灣既餐廳。一入到去，環境okay 幾舒服，位於22樓既景觀好開揚。今餐就叫左一份小食加兩個主菜。主菜方面係一份吉列牛定食同埋原條鰻魚蟹籽釜飯。首先係份吉列牛定食，有胡麻豆腐作為前菜，十分之開胃。 而份定食既份量適中，d牛炸得岩岩好，外面脆但入面又唔會好熟，放係鐵板上面煎下佢再食，有牛既鮮味，口感又好脆，雙重享受!至於個原條鰻魚蟹籽釜飯，成條鰻魚上，加埋d紫菜，蛋絲同埋蟹籽，個配搭好正好好味!而小食就係牛舌雞肉串，雞肉燒得好好，好juicy，加埋牛舌既味道，成個串燒既味道配搭得好好。再加埋兩罐可樂，甜度適中又幾fresh，為呢一晚既晚餐錦上添花！

呢類咁創新既野食一直想試🤤環境都算幾乾淨 無我想像中會好多油煙我地嗌咗吉列牛定食+咖喱忌廉牛肉烏冬(小辣)+2汽水套餐小食嗌咗蒜片牛舌芯同Kobekyu韓式醬油炸雞。個咖喱忌廉牛肉烏冬賣相一流 絕對係打卡之選😂個烏冬食落creamy得黎又有咖哩味加埋啲菇同牛冇得彈！蒜片牛舌芯嘅蒜味非常濃郁牛舌厚得黎又好爽口 唔會韌但份量少dKobekyu韓式醬油炸雞嘅雞同雞皮整到非常香口加埋啲醬汁同入晒味嘅洋蔥（係洋蔥！！！）呢個配搭十分出色 值得一試黎到重頭戲嘅吉列牛定食 個定食有兩款小菜- 車厘茄同豆腐 兩款都加咗芝麻醬 酸酸地幾開胃🤤另外隨牛附送醬油同加上芥末嘅蛋黃醬 配合埋外脆內嫩嘅吉列牛簡直係絕配！如果怕牛太生嘅朋友 餐廳枱面有個爐仔你可以用佢黎燒熟少少啲吉列牛咁就唔怕會太生啦！總括黎講 人均二百蚊 食物亦都幾有質素值得一試

同事介紹銅鑼灣有一間吉列牛好好味，於是同男朋友上咗去食由於係樓上店，下面排隊超多人餐廳亦都爆場好多人食兩個人叫咗一個套餐再散叫一個小食套餐揀咗吉列牛定食加咖喱忌廉烏冬，再追加多一份吉列牛首先上咗個咖喱忌廉烏冬，一開始只見到好多忌廉喺面，用筷子撈一撈忌廉烏冬嘅香味即刻散發出黎第一次咁食法，都幾特別咖喱味好香濃，再撈埋忌廉，唔會好漏，食完一啖又想食一啖之後上咗個定食，有一份吉列牛一碗飯仲有面豉湯再追加多一份吉列牛，估唔到份量都幾多上枱後好驚食唔晒吉列牛中間係生牛肉，所以可以自己係鐵板上面燒，生熟程度都可以自己控制不了鍾意食五成熟嘅我燒左3分鐘左右就可以食啦仲有少少紅嘅感覺，唔會太熟，唔會太韌，入口即溶，口感唔錯最後男朋友加多個南瓜薯餅，南瓜蓉好甜好香炸到好脆好好味共有四件，啱啱好每人兩件食到飽一飽落樓都係$420買單又抵食又好食

是日來吃人氣吉列牛定食～這間吉列牛忌廉烏冬專門店在百樂中心22樓，居高臨下的風景不錯看哩。店員很快便安排我們入座，每枱都有一個自己專屬的小火爐先點一些小食，這個炸得香脆金黃的就是南瓜薯餅熱騰騰的外層超酥脆，咬下內餡是香甜軟糯的南瓜蓉然後是煙鴨胸沙律，沙律菜新鮮爽口，煙鴨胸份量蠻多的，而且肉質很嫩因為餐廳叫吉列牛忌廉烏冬專門店，所以也點了一客有忌廉的主菜，就是香辣忌廉雞肉炒麵上面舖著滿滿的忌廉呢，充滿奶香～這款真的蠻辣，吃得過癮主角當然就是吉列牛定食吶，好豐富呢吉列牛看起來超好吃的！先放上熱石上烤一烤，可以按自己喜好控制牛肉的熟度牛扒油香豐富，肉質軟嫩，入口非常 Juicy～加一點芥末來提味已很捧香氣十足的吉列牛和白飯一起吃是絕配～一口接一口吃不停呢。吃完再喝一碗暖入心的麵豉湯，令人滿足的定食

在銅鑼灣逛完街, 又是搵食的時候, 今次到了好多餐廳的耀華街百樂中心之吉列牛忌廉烏冬專門店搵食。咖哩忌廉烏冬(牛) $78店員端上烏冬來時, 真是嘩了一聲! 因為整個碗都滿滿的忌廉。撥開忌廉, 才見到內裡的烏冬和牛肉, 把忌廉和咖哩烏冬撈勻來吃,真是十分香滑。我覺得這個咖哩忌廉烏冬真是挺特別的。吉列牛定食$148吉列牛切得厚身, 有份量, 吉列牛本身外面炸過來, 內裡肉部分是紅色的, 尚未熟。食時要再在爐仔燒一燒, 才可以食。燒完後, 一咬落去吉列牛, 真是好好味呀, 不用蘸汁, 已是原汁原味, 牛味濃, 又嫩滑。真是要再追多一份吉列牛, 追多一份都只是$98, 有這樣的質素, 真是物超所值。Kobekyu 滋味單骨雞翼$65雞翼炸得香口,味道帶點淡,有幾多五香粉鋪在雞翼面上。Rose Garden $38這杯Rose Garden 是粉紅色, 及有幾粒玫瑰花作點綴, 好美的一杯, 有點像情竇初開的少女。味道入口玫瑰花味, 幾好飲。

