合益泰小食

營業中

休息中

深水埗合益泰小食行行下又想吃東西。去了這家在香港很出名的腸粉店。排了幾分鐘隊。終於買到7元4條腸粉。腸粉新鮮蒸出來很滑再配上各種醬料又好味。真係好好正呀👍👍👍

價錢便宜，確是平民米之蓮美食😍豬腸粉 $7/4條（多醬吖唔該😍）豉油、甜醬、麻醬、芝麻 係食腸粉四寶👍🏻腸粉較幼身，亦滑溜，但略嫌豉油太多醬較少😭我必會再度到訪😋

美食天堂的香港，街頭小食多到令人眼花繚亂。無論魚肉燒賣、咖喱魚蛋、格仔餅、雞蛋仔都深得港人歡心。深水埗有多間平民食肆已被米芝蓮所肯定，特別是「合益泰」每日熱賣5000條腸粉並且有以下獎項真的唔講得笑。米芝蓮街頭小食2016、最優秀開飯小食店2016及最優秀開飯深水埗熱店2016。究竟點解此區的腸粉會那麼受歡迎，小妹決定去探索一下。全港最貧窮的地方有最有名的腸粉店，代表本土的味道種類不雖多，簡單而精就可以。腸粉都能混出個未來，無疑地深受大眾歡迎。炎熱天氣下很容易看到「合益泰」藍色字白底的招牌，周未的關係人流多到水洩不通。門外已經有外賣人龍，有位阿姨站立在腸粉車的崗位；熟能生巧的手勢將每條腸粉切條並混醬。但一場到訪我決定堂食，地方不算大，餐牌上種類有馳名中外腸粉都有大、中、細之分，另外更有各款粥底、牛肉、燒賣、粉果、豬皮、蘿白等。腸粉（細）$7下單後首先到來是馳名的腸粉，聽聞從前不同醬料都能任君選擇，但現在只有芝麻及甜醬可以給食客任落。一碟腸粉要做到出色莫過於不黏底，亮晶晶的表層代表搽上一層油份。腸粉皮薄身帶有米香而且相當滑溜，令人一試難忘。混醬的基本：麻及甜想增加味蕾添上辣，更有芝麻的香

早起去合益泰吃早餐~去時店內已經坐滿人，不過翻台也幾快，排了幾分鐘就有位置可以做啦。細腸同冰豆漿，標配。本來仲想再加埋燒麥，但剛吃過一個綠茶酥，所以沒那麼多空位放下燒麥啦。細腸加上濃香芝麻醬同豉油，再落埋多多甜醬，少許辣醬，一本滿足！腸粉保持質素，爽滑依舊，滿分！

腸粉真係必食項目又滑又彈牙，而且仲好平醬汁做得有D稀，但咁樣反而唔會太多醬掛住喺腸粉上令到醬味適中，更能食出腸粉本身嘅味道入黎坐低嘅每一個人都會叫一碟，係有原因另外蘿蔔超入味，而且無渣，讚魚蛋好似七仔入貨嘅一樣，無特別豆漿有小小普通炒麵夠熱，唔會太鹹呢間腸粉真係會食上癮

好耐好耐冇食合益泰既腸粉喇！！好彩吾洗排隊😁 店員態度親切，仲好快有得食，吾怕餓親：）兩個女仔每人一碟中腸粉，一杯豆漿，再share 個蘿白食，好甜！好好味呀！😳 招牌腸粉吾洗講啦，正！兩個人埋單$42 食飽飽，已經好掛住吾知下次幾時食到😭

除左西九龍中心既食店，其實中心外面都有幾間幾出名嘅美食尤其是呢一間合益泰小食，喺香港嚟講真係幾出名㗎，專食佢嘅著名招牌腸粉 我哋都排咗好耐隊架，叫咗一份腸粉再加魚蛋 佢嘅腸粉有七蚊四條，九蚊六條，同12蚊八條畀大家揀 因為我同朋友已經食得好飽 所以我哋叫咗七蚊嘅腸粉同加一串六蚊嘅魚蛋 個腸粉真係冇得輸，啲腸粉嘅口感非常之順滑，非常容易入口！！連d醬汁都同一般食開有d吾同，係店家自己調較而且d醬汁俾得一d都吾吝嗇！！！ 同坊間其他嘅腸粉相比，真係好食好多！！！！仲有魚蛋都比出面嘅大粒啲，一咬落去，非常之彈牙！感覺上食完呢間，就真係唔會再幫襯其他鋪頭嘅腸粉同魚蛋〜〜〜如果大家要食，咁大家就真係唔好怕熱 ，因為基本上都好多人來餐廳入面都無咩位，大部分人都係企喺街上面就咁食但係我都好推介大家過嚟食，因為佢嘅腸粉真係全香港數一數二！！

深水埗雖然人口稠密，卻隱藏著不少臥虎藏龍的食肆，如維記、新香園等...這間「合益泰小食」亦是其中之一！當日店內座無虛席，而店外持續有外賣的人龍，我們買個小食後，只好在巷內立食，卻是另一種風味！七元四條的滑溜腸粉，阿姐手起刀落，不消幾秒，熱騰騰的腸粉端到我們的面前！白雪雪的腸粉外皮，皮薄但卷得實在，沒有邊吃邊散的情況出現！腸粉口感細滑帶米香，粉皮沒有糊口的感覺，而豉油、甜醬、花生醬及芝麻，是腸粉的靈魂所在，混醬的滋味，加上幾滴脂香的豬油，足以成就了「合益泰」的腸粉！另外還點了豬皮魚蛋，魚蛋入口是彈牙的外來貨色，但咖喱不夠入味，少了一份惹味元素，始終不是味兒！而豬皮本身吸收了湯的精華，吃起來入味爽口，不錯！大熱天時，一杯冰凍豆漿可謂絕配！食物不在乎貴賤，簡單的五元八塊，足以令深水埗的街坊吃得滿足，希望這街頭小食，仍能維持下去！

