合益泰小食

營業中

休息中

深水埗鴨記出名賣電子產品, 行到累想食少少野醫肚, 一定要試下呢間滑嘟嘟腸粉每次出深水埗都要食一碟先離開, 今次假日黎到門口已經大排長龍, 男女老少都一齊排, 真係唔關米芝蓮事先咁多人門外大大個價錢7元4條腸粉, 無因為米芝蓮而加價, 其實除左腸粉, 此店仲有好多小食, 佢地既豆漿, 係自助形式侍應已經做到手勢純熟, 三兩下已經剪完一碟腸粉, 當然要混醬腸粉賣相一般, 但真係好滑, 甜醬麻醬比較稀, 加埋一齊食, 又甜又有麻醬香, 真係滑入口

合泰益豬腸粉 ($7/4條)米芝蓮推介☺️雖然自從登上米芝蓮以後多左好多人排隊 但排都係值得既👍🏻好滑又夠彈牙 加上秘製既醬汁 不得了😋如果去開深水埗 一定要買包試試🙌🏻

雖然係平日，但係喺下晝你兩點嘅時候都有好多人排隊。由於舖內坐滿人，所以只可以企係條街道食。btw, 無所謂啦，叫做感受吓街邊檔嘅風味啦。。。腸粉有豬油嘅香味，比起食過咁多間腸粉嚟得更香。除此之外，腸粉因為加咗好多麻醬，所以食落好滑，抵讚！！認住個牌

晚上想食粥，搜尋之後就去左尼間食。去到見到好多人，咁我搵位坐底。見有皮蛋粥就試下食。多皮蛋，反而粥好少同比較稀，食左等於冇食^^”同埋d粥好普通，皮蛋又唔算特別好食原本想叫賜粉，但睇見隔離客碟腸粉好油....我就打消念頭。見其他食評有提過職員冇禮貌，但其實只可以話佢地比較年老，唔太識年輕人講既野。同埋佢地都好夠中氣講野，可能大聲，人地會以為好惡無禮貌。

去開深水埗，咁就先食個 「米🐷蓮」早餐……腸粉@合益泰。一行入店便有陣“喵喵”味，6大張枱，2個伙計，所以下單一定要……快，大聲和耐性……否則，一係冇人理你，一你有人爆粗。是日我就看到一位客人……xyz個伙計。說回出名腸粉，分小/中/大，$7/9/12. 入口，的確好滑，但醬汁有點稀和淡味，可能預客人自己再加+混醬罷。另外，再叫左個白粥$6和粉果$4。整體來說，味道一般，周圍都能做到，出名……相信係……平。PS: 個人認為腸粉咁滑，係落咗豬油，份量可能吾少，因為食完不久，我就有滑大腸反應……唔食1次就夠了。

傳說中嘅米豬蓮推介腸粉，食落一定唔係啲報導中講到咁完美，又話香又話滑溜又話乜乜物物。其實，佢啲腸粉質感比較紮實有咬口，食落好實在，唔會為咗滑而變得削，所以絕對唔係滑嗰種；可能腸粉比較薄身，又或者好似卷少咗一個圈，咬落感覺幼身咗少少，反而幾好𡁻落幾舒服。至於香，就全靠佢哋啲麻醬，雖然比較油膩但麻香十足，配合甜醬同豉油，整個醬汁嘅味道提升晒！總之，呢種腸粉嘅質感配上咗呢種混醬嘅味道，就係細細個喺街邊食腸粉嗰種嘅風味！

街邊小食燒賣魚蛋腸粉，雖然成日都會有機會食到但係說得好食嘅真係唔多。岩岩個weekend去咗深水埗嘅合益泰小食，試下好多人都講嘅腸粉。合益泰有堂食，或者拎住隻碟企街邊嘅"堂食"。我個人夠地，食埋佢嘅風味，當然會選擇企街啦。$7 4條腸粉，平過其他店喇，聽說仲已經加過價。不過佢係比其他店幼身啲，一咬落好快就呑咗。除咗因為夠滑，佢係幼咗啲，食晒成碟都唔夠喉。醬油比重差咗啲啲，如果鼓油少啲啲，就應該prefect! 下次去開深水埗可以試下，雖然未至於食到要飛，但勝在性價比高嘛！

係度食左好多次腸粉，都要寫返個食評。食腸粉最緊要係個醬，甜醬、麻醬。呢度既醬我諗係香港頭三名，麻醬應該有豬油，非常香口。堂食可以任落甜醬同芝麻，芝麻有炒過。加埋豆漿，推薦。

環境好差，只有幾張小台，太多食客慕名而來結果好多人都逼係後巷吃腸粉。真係唔明白點解咁出名。腸粉雖然滑，但滑得來太粉膩，唔爽，無米香。米之蓮真係....好廢......好廢....好廢.....

