合益泰小食

營業中

休息中

今晚約左家人食飯，不過去完深水埗辦事仲有一個鐘先開飯，又有啲肚餓，本來諗住買個蛋撻頂下就算，點知死佬話想食腸粉，因為幾個月前食過一次心思思，又就唔岩時間黎食，最後就受唔住引誘唯有去食啦，今日反而唔算好多人，堂食等左一陣已經有位啦，座位依然係背貼背腳頂腳咁坐，死佬話想叫大腸粉，再加其他小食，好彩冇聽佢講咋，叫左個中size食完已經有啲飽啦，落左order等左5分鐘都冇就熱辣辣咁送到黎啦～混醬四步曲，go~

去深水埗行街，順路去食合益泰腸粉，今次去合益泰已重新裝修，因為原先想外賣腸粉，但人龍太長了，所以決定堂食，與往日一樣，需要拼枱，選了辣魚蛋拼白蘿蔔，蒸腸粉（中）。辣魚蛋拼白蘿蔔。蘿蔔很甜，冇渣，魚蛋好彈牙，但辣魚蛋不辣。蒸腸粉（中）感覺中還是裝修前的腸粉好味，現在的腸粉比舊時幼身，感覺亦沒有舊時的滑，雖然入口都算滑，但比以前實身，比較難沾上豉油及醬汁。醬汁亦不像舊日般香濃，但加上白芝麻都是可口，但感覺已經變味了。

第3站黎到先前因為裝修而停業嘅合益泰。裝修期間黎過一次先知佢裝修，所以失望而回。而裝修左咁耐之後，一直都冇時間再嚟。難得今日再到深水埗，點都留肚食腸粉。裝修後地方光猛左，感覺乾淨左。腸粉(中) $12 - 腸粉可按自己喜好加入甜醬~ 腸粉滑嘅程度依然保持到。腸粉雖然用料簡單，但要搵到間好似佢咁，食落滑嘟嘟嘅真係唔係好多間。腸粉雖然用料簡單，但要搵到間好似佢咁，食落滑捋捋嘅真係唔係好多間。魚蛋+豬皮 $19 - 魚蛋同豬皮都要左辣，魚蛋彈牙，豬皮吸晒辣汁，食落辣得過癮。

出深水埗必食既腸粉!!! 次次黎都要排隊，不過值得呀！每次都叫10蚊/廿蚊腸粉，加埋麻醬甜醬，再撒上白芝麻，食落超好味，啲醬又香，絕對係我食過最好食既腸粉。價錢都唔貴。唔少人（包括我）都係買完即刻企係後巷食，別有一番風味哈哈～

黎得深水埗更係要黎食啦 次次黎深水埗買野點都係要黎食合益泰特別係個腸粉 夠白夠滑 加醬食直頭冇得輸同我細個係街邊食既完全唔一樣 價錢唔貴 但質素超級高 本來唔食呢d街頭小食既女朋友 試完之後 次次黎深水埗都拉住我要買黎食.... 無言推薦大家點都要黎試下 真係冇得輸

合益泰小食🍴細腸粉😃 8 蚊8 蚊腸粉份量都合理 一上枱時只係落左少少豉油 唔夠既話枱麵上有甜辣醬 豉油 芝麻等自己混醬 😍 腸粉好香滑 同我好多年前食一樣味 ,但感覺上冇以前甘多米香 但仍然算係上級既腸粉 😆🍴大三拼28 蚊😆魚蛋豬皮薯蔔🥕🐷🐟28 蚊黎講都幾大碟 白蘿蔔整得好淋 盡吸咖哩味 魚蛋都幾彈牙入味🐟而豬皮 就比較煙靭 整得唔算淋但就好爽口 🐷點埋自家辣醬都唔錯#魚蛋 #豬皮 #蘿蔔 #腸粉 #豬腸粉Score 平均分 <7.4/10>Taste 味道：👍🏻👍🏻👍🏻👍🏻Present 外觀：👍🏻👍🏻Decor&Hygiene 環境衞生：👍🏻👍🏻Value for $ 性價比：👍🏻👍🏻👍🏻👍🏻Service 服務：👍🏻👍🏻~~~~~~~~~~~~~#合益泰小食深水埗桂林街121 號地鋪~~~~~~~~~~~~

深水埗老牌小食店，除出名的腸粉外，亦有豬皮、蘿白、魚旦、牛肉球、粥等。經重新裝修後，內部整㓗了一些。由於地方細，座位仍是人迫人，但似乎大家入得嚟光顧巳預咗，所以都很享受這裏的食物。仲有你一定唔好怕醜，因員工太少了，必須主動攔住佢才能成功落單呢！必叫之選：腸粉，有大、中、細之分，1個人來，如女士，提議叫中份，男士則叫大份至夠。腸粉本身已淋上豉油和麻醬，腸粉面油閃閃，是豬油的威力和吸引之處，令腸粉吃上去又滑又嫩，間中一次無需介懷啦！甜辣醬、豉油任加，最鍾意是芝麻任加，令腸粉的香味口感都提升了。所以每次都是加不停的。牛肉球大大粒一串上，內有沙葛和葱，爽兼香軟。皮蛋瘦肉粥，粥底似稀些的潮州粥，配料都很多，瘦肉不太鹹。

