合益泰小食

營業中

休息中

合益泰是很有名的小食店，全盛時期是要排隊吃腸粉的！不好排隊的我從來沒吃過，直到有天男友告訴我超好吃一定要帶我去，我倆就在週六下午五點多的時間衝進去，有位就坐。男友預先告訴我這裡的阿姐有點串，一定要想好size才叫。說時遲那時快，鄰枱的一位客人叫兩碟腸粉是就被串是想叫大碟還叫甚麼兩碟準確地點餐後，不消一會就上菜了。腸粉預先加了豉油和麻醬，大size十六元，都真的頗大碟。腸粉皮薄，卷得幼但足料。枱上只有甜醬和芝麻，沒有我最愛的麻醬，不過為免被駡，我沒有叫店員加麻醬。腸粉有米香，質感滑溜，配醬汁的味道和口感也不錯，但不太夠熱。男友也推介蘿蔔，這裡19元份量可以，蘿蔔大塊，清甜，只有微渣。相對濃味的魚蛋反而有點失色，魚味是有但不夠爽口。不過，我是會再跟他來吃粥的，看到好多客人有點，還是想一試！吃完這個就去吃晚餐了

🇭🇰🇭🇰🇭🇰🇭🇰🇭🇰米芝蓮 腸粉🐽🐽🐽🐽🐽🐽🐽🐽🐽阿肥係多年前已經食過近排再次到訪因為得到米芝蓮垂青已經加價到$8今次食左腸粉燒賣粉果腸粉依舊滑嫩不過飲食界鉅子阿肥好清晰佢地落燒味油先會入口咁滑阿肥今次可能因為冇落甜醬所以令到陣味好誇張燒賣質素比起年前差左好多粉果亦無咩特別但因為街坊價令性價比高左所以依然客似雲來🐽🐽🐽🐽🐽🐽🐽🐽🐽總括而言平價地道小食，名過於實好食指數：5.0 / 10抵食指數：8.0 / 10合益泰小食🏠: 深水埗桂林街121號地舖

在深水埗這邊辦完事情想著很久沒有來吃腸粉了。結果進去一坐下跟服務員拿menu，我說 我想要menu唔該， 結果服務員就超級大聲的罵 重複了幾次 ‘什麼menu啊？’‘你是不是想要餐牌！這裡是香港！不是美國！餐牌不會講啊？’ ？？？？？非常無奈， 好心情來幫襯結果被罵的一點胃口都沒有。東西再好吃也沒有用了吧？這一位真的非常沒有禮貌。客人不是來給你受罪的。但是其他的服務員態度還是可以的。

我今日又去深水埗行街買電腦野，買完野再去完鴨寮街之後，見到有間鋪頭大排長龍，佢就係合益泰了。本來想喺裡面堂食嘅，但因為真係太多人啦，反正自己屋企又不太遠，就一於叫外賣拎走。混醬腸粉去到梗係要買佢既腸粉，兩蚊一條，名店質素，小店價錢，又香又滑口，仲有米香味，要理混醬，一流。皮蛋瘦肉粥之前有一次無意間叫左佢既皮蛋瘦肉粥之後就愛上了，唔好睇佢好似比較細碗，其實裡面有成隻皮蛋，加上煲到出晒味既瘦肉，足料之選 。

區區有食力，又係深水埗區，尼個腸粉不得了，連我移民咗嘅uncle每次返香港，都一定會來食!去開深水埗食嘢，必須留肚食呢個腸粉，腸粉好滑、唔會粉叠叠加埋混醬配合得天衣無縫！$8蚊4條一人前、二人份量最好叫$12蚊。食嘅時候要成條腸粉沾上混醬，有時阿姐會剪到條腸粉好長，最好咬開一半，將餘下一半再舔醬汁，D醬入左腸粉入面更加好味！個醬好香豬油味加上唔會太咸豉油再加濃度適中嘅甜醬，超正！裝修後，門口光猛整潔，冇以前望落咁殘舊，條巷仔亦都乾淨左好多，就算企巷仔食都舒服D提議大家最好堂食，試過外賣，只係隔左5分鐘，都已經冇咁好食！至於店內其他食物、就冇咩特別。

