古琴雅苑 (QRE Plaza)

營業中

休息中

今晚與一班好友衝着這家餐館的目的好明確，就是品嚐「北京片皮鴨」！早陣子在網上看到雜誌介紹開業不久的古琴雅苑，主打正宗的北京片皮鴨，聽講單是預備工序已經長達45小時，師傅還會即席片出108塊鴨肉，未食已經留口水。餐館環境幾骨緻，大玻璃下可看到師傳預備菜式。無錫脆鱔先來小食醒醒胃。鱔肉夠脆口，帶少少微甜，完全是食完一條又一條的節奏。意大利黑醋骨一口份量的醋骨酸酸甜甜，肉質夠煙韌，好開胃。烤北京填鴨登登！主角出場。師傅會在我們面前即席揮刀，片出鴨肉。大大話話都食過數十次北京填鴨，還是第一次有師傅真正介紹這個「一口酥」。所謂「一口酥」，即是鴨胸前的皮，皮脆肉少，富油脂。份量絕對不多，簡單蘸上白糖，入口油香滿溢，令人難忘。每塊鴨肉切得均勻，皮肉相連。鴨肉既軟且嫩，鴨味頗濃。不得不提就是自家製的餅皮的確一流。曾試過不少出色的片皮鴨，但敗筆永遠落在餅皮，既厚又硬。但這塊餅皮就做到既薄又煙韌，而且除了傳統的青瓜、京蔥、京醬等，仲配有哈蜜瓜及蜂蜜黃梅醬。想不到，塗蜂蜜黃梅醬的味道又幾特別，不妨一試。醬炒年糕蟹今晚的第二個主角，正是大大隻的蟹。醬汁的顏色看似頗，但咸淡適中，蟹肉鮮甜夠飽滿，但沒有太多膏。而

中菜給人的印象一般是很老派, 但這間新派的中菜館, 卻擺脫了這個印象, 開立在滿是年輕食肆的QRE plaza, 成功吸引了很多年輕人來光顧, 包括我們。餐廳如其名, 環境很優雅, 乾淨, 光猛, 舒適, 如回家吃飯一樣。玫瑰荔枝茶是這樣的特色茶, 看樣子很深色很濃, 其實也沒有, 味雖濃但入口感覺清新, 茶香果香花香混和, 嘆茶就是這意思吧。兩款前菜小食, 豆干有點辣, 花生很香我比較愛。四小拼$168: 雞絲粉皮的醬料, 調味剛好, 又不會太"章口", 吃著不錯; 冷醉雞很入味, 肉質滑; 我最愛的是青瓜粒, 爽口味帶酸, 很開胃。烤北京填鴨半隻$168: 重頭戲來了, 朋友說每次來都必食, 師傅將烤好的鴨推出來表演片皮鴨, 看樣子相當純熟, 師傅有濃濃北京口音, 令人感覺好正宗好有信心。先起了頸胸部分幾塊矜貴的鴨皮, 油香滿滿, 皮香脆, 其餘的鴨肉放在薄薄的餅皮上, 鴨肉沾上醬汁, 加上一些蔬菜配料, 一口咬下去, 簡直是人間美味! 不愛吃肉肉的我, 都吃了幾轉!黃魚燒年糕$188: 平時也是不太愛吃魚, 不過這黃魚卻吸引到我, 它煎過帶香味, 汁料甜甜的, 好惹味, 魚肉軟滑

