古琴雅苑 (太子集團中心)

營業中

休息中

是的, 小妹的生日飯是沒完沒了的!一行五人被安排卡位, 肥少少都坐唔落! 六人餐怕食唔晒, 四人餐再加餸剛剛好! 4人餐好夠食, 除左片皮鴨其他份量唔算好細! 片皮鴨好大陣 “騷” 味, 圖為半隻! 我哋外加蜜汁火方配刈包, 魚 & 糖水! 本身套餐都有黃魚, 2味魚都好咸, 要送飯先食到, 魚肉又有點削, 成件事都唔好食! 蜜汁火方都係香港老飯店好食, 完全無得比! 其他食品水準平均, 服務非常到位! 另有一件事好好笑既, 侍應端上片皮鴨前比左5小塊鴨皮, 並表示呢幾片係全隻鴨最脆既哋方…..其實你唔講到明會好 d….如果呢幾小片已經係最脆, 咁其他…………註: 近來有些人日日話反送中事件影響, 令食肆生意好差, 完全唔覺丫! 我哋原本想去另一間點知 Full book, 轉訂呢間都超爆場, 5人要坐4人枱 (即係闊少少既4人卡位), 仲做到兩輪客, 做唔住既食肆係咪因為食物質素同服務有關呢? 

我喜歡食片皮鴨，想食的時候通常會去大都烤鴨，今次轉下場，試下同樣係尖沙咀的「古琴雅苑」。雖然佔整層，但地方唔大，枱擺得頗逼，始終冇大都坐得咁舒服。坐低先點茶，佢提供的唔係好一般的茶種，我地叫左瑰荔堂煌，即係荔枝玫瑰茶，入口既清又香，帶淡淡荔枝味，好飲。點左片皮鴨（半隻$179）之後，師傅會係餐廳一角即席片鴨，佢會先片每人兩塊皮奉上，只需要沾少少糖直接食就可。因為只得皮冇肉連住，感覺有些少油膩，但確係幾香幾脆嘅，可以作為餐前小食。之後到主角上場，半隻大約有十幾二十片，同大都唔同，佢係皮連肉的，肉的部分雖然多，但一點都唔乾，仲幾嫩滑。配料都唔少，有蜜瓜、青瓜、京蔥、糖、甜麵醬同酸梅醬，既fresh又濃味，餅皮薄又軟身，整體不俗。意大利黑醋骨（$98）係西式版咕嚕肉，排骨熱辣辣，肉質唔鞋，黑醋勁惹味，少少酸，非常開胃。無錫脆鱔（$88）雖然幾脆，但味道就唔多夠，應該係掛汁唔夠多。以片皮鴨黎講，呢度算唔錯，但仍未及大都，不過佢的小菜選擇比大都多，質素都唔錯，亦冇咁貴，所以都值得一試。

今晚慶祝朋友生日，知道佢鍾意食片皮鴨，所以我地搵咗呢間都好出名既餐廳來試一試。我哋一行5人叫咗個四人餐，加咗一籠小籠包同半隻片皮鴨。 個個都食到好滿足超級飽！如果叫一隻片皮鴨，可以要求餐廳打包個鴨架拎走的。南翔小籠包 $62皮薄肉嫩，但有爆汁的感。北京填鴨配菜唔夠多。餅皮質地好好，薄薄的帶點煙韌，鴨皮鬆脆，油香豐富，但食多幾塊會感覺有點肥膩。糖醋松子魚係我最鍾意嘅菜式，甜甜酸酸又食到魚嘅鮮甜味，重點係冇骨，啱曬我呢啲怕骨嘅懶人。南瓜餅一般般，冇咩南瓜味！前菜四小拼，雞絲粉皮的麻醬太濃味，粉皮唔夠爽滑。整體來說，片皮鴨，糖醋魚值得推介，水準高，價錢平，其他味道就一般般，不過不失啦。

今日女朋友媽咪生日，拒ar妹一早揀左呢間食，上OpenRice睇menu時已經覺得好正,有北京填鴨食。一入到去，8點鐘全場爆滿，五個人坐卡位，都算ok。本身想嗌套餐，4人餐，但好似好多野食，所以都係散叫。叫左糖醋排骨，好惹味，即刻叫左幾碗飯，之後黎小食四款，有肴肉，有醉雞，有青瓜，有雞絲粉皮，全部都好好食。之後就係重點，北京填鴨。好脆好juicy, 食左好多舊好飽。甜品就叫左腰果露，所有野都勁好食，人又好好服務。

