台灣美食 (已結業)

因為要去金魚街買啲嘢，所以一個人出咗太子。  買完就順便食啲嘢先返屋企。   不過嗰邊太多餐廳選擇，行咗個圈都決定唔到食咩好，直至經過呢間舖頭，見到MENU主打係食台式肉燥飯，都好似不錯咁，閒日夜晚嚟講多人，差唔多坐咗8，9成人，於是就決定係呢間食。  由於我得一個人，所以可以即刻入去坐低。   大部份GE飯都非常抵食，大約$60左右就得，仲送一杯$20以下GE台式飲品，以晚餐嚟講算係非常抵食。 因為第一次嚟食，都唔知點咩好，於是我叫咗係MENU入面 "推介" GE腩肉肉燥飯，再加咗杯百香果綠茶。 點完餐後食物好快就送到，個飯份量都相當足，有兩大片的腩肉再同肉燥，仲有半隻雞蛋同少少疏菜。  第一時間試下個腩肉，炆得都幾夠淋同埋入味，再埋個肉燥飯，我覺得幾啱我口味，因為佢啲肉燥唔算好肥，味道都算適中，唔似外面食到的肉燥有時會覺得太甜。 至於杯嘢飲，就一般平時食台式食店啲飲品咁，沒有特別驚喜，又不失望。  不過整體嚟講，嘢食幾好味，食完之後都唔會覺得好滯。  估唔到，亂咁行都有唔錯GE體驗 

以前返工lunch成日黎呢間台灣美食食飯，款式咁多年黎都一樣，但價錢就加左唔少！我同朋友一人叫一碗肉燥飯，跟餐可以配送一杯$20以下既台式飲品～豬頸肉肉燥飯，$60碗，豬頸肉撈肉燥飯食都okay~燒得幾爽嫩～魷魚鬚肉燥飯，$65碗，魷魚炸得酥脆～再加配左個台式小食，盛惠$8，但不太好吃，台灣腸好乾，辣泡菜不太識欣賞，蛋一般～一杯蜜瓜仙草，仙草麻麻地，跟餐飲品算係咁，無咩期待；另一杯係珍珠奶茶，加大加$5，都ok既～

今日去旺角探住喺老人院嘅世叔伯 一個人見到呢間台灣美食後面簡樸價格親民 我即時叫咗一個鹽酥雞肉燥飯 鹽酥雞辣辣地炸到好脆非常少炸粉 食落有少少蒜蓉味 好好食 最抵讚係啲肉燥甜甜地有少少燒汁肉燥唔肥 撈埋啲飯食非常之好食 甜甜地 唔經唔覺成滿都食曬 真心非常邪惡

又係旺角搵食, 又係平凡一餐, 搵美食, 呢篇可以🛂  就泊車關係, 又係西洋菜南街附近既一列食肆覓食; 今次揀咗「台灣美食」, 一堆既食肆入面照計台灣嘢領嘢機率應該係最細😑 舖頭格式似番MK STYLE, 枱同枱中間少許擁擠, 坐得落, 但之後就無得郁動😣 成間舖大約坐到20-30人, 燈光就典型茶記黃光🚦 冷氣夠凍到結冰❄  MENU 拿上手有少少殘缺, 主力係賣台式大碗飯🍚 其餘都係台式小食🍟同多士🍞及飲品🍻  招牌鹽酥雞球先黎🐥 炸得偏乾, 但味道還好😊 有少許似台灣當地既味道🇹🇼  然後花生吐司係厚既麵包底🥪 同舖滿花生醬既表面上枱, 特色係: 佢無切開黎上枱囉, 花生醬多士🥜 呢啲穩膽, 又係一個安全過關⭕ 珍珠奶茶, 有啲唔合格⛔ 甜度過高, 而且珍珠偏韌❎ 主食台南牛展肉燥飯🐮 還好啦, 牛展偏韌🐂 但係咬得開, 味道👌 肉燥既肉粒好大舊🍗 撈埋飯黎食不錯 埋單117, 係旺角價還好💵 如果係開附近搵食, 我覺得都可以一試😊