自從本人去年到了北京旅遊後，便愛上北京菜了，奈何北京菜要多人才容易點菜，一直都沒有機會嘗這間北京菜。直到等到今天我和家人一行五人逛完花展之後，終於有機會一試了我們叫了北京烤鴨，松子魚，蔥爆羊肉，帶子賽螃蟹，小籠包和銀絲卷。本來對這間北京菜館抱有十分高的期望，怎料希望愈大，失望愈大！完全吃不到我在北京時吃的水準銀絲卷方面，炸銀絲卷簡直是失敗之作的第一位！銀絲卷如果炸得太燶，你可以叫我們麻煩等一等，然後立即再炸過。而不是將一個炸得太燶的銀絲卷給客人！大家可以看一下圖，這個銀絲卷像什麼樣子？整份銀絲卷3/4都是炸粉，只得1/4才是麵包，怎樣吃！？幸好，我們告訴了經理之後，她答應換一份銀絲卷給我們，由於不想重蹈覆轍，我們轉了蒸銀絲卷。賣相方面，正正常常的樣子，比炸銀絲卷好很多了。味道方面，銀絲卷十分軟熟，配上煉奶之後，味道都不錯。松子魚方面，它的賣相十分漂亮，完全和我北京吃的時候一模一樣，可惜…味道欠奉松子魚的炸粉太厚了，表面又硬又乾，魚肉只得十分少，差不多每口都是吃炸粉，一點都不美味！本來期望最高，怎料失望最大！蔥爆羊肉方面，作為一個喜愛吃羊的人，這款當然是必點！不過，這款都是十分失望！羊肉

明知難book, 所以提前大半個月已訂定枱, 約齊人等試佢嘅烤鴨, 點知confirm booking時發現店員將我8時的booking落錯在6時。對方跟旁邊店員商討一論後, 只是回應訂枱時其實他們都有覆述一次訂枱時間的, 而且8時booking 都full了, 無法安排😗。我真是第一次遇到餐廳這類服務性行業做錯事一點歉意都沒有, 還暗指是客人的錯。我回想後清楚記得自己當時是訂8時, 因為我訂的時候是將原先某天6時的booking改過來, 所以有特別講明是8時。我亦記得當時是農曆新年前兩天早上11:30他開店後不久打去改, 當時電話是連打兩次很久才有人接, 我還感覺那接線店員反應很慢好像未睡醒😴。她聽完我取消booking已趕著掛線, 是我叫著她要另作booking, 我講完後是我自己向她提多一次改後的日期, 她只是回應改好了, 根本沒有覆述清楚時間😡。相信這店都是恃住自己常常full booking, 得失一個半過客都不重要。這種過失連基本對客的歉意一句對不起都沒有, 這店的店員還會有服務可言嗎？未試食物已經受到店員無禮對待，店員自己做錯將責任怪落客人到，啲嘢就算幾好食都係零分👎。服

新年流流，好多食肆都爆哂棚。好彩有醒目既朋友一早訂左位，在下就可以大搖大擺就直接入去😆 話明新年，緊係黎個新春套餐啦～一黎就整個意頭菜 – 撈起味道清新，我當左自己食中式沙律，入面有芋頭同蓮藕絲，脆卜卜好有口感 第二道菜係鮮魚羹，味道清甜，飯前食醫肚一流 之後再黎個蟹粉獅子頭，隨白菜奉上，清清淡淡唔會太濃味👍🏻 我地仲點左個蟹粉豆苗，平時大多數食開蒜蓉炒豆苗，而呢到用蟹粉炒，非常特別，味道仲好唔錯😋 再黎就到左今日重頭戲-北京填鴨😍呢到既填鴨係會有師博親自出黎幫你片，你唔只有得食仲有得睇表演添牙。填鴨香脆可口，再包上薄薄既皮配埋呢到特別提供既密瓜，真係別有一番風味。除左好食，佢既賣相都好靚，用番鴨仔碟，你睇幾得意 新年又點可少得食年糕牙，以下既醬炒年糕蟹，蟹肉新鮮配埋甜甜地既醬汁送飯一流 最後再整左個木桶飯，對於無飯不歡既我，而個飯緊係好好味啦，真係飽死 新年食飯點可以少左甜品牙，以呢個腰果露作結，新既一年定必可甜甜蜜蜜💕

真的很失望啊！裝潢像唐宮小聚及收費一樣，但食物質素卻十分強差人意。5個人分別叫了宮寶雞丁、小籠包、炒年糕及拔絲香蕉及酒香片皮鴨。分量真的很少，就連平時很細食的朋友也不夠食，而且明明分量很少，尚未吃完員工就在20分鐘內不斷想收走食物，要時刻叫員工不要收走食物使我們非常緊張。另外，我們對片皮鴨真的非常失望。首先他們先給我們幾片叫一口酥，一咬就成口都是油。逼不得意只好吐了......另外那隻酒香鴨真的感覺不到酒味，由於整隻鴨太細隻，於是他們只能一直片肉給我們，整碟也沒有看到多少皮。吃完整餐飯只感到失望，我想不能再來了

