台灣美食 (已結業)

星期六收工，同姊妹shopping前，梗係要食飽飽先有力氣行啦。經過呢間台灣店，見招牌寫風味正宗，就決定入去試試。男侍應見我地行入去，但無招呼我地，所以我地自己搵位坐。台南牛肉麵餐$55 - 有4件大大舊嘅牛肉，牛肉煮得好淋，湯底有洋蔥，紅蘿蔔煮，甜甜地加上微辣，好好飲。麵質略嫌煮耐左，所以偏淋唔彈牙。鹽酥雞球肉燥飯餐$55 -有成8件鹽酥雞，好抵食呀。熱辣辣，炸得好香口，係即叫即整的，唔係炸定放上面，點埋佢個醋，好夾。肉燥味道適中，撈飯一流。套餐包一杯$20以下嘅飲品一杯，蜜桃乳酸&香芋奶茶，抵！服務質素一般，如不注重服務質素的話，食物是推介的。