這天與團契導師來到太子這家台灣肉燥飯餐廳吃飯。 我們大概7點多來到，店裏的人還不算多，我們直接選了個位置坐下就可以了。我們叫了2個飯，我的就是肉燥飯，而她選了雙拼。她多拼了一個魚腐。 肉燥飯來說這家真的不錯，肉燥算是濕身一點的，並不乾，所以配著飯很好吃而魚腐非常好，外皮煎香了，吃起來很棒。而米飯挺軟熟，也算是不錯。而每一個飯還送一杯台式飲品，我叫的是芋香奶茶。雖然味道比較人工，份量還好。總的來說是可以給好評的一家台灣肉燥飯店。

其實呢間食店已經係我同我老公嘅食堂 基本上我哋每個禮拜都要去一次 只係因為實在太熱氣如果唔係一定個個禮拜去兩次佢唔算特別平 但亦都唔算貴 門面好台式 唔會有啲過度花巧嘅嘢 就好似一間地道嘅台灣嘢食咁 佢大約價錢就係50 60蚊 包一碗飯同埋任叫menu上一杯嘢飲 凍飲唔洗加錢 加到大大杯先係五蚊 我叫咗魷魚酥肉燥飯 可以見到平時買到四五十蚊先得少少嘅魷魚鬚佔咗碗飯嘅四分一有多 仲要係同你堆到好高 魷魚絲炸到好脆 上面淋咗啲淮鹽 內裏啲魷魚 仲係滑捋捋 亦都唔會話咬唔到 肉燥同埋菜嘅比例係1比1 基本上你見到 嗰三分一嘅肉燥 已經足夠令你成碗飯漏曬 好在有啲菜櫈返混 如果唔係真係好邪惡 要提一提就係佢隔離嘅醬汁 同魷魚鬚簡直係絕配 老公叫咗鹽酥雞肉燥飯 其實都係大同小異 佢嘅鹽酥雞 同其他台灣嘅比大粒好多 少咗嗰一陣調味粉味 真係食到好香滑雞味 外面係好脆 成個口感好豐富 兩杯嘢飲冇影相 都係普通台式嘢飲味道同出面台式嘢飲鋪冇乜分別 總括嚟講都好抵食加埋先至120幾蚊 我哋兩個都食唔曬食咗三分二就收咗手

琴日下午4pm喺太子始創，肚餓於是整個下午茶。門口有牌寫下午茶餐牌，$33起步，算係抵食，話晒都係旺角嘛。我揀咗肉燥飯配小食，其實可以選任何3樣，我唔記得全部。我揀咗蝦捲，炸蕃薯，同埋台式香腸。肉燥飯都係淋d汁上去，唔難食不過唔係我要嘅台式肉燥，而依d情況通常汁係唔夠我食，哈哈！小食就好ok，即叫即做，唔係凍冰冰。飲品要咗薑茶，好淡，應該係沖粉，唔好叫。整體$33，有飯有飲品，我覺得合格同合理啦。四星。

久唔久都會食下呢一間台灣野，因為覺得佢個鹽酥雞肉燥飯好啱我口味～招牌菜係鹽酥雞滷肉飯， $55連埋一杯$20或以下嘅飲品，我多數都會飲珍珠奶茶，其實諗落真係好抵玩嘅。雖然杯飲品冇出面台式飲品店咁好飲，但係都唔差，當杯野10幾蚊，個飯其實計落都係3、40蚊就咁足料，絕對係平民美食，都會推介埋比黎香港玩嘅朋友另一個鍾意佢嘅原因，就係因為冇乜人知道所以其實唔使點樣等位，一埋位就有得坐低食，幫襯嘅大部份都係香港人。同埋其實重點係佢個醬汁，酸酸甜甜咁樣令人好開胃，亦都係有成日返轉頭黎呢家食嘅原因，因為會有時掛住個醬汁我唔知我因為食慣咗定係點，我覺得呢個鹽酥雞滷肉飯係完美嘅！

