台灣美食 (已結業)

係香港食台灣料理真係好多選擇，大大小小唔同店鋪都有，今日lunch就同同事食「台灣美食」，之前都有食過呢間餐廳不過已經無咩印象。我點左肉燥雞球飯，肉燥份量都幾多，個汁可以撈埋d飯一齊食，味道唔錯。雞球的雞肉都幾嫩滑多汁，但係唔知點解明明外層的粉並唔多，但係都有種油膩感。同埋食食下覺得都有d鹹，可能肉燥的醬汁太多。另外點左個炸魷魚小食，不過炸粉真係太多，魷魚的肉反而好少，所以覺得好一般，好似食極都係食緊炸粉咁🙁

夜晚十一點想食宵夜，見呢間仲未閂又啱口味就入左去，一打開餐牌就見到好多款揀，肉燥飯款式好好多唔同配搭，其中豬頸肉特別香口，小食都有好多款，椒鹽魷魚鬚好食！價錢合理，份量十足👍🏻

昨晚試咗台灣美食， 開頭都沒有抱著太大期望， 但入到舖頭裏面看到餐牌上各式各樣的肉燥飯， 台灣風味小食，台式飲品， 立即心心眼了！ 肉燥飯嘅款式真係花多眼亂，最後我哋叫咗蒲燒鰻魚肉燥飯，肥牛肉燥飯，鐵板餃子，椰香珍珠奶茶，熱柚子蜂蜜！蒲燒鰻魚肉燥飯， 熱辣辣嘅鰻魚好肥美帶有香濃嘅蒲燒汁， 加埋肉燥送飯非常之好味！肥牛肉燥飯， 肥牛肉質好軟身， 配埋肉燥啱啱好！ 佢哋嘅肉燥份量亦都相當大份， 基本上一個人食完一碗飯已經超級飽了！鐵板餃子， 外脆內香， 點埋醬料一啖咬落口有濃濃嘅肉汁味， 唔錯！台式飲品方面， 椰香珍珠奶茶唔夠椰香味！ 不過有柚子蜂蜜就好好飲！

今日下午口啖啖走咗去間台灣食店，飲咗杯台式珍珠奶茶，並且叫咗個椒鹽魷魚鬚台式麵。杯珍珠奶茶，我個人認為太甜了，但珍珠就很多。至於個椒鹽魷魚鬚就十分好味，一放上枱，已很香同很熱，炸得好入味，似新鮮即炸，唔似街邊有些翻炸，魷魚已索咗好多油咁。依間個椒鹽魷魚鬚真係要試吓，包你一食難忘，再想食。至於個台式麵，湯底很淡味，個麵味道一般。下次都係轉米粉或飯。至於價錢都算大眾化，尚算合理，50幾元。並且等了约十五分鐘，便可進食。

呢一間鋪頭都有幾間分店我就叫咗豬頸肉肉操飯，肉操唔係好肥膩，分量都唔會好少，可以送到成碗飯，一碗飯嘅份量都幾多下，如果你唔係好肚餓應該未必食得晒，可以選擇叫小飯豬頸肉都大大嚿，有成六片左右仲會有一杯＄20以下嘅嘢飲送俾你。如果四個人嚟食，叫四個飯仲可以送一樣小食。今次我就自己單叫左一個魷魚鬚，分量十足。

今日要介紹呢個蒲燒鰻魚肉燥飯（$63）好抵食牙大大條鰻魚配上大大碗肉燥飯，就連大飯都唔洗加錢！肉燥味道剛剛好份量都唔小，撈飯一流！另外叫飯餐會送一杯$20內既台式飲品鰻魚唔厚身，不過說真係好大條，d邊邊位仲整到脆卜卜，好正好驚喜牙☺️飲品我揀左珍珠奶茶，味道還好偏甜（可以叫佢小甜），我覺得有小時候係旺角飲到既傳統台式味道。另外朋友叫了魷魚鬚肉燥飯（$62）都好正，魷魚鬚即炸熱辣辣脆卜卜，加上附上既汁好開胃，酸酸甜甜，味道好夾！

肉燥很好送飯，芝士豬扒很薄，咬開見到裡面有一層火腿一層芝士，但不覺有肉，像炸粉包住火腿和芝士。雖然火腿也是豬，味道也不差，但認識中的豬扒有點不一樣囉⋯⋯魷魚鬚很彈，配上微酸的醬汁更好吃，不太喜歡那些凍的椰菜，雖然味道沒問題，但感覺像放很久而變涼了。免費配$20以下飲品，大膽一試西瓜奶茶，望落覺得都是色素，但味道不會怪。另一杯茉香，淡淡的，覺得偏甜了些。地方淺窄，搭枱小不免，有個角落位後面是搖飲品的機器，會較嘈。

