吉列牛忌廉烏冬專門店 (百樂中心) (已結業)

家姐來搵我食午餐，當然帶她食好野啦，網上推介牛肉需要自己動手燒，好棒賣相吸引，簡直超豪華有牛肉，有飯，麻醬豆腐，麻醬車厘茄，加埋麵豉湯十幾块牛肉呈現眼前，三成熟，牛肉邊炸酥脆邊食邊燒，牛肉放左石板上停留幾秒，根據自己喜歡去燒出不同熟度，牛肉燒出香味，軟身滋味，好食用蠟火保持熱度，一分鐘後才可以打開好多海鮮啊：帶子，蜆肉，蟹籽；超豐富，新鮮美味，帶子厚身大大粒，大過5元港幣，蜆肉勁多，起碼都有15粒以上，連埋蟹籽和蛋，加少少醬汁撈起吃一口，好香好好食濃郁紫薯味，越飲越爽清香的薄荷味，檸味帶出醒胃，底層可以食到柚子，又有得飲又有食環境一流，坐得舒服，望到靚靚私人樓，令人食慾大增好多選擇，下次應該選下小食

韓國過江龍，在韓國旅遊時食忌廉冬烏，當時還記得那口感。真心想試香港分店好耐，今日終於拉埋朋友來啦。位於銅鑼灣百樂中心，成棟大廈都是餐廳，而且間間都返甘上下質素，今日黎位於22樓的吉列牛忌廉烏冬專門店。一早已經在openrice 睇定有咩餐😂因爲太想食了，同朋友決定點吉列牛定食和忌廉烏冬，就是最風靡亞洲的菜式。咖哩忌廉烏冬$78面層是質地濃稠的忌廉，底層是爽口彈牙的咖喱烏冬。食前先把忌廉和咖喱烏冬撈勻，忌廉沾上每條麵條，香甜的咖喱配上厚滑忌廉，非常creamy，口感層次相當豐富！吉列牛定食$148外脆內軟吉列牛，上菜時啲牛肉係生生地，可以跟據自己想食幾成熟，自己燒，每張台都有一個小小鐵板，店員教每邊燒2秒就ok，一放舊肉落去就聽到滋滋聲，香氣四溢！牛肉又嫩又鮮甜，炸皮薄而香脆，食時更附上加入wasabi和蒜蓉的特製沙律醬，蘸來吃牛味更濃，肉汁豐腴。大推大推👍Kobekyu秘製蛋卷$68又一傑作👍蛋卷心是拉絲芝士，蛋的表面和內層都好嫩滑，配埋流心芝士，口感豐富。但是食落一點也不膩，反而是很軟滑的感覺。真係好滿意的一餐，韓國過江龍都保持到水準👍好值得再試。

銅鑼灣行完街黎到耀華街搵食，不如食吉列牛、忌廉烏冬，黎到安排到窗口位坐可以望住跑馬地馬場食飯2人套餐吉列牛定食+咖哩忌廉湯烏冬(牛肉)$246吉列牛店會炸至半熟，再比你自然燒，生熟情度自己控制咖哩忌廉湯烏冬；滿滿忌廉係上面，成碗都白色紫薯Latte + 🍵抹茶Latte都係滿滿忌廉係上面每杯跟餐 各補差額+$25 (每杯)日式炸雞$45炸得好脆，幾好食，餐牌另外有韓式炸雞$78唔知有咩分別呢Kobekyu秘製蛋捲$68蛋捲包住芝士，輕鬆做到拉絲效果埋單2個人食再計埋加一共$450，平均每人2百幾蚊

好耐冇食過吉列牛 突然勁想食所以上網爬左一陣文 搵左呢間新潮美食位於百樂中心 係地鐵站一出行5分鐘就到 好方便 由於我地6點零鐘就上左黎 所以𨋢都唔洗等 正一出𨋢門就見到大大個招牌 實冇去錯啦😉又好好彩咁有窗口位坐 望住出面d街景食飯真係好舒服 早黎出面都仲好光裝修走型格風 以黑色為主 別有一番味道野食選擇十分多 有出名ge吉列牛 忌廉咖啡烏冬 釜飯 小食等等我地得2個人 胃ge位置好有限 所以叫左唔多野食一個吉列牛定食原條鰻魚蟹籽釜飯枝豆蜂蜜菊花蜜枝豆煮完加上少少鹽 又多汁又好食吉列牛定食好大一份 有飯 味噌湯仲有少少沙律 我即刻將d牛燒到5成熟 又冇根又好食 自己燒ge好 就係生熟自己控制 又可以玩下 食餐飯都冇咁悶原條鰻魚蟹籽釜飯一上枱 店員好細心咁提要等一分鐘先好食 條鰻魚大過隻碗😍 鰻魚燒到岩岩好 皮有脆 肉滑 加埋鰻魚汁岩岩好 蟹籽脆卜卜為成個飯增加唔少口感蜂蜜菊花蜜清甜潤喉