忽然流口水，唔是柏金遜症發作，只係諗起美味的片皮鴨。 心動，不如行動吧～ 兩星期前，曾嚐過國內名店羲和雅苑在海港城的新店，烤鴨合格，其他食物有驚喜，還附送無敵維港景，價錢仲十分合理，是要翻兜的地方。 然而，今次唔係翻兜既時候，因為又有另一間鴨店，值得光臨的，正是灣仔的古琴雅苑。 大家都叫雅苑，大家個名字都咁有詩意，兩者其實有無關係？朋友問。 正確答案，是無的。 大概又係新屎坑既關係，開業無耐，已經巧多客人，好彩醒目朋友已預先留了房訂好餸。 先來幾款冷盤熱下身，海蜇與青瓜，兩種不同的爽脆口感；水晶肉偏瘦，還幸質感唔怕死實實；花雕醉雞肉質不會嚡口，但酒香可以多番點；最欣賞是無錫脆鱔，香脆可口。 收起涼菜的碟子，飲番碗上海湯醃篤鮮才再吃鴨。或許各位早已知道，「醃」是咸肉，「鮮」指鮮肉，「篤」則燉的意思。當然，除了咸肉與鮮肉以外，還必定會有筍和百葉結。這裡的醃篤鮮，既有咸香味，也有筍的清香，很不錯，我喝得一滴不剩。 恃住人多，可以來兩隻烤鴨，分別是原味的，以及古琴酒糟烤鴨。兩者同是會片成淨皮，及連皮帶肉。看師傅以純熟的手法，三幾下手勢便片成靚靚仔仔的出來。片鴨其實有講究，一只鴨應片108刀，

慕名而来，北京烤鸭让人惊艳，无论是摆盘、配料还是口味，两层春饼间还夹着薄纸，很是周到，上回吃到这么好吃的烤鸭还是在北京的大董，蟹粉豆苗里发现了真正的蟹肉，竹筒炒饭里配有虾米和咸肉，饭后赠送了桂花姜汁汤圆收官，太完美

見訪問介紹這間專門做北京填鴨的餐廳，師傅稱「依足北京傳統做法烤鴨，從烤鴨切出108片為標準，風乾、急凍再放入烤爐，鴨出爐至片皮上枱，不過10-15分鐘，保證熱辣辣」，聽到這裏已覺功架十足，用心去烹調。正日吃團年飯很多餐廳都會限時做至少兩輪生意，此店也不例外，我們訂了吃早場。點了片皮鴨🦆，師傅會在旁即場認真細心切片，先來一小碟鴨皮，點砂糖吃可減少油膩感之餘，入囗即溶🙂。這裡片皮鴨的切法有別於其他餐廳，鴨肉比鴨皮多，配料除了一般的青瓜、京蔥外，還有哈密瓜，餅皮熱辣辣上桌，由於我們想多嘗其他小菜，所以只點了半隻鴨，但正因爲我們只點了半隻，師傅拿出來片的烤鴨是片剩半隻的，我明白點半隻必須與人共享，但我不能感受到烤鴨一出爐的溫度及味道😐，現在味道是可以的，但未見突出😓。其他小菜如前菜四小拼、京醬班球、金腿濃湯津白及小籠包味道一般，京醬班球色水與餐牌圖片有出入，金腿濃湯津白見餐牌有幾片大金華火腿放上面，上桌卻切薄片小粒上，有點落差，小籠包則皮不夠薄😐，反而蜜汁火方味道不錯😃。結尾送上湯圓作糖水，當日上菜速度快，我們花了一個小時左右已差不多吃完，侍應亦禮貌地要求我們先埋單，吃畢糖水可以再坐一會才離開