本身想食既未啟市，所以見到附近有間開既就是但入左去🤔餐廳都唔算大，但晚市人流唔多，難免有少少伏味，而且無論係招待定落單，會感受到員工既態度一般🤤▪️豬頸肉肉燥飯 💲58豬頸肉既肉質不過不失，但味道就無話炭燒定點未夠香口，肉燥比預期中出色，濃味得黎又唔會好油膩，底下片椰菜較為生硬🙃包一杯$20或以下既台式飲品，要左杯珍珠朱古力奶茶，珍珠未算好煙韌，但尚可以接受🥤朱古力甜度適中，不過就無咩奶或者茶味，說好的奶茶呢🤥整體質素有進步空間，但係晚市黎講尚係平價抵食🔎 整體評分（6.5/10）

由於有排都無時間（亦都無錢）去台灣旅行，想食個灣牛肉麵條癮又起，今次就嚟呢間上一上電，解解條癮。今次叫咗：鹽酥雞球肉躁飯同埋台南牛肉麵。今次淨係講個牛肉麵算溫啦。個湯底好正，話佢係湯底我又覺得唔太啱，因為佢唔係湯水咁水狀，佢似係醬汁但多d水咁，所以醬料味好重，特別係果陣八角味，勁香；個麵口感不過不失，麵唔會索晒湯汁後軟晒咁；d牛肉就正lo🤤🤤🤤食落口唔會柴，軟得嚟仲有肉既咬口，重點係好入味。

早排去左旺角食飯，轉季買到窮窮地，所以就去揾D比較平價的餐廳。呢間係旺角花園街附近的台式餐廳，大約50幾蚊就有個台式飯加杯飲品。先同朋友叫左一份椒鹽魷魚鬚，炸粉唔厚，而且魷魚鬚有咬口，不過放耐左就有D硬。秘製腩肉飯的腩肉都幾入味，有肥之餘，都有瘦的肉。不過D菜就苦左DD。芝士吉列豬排肉燥飯的芝心豬排有芝士流出，不過就唔係好食到豬排味。肉燥的肉碎比預期多，而且都好夠味。比埋Menu大家參考==============================鍾意我分享的，我邀請你訂閲我的食評，我會繼續與大家繼續發掘有咩CP高的冰糧！(敬禮)

最近很想去吃台灣食物，於是去了該店舖，台灣最出名就是魯肉飯，叫了個魯肉飯同埋炸鱿魚飯，炸鱿魚炸得很脆😗，再加上他的甜酸醬食下去有另一個風味同獨特口感🥓，只於魯肉飯不及於正中台灣咁好食，魯肉好似食肉醬咁，唔係太好食

最近很想去吃台灣食物，於是去了該店舖，台灣最出名就是魯肉飯，叫了個魯肉飯同埋炸鱿魚飯，炸鱿魚炸得很脆😗，再加上他的甜酸醬食下去有另一個風味同獨特口感🥓，只於魯肉飯不及於正中台灣咁好食，魯肉好似食肉醬咁，唔係太好食

我同朋友都很喜歡吃台灣嘢食，所以有陣時都周圍搵，其中有一間我哋都有成日去嘅飯堂，這間台灣餐廳味道味道唔算十分之好好食，但係整體來講抵食，而且份量好足，所以有時得閒我哋都會去食。今次我哋就睇完戲夜麻麻就過咗嚟呢度，都10點幾仲有幾台客，今次帶咗一個炸魷魚鬚，炸魷魚鬚炸得都幾香口，幾新鮮又熱，但係就喊咗小小。而我就叫咗一個貢丸米粉米粉，口感不錯幼，但份量偏小，貢丸和墨魚丸都味道不錯，最後朋友叫的就是豬軟骨雞肉飯，醬汁偏甜，豬軟骨口感淋身，整體就一般。

想食下午茶，俾門口的珍珠奶茶照片騙咗入來！杯珍珠奶茶完全冇奶味或茶味！d珍珠超軟身，成pat野冇咬口！未試過咁難飲的。個吐司超乾身，花生醬完全冇味。成個套餐好難食！伏味濃！不會再幫襯！