合益泰小食

營業中

休息中

同朋友深水埗之旅第二站😚離遠已經見到合泰益呢度排長龍🚶🏻‍♂🚶🏻‍♂難得揾到個咁熱都肯陪我排隊嘅人😢❤不過呢度啲姐姐剪腸粉嘅速度都幾快，所以都唔會排好耐🤣夏天熱辣辣如果有位都好想坐喺入面😭不過真係好多人，所以我哋就企咗一條巷仔食腸粉🤗食到我滴晒汗😰.#腸粉 (細$8 中$12 大$16)😋好味指數：(7/10)今次就嗌咗8蚊腸粉，有4條😙加埋麻醬甜醬，係細細個嘅味道啊😭其實好想落埋辣醬不過有人唔食得辣🌶食落去腸粉都幾滑😳不過整體嚟講我就覺得其實都係正常腸粉嘅味道，冇話好好食咁誇張🤔勝在夠平😙✌🏻.⭐溫馨小提示📌食完腸粉之後，隻碟記得放返落收集碗碟嘅桶度呀😆

深水埗好多野食，特別係小食，呢間腸粉就好出名。上次weekend 黎食嘅時候，連門口都堆滿哂人，又唔係等位，而係就咁企係到食腸粉嘅客人，畫面都幾誇張，睇黎真係好好食。 今日有多少少時間，所以就係裡面搵位坐低 堂食，不過就一定要撘台。點左份 腸粉 (必試)、同埋魚蛋。 服務好快，嘢食轉個頭已經放左落我台面，腸粉個甜醬同芝麻係台面自己鍾意放幾就放幾多。腸粉味道又真係唔錯，都推介，魚蛋還好，下次可以試埋豆漿，應該都唔錯。

咁岩放假過開黎深水埗行下行到有D餓但又唔想成日都淨係食豬潤麵記得之前見過下話深水埗有間食腸粉好正就過黎試下去到門口見好多人排隊加企哂係到食腸粉以為佢淨係做外賣啦但原來佢又有堂食架喎...成三十度唔熱得嘅我就一支箭咁跑入去等位我地叫左個豬皮蘿蔔魚旦同埋腸粉腸粉佢分左大中細...圖片中嘅分量係屬於中腸粉望落比出面一般小食店嘅腸粉幼身食落都真係幾滑 唔會好粉 係唔錯但再食埋個豬皮蘿蔔魚旦就覺得個蘿蔔先係有驚喜!!!!個蘿蔔無渣之餘係真係鮮甜~~~蘿蔔好好食呀最後好衰一提...遠處望到佢地個門牌個隻藍色加白底其實感覺不太良好...因為真係好似殯X館嘅感覺...sorry....但我會再黎食蘿蔔架!!!

一早出深水埗尋寶，朋友未食早餐，又不想食大大份早餐！所以就去了有深水埗名物之稱的合益泰食腸粉！ 以前在深水埗返工幾乎每個星期都食一次，現在食就要專程回歸了！ 鋪頭裝修完後，第一次來食，店鋪既環境好了！ 今次仲好彩有的坐低添！ 腸粉水平同細個比就有一段距離啦當然！ 但仍比坊間的鋪頭好味好多！ 味道都算不錯！ 👍🏻🤮

深水埗呢間合益泰出名好食 開咗好耐係人都知小編都去朝聖下🙈一去到 的確坐滿晒人 但好快就有位坐😛最出名嘅豬皮 蘿蔔 魚蛋 同腸粉 一定要嗌嘅😋腸粉大大碟之餘仲好滑😋加芝麻 花生醬 甜醬一齊食 真係好正 停唔到口🙈未落醬前影個近鏡 係咪好滑先😛 而且腸粉皮唔會好厚實 薄薄地捲到好幼細咁😍再嚟就係豬皮 蘿蔔 魚蛋🤩豬皮同蘿蔔都非常入味前者爽口得嚟索晒啲汁 超正！蘿蔔就夠甜 好林身😛😛😛魚蛋都爽口 唔似食緊街邊啲麵粉蛋整體嚟講每樣都抵食夾大件啊😍😍😍

好耐冇食過知道佢之前做過裝修黎今日去開深水埗就特登食一食試下味道有冇邊先😂😂不過裝修完的確係靚左係有少少冇左傳統懷舊老店既感覺乾淨左好多睇落d位好似比前少左🙈🙈個餐牌都冇變仲係梅梅地咁😂😂😂😌有D 風味咁碟腸粉係中size 見到都覺得佢滑我本人鐘意佢d 豉油唔咸d 花生醬又香除左腸粉平時會叫粥不過今日食唔落但叫左另一樣我都巧鐘意既蘿白痴線嫁D 蘿白甜到一個點又淋又好味冇得輸😂😂價廉物美值得支持呀

終於有機會一試🤤深水埗最出名既腸粉每次都勁多人排隊好彩呀姐剪腸粉chop得好快✂️不過堂食同外賣一樣價錢所以我死都揀堂食唔駛咁熱🤣佢真係好滑😍🤤😋每條都係滑入個口度而且佢比一般腸粉幼身麻醬同甜醬亦較稀諗諗下先發現因為腸粉太滑啲醬要稀身先可以落到去腸粉度🤣平靚正之選