近排有幾間食牛肉麵的鋪頭紅爆，有名人排隊幫襯，又有每日什麼限定賣100碗，中午就賣晒云云，那些遲點才去吃啦，怕襯墟。 牛肉麵最多的地方該是在台北。台南呢？應是各類小吃 - 擔仔麵、蝦捲、蚵捲、紅燒𩵚魠魚羹、鱔魚意麵、棺材板、米糕、虱目魚料理、鹹粥、牛肉湯、蝦仁肉圓，多不勝數。 旺角的「台灣美食」，打正旗號吃甚麼，單刀直入，已有三間分店。下午時候來，沒甚麼人客： 侍應都是些說半鹹半淡廣東話的大媽，親切的，無事做她們就自己閒話家常。叫了碗「人氣」的「台南牛肉麵」$58 (下午茶時段減 $5) 牛肉四大嚿，軟腍程度很不一樣。兩件是一夾即爛，另外兩件就硬而不夠入味，估計前兩件是之前剩下，再加上新的牛肉去炆。 炆的香料好像蠻多，有香葉、薑片、蒜子； 湯底非常甜，像加了大量冰糖。台南以前是盛產糖，糖也成為調味料而大量入菜，所以台南菜多半是放糖當成味精調味，能理解，但此湯就做得有些 over。麵條質地一般，似食上海麵，整體有進步空間。 送了一杯珍珠奶茶，個人無感： 另外加 $8 可以有一份小吃，有半隻滷水蛋、一小堆泡菜，三塊燒台灣香腸： 泡菜類似在台灣夜市吃炸臭豆腐，任吃泡菜那種的加

途經依頭，同朋友都肚餓。原本想去旺中搵嘢食，但朋友話攰想坐底食😌咁見到依間，見正正常常，唔想再行同諗，就入左去食了。餐牌都係大路台灣既肉躁飯同小食咁朋友話想轉頭去食甜品，所以兩個人都只係嗌左一個飯(芝士吉烈豬扒肉躁飯)同一個小食(蟹粉蟹籽丸)同一杯珍珠奶茶share太肚餓既關係，將佢分開左兩份先記得影相，所以依個份量就淨係半個飯肉躁甜甜地，我覺得幾好送飯芝士豬扒薄薄地，肉好淋夾住塊芝士係入面，食落唔會太漏，整體嚟講算唔錯蟹籽丸食落無乜特別，就係平時食到既普通蟹籽丸😗有得醬汁，但我覺得唔係好夾😲唔點又會太乾🤦🏻‍♂️依個小食麻麻地好食🙁我地就嚟食完都未有嘢飲，見已經整好晒擺左出嚟，但又冇店員過去拎，要問先拎過嚟🙁珍珠奶茶略嫌太甜，又無乜茶味🙁成餐飯得個豬扒較為好食😲😲😲

今日，15/7/2017, 我同個女要到旺角睇中醫，所以就出到旺角先醫肚，食完lunch先再去。我地揾到呢間： 台灣美食，專做肉燥飯架，啱晒我個女，同埋台灣麵我最鐘意入到去，小店一間，可坐約30 人，地方唔算好大，都係食完要走果d類型你唔會坐得耐。我叫了：台南牛肉麵 加熱洛神花茶 $58, 我個女叫：香芹墨魚餅肉燥飯 + 百香果綠茶 $58。野食一黎到，賣相都ok , 食落都幾好食喎~:牛肉麵：牛肉半鬆軟，有4 條，都算多了，味道好食入味麵都ok, 但湯底一般，洛神花茶好飲香芹墨魚餅肉燥飯： 墨魚餅好好食香脆又香口，應該係自己做的，好香芹菜味肉燥好掂 預期之內，因為肉燥係呢度主打，所以有好多款飯都一定有肉燥，大家一定要試下。D呀姐都好好招呼架。

難得和先生一起出來旺角吃飯，但今次餐廳的水準平平，有點令人失望紅燒牛肉米線的湯算是濃郁，帶有甜味。但米線太稔，而牛肉也略為老豬頸肉湯面正正常常青蘋果乳酸芋香奶茶飲品份量頗大杯，也算抵飲，因為這是套餐贈飲，細杯都飲不完~

星期六收工，同姊妹shopping前，梗係要食飽飽先有力氣行啦。經過呢間台灣店，見招牌寫風味正宗，就決定入去試試。男侍應見我地行入去，但無招呼我地，所以我地自己搵位坐。台南牛肉麵餐$55 - 有4件大大舊嘅牛肉，牛肉煮得好淋，湯底有洋蔥，紅蘿蔔煮，甜甜地加上微辣，好好飲。麵質略嫌煮耐左，所以偏淋唔彈牙。鹽酥雞球肉燥飯餐$55 -有成8件鹽酥雞，好抵食呀。熱辣辣，炸得好香口，係即叫即整的，唔係炸定放上面，點埋佢個醋，好夾。肉燥味道適中，撈飯一流。套餐包一杯$20以下嘅飲品一杯，蜜桃乳酸&香芋奶茶，抵！服務質素一般，如不注重服務質素的話，食物是推介的。

員工態度極差！！！明明錯都可以聲大大又冇禮貌 以後吾會再食 ！！！！！比錯飯一句吾好意思都冇 仲係到大大聲咁話人 ！！！叫人點去幫襯呢 希望你地老闆會睇到呢段說話去提反你啲員工既態度

黎食個下午茶，38蚊2個小食，叫左2份餃子，得6隻又細粒又硬之後叫個多士餐，個多士勁求其一塊厚白麵包加少少練奶，勁求其好難食what a terrible experience!!! 無下次！！

Lunch 坐小巴落太子食，朋友話介紹間超正超正宗又抵既台灣野。一碗飯賣緊50幾蚊，差不多60，再送杯唔記得幾錢內既飲品，非常好，覺得都算平。佢提供既醬汁十分正！酸酸地，無論加小小落飯定點肉都一流。