古琴雅苑 (太子集團中心)

營業中

休息中

今天被朋友放飛機好吧 命中注定吃好西是要自己一個由於昨日跟客人說到片皮鴨一於看看哪裡有一找之下第一間就是這裡嗯在鴨到前會有幾塊皮先到聽說是全隻鴨最脆的位置叫做一口酥服務員會細心教你要點糖或梅汁吃是最好的而當他們發現你在讓相機食先就會走來催促你必須要襯熱 ❤好啦 再等一陣子 鴨鴨就到了即叫即在你面前切（可憐的鴨。。）熱騰騰地用薄皮包裹著夾上不同的配料和點上了醬薄皮好香啊還有那脆脆皮和嫩滑肉好好味不過原來一個人吃半隻鴨。。是很膩的鴨鴨差不多吃完牛牛就來了慢煮20小時的安格斯牛立方$298有像牛肉乾的牛肉啊原來慢煮到20小時也是會變硬的旁邊有超清甜的菜 飽滿多汁配牛的特製醬汁也是一流的上桌時服務員會問你是否需要幫你切在下個人見意 就讓服務員幫忙吧切好後用鬆軟的麵包夾著吃飽飽還說要吃甜品。。大概我不行了 🤣圖片就貼不上 高科技啊大家下面自己對照吧 🙃

冬至當日下午1點先打去訂位. 6點晚餐，用餐時間個半小時.未到6點媽媽就上到餐廳等.安排了靠窗四人座位. 入座時叫左荔枝茶，係出面中菜廳未飲過，茶底好似烏龍茶、微甜有荔枝味.嗯嗯大家都唔好片皮鴨，所以就叫左意大利陳醋排骨、小籠包，上湯菜，四小碟，炒飯.媽媽都表示排骨好食🌟細細件又夠曬林、唔會似出面啲一條條糖醋排骨咁大舊又唔夠林. 呢碟仲食到有啲似蔗糖味🤤唔錯.

今日一行四人去呢間食片皮鴨，小籠包，銀絲卷，蟹肉扒豆苗，瑤柱蛋白炒飯，醉雞湯，先講片皮鴨，個包皮好彈牙好好味，雖然個片皮鴨等得比較內，小籠包都ok既，個銀絲卷一絲絲超級好味，好少仲搵到一絲絲的。個醉雞湯好有藥材味，好好味。瑤柱蛋白炒飯都炒得乾身好好味。個蟹肉豆苗就一般，個蝴蝶包加咸火腿超級好味，一定一定要試。個服務都ok,比較多人，記得要book位，四個人食左9百幾蚊👍🏻👍🏻可以再去食呀！😋

小籠包皮可以薄少少就更好，裡面啲汁都幾甜。片皮鴨份量唔算多，但個片鴨方法同平時明顯唔同。正常每塊係一大塊鴨皮，加少少鴨肉，而呢種片法就係肉多過皮。各有各好，但個人支持傳統嗰隻片法。食得片皮鴨梗係想食皮多過肉，正常想食肉會直頭去左食燒味喇。😂皮較薄，少脂肪但唔夠脆皮。排骨夠入味，而且都尚算有肉，適合配合白飯一齊食。

今個月有人朋友生日，上呢度fb一睇生日月份送半隻片皮鴨加支酒！雖然唔係咩靚酒但都入得口，算係幾抵片皮鴨最出色係啲皮，好軟熟又有啲麵粉香，隻鴨本身都唔錯，燒得幾香值得一提係個場都爆哂應該幾忙下，但啲女服務員仲係好好笑容，態度又好，令人食得開心～

一圍同事，用飲茶的價錢吃片皮鴨八人套餐，十分超值。這片皮鴨十分出色，好脆，午市師傅都出來片鴨，好有誠意，而且份量每人都吃到二至四卷，其他小菜也十分出色，我們同事們都每個月至少一次來大吃頓。

古琴雅苑 , 實在是有水準 , 亦能保持到水準 , 所以經常都可以去幫襯 , 而且請客食飯也不會失禮 ~花雕醉雞 : 賣相整齊 , 溫度適中 , 花雕酒香味濃郁 , 雞肉皮薄肉滑 , 最重要就是夠入味 ~口水雞 : 雞肉鮮味 , 肉質嫩滑緊緻 , 味道是8分辣 , 2分麻 , 個人感覺這辣度屬於中等 , 怕辣的人可能會感覺頗辣 ~意大利黑醋骨 : 此道菜乃是店家的得意傑作 , 就是以用意大利黑醋醃製和烹調的 , 其肉質軟綿一咬離骨 , 相當入味 , 味道濃香 , 最神奇的就是食起上來竟然有少少似蜜糖的味道 , 夠神奇 ~醬炒年糕蟹 : 賣相得體 , 蟹肉炒得入味 , 肉質鮮嫩厚實 , 風味極致 ~最後以一道 蘋果拔絲 作為這頓晚餐的終結 ~本篇完 ~