合益泰早餐定案當然要吃小食，豬腸粉街知巷聞，實惠的價錢，要了6條才$9不停加甜醬芝麻 ，基乎是每臺都點的，而外賣也是長龍到嚇人。糯米雞$5內包有肉粒，但比較淡味。四方果食的粉果同豆漿。吃腸粉食飽，平民的好滋味，用竹籤叉住沾上大量醬，百吃不厭。

到店叫了豬片，腸粉，魚蛋，亂到九彩，根本不會送來，只好出去取，那女店員話坐下會送來，我就是見你亂到咁才去提，之後送豬皮來，放在我面前不到3秒，出面有人叫叫賣，那店員在居然取走我面前那碗去給人!之後我問咁我那碗呢?他說已賣清了。嬲死我!

來到深水埗真係唔可以唔來合益泰既滑滑腸粉😋😋😋首先用價錢來睇$7/4條👍🏼位置方便，深水步地鐵站C出口直行唔使1分鐘就到方便極👍🏼👍🏼味道冇得彈，腸粉真係滑到你唔信，再加上佢既麻醬，甜醬唔杰好配合腸粉啱啱好！醬唔會有''將''口既感覺！''雪''一啖一嚿三兩啖就食晒😋😋😋好味👍🏼

深水埗這老區, 平民美食真是多不勝數。 位於桂林街的合益泰就是其中一間平靚正的小店。 就在鴨寮街公廁對面, 隱藏於排檔後, 不熟路的很容易會錯過。 門面仍是保存舊式小店的簡單格局。 想要有街頭風味的, 可在店側買完後捧著腸粉站在後巷進食, 想舒服點就得走進店內。 平日早上11時, 小店已人山人海, 食客座滿每個角落。 位子需自行找上, 店員不會給你安排座位, 等候的顧客亦絡繹不絕, 需要眼明手快的“爭凳仔”, 不明就裡的會感到不知所措, 搭檯亦是無可避免。 除了最出名的腸粉作招徠外, 還有粥品、粉麵、 魚蛋豬皮蘿蔔等小食。 基本上每位食客一坐下就會叫上腸粉。 落單也要有技巧, 有個亞姐找她落單每次都說等一下, 等下等下就不知所踪, 所以先決定好吃什麼, 再觀察哪個亞姐, 找對的人落單, 那就很快就有得吃。 腸粉有大、中、小三種份量, 選擇非常有彈性, 分別有4條、6條和8條, 價錢由$7-$12, 十分經濟, 是超值之選。因為十分肚餓, 所以點了碟大腸粉 ($12)。 已預先加有豉油和麻醬的腸粉, 表面有層光澤頗為光亮, 聞說這是加入了豬油的原固, 而食客可

今午路過，看見門外排了十多二十人。再看原來是買外賣的。 於是走進舖內看看。幸好有一個空位。叫了牛肉粥，蘿蔔豬皮及腸粉。不一會便送到。腸粉是比較爽多過滑，由於已經下了麻醬，口感 比較油膩。但已經比市面一般的優勝。蘿蔔是清甜的。可能是湯底調味得宜，豬皮也很入味。質感亦非常好。牛肉粥是用碎牛加了米粉。粥底和調味亦很到家。埋單三十七塊。吃得飽飽。如題：價廉物美！希望老板繼續努力，為深水踄街坊服務

腸粉嫰滑，有米香，可能因為好賣的原因，不時有新出爐的熱辣辣，冬天吃更是暖心！7蚊4條，價格平民，日日都要排隊，試過有一次排三十幾個人，企后巷開餐，別有一番風味！值得推薦給大家！