新年當年要食中菜先應景！係Openrice 搵左好耐又睇左好多review先決定去呢間，新新地好似好，最主要係想食北京填鴨～先黎個每年必食既「撈起」吧～呢個加左番薯乾幾特別，好有咬口，不過其實都係中意撈果下，撈完一年順順利利！再黎個魚羹，其實我好中意食羹，足料又有口感。非常欣賞呢個宫保蝦仁，係四川麻辣！好香口同埋有我最愛的腰果，蝦亦炒得入味～重頭戲北京填鴨黎喇～師傅係你面前片，刀功絶對要有返咁上下先得，先黎個脆片過下口癮先～咁樣上碟真係殺死幾多部相機特別之處係配料有埋蜜瓜，好爽口而且中和到個油膩感，個皮亦夠薄，好正第二個重頭戲年糕蟹！每次菜單上只要有呢味我就一定嗌～蟹的精華落晒年糕到，醬汁味道恰到好處唔會太濃太咸，蟹亦好入味，大讚咁heavy之後要來個豆苗中和一下。結尾的木桶飯意外地出色，因爲個樣好似好咸，結果係飯粒粒分明，調味亦適中，不錯。愛腰果的我才發現糖水係腰果露！不過感覺稀左啲又甜左啲，露呢啲野真係好花功夫。

今日又去食好西喇～約左幾個朋友一齊去食新年開運飯，咁岩前幾日喺開飯見到一間好多人like既淮揚菜館，即時要打電話訂枱啦，好在訂到晚上8點，這餐廳真的很旺！一坐定幾個朋友好快手咁諗好哂食乜又順手點埋菜了，當然上到菜館緊係先飲杯茶啦，飲落口已經被吸引住了，這個茶叫瑰荔堂煌真的入口真的很香啊！第一個菜緊係攞個意頭來個新春撈起先啦，見服務員放好哂配料叫我們一起撈起佢，食落真係清爽！來了個菜蟹粉扒豆苗，見到豆苗很翠綠上面加了用蟹粉煮的醬汁，食落真的很夾！之後來個廚師推着烤鴨進場，在我們面前片出數片烤鴨叫我們點小小砂糖食，原來這個是鴨的最特別位置叫一口酥每隻鴨只有數片，入口酥脆即化很香，之後我們坐下等吃了，當香噴噴嘅烤鴨片上枱即加埋桌上的京醬、蜂蜜黃梅醬料加上其他配料一齊食真的很傳統好正！新年真係要來食多次啊！

新春撈起 ＄228新一年個個都希望可以撈到風生水起，咁梗係要點返碟撈起黎食啦。新春撈起材料有紅蘿白絲、青蘿白絲、黃蘿白絲、京蔥絲、紫椰菜絲、番薯乾絲、炸芋頭絲配上炸蓮藕片、金華火腿絲及煙三文魚。仲有酸酸甜甜嘅醬汁而成。不過最緊要食個意頭，我都係依度恭祝大家新一年事事順心！烤北京填鴨 ＄168（半隻）＄328（一隻）師博出色嘅刀功，將北京填鴨切成108塊，其中有十幾塊係「一口酥」，亦係北京填鴨最精華嘅部分，入口即融嘅口感真係好正。而古琴雅苑嘅北京填鴨最特別嘅地方就係有哈蜜瓜做配料，岩晒小朋友嘅口味。香草鮮魚羹 ＄88鮮魚羹超香甜，即使係好似我唔係太鐘意食魚嘅人都覺得容易入口。唔怕會有一陣魚腥味。宮保河蝦仁 ＄158微微辣辣嘅花生同蝦仁，但對於鍾意食辣嘅我黎講就一定唔夠。雖然係有少少微辣味但絕對唔會蓋過鮮蝦嘅甜味，令人好似食緊一堆辣粉咁。蟹粉獅子頭 ＄158 傳統上海菜式，賣相同味道都一流。婆婆最鍾意就係食依樣餸。因為有好多菜岩晒上左年紀嘅佢。椒鹽黃魚 ＄138 廚師將條魚炸度脆卜卜，所以就連骨都可以吞落肚。而且唔洗擔心小朋友或者老人家食個陣會啃親。啖啖魚肉岩晒鍾意食魚但又怕啃骨嘅朋友仔。