最近突然迷上吃片皮鴨，美食家朋友推薦來這間餐廳，幸好六點多就來，因為餐廳很快就滿座，要來最好提早預訂。烤北京填鴨 (半隻) $179鴨即場切片，放在精緻的餐具上，鴨皮脆口充滿光澤，鴨肉夠彈力，沒有多餘脂肪，不點醬料吃也很夠味。它的配料也很新鮮．起碼青瓜和哈密瓜是新鮮爽脆，和薄薄有韌度的餅皮包在一起吃，鴨肉真的會融化！松花皮蛋拌豆腐 $69比吃推介～豆腐有很濃大豆味，每一片都很滑，一定要用匙羹才能盛起來吃，上面的皮蛋碎恰到好處，為純味的豆腐增添多一份鹹香。帶子賽螃蟹 $138沒有必要可以不用點這款，帶子太實沒有鮮味，蛋白不夠滑，受礙於前者，整個菜式如果不加醬油完全不知道自己在吃甚麼，所以本身對此菜式沒有特別喜好可以skip.開水白菜 $78雖然是叫開水白菜，但這是最好吃的其中一道菜，湯很夠味，令白菜保持到口感之餘未至於無味，不過份量多一點會更好。上海炒年糕 $89份量實在是少，5個人每人三兩片已經吃完，年糕略顯過咸而且炒過了火，咬下去比較難嚼，亦相對比較油。蟹粉撈麵 $138真的就是蟹粉和撈麵，不過因為麵用上米線，口感不足，有種在吃漿的感覺，蟹粉雖然見到有幾條蟹肉，但沒能有效帶出其鮮味，

朋友話鍾意食呢間片皮鴨我第一次食但原來係有限時一輪係食2小時左右我覺得有啲趕同辛苦特別係同長輩食就mama地魚肉質不錯但炸得唔酥脆叫菜後超快就上 唔知係咪一早整定鴨除左一般既配料仲有哈蜜瓜 都幾有趣鴨幾好食 但可以俾多少少麵皮

尖沙嘴北京道附近有好幾棟樓，要搵對住海邊慢慢用餐的午餐地方，就選擇左大廈裡面上海風味的餐廳，也都選擇了淮揚午市套餐。兩個人試一試，都係叫小籠包，小龍包一籠有4隻，都夠食喇掛，其實我地係試左二人餐，高湯麵ok，不過唔小心飲曬啲湯。哈哈。

港女表示第一次食中菜😆本身睇咗個Menu覺得唔岩食😂淨係想食片皮鴨😍點知愛上左呢間野🥰🥳去食記得book位！餐廳得二段時間，6點同8點入座，員工仲話好少人上嚟walk-in 😱多數無位的❣️❣️❣️3個女仔叫左個二人餐加螞蟻上船，二人餐包括花雕醉雞，香草鮮魚羮(我地加多個$30)，烤北京填鴨(半隻)，金腿濃湯津白，古琴鴨肉炒飯，超豐富好期待😚😚醉雞津白炒飯都有另一樣揀架❣️😆好大個茶包！先上配菜😋好開胃💬肉好嫩又入味，酒香四溢但不搶雞味，值得一試‼️💬淡味但帶有小小鮮甜，嫌淡的可加胡椒粉😋可任加👏🏻️‼️‼️主角準備出場‼️‼️仲有一碟#一口酥，其實就是鴨片再加上脂肪，就只有5片左右，顯得相當珍貴，總之就非常邪惡😈😈店員是叫我們點砂糖食的，成塊鴨皮好快就融化係口👻滿口既鴨油😝😝將哈密瓜🍈，青瓜🥒，京蔥，餅皮很煙韌岩岩好😋皮都做得很薄，重要的是上來的餅皮仍然是熱騰騰的😝再加埋黃梅醬，酸味減低小小既飽滯感，下次黎一定要叫一隻🤨💬炒得夠乾身，鴨肉好香，好好食但已經好飽了😢💬螞蟻上樹係好經典既中菜，其實即係免治豬肉炒粉絲，好惹味，有點辛香料最後仲有甜品二碗，超鐘意食‼️食左咁多野都成碗飲哂，個樣似花生醬食落都有少少

之後有朋友在尖沙咀返工，已經說要到古琴雅苑試一下。由於朋友太忙，結果我自己約了另一位朋友去試，兼為朋友慶祝生日！我們2個女生，選了午餐時間來吃北京烤鴨！為了可以認真地吃，我更沒有吃早餐🤣讓胃部有足夠空間品嚐！點了半隻北京烤鴨、海蜇頭拍青瓜、豆腐鴨湯，還有津白！北京烤鴨非常有水凖！因為我較早前於3月份到北京，也試過米芝蓮星級長安壹號的烤鴨，也試了火紅的民福烤鴨。古琴雅苑的皮脆肉嫩，每片皮肉均勻。頭一口更入口即溶，鴨油非常香口。至於個湯，真的好濃香，如果可以，應該叫一鍋！其實我們的菜式2人食，真的已經很飽！最後也叫了腰果露share 🤣🤣🤣會介紹朋友或帶家人再來💪🏻

