古琴雅苑 (太子集團中心)

營業中

休息中

秋風起，又是食蟹季節，唔食只食蟹咁單調，我點了金秋蟹逅二人套餐。北京烤填鴨 即場烤好的填鴨，每片通透烤鴨，加上煙韌卷餅、香甜哈密瓜、爽脆青瓜、香蔥、惹味烤鴨醬，每一口有金黃鴨皮油香，滋味。要盡快食一口酥，每隻烤填鴨只有幾小片，沾上砂糖食，油香味濃，滿口油香。意大利黑醋骨 肉多，拔絲黑醋汁酸甜，好開胃。香菜鮮魚羹 鮮肉肉幼嫩無骨，羹加入蛋白更幼滑，頂層件有香芹，增添色彩，還增添香味。點可以無蟹，再點了 蟹粉賽螃蟹 滑溜賽螃蟹，頂層加上厚厚蟹粉，蟹粉鹹鮮，惹味又嫩滑，食蟹季節無令我失望。古琴鴨肉炒飯 鴨肉肥美嫩滑，伴隨蛋絲，洋蔥粒，炒得粒粒分明。金腿濃湯煮津白 津白吸收晒所有高湯、金腿精華，鮮甜多汁，好飽都要一食再食。杞子桂花糕 清甜中帶有陣陣桂花香，清新。茶不可不讚，瑰荔堂煌 玫瑰味突出，茶香清淡，帶有絲絲甜意。裝修雅致，職員細心友善，小朋友還有鴨公仔送，食得開懷，下次會再來！

一年容易又中秋，又係食蟹既時候🦀 古琴雅苑推出左 #金秋蟹逅 menu🌟 Annie試左佢既蟹粉撈麵🍝 ($168)，金光閃閃既蟹膏同蟹肉mix埋一齊，超級鮮味仲要勁鮮甜🤩 用嚟撈麵食真係有少少奢侈💰·🦆烤北京填鴨(半隻) HKD$185片成一片片令立立🌟既鴨肉，未食已經睇到流哂口水🤤 店員會先送上一口酥（鴨頸對落突出位置），每隻鴨身上只有幾片，好昂貴呢😍 建議蘸梅醬及砂糖食，入口即化，鴨既油脂咇出溢滿整個口腔😻 食5心都溶化了，果然係最好食既位置❤ 之後到食片皮鴨，每片鴨肉連皮都片得大小相若，可見師傅手勢極之純熟👍 將烤鴨片放在捲餅皮上，連同青瓜絲、哈密瓜絲、京蔥絲，再加上梅醬、甜醬、砂糖包裹一起吃，啖啖都是幸福的滋味，好吃極了😋 值得一讚的是捲餅皮會用蒸籠盛上，令其保持溫度及濕潤，而且亦附有手套給你吃時使用，相當貼心呢💓·🐓花雕醉雞  HKD$79花雕醉香味道還可以，若果更濃會更合我口味呢😊 而它勝在雞件啖啖肉，而且好夠冰凍❄·🍌高力豆沙香蕉  HKD$58將打起既蛋白炸至拳頭狀，漲卜卜的好可愛😻 內餡是一貫的豆沙蓉及香蕉🍌表面沾上糖霜，口感蓬鬆且綿密，甜甜的好滿足💓

不要問只要信，我絕對是片皮鴨達人。實在太喜歡吃片皮鴨，所以全港九嘅Peking duck 都必須要吃勻 。這家已經開業了一段時間，我已經吃過好幾次，都保持水準。👍🏻 適逢入秋，仲有各款 「金秋蟹逅」， 蟹粉菜式。 北京烤鴨、蟹粉小籠包係推介必叫菜式。 烤鴨可以叫半隻，兩個人去就不怕吃不完，鴨肉半肥瘦，油香四溢。仲有傳統嘅一口酥，配料方面，除咗青瓜及甜醬，另外仲配有哈密瓜連酸甜醬。蟹粉小籠包皮薄餡靚，而且滿滿嘅蟹粉，食得非常滋味。

