古琴雅苑 (太子集團中心)

營業中

休息中

成日聽朋友講古今雅苑片皮鴨好好食，本身book左枱食飯，但疫情下唔敢帶亞女出去了。老公甘岩出開尖沙咀大型超市入貨，順便買外賣返黎，外賣68折實在太抵了，所以叫左好多款。片皮鴨金銀炒鱔糊木桶包菜飯意大利黑醋骨口水雞紅燒獅子頭高力豆沙香蕉片皮鴨在家都食到片皮鴨，片皮鴨皮薄唔肥肉又嫩，鴨味香濃，雖然係外賣但都比足配料（青瓜、蜜瓜、京蔥）、醬（烤鴨醬、蜂蜜黃梅醬）及薄包皮，食落唔油膩。金銀炒鱔糊這個我很喜歡，不會太鹹，多汁，鱔糊量十足，而且好拌飯😍木桶包菜飯雖然外賣唔係木桶上， 配料都只係普通材料，但用了醬油炒的，出奇好食。意大利黑醋骨醋汁調得唔錯，甜甜酸酸好開胃。口水雞香中帶辣，但又不會太嗆，雞肉也很嫩，辣度我都接受到。高力豆沙香蕉雖然隔左一段時間，但都唔會覺得油膩。紅豆貼同香蕉都幾夾，我女食左2個。

媽媽一向都鍾意食北京填鴨，佢鍾意古琴雅苑環境舒服，餸菜啱佢口味，北京填鴨又抵食，所以我哋經常都會嚟疫情期間，lunch時間都唔多人，侍應幫我哋測量體溫，消毒雙手之後就帶我哋入座其實套餐價錢都好抵，不過今日得我同媽媽加仔仔，仔仔又想試下兒童餐所以最終我哋都係單點必食烤北京填鴨（半隻）幾乎每台都會點，特別近頸下位置，名叫「一口酥」配砂糖黃梅醬一齊食，極香，爽脆不油膩半隻鴨其實份量都幾多，再加埋配菜，仲有一籠薄餅皮，而每塊皮之間都夾住一張紙，容易拎之餘又確保餅皮唔會黐埋一齊，媽媽鍾意佢鴨味香濃，皮脆肉嫩，又唔會太油帶子賽螃蟹都係我哋每次嚟必點嘅菜式，滑滑嘅蛋白，加埋鮮甜帶子，送飯一流，仔仔都好鐘意食砂鍋雲吞雞湯奶白色嘅雞湯好清甜，加埋雲吞，雞肉，菜，份量好多啊上海炒年糕好夠鑊氣，好惹味，鍾意年糕煙韌嘅口感最好既係好照顧小朋友，父母想安落食飯，先安頓好小朋友，呢度提供填色遊戲，仔仔就乖乖係度油顏色仲有兒童餐添啊，有醬爆肉絲伴荷葉包、上湯浸小棠菜、杞子桂花糕及冬瓜薏米水，營養又好味😋最後經理仲話仔仔填色靚，仲送咗隻鴨仔公仔俾佢添

疫情繼續升溫, 就乖乖的買外賣回家與家人慢慢嘆!餐廳現推出了外賣自取抗疫優惠, 有68折優惠, 亦有多款外賣套餐可以選擇, 超抵吃的🤩!烤北京填鴨 (半隻) - 是他們的招牌菜式, 推薦👍🏻! 剛剛烤起的北京填鴨皮脆肉質嫩, 幾肥美。搭配青瓜、京蔥、哈密瓜, 有助減低整體的油膩感。沾一些京醬, 可以增添整體味道層次。鴨卷餅亦很軟熟, 夠薄。高湯嫩雞煨麵 - 青菜和雞肉粒的份量剛剛好, 雞煨麵煮得夠淋, 夠入味。意大利黑醋骨 - 醬汁甜中帶酸, 令人開胃, 黑醋骨很入味, 充分吸收到醬汁的味道。京醬大蝦 - 未吃已經聞到濃濃的醬汁味😋, 蝦肉有彈牙的口感, 很新鮮, 亦充分吸收到醬汁的鹹香。古琴鴨肉炒飯 - 鴨肉粒帶一點油脂香, 跟炒飯味道很夾, 亦提升了整體的味道。適合3-4至人分享。銀絲卷 - 蒸得夠軟熟, 有麵粉香, 配煉奶吃很好吃呢!