米芝蓮街頭小食推薦之一，點可以唔試一試呢？？To tell u the truth，收藏呢間店嘅時候，其實對于佢嘅味道真係無報太大期望，不過食完之後發覺都ok。不過因為已經系幾夜啦，所以人唔系好多，唔洗點等就有得食啦。而且我地系邊行邊食，所以買左份唔系好大份嘅，驚食完呢樣之後食唔到其他野啦。。當然妳又可以揀坐系入面食，亦可以選擇系隔離街企著食完之後再還翻隻碟俾人。其實素腸粉的確無乜驚艷之處，覺得增味嘅系佢嘅醬汁。腸粉加咗醬汁之後味道真係會唔同。醬汁比較偏甜，後面會有少少咸味，仲有淡淡嘅芝麻香味。

每一個舊區，都隱藏了不少扮豬的食店，不起眼的門面、普通的食材、冇服務的店員，唯一只有令你一試再試的味道，呢啲咪就係昔日的香港精神 。腸粉，爆滑，仲要所有配料（甜醬、麻醬、芝麻）放在每枱上，隨你的喜愛，可溫柔的加，可瘋狂的加，總之包你滿足。豬皮蘿白，點解個湯係清清的 。哈哈，好戲在後頭，蘿白勁甜、入味、又“林”，豬皮好爽口，完全停不下來。

深水埗是平民小食臥虎藏龍的地方，多間隱世香港地道食店都屹立在此。記得有一次與友人相約於此，挑戰一日全試深水埗四寶 - 新香園的蛋牛治、維記的豬潤麵加咖咉多、公和荳品、合益泰腸粉，最終都是失敗，吃到第三寶已經飽到舉白旗投降。今次再戰深水埗，一定要完成四寶任務！合益泰腸粉！等我啊～～～平日已經多街坊鄰里光顧，假日多了更多像我們跨區朝聖的人。初到步，一條長長人龍已經在店外迎接我們，幸好我醒目地再入店看看，原來外面的是排外帶的，我們便直接進店找個靚位。因舖面不大，只有兩張大枱，四張較小的枱，我們眼見每張枱都擠滿了人，只好耐心地等一等。大家都好守規矩，食完就不再「打牙骹」霸佔，會主動拿著單子到收銀枱付錢離開。不久，我們等到大枱的兩張小小位置，與人一起擠一擠。腸粉（大）合益泰腸粉有分大、中、細，大的$12/8條；中的$9/6條；$7/4條。甜醬、辣醬、芝麻放在枱上，自由加添！我們怕不夠飽就點了個大腸粉，8條腸粉切完後份量很多，上碟時熱哄哄的，因她們在上碟前已經幫我們加了豉油和花生醬，聞落已經充滿花生醬香。食落腸粉又沒有想像中和傳說中這麼滑溜，可以「嘟」一聲滑入口中，但比較其他小食店是較為出色，而這

2016年6月29日 下午3:45－3:50有個男人和女人都唔識排隊，佢地排咗喺我哋嘅後面，明明係我哋排隊先（一前一後），跟住佢哋就借啲意就咁行咗入去，咁啱有人走咗（其實我嘅屋企人就喺正張枱格離），然後佢哋兩個就搶咗我們個位， 佢哋坐低之後， 搶我哋個位嗰個男人仲喺嗰度鬧我哋話佢哋嚟先，同埋啤住我哋！！！我覺得嗰度啲夥記應該派飛， 唔好再有人打尖！！！嗰時仲要喺度落緊雨

滑嘟嘟腸粉, 自讀書年代已經鐘意食~ 😆😋✨讀書 / 番工 都好, 每每黎開深水埗 揾布 / 揾配飾, 都必會 "路經" 食一食~ 😬😛 雖然長期迫爆人, 但佔內 ee 總唔會忽略你~ 😍👍🏻腸粉以外, 炒米粉都好受歡迎架 (是日賣曬... ), 豆漿清清的 有著豆味, 唔同平時求其一檔飲哥啲咁死甜~鍾意叫碗蘿蔔黎點腸粉醬汁食~ 😂可惜... 是日蘿蔔有渣(筋) 🙈

食腸粉緊係去深水埗😋話哂 #臥虎藏龍 區-* 腸粉(中) 6條 $9佢啲腸粉真係好鬼滑，但係厚身有咬口果隻滑，另外啲芝麻炒得勁香，而且放係枱面比你瘋狂咁落😌仲要多辣醬、甜醬😭感動啦-ps:遠處碟燒賣跟牛肉都係我嘅😂-* 燒賣 (3粒) $10 有香菇仲有馬蹄添㗎👍-* 牛肉 (3粒) $10 都算足料也夠咬口👌-*豆漿 $6 夠哂冰凍又唔會太甜（有豆味嘅）🤓

合益泰，我每次到深水埗都會食的一間店。門口長期都有一條專門買腸粉的人龍，而今日有空閒時間故選擇堂食。環境很迫狹，不過這些也不是問題，食好東西才是重要～腸粉入味，而且又熱又滑！撈一撈勻的話腸粉會索曬啲醬汁精華，食落更加美味！豬皮蘿蔔 - 蘿蔔好清甜，豬皮夠稔身爽口！其實只係食呢碗豬皮蘿蔔都已經覺得好飽，因為份量都幾多。