免費兒童餐 正宗北京填鴨 傳統淮揚菜👶🏻超級Baby Friendly古琴雅苑🌟開學已經一星期🙌🏻小兄妹都好乖乖💗今晚同佢哋出街輕鬆一下😛哥哥一直都好想食片皮鴨😍Book mark左咁耐終於有機會嚟食！我哋叫咗個二人套餐.但係其實個份量真係四個人都食唔晒😆因為餐廳會提供免費兒童餐俾6歲或嘅小朋友😍只需要參與填色遊戲🎨就可以享用免費兒童餐(原價$68)🌟兒童餐包括醬爆肉絲伴荷葉包、上湯浸小棠菜、明目杞子桂花糕同冬瓜薏米水😛份量十足絕不兒戲👍🏻菜式仲好啱小朋友添👶🏻健康又有營養💗🎈另外我哋叫左個二人餐🔆意大利黑醋骨每一粒黑醋骨都沾滿醬汁！酸酸甜甜好開胃😍🔆香菜鮮魚羹鮮味十足！一d都唔腥！味道仲好鮮甜添👍🏻🔆 烤北京填鴨半隻呢度既北京鴨以傳統掛爐形式烤製！餅皮亦係自家製🌟皮薄煙韌！配料有青瓜、京蔥、哈蜜瓜、京醬、秘製蜂蜜黃梅醬、沙糖等！當然唔少得被譽為一口酥既鴨胸皮😍皮脆肉少，沾少少沙糖然後一啖擺落口😛簡直就係人間極品！🔆金腿濃湯津白雲腿濃湯香滑鮮甜！津白煨得軟淋入味😍🔆上海炒年糕年糕切成薄片！煙韌軟糯口感，嚼勁十足👍🏻 配埋大白菜、豬肉絲等相當惹味！🔆最後就係小兄妹最愛既杞子桂花糕淡淡桂花

太耐無打食後感，覺得依間「古琴雅苑」值得一試，雖然環境唔係有特色，而且尖沙咀店真係比想像中細好多，訂位絕對係必需既，記得一定要訂位先好，但係食物係好食。我特別鍾意佢地既片皮鴨，仲有佢地既意大利黑醋骨，都係必必必食！ 佢地既鴨一睇就知好夠油香，諗起都好想食，唔係得皮，啲肉都好柔嫩！個鴨炒飯都偏油嘅，都好香好乾身🤤 另外，意大利黑醋骨煮得好軟身，醋味好香，我好鍾意陣醋味好夾！其餘既醉雞同津白就一般，唔會難食！

一向都好鍾意食京滬菜 ，所以早幾日就帶左屋企人去古琴雅苑提早食團圓飯❤️首先就order咗一隻必點嘅北京填鴨，師傅會喺外面即場片皮同肉出嚟。只有皮嘅部份原來叫做一口酥非常香脆，點埋梅子醬食就唔會覺得膩👍🏼 鴨肉唔鞋又juicy, 每次包2片，真係好🈵️足😌入秋之後一定係食蟹嘅季節，點🉑️以唔食蟹粉，蟹粉賽螃蟹嘅蛋白香滑加埋蟹粉味道就更加香濃😋清炒鱔糊食落啖啖肉，而且肉質鮮嫩。招牌擔擔面湯頭有好濃嘅花生醬味，當中帶少少酸辣味，麵質亦都好彈牙👍🏼 食完啲濃味野之後飲番啖砂鍋雲吞雞嘅清湯，解解膩，perfect‼️最後食埋碗紅糖桂花湯圓就完🈵️啦😂😂今次呢餐屋企人比9⃣️0⃣️分😱😱下次再食過咁話喎😆

以前我同老公都會北上食烤鴨，因為疫情關係，都無再北上，最近行尖沙咀時見到有間中菜館就進店。北京烤鴨半隻都已經好多，兩個人一定夠食，店員話先食一口酥，即係鴨皮，沾上黃梅醬，入口即化，油香在口腔盤旋，不錯。鴨肉連皮，切得適中，蘸上自己喜愛的醬料，加上清新的哈蜜瓜，吃起來不會太油膩。鴨肉肉質嫩軟，肉汁豐富，麵皮夠薄，軟滑，拉扯之下又有彈性，捲起來吃真係超棒。見到「金秋蟹逅」餐牌，食得肉多就食下菜，蟹粉扒豆苗就岩曬。橙黃色蟹粉鋪上面，豆苗鮮嫩翠綠，拌勻吃又不失蟹粉的鮮美。每口都有蟹粉，平凡中帶點矜貴。鴨肉炒飯勁香鴨味，鴨肉碎多，配上雞蛋絲，洋蔥粒很香甜，份量都唔少，老公好中意，炒飯的飯粒很分明。

疫症期間限聚令，好耐冇約朋友見面食飯。難得解除梗係要約出黎聚一聚見見面聯誼下。朋友喜歡食中菜，於是相約去尖沙咀古琴雅苑食上海菜。是日order 左半隻片皮鴨、松子魚、小籠包，片皮鴨唔錯上枱仍然熱騰騰，但份量比想像中少，皮嘅部份較多。松子魚出色炸得香脆可口，啖啖肉無骨岩曬小朋友胃口，個汁都好醒胃。小籠包有點失望，皮較厚，湯唔夠鮮甜味濃。黎之前睇過唔少關於呢間餐廳介紹，确實令人有點失望，餐廳環境一般略細，店員服務態度略帶催趕。

