合益泰小食

營業中

休息中

食過合益泰既腸粉真係返唔到轉頭！超滑溜！混醬夠多夠晒味！雖然每次買都要排隊，不過阿姐好快手，唔洗等好耐就買到！而且阿姐雖然忙到冇停手，但係仍然好有禮貌架！讚另外本人有個小心得：腸粉咪分左$7/4條，$9/6條，$12/8條三個size,初頭買左幾次都留意到街坊會8蚊10蚊咁買，原來係買5條同7條！自此我都識得同阿姐講要8蚊腸粉喇5條份量對我黎講唔多唔少最perfect！

每次黎合益泰都係見到餐廳門口有條人龍佢地唔係排緊隊入去而係排緊外賣腸粉條隊!腸粉皮好薄身,有陣米香同埋真係相當滑!話之得咁多人排隊啦再加埋甜醬和芝麻,真係無敵呀!另外呢度既魚旦豬皮蘿白都好出名!個蘿白係無敵!非常之清甜同埋無渣真係食一碟都唔夠喉呀加上佢係小小淋但又唔會太淋,真係第度食唔到!諗起都好想再去食呀

深水埗係平民美食既天堂 不但多選擇而且價錢亦非常親民 所以同朋友決定黎個深水埗美食團 而第一站就係合益泰小食 合益泰最出名就係滑溜腸粉 而且更被米芝蓮列入「香港街頭小食」之一 所以當然要係美食名單之上 從地鐵站出口不遠處 就已經可以見到合益泰既招牌 黎到門外已經見有不少人在排隊買腸粉 除左腸粉，其實合益泰仲有售賣粥，燒賣等等 但因為我地美食團行程實在太豐富 所以我地決定淨係點滑溜腸粉 七蚊四條腸粉 見阿姐好純熟地剪腸粉以及混醬 熱辣辣腸粉好快就遞到我眼前 腸粉的確非常香滑 名副其實既滑嘟嘟 不過好食既腸粉當然唔少得靈魂人物 甜醬，麻醬 ，豉油 同 芝麻 腸粉每一條都沾上了混醬 非常好味 唯一美中不足既地方係麻醬 較稀較淡如果可以濃番一點就剛剛好

合益泰的腸粉，實在係無得輸。腸粉細細條而且非常滑溜，細條腸粉嘅好處係，佢可以令豉油、甜醬和麻醬完完全全包住整條腸粉。另一方面，相信愛食腸粉的人都知道，除了腸粉本來，舖頭所選用的甜豉油，甜醬和麻醬根本就係腸粉的靈魂，而合益泰的醬絕非等閒，一定要試，亦一定會一試愛上。今天食埋好足料的牛肉燒賣，大滿足呀。。

上網見到啲人話好好味， 咁就買嚟試下啦， 見到好多人排緊隊， 但條隊都郁得好快既， 咁我就買左六蚊腸粉黎試下啦， 個呀姐落咗好多豉油，甜醬同埋芝麻， 一食落口真係覺得條腸粉好滑， shu一聲就吞咗落肚, 真係又平又抵食呀

每次都好多人排隊，甚至要企住係到食，今日一試究竟。叫咗大家推介咗腸粉同粉果。腸粉咁滑，份量夠多，汁都好味。粉果熱辣辣出爐，都足料。但其實幾普通，我諗高性價比先令到咁多人排隊。

一到放工放學時間，就是合益泰的另一高峰時期，排隊買腸粉的人龍排到長一長。合益泰的腸粉很滑，放涼了又不會胡成一團，麻醬也很香，可能是因為流量高，腸粉也很新鮮，價錢又不算很貴。

公司全體人員出動去深水埗做義工，做義工之前當然要食飽才有力幫人！早餐想食返中式地道早餐，所以就入左合益泰食碟腸粉飲杯豆漿。由於是我是常客，連餐牌都不用看。老實說，店員的態度是有點差，但是想起價錢平、有名氣的餐廳就是這樣，因為她們都不愁生意，人流一浪接一浪。我點了一碟腸粉、一杯豆漿和一隻糯米雞。腸粉最開心就是可以自己加醬料！糯米雞豆漿恕我未能將普通的腸粉、豆漿以及糯米雞寫得引人垂涎三尺，因為它的味道隨處也能吃到沒有甚麼特別，不值得特地來吃。值得一讚是：平！窮人恩物！