訂咗枱，去到都要等位，門口位置已逼爆， 睇落咁有人氣，自然會有D期望。茶類有茉莉香片、桂花烏龍、瑰麗堂煌、陳年普洱、胎菊王... 幾特別。在擠擁嘅店面中，師傅仍保持專業即場片鴨，有勞師傅了！每件皮肉很均勻，配餅皮、青瓜、京蔥、哈蜜瓜等配料，加上京醬或秘製蜂蜜黃梅醬，沒有油膩感，好味！花雕醉雞 - 花雕味濃，雞肉不會雪都死實楊州水晶肉 - 肉嘅比例重過膠質，正！雞絲粉皮 - 好多麻醬，鍾意濃味者應該好啱拍開洋黃瓜 - 顏色很素，以往味道好清，原來已經好入味京菜必點，唔係間間京菜都有得食，荷葉包上蜜汁金華火腿，味道一絕！個個都讚！鴨鬆、松子仁包埋卜卜脆嘅生菜，外脆內軟，口感十足湯底有金華火腿味，不錯！最後來個高力豆沙香蕉，即炸食品，雖然有D油，但紅豆配香蕉好夾，味道又不太甜。食物質素幾好，服務都可以，但枱與枱之間空間感不足，環境有D嘈，整體來說都算係不錯之選。

一班朋友飯聚，朋友推介的。試完大家都讚，尤其是片皮鴨。片皮鴨 - 必食！我們八人點了全隻，片皮後可上兩碟，份量都不少，起碼每人可吃幾片。皮脂夠，皮及肉均勻，香口又脆，而且價錢合理。而皮包兩籠，應該每籠六張，不夠用，再加錢叫多一籠皮，皮薄，頭兩籠無穿無爛，第三籠最後兩張是穿的。配料有青瓜及哈蜜瓜，新鮮，哈蜜瓜更是新奇。雞 - 荷葉蒸雞，雞很嫩，醬汁很多，味道不錯！生煎包 - 脆口，肉汁juicy。鍋貼 - 不錯。炒四季豆 - 入味，火喉足，送飯一流。炒飯 - 鴨肉炒飯，加有洋蔥，䓤，清清的，但味道很好。黑醋骨 - 黑醋汁甜甜酸酸的，很可口開胃，吃完一塊再想夾一塊。必點！擔擔麵 - 一般。花生味太少，所以香味不夠；麵底倒是很好吃，有咬口，麵味夠。南瓜餅 - 特別！好吃！但餐牌沒有，不知何解朋友知道，膽粗粗問侍應有無，竟然又可以點。高力豆沙 - ok。芝麻湯圓 - 送的。不知是否中秋、追月或迎月的時間去才有。雖然是送的，但味道很好，皮又薄。

之前食過灣仔個間當時覺得個烤鴨驚為天人咁好食過左２年再黎試下尖沙咀店一行６人　地方唔算寬敞台與台中間連一個身位都無肥少少都過唔到　台面都好細我地叫左十碟８碟野都放唔哂雖然環境唔算好大氣但食物方面真係抵讚既我地無叫套餐散叫好似開心Ｄ　叫下叫下都有十碟８碟四季豆　惹味又無渣雲吞雞湯味濃　大白菜都好夠身片皮鴨必食既ＩＴＥＭ　６個人叫左一隻（最後覺得有Ｄ太多，因為有滿滿既２碟）但全隻先係３３８真係好抵食鴨係一Ｄ肥高都無既皮脆肉香！個餅皮好值得讚　煙煙韌韌　又夠薄夾埋青瓜　哈蜜瓜　大蔥 同埋個烤鴨醬真係好出色~ 蜜汁火方宜家唔係好多間餐廳有供應蜜汁醃金華火腳片甜得黎都不失有咸香加埋剛剛蒸好又鬆又軟既飽 好好食~有D餐廳會加埋一片薄脆去加強口感仲好食其實仲食左好多野 無影哂 樣樣都好食埋單人頭都係兩百幾蚊 又好食 又方便 去邊道搵丫~~