早排老公話想食片皮鴨 咁我就即刻上網做功課啦見到呢間網上食評唔錯 於是就去試一試網上寫晚市開六點 我地一行三人五點五十幾分已經上到去因為無book 位 所以早小小standby係門口經理已經有問我地有無book 位佢話如果無book 到用餐去到七點四十五分就要交枱我地示意無問題 店員便帶我地係卡位就坐卡位望到小小維港景 座位寬敞座得舒服酸甜骨肥瘦適中但排骨食落無咩肉味酸味明顯蓋過所有味道小籠包皮唔算太薄身但勝在唔會一夾就穿入面有大量湯汁一口酥鴨頸位置的皮有油香味道 略嫌油了一點半份烤鴨呢度配料幾多 有哈密瓜 京蔥 青瓜同多款醬料烤鴨排列有序證明師傅係有心機去做鴨算是偏瘦一點沒有多餘的脂肪食落有果木烤的味道整體來講沒有太大驚喜蟹粉撈面見到有小小蟹肉絲但食唔到有蟹黃既味道面質亦比較差 可能唔係我鍾意既口感個人認為試一次就夠

當日係平日晚上20:00用膳時間人流唔算多有趣嘅係身邊不乏外籍人士睇嚟依間係遊客眼中係頗有名氣嘅餐廳呢度嘅服務尚算不錯 記得經理同我哋落單嘅時候十分有禮貌 仲主動同我哋傾偈 解釋北京填鴨同北京烤鴨嘅分別 雖然事隔多日我已經唔記得晒😂 但就令我對餐廳留下良好嘅印象北京烤鴨食烤鴨之前師傅先送上一口酥 (即係一小塊淨外皮)一口酥好鬆化 一咬爆油！ 邪惡至極！之後再拎起略厚既餅皮放上北京烤鴨 再選擇自己鍾意嘅配料我選擇咗難得一見既哈密瓜同糖！一啖咬落去烤鴨肉厚多汁 皮脆鬆化 哈密瓜中和左當中既油膩 令人不禁一口接一口

見佢外賣自取做緊6折+第一次買的時候都係等左15分鐘左右已經有得攞所以隔左一星期左右再上去買外賣點知就出事喇19:00上到去已經見到好多人買外賣，咁落單時已經知要19:45先可以攞，ok無問題，我買一隻片皮鴨+優惠價買醉雞，但職員話要正價先有醉雞，優惠價就無，我覺得咁醉雞唔想做優惠價就唔做，你做優惠時又無寫明係限售，最後我就咁買完隻鴨就去另一間買外賣，19:50番上去仲未得，我見早過我買的人都未有咁我都等多陣，到20:05我老公問我攞得未(因為佢一早係樓下等緊我，仲要無位停底架車要係咁兜圈)我就追order ，話隻鴨未得，到20:15我老公又催我，我再問，又係話隻鴨未得，今次我就火滾喇.....叫佢比個時間我，等左接近10鐘先話要再等10鐘，我叫佢幫我取消order 直接退錢比我我唔等，佢地即刻係另一個未上黎攞外賣的訂單到比左隻鴨我先。我攞完即時又有其他人鼓燥，因為張張單都做唔到佢預計的時間，既然知道一下子有好多單就set耐D個取貨時間，唔係收哂錢等人上到黎先再慢慢等囉.....生意唔係咁做，做唔切就早D講嘥晒大家的時間

秋天到🌬，又係食蟹🦀嘅季節，古琴雅苑嘅金秋蟹逅有幾多款蟹粉菜式，我就食咗蟹粉河蝦仁🍤，河蝦永遠都好食過普通蝦仁，肉質爽口啲，配埋蟹粉，亦都冇搶咗河蝦本身嘅鮮味.另外當然唔少得北京烤鴨啦🦆，侍應首先送上一小份嘅特別部位，佢話係全隻鴨最好食嘅地方🤩，所以只係得幾塊，有少少入口即化嘅感覺，可以點砂糖或者梅醬食，填鴨半隻三個人食啱啱好，每人有4塊皮包鴨.甜品就叫咗紅糖桂花湯圓🥣，本身我仲以為會好似酒釀丸子咁，點知原來係類似薑茶湯圓咁，不過就加咗桂花🌼，姜夠辣，仲要配上我最愛嘅芝麻湯圓😋