成日上youtube睇到好多人介紹食吉列牛，肥妹仔想試好耐了，不過一直都無行動的起心肝去食，今日係星期六，肥媽無煮飯，於是就決定去試下吉列牛套餐 吉列牛定飯 + 咖哩忌廉烏冬  $246肥妹仔我叫了一個套餐，有吉列牛定飯同咖哩忌廉烏冬，仲包兩杯野飲tim!!!先講個吉列牛定食，有麵豉湯，芝麻醬豆腐，吉列牛扒同一碗飯!!!個吉列牛上枱時只係輕輕咁炸脆外表層炸粉，牛扒入面仲係未熟，好粉嫩，要再用枱上個石板去輕輕咁燒熟佢，而熟既程度就睇客人自己想食幾熟!!!個炸粉聞落去好香，有少少似某連鎖炸雞店既味道!個牛肥妹仔我熟到大約七成熟，at least表面已經無唒血水，佢既牛扒肉質未去到好滑好入口既溶，但都幾有牛味，食既時侯點上佢提供既芥末醬，有少少攻鼻既感覺，可以減低油膩感。咖哩忌廉烏冬個咖哩烏冬上層舖了層薯仔味既cream,唔咸，但食得出有薯仔同奶既香味，而且都唔係好杰身果種，係比較稀身，而個咖哩烏冬就幾濃咖喱味，烏冬既質地都幾煙韌，撈埋一齊食都幾好食!秘製蛋捲 $68入面係包住芝士架，上枱時熱辣辣，拉開係有牽絲既效果，蛋捲都幾滑，唔係好咸，少少調味，幾有芝士味!綠茶latte +$ 25加咗

終於捱過在四川雲南之旅！！！(無辣不歡嘅人話我咁講折福？Sorry，雖然正宗，但食幾星期一味鹹嘅紅油菜，碟碟一樣味，你就會掛住HK)　返到嚟當然要食返啲「有味道」(即味道有變化，唔係濃味)嘅嘢！呢間餐廳本體係韓菜，但亦加入唔少日菜元素，連背景音樂都係日韓交替。呢度有兩樣主打，分別係吉列牛同忌廉烏冬，因為可以自己落手燒，吉列牛感覺較吸引~枱面呢個爐仔就係為吉列牛而設~要食吉列牛只能點定食或者套餐，冇得散叫，雖然要$148，但牛幾多而且唔係度度有得食，好值得一試。熟悉嘅外皮，包住嘅卻係我未試過咁食嘅牛肉。吉列皮雖然炸得金黃，但入面嘅牛肉仲係全生架！起初以為燒到剛熟係最好，但因為肉切得夠厚，而且冇筋，肉燒至微焦，肉芯仍而係淡粉紅，呢個時候食油香最足，肉質軟腍腍，timing最好！吉列皮調味略鹹，所以唔點任何醬料已經夠晒味。不過如果唔鍾意太油，建議點燒汁減低飽膩感。定食配大碗白飯，不過米粒唔係超飽滿，未見驚喜。定食包杯$20汽水，其他補差價。Passion Punch見到熱情果籽，飲落味道天然。梳打水減低咗果汁甜度，成杯飲落好解渴。朋友嘅Citrus Ocean顏色襯晒個名。底層係柚子蜜，記住

禮拜六約左班friend聚舊，黎到銅鑼灣的吉列牛忌廉烏冬專門店。店內環境優雅，入到去都幾乾淨，坐位舒適，啱晒三五知己約埋一齊食嘢。我地點左佢的招牌菜-吉列牛肉❤️牛肉份量十足，上枱時仲紅當當，每張枱設有一個小爐，d牛肉要幾多熟就由你自己決定。牛肉炸粉夠薄，肉質唔錯，鮮嫩多汁又夠香口，唔會太乾或者太硬。另外值得一試嘅就係，白色嘅忌廉烏冬❤️一上枱就成個甜品咁之後你用筷子撈起佢，就發現烏冬同啲忌廉溝埋一齊，食落去都幾特別，好creamy，烏冬彈牙，咖喱唔會太辣又夠香。除此之外我哋今次仲試左：蛋卷❤️外皮煎得香口，裡有好多芝士，超拉絲。味增蟹蓋配紫菜飯糰❤️蟹膏鮮味十足，夠曬creamy。蜜糖雞翼外脆卜齒，好juicy。