灣仔呢間古琴，個個都話好好食，經常滿座好難book位，今日終於有幸俾我book到啦！地方唔算大，房只有一間，不過就坐得好舒服！出左新春餐牌，梗係要點黎迎接新年啦！新春撈起~依次序放入蓮藕、金華火腿、煙三文魚、醬汁撈埋一碟，仲要大叫<撈起撈到風山水起>，好好意頭喔！蓮藕同芋頭絲炸過，好香脆！烤北京填鴨 - $168（半隻），$328（一隻）師傅刀功特別好，每一片都有皮同肉，大小相同咁濟，勁！皮夠薄，包埋蔥、青瓜絲、蘿蔔絲、兩片鴨，好味又唔膩。相比其他食店，呢個抵又好食得多！醬炒年糕蟹~超級入味，勁多蟹肉落足料，仲要有埋手套、鉗同剪刀，好輕易就食到美味既蟹肉！大家食完仲要啜埋d手指，好食到Lam Lam脷！椒鹽黃魚~炸到金黃色好靚，食落脆卜卜，魚肉又香又大條，甚至炸到連d骨都可以食埋，超喜歡這個黃魚喔！讚讚！

老實講論環境地方質素,都十分之高, 價格不貴,我一定會再去, 中菜之中係我食過之中前十一定有佢份!一定要講既係烤北京填鴨, 呢個係正宗既北京填鴨, 呢個係呢間餐廳既王牌之一,一開始會有師傅幫手切, 係大家面前成隻整, 開頭會先試下d皮, 點小小糖食, 口感比較硬身爽口, 味道也不錯!之後會先會整成一片片肉俾大家食!肉質黎講好鮮甜, 配2種醬俾我地食, 我都係中意食返本身既甜酸醬,肉身同出面既鴨有咩唔同, 主要係比較軟滑,作為必試既王牌菜式係岩!醬炒年糕蟹, 醬汁味好濃, 配小小炒年糕, 主要都係蟹蟹味好濃, 用鼻都feel到, 成隻上, 好大隻,不過用年糕黎配就比較奇怪d,但係年糕吸汁既能力比較強, 所以都有好正既蟹汁味!紫米露唔會太甜, 同埋汁比較濃列小小既紫米~28蚊算比較平既甜品!整體呢間服務, 環境 都十分好價錢都係合理~ 絕對唔會差,一定會再黎~我媽媽係中菜入面都無咩邊間岩佢,但呢間係其中一間佢話好食既餐廳!

第一次嚟到灣仔古琴雅苑，人非常多，好彩一早已經訂位。古琴雅苑最出名的菜式自然係正宗北京烤鴨，不過,今次食完，除了烤鴨之外，我仲有其他菜式推介。先講烤鴨，據說這裡請來了曾在全聚德工作多年的北京師傅坐鎮。而且鴨子亦由北京送抵香港，感覺由食材到製作都非常正宗。今天便會他一會。推來烤鴨，色澤非常靚仔，傳來陣陣香味，已經流口水。特別留意師傅片落去後，鴨皮和肉身之間有一層黃金色晶瑩的油脂，烤得非常靚！師傅先片出「一口酥」，配上特製的蘆薈蜜糖醬和砂糖，入口香濃油脂香，超正！烤北京填鴨（$328）。片出兩碟連皮帶肉既鴨片，配合哈密瓜、青瓜等配料，包住食。粉皮不易破，粉感不重，所以吃著鴨味更顯著。而鴨亦不騷，油膩感不算太重，個人覺得相當不錯，連食了5、6卷都不覺膩。椒鹽黃魚（$138）皮脆肉嫩，非常可囗，而且表皮沒有厚重炸粉，不覺油膩，食落有淡淡胡椒香味。唔覺意夾晒成條。無乜扣分位，值得推介！香菜鮮魚羹（$88/例）素來不愛芫茜的我，反而覺得呢個湯幾正！清淡得黎帶點惹味，同樣是胡椒味濃，魚肉有咬口，相當不錯。新春撈起($228)年近歲晚，見這裡出了賀年菜單，於是叫了一個非常有意頭的「新春撈起」攞個好意頭