今次想講下我呢個星期最後嘅堂食午餐～ 係我想食左好耐嘅北京填鴨🤩 已經成一年無食啦🥺～ 今次就book左古琴雅苑 同屋企人好好歎下佢個午市套餐😋⠀⠀👨‍👩‍👧‍👦午市全包宴-四人套餐A $668⠀⠀🌸桂花烏龍🍵⠀本身店員問我開咩茶嘅時候，淨係聽到好多花茶、玫瑰花茶同烏龍茶，無屋企人平時飲茶飲開嘅普洱，所以就求其叫左烏龍😂 佢黎到真係勁有驚喜🤩 桂花味勁清香又濃郁，而且無諗過同濃味嘅烏龍都好夾，不但無蓋過烏龍本身嘅香味，而且又令到個烏龍茶清新左好多，令人心曠神怡💗⠀⠀🍶花雕醉雞🐔⠀本人認為呢個係比較遜色嘅一個菜色～作為頭盤，雖然雞肉都好嫩滑，又夠瘦，無多餘嘅脂肪同肥膏～而雞皮都好薄身，又唔會有多餘嘅油脂🥰 不過我嫌佢花雕味唔夠重，食左第二啖同要睇一睇返menu先知佢原來係花雕醉雞～我覺得可以重返少少花雕酒味，咁會更加惹味😋⠀⠀💦蔥油海蜇拌黃瓜🥒⠀呢個係另一個頭盤，海蜇同青瓜佢都整得好爽口，青瓜更係爽脆😍 用左蔥油同埋芝麻令到成個冷盤香同惹味更多，而且亦無過油過鹹～非常醒胃🤩食完令人食慾大開，準備再戰main dish💗😋🍴⠀⠀🦆一口酥👅⠀食北京填鴨之前，佢就提供埋一口酥比我地食🙏🏻～佢其

可以訂到枱同屋企人去試這間北京填鴨菜，綜合全部都覺得不是想像中的那麼好。首先講環境，不是想像中這麼大，人又多又非常嘈吵，仲有訂枱時間六點訂枱七點九要交枱，侍應表面有禮貌，實質差不多都未食完佢已經準備收你隻碟，真係從未試過食一間酒樓可以食到胃痛，很有壓迫感，未食完佢已經準備收你隻碟。最搞笑係我準備影檯面上擺放筷子的擺設，那些侍應們竟然連擺放筷子的擺設都快手快腳收埋，未食過一餐飯要令你快啲畀錢走，我只不過用餐一個鐘還有四十五分鐘呢！已經令你感覺抖不過氣來！男女厠各一個，非常不乾淨。砂鍋雲吞雞根本都冇味，出名嘅荷葉坑洲雞，個汁好咸。意大利黑醋骨我淨係食到醋味，豬肉係完全冇味的。金腿濃湯津白，我只可以講金華火腿加埋一隻手指尾都冇。高力豆沙香蕉，只可以講佢一早整定，豆沙凍的，食過咁多間嘅北京填鴨真係史上最差。只可以講不如其名不去也吧！套裝就全包因為一早整定，散叫要加茶錢和加一同埋餐前小點,一句講一次咁多。👎👎👎👎👎

今晚終於一嘗朋友極力推介的好味片皮鴨餐廳，一入門口已有廚師片緊鴨，好香好吸引！我哋柯打咗半只片皮鴨，小籠包，黑醋骨，上湯元貝菜心！首先上黑醋骨，好大碟，好香口好味，醋汁剛好包在香脆的排骨上，正！跟住上小籠包，皮較厚，同接口太短較難夾，但肉汁多，整體來講，不過不失啦！等咗成半個鐘，終於有片皮鴨上枱啦！阿姐推介先試一口酥鴨皮，未入口已嗅到好香鴨酥香味，入口似食咗鴨油香味脆片，脆到同薯片一樣不久，上了片皮鴨，片肉分佈比出面食有別，肉比皮多，但估唔到比例超好，絕對係暫時食過最好味嘅片皮鴨下次一定再encore