要食哂香港所有吉列牛😍嗌左個set din有一份吉列牛🐂，同忌廉咖喱烏冬。吉列牛🐂瘦肉較多，食哂都唔濟份量剛好👍🏻炸粉小小多。忌廉咖喱烏冬，睇落奇怪食落一啲都唔奇怪😋😋，撈勻哂啲忌廉同烏冬就可以食，意想不到烏冬口感更加creamy，味道難以形容，但真係好好味！嗌左兩個小食，蟹蓋飯團好好味🦀，蟹膏鮮味重，加入飯團一流。單邊雞翼都好味，味道主要泥自調味粉，所以落得多調味粉有小小咸，但味道係唔錯

吉列牛定食 $148睇店名其實已經知道主打咩菜式 首次黎既朋友必試吉列牛主角吉列牛肉十片左右 都咪話唔多 最正斗係有個爐俾你玩 火喉自己控制 想要幾成熟有幾成 按自己進食速度快有快燒慢有慢整 好似我咁叫到成枱野食都唔怕 食到先放牛牛上爐整熱食 唯一係感覺多少都有啲牛筋位會韌少少 不過整體肉質其實都可以present黎講小巧而霸氣既爐頭當然無得輸 再者成份定食其實唔淨止有牛肉 前菜有日式胡麻醬凍豆腐同車厘茄 麵鼓湯一碗 好似係鰹魚碎撈白飯 同埋佐牛牛食既沙律醬同疑似燒烤汁 定食黎講算幾豐富價錢黎講我覺得同類餐廳比較黎講都叫可以接受 如果想一次過食哂餐廳主打既吉列牛同忌廉烏冬可以考慮叫二人套餐 包兩樣x2/吉列牛x2 連飲品香辣忌廉雞肉炒麵 $78由於另一款招牌菜忌廉咖喱烏冬以前已經試過 今次試同類產品不過轉左做雞肉雖然雞肉只算中規中矩 不過忌廉炒麵就有一貫水準 撈勻之後平均掛滿忌廉汁既一條條麵非常入味 成個表達同烏冬如出一轍 不同者在於呢碗麵都幾辣下 怕辣之人免試一句過 招牌菜不愧招牌菜 是類產品推介俾大家 有緣既揀份牛或雞一試牛舌雞肉串 $38幾豐厚既一份雞肉串牛舌我唔記得有無試得出

吉列牛定食 - 吉列牛份量十足，附有味噌湯、胡麻豆腐、胡麻車厘茄、白飯同一個石板爐。牛肉上枱時，外皮香脆金黃，中心依然保存約八成的生度，但就無乜滲血水，自己可以按個人喜好自行調校生熟度。吉列牛係熱石板上面烤一烤，香氣四溢，食落外脆內嫩，肉多汁且無渣，有咬口但唔韌。咖哩忌廉牛肉烏冬 -面層係厚厚的薯蓉忌廉，好邪惡，底層係咖喱烏冬，將忌廉同烏冬拌勻黎吃，creamy得黎又唔會太膩口。烏冬彈牙滑溜且掛汁，咖哩汁唔算好辣，味道帶甜。

近來潮流興食吉列牛肉，平時經常食吉列豬扒，宜家連牛都有得吃，就最合我口味。昨天我們經家人介紹來到銅鑼灣的吉列牛忌廉烏冬專門店，肯定很快又會再來，因為太美味啦！裝修時尚型格，以灰黑色為主，地方整潔，闊落舒適。餐牌除了招牌菜吉列牛之外，還有涮涮鍋、釜飯、小食、特色飲品等，款式選擇多，真的很不錯。吉列牛定食    $148炸得外脆內嫩，放在熱爐上炙幾分鐘，熱騰騰的，牛味豐郁，嫩滑多汁，口感完全不一樣，令肉汁更鮮甜更美味，非常惹味！味噌蟹蓋配紫菜飯團    $58蟹膏是我最喜歡的食物，將紫菜飯團包著鮮甜的蟹膏和蟹肉，少許鹹香味，十分美味！滋味單骨雞翼     $65雞翼外層味道似芝士和七味粉，香脆可口，很惹味！在餐廳點雞翼最尷尬吃中間部分，這裡可以吃到單骨雞翼，就非常方便，而且更入味，讚！紫薯 Latte    $45淡淡的紫薯香，甜度適中，不會太甜，加上幼滑的忌廉，口感更細膩。綠茶 Latte     $45抹茶味沒有苦澀，散發著微微的抹茶香，最適合抹茶控的我，清香撲鼻，美味。