這間店經常經過都是很多人排隊，幸好人龍去得很快，等候時間不算長。腸粉細滑，各種醬汁混合在一起很搭配、很豐富很有層次。平靚正！白芝麻有炒過，很香！和腸粉拌在一起真的很好吃魚蛋則很Q彈，一口一粒。豬皮很爽。

混醬腸粉（ 每條$2）無啦啦好想食腸粉就過左黎食！呢間唔洗講喇呱？被譽為係 #全港最好食腸粉 既合益泰 既腸粉絕對當之無愧！每次黎到都一定要排隊，不過呀姐啲手勢勁快，所以都係等左幾分鐘就食到。腸粉非常滑溜，係因為精髓喺啲醬度！落左超多既甜麻醬豉油再加上豬油真係正到不行！呢兜盛為$10，有啲唔夠喉，其實應該買$14 先岩岩好。#合益泰腸粉 最優勝之處，係將最簡單既食物，做到最好。你可以話咪又係腸粉，但當你諗到如果將來有一日佢結業，要食到比佢好既腸粉，已經無幾間。

哩間係老字號腸粉店，日日都好多人排隊買，我都當然要湊下熱鬧買返碟，食腸粉當然要咩醬都落晒，腸粉超滑，咁多人排隊並唔係冇道理，可以堂食，外賣，企係街邊食，如果堂食多數都會叫埋其他野食。

今日去食出名腸粉，排咗10分鐘隊到，腸粉我就覺得唔係話好滑、一般貨色冇乜特別，但好就係佢比足夠嘅麻醬甜醬豉油嘅，所以你每一粒腸粉都有好多醬汁包住，食落自然就好味啦！所以如果你經過個肚又有D肚餓丶咁啱又唔太多人排隊丶咁不妨食下啦！

今日要去長沙灣政府合署搞文件所以就去合益泰食腸粉。 第一次幫襯，一定要試佢最出名嘅王牌豬腸粉，鋪面乾淨不過啲阿姐講嘢好大聲成日都會有煮好的熟食從廚房推出推入所以唔建議老人家坐出邊，腸粉味道very good , 好滑!! 果然名不虛傳！另外仲叫咗豬皮辣魚蛋，呢個就真係唔需要試魚蛋一啲味都冇好似煮熟再加啲咖喱汁少少辣但係一啲都唔香，豬皮份量都好多但係又係白灼冇乜味道！下次去淨係食腸粉已足夠

因為老師居於深水埗，定期拜會，對這區自然了解。區內因應消費能力，以價廉食肆比較多。當中又以腸粉燒賣而比較普遍，可謂通街都係。其中比較有名的就是合益泰。我不知道很多歴史，只知此店已有多年，我也光顧了好幾個年頭。今天也一如既往，點的是中腸，燒賣。不到一分鐘上桌。這裡細的大概4條，中的也許6條左右吧。上桌就下了調好的麻醬豉油，桌上的甜醬辣醬芝麻則按個人喜好。説實話，這個價錢算是很合理。一般交貨貨色，這個價錢其實也不能說有沒有米香可言吧？這些腸粉，重點是要熱而不爛。坊間不少店為求方便，開檔就放了幾斤腸粉入爐蒸，有時生意不好，你可能買到的是兩小時前的腸粉。所以豬腸粉好吃，一是靠勤力，密手蒸，一是靠流量，生意好就不愁吃到過龍貨。合益泰是後者。今天的腸粉比較不熱，入店食的話其實是剪定，有客來就自助餐般分大中小上盤吧。如冬天的話，不妨排外邊的隊站著吃，頗不錯。為什麼是冬天？因為夏天令你汗流挾背。燒賣自然是交貨，不過不是二三十一磅的魚茸燒賣，肉餡有點馬碲冬菇，豬肉餡有切粒有搞碎，口感挺好，就是有點過火了。深水埗想吃小吃，這裡是我心中之一。唯獨小心，地板長年都是油，當心滑到。