I had cousins from Canada in town. And like any foodie who wants to take her cousins for a real local foodie adventure, boyfriend and I decided to take them to the wonderful world of ... Sham Shui Po. Yes ... what better way to truly eat what Hong Kong is all about than to have it in this area. Where food is at it's most real. If it's good enough for Michelin to recommend, it's good enough to bring my visiting cousins who can't read Chinese anyways. Have my other cousins take them to where the e

好耐之前經朋友介紹食呢間必食腸粉！好滑，su一聲就吞左醬汁好好味仲有啖啖豬油香係第2到食唔到嫁羅白無渣，鮮甜！平時我唔會食白羅白徐左係呢到粥方面，我覺得又平又足料！魚片牛肉粥，食到尾都仲有魚嫁牛肉球，燒賣呢d就係普通呢餐食左$89希望香港留反多d呢d食店la

經常來深水步，有時間都會來吃一下腸粉燒賣。簡單一碟腸粉，幾粒冬菇燒賣，又或者超甜蘿蔔一碗，心情都輕鬆好多！腸粉又平又抵食，蘿蔔非常甜，冇根好腍，燒賣足料，小吃都可以好滿足

今天準備離港前，到深水埗探一下久未見面的婆婆。 知道婆婆喜歡那個合益泰，於是來買個外賣給她。 估不到星期三都要排隊。 七元四條的腸粉，配合了甜醬麻醬芝麻，就像我媽媽說，這才是合益泰的靈魂，腸粉才是副產品。 腸粉完全吸收了甜醬麻醬芝麻的香，煙韌無比，綿綿的腸粉熱得燙口，非常好味。 再買包給婆婆。 離開前再吃一口蘿蔔，靚得不行，咬下去就溶化了，全個蘿蔔都充滿水份，又甜又好吃。 簡單美味只是廿十元，怪不得拿下米芝蓮小食推薦。 來過很多次都不知道平日都要排隊，真驚人。 幸好離開香港前都吃到這個港式美味，也幸好沒有像周末的長龍，如果唔係，應該下次先可以再食到了。 合益泰小食 深水埗桂林街121號地下

深水埗「合益泰」腸粉又平又好食👍🏻腸粉細細條但非常滑😋食完會有回憶，因為別處食唔番呢個質素😝雖然次次黎食都一樣咁多人排隊買外賣或者堂食！🤔不過，呢到腸粉次次都蒸得好夠熱，而且腸粉其中之一靈魂莫過於係甜鼓油、甜醬仲有麻醬😌絕對有多無少，呢到既腸粉絕對推介，唔會失望😋 $12 （8條）大❤️圖中是大腸粉$9 （6條） 中$7 （4條） 小

對上次來這間米芝蓮小食店吃堂食腸粉，數來已是十多年前的事情....從這兒名不見經傳開始到成為車胎人美食推介，看著那排隊買腸粉的人龍越來越長。對我這一類從前長期光顧的老街坊，當然不會是一件開心的事。由於被那可怕的人潮嚇驚，所以近年自己是跡近不會來這裡遭老罪排大隊去食一碟腸粉了....湊巧今天早上有事要到附近，再度經過這一間人龍店。店外排隊買外賣腸粉人龍依舊，但出奇地堂食卻竟然有位。還未吃早點的我，也就樂意入去湊一下熱鬧，"咭"一碟久違了的招牌混醬腸粉.... 這兒的腸粉好吃的原因有二 : 首先是夠滑溜而帶米香；其次是嗒落有濃厚的豬油香。傳統的"剪剪"豬腸粉一定會事先在牛油紙底下塗一層豬油上去，然後在加了豉油的腸粉上再淋多一點上去，這樣的腸粉才會香而滑.... 今天在此再遇這一碟我多年之前稱譽為全港最佳的腸粉，很遺憾的要向之說句對不起 ---- 事實上它已並非是稱為"Best of the best"了..... 腸粉的油香不復再；質地也不再滑不溜口。現在的它，已淪為靠猛下醬料來給味的普通貨色.... 反而身為配角的燒賣做得不俗，起碼不會吃得一口是粉，口感甚紥實甚有菇香及肉鮮.... 至於

只有腸粉味道可以接受！本來已經覺得此店不太好吃，但女友要求試一下，試後女友感覺不好吃！燒賣更是又貴又難吃！另外老闆娘及員工服務態度極差，老闆娘會黑你面！事源員工在放食物時把單據弄髒，我已好心地把單據抹了一下，然後我到收銀處把單據放在枱上時，老闆娘面部立即變黑，然後用不屑既目光看了我一眼，然後用不友善的態度跟我說:<咁濕唔好擺落黎！>總結:食物的質素到處也能吃到，絕對不會再去此店！