上星期好友請我到尖沙咀北京道12A號太子集團中心15樓的古琴雅苑食晚飯， 聽說這裏的烤鴨味道幾好， 我們就點了兩款口味， 然後還有小籠包、 松子魚、 醉雞、 蟹粉撈麵、 意大利黑醋骨、 腰果露和高力豆沙。烤鴨～ 入口即化，油香滿瀉， 但我分不清兩款烤鴨有什麼分別？意大利黑醋骨～ 甜甜酸酸的， 入口幾惹味。醉雞～ 醉雞味道不太突出， 肉的質感還有點鞋口。松子魚～ 甜酸汁淋在魚塊上， 香口醒胃。小籠包～ 外皮厚度恰當， 裏面有甜美的湯汁。蟹粉撈麵～ 份量偏小。高力豆沙～ 送上枱的時候，高力豆沙已經凍了， 減分啊！腰果露～ 滋潤滑溜， 但味道不夠濃郁。整體食物質素可以， 但服務就麻麻地， 如果可以改善下就更加好。

朋友生日想食中菜搵咗幾間 決定揀呢間佢哋係可以預早book位生日蛋糕都唔需要切餅費！餐廳環境尚算乾淨地方唔會好大 所以唔似平時啲酒樓咁樣會好嘈今次我哋叫咗佢最出名嘅片皮鴨 風味松子魚黑醋排骨 同埋小籠包片皮鴨真係喺客人面前切🤩不過都有少少油膩 但尚算可以松子魚 我哋就覺得有少少太酸同埋都偏油膩黑醋排骨都係好酸而且都係好油膩😥😥😥小籠包個皮好厚 入面嘅汁亦唔係好多☹️但係服務員嘅質素真係幾好！我哋要切蛋糕 佢哋都唔會覺得好煩🥺🥺但食完呢餐之後成晚都覺得滯住滯住😫

屋企人突然想食片皮鴨，所以Book左古琴雅苑試下。晚上未到7點，疫情下的尖沙咀人煙稀少，大部分的藥房都冇開，冇以往咁擠擁行得好舒服~🤣古琴雅苑位於高層，一上到去門口已經見到師博係到片緊鴨。職員安排咗靠窗的卡位位置，可以俯瞰尖沙咀街景。而因應疫情座位之間都加咗隔板。除咗主餐牌，仲有套餐牌，不過屋企人中意散叫。烤北京填鴨：只要叫咗呢碟，職員會先送上幾塊烤鴨脆皮同醬料。鴨皮烤得香脆，咬落充滿鴨油香! 按職員建議點砂糖食別有一番滋味，砂糖甜味中和返鴨皮嘅油膩味以為好似平時啲片皮鴨係鴨皮多過肉，但呢度係每塊都肉多過皮🙈 而且其實份量都唔係好多(見佢啲鴨都比較細隻)面皮值得一讚，除咗每張面皮都用紙隔住以免黐埋一齊，面皮係帶有韌性，唔會一拎就爛圖左係烤北京填鴨，右係小食四小菜小食四小菜：凍肉既豬騷味好明顯，廚師處理豬肉方法唔夠好。花雕醉雞酒味好淡，雞肉亦未入味。雞絲粉皮同拍青瓜都普普通通小籠包：肉汁比較淡，而且其中一粒冇湯汁😂皮薄但唔會一夾就爛鐵板蔥爆羊肉：大蔥同洋蔥都好多，所以上菜嗰下好香，個人覺得蔥味令到羊肉冇咩騷味四川擔擔麵：唔知係咪呢到做法唔同，個擔擔麵冇落花生醬🤔 麵質唔錯，唔會煮得太淋總

聽朋友講古琴雅苑d野好好味，終於有幸黎試，真係冇失望。片皮鴨d皮好脆好香，冇鴨d酥味，食過咁多間真係高質，之後食咗個炒飯，蛋白蝦仁，紅燒獅子頭，其他菜不過不失，想食片皮鴨黎呢間非常推介