去完海港城睇Toy Story 4, 朋友提議食中菜，記得之前有媽媽提及餐廳會提供免費兒童餐及填色遊戲比4歲以下小朋友，所以打電話查詢後就同朋友過黎午餐了兒童餐很豐富啊，醬爆肉絲伴荷葉包、上湯浸小棠菜、杞子桂花糕及冬瓜薏米水，大人都想叫一份最重點係烤北京填鴨(全隻) 為左呢個黎食，師傅即場切架，皮脆肉嫩，全隻都食得晒架雞絲粉皮 呢個菜經常點，因為本身係芝麻醬粉絲，真係味道唔錯醬爆肉絲 呢個配飯一流，勁鐘意夠濃味多汁古琴鴨肉炒飯 色香味俱全大概就係咁，轉眼成碟清晒花雕醉雞 呢個小食見好多枱都有，於是都叫一份，肉質嫩滑，凍食實在太啱夏天，難怪受歡迎另外餐牌見有幾個新菜，就叫左試下海參鍋巴高營養，低脂，低膽固醇之選，鍋巴又夠香脆，食唔停口花雕醉肘子冷盤啱晒夏天食呀，而且極高膠原蛋白質，最少用10種材料製成，少點功夫都唔得最後點左2款甜品腰果露新鮮即磨即炒，預早叫定比較好，香濃而不膩，好欣賞師傅手藝紫米露上枱發現同平時既唔一樣，別有一番味道，口感更好，真係要試下順帶一提，原來餐廳有個8人餐好抵，忍唔住要記低下次再黎食，因為有北京鴨啊

媽媽喜歡吃片皮鴨，看到這裏有8人套餐折扣優惠，所以帶一家人來吃午飯。餐廳環境舒適，有一些古典風味，一進入餐廳就可以看到特大玻璃櫥窗，客人可以親眼看見鴨烤出來，是多麼新鮮美味的。八人套餐有9款菜式 $863冷盤包括松花皮蛋拌豆腐、花雕醉雞、雞絲粉皮…主菜包括烤全隻北京填鴨、宋嫂鮮魚羹、金銀炒鱔糊、醬爆肉絲、和菜戴帽、古琴鴨肉炒飯。豆腐很清甜; 醉雞酒味不是太濃郁; 師傅會親自把北京填鴨 在你面前切片，最特別是鴨脾與肉的比例，相對其他酒樓 肉會較多，老人家不怕太肥膩; 鱔糊及醬爆肉絲味道濃厚 ……餸菜的賣相非常獨特有趣，一定會吸引你想馬上進食。另外7月份推廣其他菜式，海參鍋巴、花雕醉肘子、醋椒魚、 蔥燒富貴魚… 海參低膽固醇營養高，非常老少咸宜; 喜歡肘子有大量骨膠原，花雕酒味香濃; 魚肉質感嫩滑。甜品有腰果露及紫米露，同樣不是太甜，很適合年長家人享用。現餐廳正進行推廣午市優惠，午餐最高可享51折扣，同時4歲以下有免費兒童餐，相當吸引。餐廳絕對帶給客人視覺及味覺享受，用餐後又可以到尖東海旁或文化中心遊玩，所以推薦這間餐廳。

朋友知道我喜歡食北京填鴨，所以就約我嚟到古琴雅苑，一嘗佢哋嘅招牌北京烤鴨。店內環境開揚寬敞。仲係一間親子友善嘅中餐廳，有bb椅、兒童餐具提供，好啱我哋帶住小朋友來用餐。而4歲以下嘅小朋友，仲有免費兒童餐提供，只需於古琴雅苑參與填色遊戲，就可享用免費兒童餐一份。兒童餐相當豐富，有醬爆肉絲伴荷葉包、上湯浸小棠菜、杞子桂花糕及清熱解暑嘅冬瓜薏米水。睇得又食得，相當吸引。睇睇餐牌，8人餐 $863 (連加一服務費)，超抵呀！唔洗諗，就嗌8人餐啦！花雕醉雞 、松花皮蛋拌腐、雞絲粉皮 ，額外單點了揚州水晶肉值得一提，雞絲粉皮上花生醬，好香濃，正！主角 - 烤北京填鴨原隻北京填鴨上，師傅即場片鴨，刀工及做法一絲不苟。每塊砌得均勻厚薄一致。薄餅皮配上青瓜、京蔥、京醬、哈密瓜、黃梅醬等，口感非常豐富！皮脆肉嫩！好想食多幾件！鴨胸皮又稱「一口酥」，皮脆肉少，好矜貴嘅部分，蘸上白沙糖，鬆脆可口而不油膩。宋嫂鮮魚羹 金銀炒鱔糊 、和菜戴帽古琴鴨肉炒飯 、醬爆肉絲 7月還有味遊.盛夏嘅推廣菜式:-海參鍋巴 - 配以炸起的鍋巴，幾特別！花雕醉肘子醋椒魚 - 石斑魚肉爽滑彈牙，推介！蔥燒富貴魚 - 多寶魚炸至外脆內