好多時出去食都係吉列豬、吉列蝦同吉列蠔，而且好多都係來自日本餐廳，今次同老公就好想試下呢個來自泡菜國既吉列牛，就好完滿啦！我同老公今次都係為吉列韓牛而來，所以目標非常明確！餐廳位置方便，而且遠望到跑馬地既馬場，個view都唔錯呀！店員好有心思地先為我地奉上玄米茶終於殺到嚟啦！同老公就係為呢份吉列韓牛而來，大家都好期待！叫左份定食，有埋湯同前菜！一份韓牛再加一份和風定食，即刻好有fusion菜既感覺！要幾生有幾生，要幾熟有幾熟！自己口味自己話事！只係稍為微微燒到七八成熟後，因為我地想感受吉列般既滋味！確係無令我同老公失望，兩人要再encore多碟！蒜片牛舌，一定要趁熱食，蒜片非常脆口，牛舌亦好嫩，一份兩人爭住食唔停口！忌廉烏冬，賣相一點也不遜色，本人望見已經表示心心眼，一定要相機食先內有乾坤！係甜中又帶點好輕微辣既日式咖喱烏冬，超大碗！唔好諗住咩配菜都無，就甘食會好dry！但其實就係呢個食法，先令你知道咩叫做真正既大滿足！Rose Garden，賣相非常少女心！確實有玫瑰花香味，再加上梳打水，非常爽呀！門外既廣告牌，都係牛之系列。老公表示，仲有好多款未試。要再encore ，要試埋其他！

朋友介紹韓式吉列牛，所以揾到嚟銅鑼灣百樂中心😝我地每人叫左吉列牛定食，超特別！每人有個細爐然後自己燒。食落口感外脆內林，牛味亦都十足，點埋wasabi更加係一絕，芥辣味可以去除油膩感。 定食另外包麵豉湯，白飯同沙律。白飯上面有啲調味粉，不錯不錯。我地都叫左個海膽釜飯，夠熱同好抵食！味道都不俗！飯撈埋蟹籽食落多左種脆既口感！另一個特別之處係呢度有賣香港製啤酒，夠晒本土！可惜食完呢啲已經太飽，冇食到招牌忌廉烏冬。下次一定再戰！

身邊嘅好友知道我準備要減肥，嗰個都心痛我，驚我食唔飽？草唔肥？特登為我簡一餐減肥前的晚餐！😂😂😂餐廳格局整齊，位置闊落，坐得都幾舒服！每張枱上面都有個方形嘅石板爐灶仔，準備係比客人食吉列牛之用係咪準備過嚟我包場呀？其實平日六點，都市人都未放工放學仲未太多人姐🤓最想食既就係你 吉列牛定食 HKD148吉列牛定食 HKD148價錢唔貴，咁大塊吉列牛，而且每舊都有一定厚度！前菜有蕃茄、豆腐、味增湯，仲有一大碗調味白飯！如果唔夠飽，仲可以加$98再追加吉列牛添！聽落去都幾抵🤩🤩🤩啱晒大胃王食！但減肥嘅我就算啦唔好再加啦😂😂😂我哋叫咗吉列牛定食之後店員就幫你將小爐做點火啦！吉列牛仲係生嘅，將去擺落去石板上先，好快就煎到熟熟地！聞到一陣陣好香嘅牛肉味就知道可以食得啦！入口香軟，肉質細嫩，牛嘅味道頗重，HKD148可以有呢個水準，值得一讚！Kobe牛油蜜糖單骨雞翼 HKD 65味道正常冇太特別，勝在雞翼肉質依然嫩滑！整體來講，我依然最鍾意係吉列牛定食！未到減肥已諗定下一次係幾時食好！點算好😅😂😂

近日翻看杜如風嘅日本旅遊節目，見到她吃吉列牛，食得津津有味。原來香港都有得食吉列牛，而且這間餐廳仲有好特別嘅忌廉咖喱烏冬供應，今日一於同honey去試吓。這間餐廳位於靜中帶旺嘅銅鑼灣耀華街。餐點的選擇都幾特別，除咗有人氣嘅吉列牛外，仲有唔少嘅日韓美食，感覺都幾fusion.估唔到weekday 的晚餐時間，這兒認真爆場。店內坐滿食客，熱熱鬧鬧的，每一枱的客人都在烤牛肉，咔滋咔滋的烤肉聲音，真叫人十分期待。吉列牛定食+咖喱忌廉牛肉烏冬+汽水$246吉列牛定食都幾豐富，定食內包含吉列牛扒、湯、味飯、豆腐和蕃茄仔等等。香脆的吉列牛扒外層香脆，內𥚃軟嫩。把吉列牛輕輕的在鐵板爐上慢煎，嫩紅的牛扒慢慢變成誘人的半熟牛扒。自己食下，烤下，可自行控制牛扒的生熟程度，實在有趣。牛扒外脆內軟，充滿肉香又軟嫩，辛口芥末突出牛肉野性的風味。加上牛扒用的是熟成牛，牛味更濃，而且完全無筋又juicy, 比我在大阪所吃的更好吃！正呀！咖喱忌廉牛肉烏冬也是這家店的招牌菜。烏冬比白雪雪的忌廉完全覆蓋，本以為這烏冬會好肥膩。點知一啜之下，咖哩烏冬十分軟滑，而忌廉十分輕盈而薄身，薄薄的沾在烏冬上，口感份外軟滑。雖然牛肉唔係