疫情下，午餐時段只有兩台客，人流少都好～食得安心啲！叫咗片皮鴨，果然招牌貨夠晒出色！皮好鬆脆～肉夠柔嫩！冇So味～有兩碟分量足夠！夾埋醬汁同配菜食，非常好食～有蜜瓜、青瓜清爽去油膩感！小朋友最愛嘅雞絲粉皮，麻汁夠多夠香！粉皮爽口～撈埋一齊食勁正！一大碟唔係咁夠食～因為俾小朋友自己食晒！哈哈～大人都冇得食～我就最鍾意出街食魚香茄子，因為油炸過先好食…係屋企唔會自己整！好惹味～味道剛剛好，啲汁送兩碗飯一流！呢間好好食！會再幫襯～

今日食京菜💕有我最愛嘅片皮鴨環境好舒服 望到少少海旁🌊茶有🌟荔枝茉莉 同🌟桂花烏龍 揀 幾特別😯但係侍應態度有啲不耐煩🤫·🍽烤北京填鴨（半隻）成日set有齊半份片皮鴨 京蔥 哈密瓜 青瓜 烤鴨醬同蜂蜜黃梅醬🤤可以自己揀落幾多同咩配料餅皮每人有大概6-7塊👍🏻夠晒滿足！佢仲會送六片一口酥 即係就咁食既鴨皮🥰 入口即化💕好特別·💎 水晶肉其實即係豬手切出黎既肉🤤水晶部分入口即溶💕💕💕值得一試👍🏻而且係江蘇名菜·🥢上海炒年糕不過不失🤔醬油有啲太多可以試第二樣

在疫情初期，我到過古琴雅苑兩三次，每次人客不多，只有三四桌客人。但是由於環境舒適，服務態度殷勤，食物也做得出色，所以，今天我帶Honey重來。今天到達時，是午飯時候1:30到來。疫情下，生意真的慘淡，我和Honey是唯一的客人。我們叫了一個｢上班一族二人餐｣：有半隻片皮鴨、家常豆腐、火腿津白 $250片皮鴨：配料顏色鮮豔，而且片皮鴨的餅皮，是每一塊都用牛油紙分隔。片皮鴨看似好細碟，但其實是滿滿的堆滿了。我和Honey每人差不多吃了六片餅皮，每片都夾上兩至三片烤鴨的……所以，份量十足！童叟無欺！烤鴨皮很香脆，半肉半皮，而那個皮，是甘香的鴨油甘香。非常好味！！家常豆腐：家常豆腐有微辣的豆瓣醬，豆腐是先炸了，但內裏仍然保持非常嫩滑。還有冬菇、冬筍、小棠菜、雲耳、豬肉片……等等，材料豐富！好惹味！火腿津白：金華火腿很甘香，鹹香之餘又不會令人口渴。湯頭非常濃，津白浸得夠稔，很入味。我吃了一半，才想起還沒有拍照。豐富的一頓午餐，配以清香的菊花茶。埋單是$267！生意難做！但此店仍然以優質食品、殷勤服務給予客人。真的值得一讚！衷心希望，此店能捱過疫情，日後可以再來幫襯！

家庭丶一班老友及慶祝生日最適合聚餐的地方，環境舒適，沒有分時段進餐，服務態度非常良好，食物質數有水準。扣牌菜包括：烤片皮鴨(可選擇一隻及半隻分量)丶松子魚...值得一試。

傳聞古琴雅苑幾正，今次就一行五人黎試下。擺設得意。瑤柱蛋白炒飯，淡淡咸味飯粒爽口，味道適中，食完片皮鴨等，可吸下油，等個人有啲澱粉質，中和下。不錯。片皮鴨，有三種配料比你夾，連醬。鴨肉配配料，食落爽口，肉質OK，沒特別特岀，但點醬後，惹味可口，麵皮吸去多餘油份，麵皮份量比鴨肉份量多。鴨肉薄薄易包，有部分頭尾油份多。惹味不膩易入口既螞蟻上樹。正常水準的小籠包。平凡既鍋貼，比想像中好，皮脆有肉汁。排骨麵。。。滿心期待會啖啖肉，有厚度肉質彈牙易咬新鮮既感覺。但可惜只系一般般。藥材味濃，有少少雞汁感覺，怕太補，飲左一碗。湯料雞肉都OK。值得一試。