餐廳環境寬敞、 舒適， 透過落地玻璃可看見到尖沙咀璀璨的夜景， 令人胃口大開。京烤鴨配捲餅(半隻)$185入座後，先喝一杯瑰麗堂皇茶， 啖啖馥郁的玫瑰香氣， 止渴生津。食片皮鴨前，先品嚐一口酥， 是鴨頸下小小嘅位置， 只有數片，十分矜貴，可以沾上沙或者黃梅醬，有入口即溶化的感覺，帶滿滿的油香，十分滋味。 烤鴨烤至油光亮麗，看到師傅用純熟的手勢片皮鴨，看到肉汁由鴨身緩緩流下，香氣十足，令人垂涎， 捲餅皮用蒸籠盛上，保持溫度及濕潤， 十分貼心 ，放上薄切烤鴨片 、甜醬、青瓜片、 京蔥絲及哈密瓜片，包起一齊吃， 清新美味，啖啖都是幸福的滋味 ， 烤鴨皮脆肉嫩，將北京片皮鴨的風味，重現在舌尖上。香菜鮮魚羹$36/ 每位魚羹入口清爽鮮甜， 魚漿十分滑溜，配上香菜，更加吸引，啖啖都是鮮味， 別有一番滋。蟹粉扒豆苗(金秋邂逅)$158時令的蟹粉先用薑汁去除腥味，令鮮味更加提升，海量嘅蟹粉，滿滿蓋著翠綠的豆苗， 豆苗與蟹粉一起吃， 鮮味在口中綻放， 令人一口接一口，停不下來。古琴鴨肉炒飯$89金黃色的炒飯上枱時， 賣相 吸引， 火喉十足， 粒粒分明，每口飯都是鴨肉、 香蔥粒 、洋蔥粒及雞蛋絲， 口感豐

古琴雅苑是高質中菜廳，主打京菜之中，北京烤鴨最合我意，肥而不膩的口感，令人難以忘懷。餐廳座落於尖沙咀鬧市，坐在玻璃窗旁的卡位，可飽覧熙來攘往的街道，和遠眺維港景色。北京烤填鴨半隻配捲餅 $185一片片的鴨肉，連同油光亮麗的鴨皮，排列有致，賣相吸引。店員推薦先吃一口酥，是鴨胸前頸下的位置，蘸點砂糖及黃梅醬享用，是北京的傳統食法。鴨皮入口即化，鴨油脂香縈繞於舌，久而不散，絕對不枉一口酥的美名! 鴨肉外皮酥香，充滿肉汁，放在麼麼皮上，然後是青瓜、京蔥及多汁哈蜜瓜等配料，並加入甜麵醬。大口咬下，麼麼皮充滿麵粉香，肉質軟嫰細膩，油香四溢，搭配哈蜜瓜的清新氣息，吃後要舔舔手指上的黃油回味。金腿濃湯津白$86上湯湯頭清澈，金腿鮮香撲鼻，呷一口熱騰騰的湯汁，啖啖鮮甜、清潤，滑嫰的津白軟綿即化，吃後有暖笠笠感覺。意大利黑醋骨$98質感香脆可口，每件黑醋骨都掛滿甜酸醬汁，醬汁清新怡人，酸甜醒胃，令人胃口大開。京蔥牛肉炒拉麵$128即叫即炒，傳來陣陣濃香，充滿鑊氣。牛肉份量多，肉質軟嫩，混合京蔥爆香，牛味濃郁。拉麵爽滑、油順，每條麵都掛滿甜醬油香，配上惹味京蔥，香濃而不膩。高力豆沙香蕉(四隻)$58高力豆沙

開Openrice Apps 見到古琴雅苑買外賣有68折，本來冇諗過買都想試吓買外賣返屋企食。用Apps 訂咗我地兩個最鍾意嘅花雕醉雞同上海炒年糕。餐廳準時預備好我哋嘅外賣，一去到就拎得。職員有禮貌地把外賣遞給我地!特別喜愛呢度既花雕醉雞❤️! 花雕酒香特別香濃，每件雞都好入味。至於份量方面唔會少，價錢本身合理，依家用Openrice Apps 買仲有優惠，真係好抵食！會再用Apps 買。要求上海炒年糕少油，餐廳一樣辦妥，抵讚👍🏼！年糕份量都幾大，足以給兩個人份量。年糕煙韌，就算拎到返屋企都仲好煙韌。呢餐又滿足又抵食。疫情下，會繼續用Openrice apps 買好多餐廳嘅外賣！❤️