星期六去開銅鑼灣,行到攰梗係又到搵食時間啦。打開OPEN RICE一睇,附近有間食吉列牛,正!又有新野試 。一坐低睇下個餐牌,見到個SET又有吉列牛定食又有忌廉烏冬/炒麵,先$246,抵! 未上主菜前，先黎幾個小食食下先 - 味增蟹蓋配紫菜飯團, 蟹膏加蟹肉, 鮮到無得頂, 用紫菜包住外脆內軟加上鮮甜蟹膏, 直情正到想加多份；蜜糖雞翼，炸粉夠薄，皮脆肉嫩， 配埋d 蜜糖，夠曬sweet~主菜話咁快就到, 大大塊吉列牛, 擺上鐵板輕輕一煎, 反一反又煎多10秒左右, MEDIUM RARE既吉列牛就食得喇~ 脆卜卜既吉列配上肉汁豐富既牛扒, 食到停唔到口呀~ 再黎試埋佢個忌廉泡菜炒麵, , 一撈之下,睇住佢慢慢溶化個下真係夠晒治愈。 炒麵辣味恰到好處,加埋滑一滑既忌廉, 簡直無得輸。最後食埋個芝士年糕,軟綿綿既香噴噴既芝士, 真係好滿足~~

見咁多好評，以為安全，點知都係中伏，一人午餐食左招牌吉列牛定食， 但一半的牛肉都有筋， 啲筋完全咬唔開, 。沙律菜一啖食晒，少之又少 。唔知係咪我唔好彩， 牛肉有兩件，一件正常大少， 一件超細 ，細嗰件炸到又乾又硬， 正常大細嗰件一半都有筋，咬唔開， 仲要幾油下。埋單要件$163， 但食唔飽，唔會再去。星期一午餐人唔多，只得幾枱，一半都冇，冷氣都幾凍下。呢座大廈好多食店，繁忙時間排隊搭電梯等好耐。

今日同男朋友嚟食dinner，位於百樂中心上面，等lift都要等一段時間。上到嚟無咩人等緊位，但係店員唔係好得閒招呼我哋，叫我哋係出面等一陣先。入座後睇餐牌，枱上面已經有個燒爐，準備如果食吉列牛嘅話就係上面燒。餐廳全場只有2個店員捧餐，感覺佢哋成日都好匆忙。我哋2人決定叫玉子燒、吉列牛定食同鰻魚釜飯，仲有一杯飲品紫薯奶昔。飲品先上，飲落有啲淡口，同餐牌上嘅樣有啲出入，不過都幾大杯，好抵飲。玉子燒即叫即整，熱辣辣，拎起有拉絲感覺，味道唔錯。吉列牛定食，份量都足夠，有前菜、湯同飯。一份牛大概有10件，放上石頭上面燒至自己理想熟度。肉質一啲都唔鞋口，幾有牛味。鰻魚釜飯，鰻魚有一大條，第一次食釜飯嚟講印象唔錯~整體嚟講，吉列牛定食真係幾抵食，不過如果餐廳職員服務態度再好啲嘅話就更加好啦！

耀華街係銅鑼灣另一覓食好地點, 今日就嚟品嚐一下吉列牛。吉列牛定食$148吉列脆皮内包裹著生牛扒，食開牛肉刺身嘅朋友毫不猶豫將紅紅生肉直接放入口...仲大讚生牛肉比烤熟後嫩滑得多。不過我就鐘意燒一燒, 讓熱力將油脂溶化, 令肉味更香。今日唔想食太多肉, 叫多個冷麵同小食就啱啱好。雪冰冷麵 $62 冰凍麵條煙韌彈牙, 伴上爽口泡菜、蘿蔔絲、椰菜絲, 口感十分過癮！冷麵最緊要, 夠！凍！呢個冷麵夠凍之餘, 其冰底更非一般水製冰粒, 而係以湯汁製成嘅冰塊, 咁就唔怕會越食越淡啦！湯頭很清, 微微帶酸, 當然仲要混入韓式冷麵必不可少嘅芥末醬, 味道先夠正宗。秘製蛋卷$68蛋卷充滿流心芝士, 牽起長長拉絲, 記得趁熱食先能夠吃出滋味。Rose Garden $38, Citrus Ocean $38兩款特飲冰涼透心, 賣相吸睛, 出奇地甜度不高, like 。