成日經過呢度都好多人喺門口排隊，以為今日經過堂食應該無位，點知原來有部份人都係喺門口排隊買外賣，堂食其實都有位嘅，所以就入嚟一試呢度出名嘅腸粉腸粉有分大中細三個size，落左單之後好快速就已經可以上到餸啦。上菜嘅時候，見到個腸粉啲色唔係好對路，原來甜醬同埋芝麻等，係放喺枱面自己按喜好加 ，味道要靠自己加同adjust，還好吧，亦都不至於係驚天動地。另外都叫咗個豬皮蘿蔔，亦都係不過不失啦再加埋其實用餐環境唔算係特別好，而且通常都需要搭位嘅，當速食的話都算係快同靚嘅choice

聞名已久嘅合益泰，身為餵食家嘅我咁大個竟然一次都未食過，點得呢！今日趁住一家人係西九龍活動就叫細佬帶我去食😜。盡管大家都話佢啲腸粉已經冇以前咁好食，甚至好差... 但門口依然排哂長龍🙄，我平時最憎要排隊，一般見到人龍就會掉頭走，但細佬話唔使驚有辦法，原來大部份人都係排隊買走或企全食， 反而入舖坐底嘅人冇咁多，我地luckily入到去即有位唔使等，Good!坐底必點腸粉一大碟啦， 腸粉好滑，混滿香濃麻醬，我覺得佢未必係最好食嘅腸粉，但其實重點係響個麻醬度，個麻醬好好味，不過佢係配給嘅，冇得自己加，好寶貝咁，反而其他甜醬辣醬就大大支橦係到任你加。四個人齋食腸粉點夠喉？加點一份豬皮蘿白魚蛋同燒賣。好清淡嘅豬皮蘿白呀😏，冇乜話好唔好味，但啲蘿白仲未炆腍，差係呢度。燒賣好大粒，好夠味。差唔多食完的望到隔離枱... 奇景呀，即刻叫細佬望下😅，隔離有位男士叫左一大碟牛肉球，足有十二粒，仲要粒粒好似乒乓波咁大，一個人真係食得哂？受佢激發，我地都唔執輸即刻叫番碟先，又幾好味喎，幾足料個牛肉球冇話溝太多粉醬，仲係肉肉的，好香好實在，不過真係好鬼大粒囉。其實深水埗都真係幾多出名小食，可惜附近又冇乜野逛，要食

每次朋友都問深水埗有咩好食😉😉，我會第一時間介紹他們去“ 合益泰”食腸粉， 榮獲多年米芝蓮街邊小食推介在我們深水埗區街坊中是我們生活的一部份，不論早餐，午餐及下午餐都會選擇去合益泰食一個靚腸粉。價錢方面腸粉(細)＄8(中)＄12 (大)＄16平時我會食腸粉追加$5咖喱魚旦🍡，腸粉好滑，神秘的醬汁永遠冇得輸，醬是任你點落都可以，點食都咁香，滑，仲美味😋😋😋魚旦都不錯，彈牙同咖喱味好入味。雖然人很多，但食客們好多都會食完讓給下一個，想食好野梗係要嚟合益泰朝聖啦～性價比咁高🔝🔝🔝🔝

原來一直我都很有口福，由細到大媽咪都有買合益泰的腸粉回家給我吃。一向這家店舖都很受街坊歡迎，現在更加不得了，天氣就算多熱，天氣就算多冷，香港人甚至旅客都願意加入長長的人龍，一試這裏的混醬腸粉。的確，名不虛傳，其他地方是找不到它的風味，爸爸話腸粉用的是頂級麵粉及豬油，所以特别香特别滑 (未經求證的)。至於混醬，我永遠走辣及喪加芝麻，成了整點腸粉的靈魂。價錢方面: $8/小; $12/中; $16/大。我自己一個人會吃中size的，可當午餐了。