每次來深水埗都必定來 #合益泰 ，久不久就會心思思它的❶腸粉，很滑很滑，真的可以「雪」一聲吞進肚子𥚃。又可以自己任加甜醬、芝麻，爽丫丫！👍🏻😋雖然聽說過腸粉那麼滑的原因是加了豬油，不過仍然無損我喜愛的程度耶！呵呵～另外還有❷白蘿蔔🥕，也是每次必點，不知道為什麼真的很清甜，就連蘿蔔水都甜甜的。（其實我有懷疑過是否浸過冰糖🙈因爲不管那個季節來吃都那麼甜🤔）來到❸辣魚旦，大大粒，有彈牙感，一咬就知不會只有麵粉，辣就不算過癮，咖哩香，算中上之選！🤟🏻-#寫著寫著又想食啊#哩三寶係去親合益泰都必點-

出哂名腸粉滑又有米香，嚟襯深水埗都幫襯，今日經過又再試吓，點知~失望。人怕出名豬怕肥，冇人排隊已經知出事，一埋去整4條腸粉食吓先，唉~腸粉好粗糙，又冇米香，腸粉唔掛汁，好難食啊，仲衰過街邊隨便一檔腸粉檔真係無話可說，經過走嚟必食嘅小食店又少一間，眼見佢生意一落千丈，個個阿姐掛住㩒手機度日，真係慨嘆呢間老牌小食店如此做生意，以前一條長龍由舖頭排到去隔離兩三個鋪位，就是為了美味腸粉而來，相信佢若不作出改善，好快就會被淘汰。

合益泰係超多人食，因為佢嘅腸粉冇得彈。平就冇佢份架喇，但勝在腸粉滑，混醬香。我食腸粉一向都鍾意食麻醬多過甜醬，所以合益泰係我心頭好黎，佢嘅麻醬加左豬油，所以又香又滑，不過就好肥，唔可以食咁多喇。

如果要揀深水埗食嘅小食，合益泰嘅腸粉一定係我嘅首選。其實我以前好細個已經食過，不過家住新界，要經開深水埗先至會買來食，但去年我剛好搬出九龍，住在深水埗附近快一年，咁方便真係一個星期食幾次，有個心癮一放工就想去買來食😂，絕對係我晚餐前最佳嘅小食👍😋😋😋 點解合益泰嘅腸粉咁好食呢？他們的腸粉係比較幼身，重點係夠滑，蒸得又夠熱又不會蒸過頭啱啱好，特製醬汁亦非常香濃，無論豉油，麻醬，甜醬統統都係佢哋自家特製，醬身非常幼滑香濃，比例剛好，是外面吃不到的味道！出面的腸粉大多問廠拎貨，本身已經唔算靚，而店家好多一係就蒸過龍，蒸到爛晒一係乾曬勁難食。就算蒸得好，因為控制成本關係，醬料方面通常都係用一大桶批發果d，唔會好味，和合益泰明顯調配的醬無得比。好多人可能覺得腸粉呢啲小食求求奇奇就得，但其實要整得好食真係一啲都不易，腸粉本身夠滑，蒸得溫度剛好，再加上醬汁配合，整得好食一d都唔易，暫時我吃過的真係得合益泰嘅腸粉做得到😋👍而且價錢都唔貴$2/一條, ＄8四條起, 你叫我如何可以不愛它😍😂 ———————————————————————環境：6/10服務：6/10 價錢：9/10食物質素： 9/10 整

第一次試香港最出名既腸粉 好難得先有機會食到😫點左小份量（$8）同辣魚蛋（$6）！嘩 腸粉好滑好好食😱連媽媽都話好味😱👍🏻👍🏻但太多人 我地選擇左立食⋯唔係幾慣企係街邊拎住碟食腸粉😂😂下次再有機會黎食 一定要坐😂😂

今晚成班朋友出左去深水步西九龍中心行街街，之前聽人講有間食腸粉好好食，就試下啦，叫左腸粉同牛肉，果然係好好味，另外叫左份糯米雞，就比較一般，衛生環境同服務都不錯！

深水埗合益泰小食，點了中腸粉，及艇仔粥，粥底好棉，豬皮亦非常次爽脆，其中咸瘦肉味道適中，剛剛好滿足到食粥之後可能出現既不飽足感。腸粉夠實淨，食起上來條條分明，果然名不虛傳。

早幾日見討論區有ching話去呢到食腸粉受到不禮貌對待而發現到呢間小店，即刻去搵食評睇下，見到好多人讚好果，世界上最好味等等，即刻心思思想試下啦，咁岩今日有事去深水埗，就一早睇定食乜啦，同時亦都有心理準備會坐得逼，冇服務可言呀。下午3點多去到，已經見十幾人等緊外賣，由於爬過文所以識得直接入去等位，地方真係好窄，小小通道企左人等位，避開姐姐送餐及拉回放碟個桶入去洗，等左5分鐘要左避右避，好彩都叫快有位，打算叫碟大腸粉做小食就算，個死佬又話要埋魚蛋，咁就叫埋啦，好快有得食，送到黎已經有豉油及麻醬，自己自行加甜，辣醬同芝麻，我勁鍾意多甜，所以可以自己加真係正呀～味道方面係幾好味嘅個醬，腸粉都夠熱，麻醬好香，不過好似有加豬油，即刻覺得有罪惡感啦～不過下次都會再黎食嘅。題外話，我見好多人有讚個腸粉好滑好好味，但其實好似係向第二間廠拎貨返黎蒸熱佢，咁應該要讚就讚間供應商廠？