前排有屋企人生日，而且佢哋又鍾意食片皮鴨，所以去咗尖沙咀古琴雅苑食晚飯。我哋叫左個6人餐，先上片皮鴨，個師傅會喺你面前炮製片皮鴨。 師傅炮製片皮鴨嗰時第一時間去切大約8小塊鴨片，然後侍應上枱時我問佢係鴨邊部位，個侍應話係鴨胸前頸下下中間嗰個部位，可以點酸梅醬又或者點砂糖食。個餐大致上分量同水準都好平均，比較出色嘅我個人就覺得係個津白，湯汁好濃，同埋金華火腿一齊食就最正。最後要講 服務水平超好，會主動幫你加茶加水，又換骨碟，又問你食物方面如何等。

同媽媽吃午餐～去嗰陣都過咗繁忙午飯時間，所以感覺唔太多人，可以慢慢食個悠閒午餐因為我比較貪心想試唔同嘢，所以冇order2人套餐～今次點左半隻填鴨(質地幾好，鴨味略淡)，小籠包(不過不失)，上海炒年糕(唔錯)，炒茄子(好味，好送飯)

食物和服務同樣抵讚👍 嘅一間京菜館 - 古琴雅苑, 有我哋鍾意食嘅片皮鴨, 鴨皮脆口充滿光澤, 冇多餘嘅脂肪, 配有青瓜，哈密瓜及其他配料醬料，每一塊餅皮有隔紙分開防黏住，小熊妹也吃得津津有味， 唔停口。當侍應姐姐了解咗我哋有人喺尖沙咀返工，立刻介紹尖沙咀上班一族專享午市套餐，除咗有半隻北京片皮鴨之外，仲有農家炆豆腐同金腿濃湯煮津白。 另外當小朋友完成填色比賽更可免費獲贈一set兒童套餐。 今餐兩大一小三百蚊有找超級超值, 性價比極高!另外服務一流, 當日可能因為已過咗正常午市時段，人流並不是太繁忙，所以keep住有問我哋嘅需要，坐耐咗有太陽又會提議幫小朋友嘅位置拉窗簾。本來已享用緊尖沙咀上班 一族優惠套餐就不能享用其他優惠例如免費兒童套餐，部長照樣話畀小朋友油顏色， 及後也額外送了免費小朋友套餐給小熊妹非常識做!👍 所以我哋都好識做咁book咗晚飯飯局帶屋企人嚟試下！😁

依間餐廳因為位置唔多，所以你食嘅話一定要book位！由於book咗位，等左15分鐘就安排入座。等位期間不斷見到師傅係我地面前切烤鴨，香味不斷湧埋嚟令到我更加肚餓。所以今次我哋試咗大有酒香嘅烤鴨，四小碟，仲有雲吞雞，三個女仔食都食到滿足。鴨片可以隨着自己鍾意落唔同嘅配料，哈密瓜丶青瓜絲丶燒烤醬丶甜梅醬，任君選擇！面皮柔軟濕潤就知道佢係新鮮製造！係我哋側邊都充滿着慶祝生日嘅食客，所以建議同家人朋友慶祝，必選之地！

是的, 小妹的生日飯是沒完沒了的!一行五人被安排卡位, 肥少少都坐唔落! 六人餐怕食唔晒, 四人餐再加餸剛剛好! 4人餐好夠食, 除左片皮鴨其他份量唔算好細! 片皮鴨好大陣 “騷” 味, 圖為半隻! 我哋外加蜜汁火方配刈包, 魚 & 糖水! 本身套餐都有黃魚, 2味魚都好咸, 要送飯先食到, 魚肉又有點削, 成件事都唔好食! 蜜汁火方都係香港老飯店好食, 完全無得比! 其他食品水準平均, 服務非常到位! 另有一件事好好笑既, 侍應端上片皮鴨前比左5小塊鴨皮, 並表示呢幾片係全隻鴨最脆既哋方…..其實你唔講到明會好 d….如果呢幾小片已經係最脆, 咁其他…………註: 近來有些人日日話反送中事件影響, 令食肆生意好差, 完全唔覺丫! 我哋原本想去另一間點知 Full book, 轉訂呢間都超爆場, 5人要坐4人枱 (即係闊少少既4人卡位), 仲做到兩輪客, 做唔住既食肆係咪因為食物質素同服務有關呢?