讲真，这种肠粉恐怕也就广东人和香港人才喜欢吃，其他地方的人真的难以下咽，清淡无味，实在不好吃！服务态度奇差无比，当然这也是香港特色，尤其是对待内地人更甚！店铺很小很拥挤，环境很糟糕，一桌子人围坐在一起难受憋屈！服务员清一色老大妈，指望有好的服务那是天方夜谭！另外食物也十分不够卫生，服务员经常性用手直接抓食物或故意触碰食物，令人看了恶心！这样的餐厅在内地活不过2个月必死无疑！在香港就是个笑话！

這間腸粉由細食到大，絕對係一間老字號，價錢唔貴，腸粉非常滑，每次去買都有條人龍，不過唔需要等好耐，仲要加勁多醬先好味，放工經過當小食醫下肚都唔錯，又唔怕食唔落晚飯。

突然又想食香港小食，一經開深水埗，我第一時間就諗起哩間，滑滑既腸粉真係食極唔厭，亦都好係大排長龍既原因，我都買一碟食，通常我都即買即食，好少外賣拎走，立食都係一種風味。

This restaurant is very famous for its cheap food located in Shum Shui Po and the 腸粉 is one of the best in Hong Kong be prepared you may needa queue for it but it’s a must try! A tip for not queuing outside is to get a seat inside to eat, the food is not as famous as the 腸粉，but they are still quite good.the staff are very nice. I love environment here. Very warm.

食過這間小店已經很多次入圍米芝蓮腸粉 出名平價好味外賣位置經常排長龍入裡雖裝修簡樸 座位不多但勝在有著便宜的價錢及不錯的味道！快靚正！幾款小食選擇 有腸粉、燒賣、牛肉、粉果、珍珠雞、魚蛋、豬皮及蘿蔔亦有多款粥麵選擇！次次都會點多款小食與朋友分享 腸粉(大)每碟$16腸粉特別幼細嫩滑 因為用米漿調配所以有帶點米香已加了混合豬濃的芝麻醬 香氣濃郁 美味可口另外台上亦有醬料比你任加再加上甜醬及芝麻香味迫人！惹味！性價比高！燒賣3粒$12不是一般的魚肉燒賣 皮薄腍身 咬落去是盡是冬菇豬肉的餡料味道不錯！蘿蔔+魚蛋+豬皮 每碟$28蘿蔔很甜很腍很入味到下一位叫已賣完了！豬皮爽口嫩滑 不感油膩！都是必點之一！

腸粉，邊個冇食過？細細個食到大，以為間間一樣，都是混醬亂吃。當自從五年前吃過它，才知腸粉可以咁軟滑，連醬汁都可以咁濃香。因此佢一直成為我心目中的No.1。但自工作之後，都沒時間再訪，今日終於可以黎重溫舊夢！唔黎唔知，原來翻新左，新淨左睇落乾淨左，但我黎根本唔介意佢衛生問題（你黎得都預左），但佢都加左價，由以前食6蚊4條，到今日8蚊4條，不過算！我今日話左食就要食！加價都不減人龍，除左店鋪同價錢，但都是一樣我潘記腸粉，一樣的熟手姐姐，三十秒後我碟腸粉到手了。8蚊4條，企係度食，仍舊的食法，沾上混醬食返條先再講。一吃，嗯有點不同了，像似軟掉了，有點糊有點太黏，醬油味道有點變掉，未算太過份但肯定差掉了。雖然花生醬仍舊的香滑，但豉油同腸粉的味道同質感不再當年。新不如舊，不但是新入場的店不如老字號，同時亦說翻新不如陳舊，真心裝修好左但失去當日的味道同感覺了。始終食開的味道改不了。

《合益泰小食》深水埗都有米之蓮街頭小食推介 當然要來試下啦，老遠都已經見到條龍排到過隔離兩間舖。腸粉（中）$12老實講當佢一間普通小食店就算，最出名嘅腸粉其實都只係好一般，冇特別滑亦都冇乜米香，係啲混醬有點睇頭。燒賣 $12/3粒 牛肉 $12/3粒燒賣同牛肉有驚喜，兩者個Size 都好大粒下，而且似自家製唔係工場大量生產。牛肉好Juicy 軟腍 $12有3粒抵食。豬皮蘿蔔（細）$15豬皮蘿蔔普通無乜味，蘿蔔有少許渣。豆漿 $6/杯珍珠雞 $6/隻 你問我回頭率幾多？真係5050。經過會幫襯下嘅勝在夠抵食同有地道風味，但唔會再特登過黎食咁囉。

好多人讚佢哋嘅腸粉滑溜, 又係米芝蓮街頭小食嘅得主, 所以今次嚟到深水埗, 一定要試試。腸粉 (細) $8腸粉已加豉油同麻醬, 如需甜醬, 辣醬同芝麻, 可自行隨心添加。先講返個腸粉, 我覺得個腸粉一D都唔滑。質感有少少嚡, 與混醬同吃, 只屬一般。蘿蔔 + 魚蛋 + 豬皮 $28豆漿 $6蘿蔔清甜無渣。魚蛋沒有很彈牙, 雖然要求辣魚蛋, 但魚蛋一D都唔辣。豬皮本身沒有味道, 亦沒有吸收醬汁味道, 實屬一般。豆漿只有淡淡嘅豆味, 沒有驚喜。