有朋自遠方來, 當然又係食好西嘅時間。難得帶完大小朋友們逛完鐘樓、星光大道, 又去完 isquare 嘅playhouse玩, 我地就決定近近地係尖咀食埋LUNCH先再繼續行程!今次我地一行10個大人再加幾位小朋友就揀左去咗食片皮鴨！我地叫咗一個套餐,再額外散叫咗一啲小菜,除返開大人每位都係百零蚊一個左右, 以尖沙咀區而言,價錢尚算OKAY。仲要小朋友原來有個免費嘅兒童餐添! (只限4歲式以下小朋友)其實8人餐都多野食, 不過份量唔夠我地八個食肉獸食, 所以再加餸。8人餐包括有:松花皮蛋拌豆腐花雕醉雞雞絲粉皮 烤北京填鴨宋嫂鮮魚羹金銀炒鱔糊醬爆肉絲和菜戴帽古琴鴨肉炒飯而我就會特別推介以下幾款係8人餐內嘅餸菜:1.) 雞絲粉皮 爽口彈牙, 而且層次豐富. 有青瓜絲子雞絲伴隨, 食落口感更佳2.) 烤北京填鴨當然唔少得鴨個份啦!原來呢度會有埋師傅現身出來切鴨添架, 睇住師父一刀刀咁片隻鴨都幾治癒, 因為師傅真係切得好均勻。師父話呢碟係鴨胸皮，又叫一口酥。最啱就係配埋沙糖或秘製蜂蜜黃梅醬酸梅醬來食。入口鬆脆唔油膩。而呢碟就係戲肉 - 片皮鴨!我家小JM唔覺唔覺都食咗兩件添！同平時食嘅程序都一

我很喜歡吃中菜鍾意尋訪不同有氣派又好食嘅中菜廳。古琴雅苑無論服務還是食物質素都係又高級又高質👍有時候選擇中菜廳稍一不慎就成圍都唔知自己食緊乜嘢😂但係古琴雅苑食物絕對可以係用齒頰留香嚟到形容👍古琴雅苑絕對值得一試再試😊

片皮鴨對余媽媽而言簡直係人間美食呀! 朋友係尖沙咀上班, 知道尖沙咀古琴雅苑 做緊上班一簇優惠, 仲可以品嚐正宗片皮鴨, 於是早前相約一齊食lunch, 估唔到佢地嘅片皮鴨真係有驚喜喎! 呢度裝修雅致, 部分位置仲可以眺望維港和附近的街景, 感覺開揚又舒服! 平日午市時段嚟尖沙咀店點菜前出示自己嘅尖沙咀上班員工證/名片, 點<尖沙咀上班一族尊享午市套餐>都只係$240咋! (人多可以點其他優惠套餐)呢個套餐已包括3款菜色, 兩位茶錢及加一服務費, 呢個價位竟然仲可以係尖沙咀區食到正宗片皮鴨, 而且份量十足, 真係超級抵食呀! 其實淨係烤北京填鴨半隻已經差不多回本, 余媽媽今次也是為左嚟食片皮鴨的!  因為呢度嘅北京烤鴨很正宗, 師傅早年師承北京百年傳統北京填鴨老店「全聚德」, 選用北京約4斤重的北京鴨, 以傳統掛爐的形式烤製, 配上自家製餅皮、青瓜、京蔥、哈蜜瓜等配料, 並提供京醬及秘製蜂蜜黃梅醬, 平時係出面食, 很少有齊咁多款醬~ 必食「一口酥」, 其實佢係鴨胸皮嚟, 很妗貴, 皮脆肉少, 鬆脆可口, 又不油膩, 蘸沙糖食特別美味~之後嘅<農家炆