古早味台灣原味 (已結業)

銅鑼灣區：地點 exactly 係銅鑼灣站地面樓上，非常方便，成幢都係餐廳，eye level 望埋去就見到係呢間紅色字咁sharp,既古早味，就被此吸引去食食物方面非常多選擇、既有推介食物，又由前菜，小食，主食，甜品都一應俱全，主食有非常非常多款，當中亦有比您能想像的有更多款台灣小食。本人叫了紅燒三寶麵 ，乾扁四季豆和紅豆燒餅當初諗著叫個蔬菜類食，估不到乾扁四季豆勁好味、好野味但不會太鹹麵嘅湯底有藥材味、好似煲咗好耐咁、好好味牛𦟌、牛根同牛肚都好入味、如果牛根再冧d 會好d 最後既紅豆燒餅甜味啱啱好價格方面非常大眾化，配合埋味道性價比高現場環境裝修都好靚、有酒窖、有吧枱、有卡位、適合唔同類型嘅gathering

「古早味」可謂台灣獨有嘅口味haha🌻 想念台灣嘅味道，所以今日lunch同朋友黎到呢間台式餐廳！.呢度嘅lunch set非常抵食！主食大概$5x-7x有交易，仲送果茶/珍珠奶茶，小食仲有半價優惠，更係免加一！.主食方面，推介呢度嘅酢炸雞扒滷肉飯，雞扒外酢內軟，保持肉汁同咬口；滷肉油而不膩，份量用黎撈飯啱啱好！仲有滷蛋同小棠菜，非常豐富😋 .每個set仲會附送開胃小食三款，我地當日有雲耳、椰菜同螺肉，每款都幾好食👍🏻.朋友要嘅牛肉麵亦表現不俗！厚切嘅牛𦟌足足有3塊！口感軟腍但不失咬口，正！麵質偏韌，適合鐘情硬麵嘅朋友仔😝 湯底香濃，加上煮至腍身嘅紅蘿蔔，一絕！.我地都食咗番茄牛肉麵，湯底上無咩大分別，不過就多咗好多番茄粒粒，都值得一試架！.小食嘅鹽酥豆腐一定要食！外層酥脆薄身；內層熱燙滑溜，超香口🤤.另外嘅雙色香腸同鹽酥雞都好好味，令人諗起台灣夜市嘅風味！.胚芽奶茶甜度適中，我都幾鐘意！

雖然下個月去台灣✈️✈️✈️✈️但今晚都係想食下台灣野，今次來到古早味，一到門口，已經見到一大個酒架，周圍放滿了舊時台灣的相片，裝飾得很有氣氛古早味牛肉麵 $60最愛台灣菜～～>台灣牛肉麵😍，再加埋古早味，真係唔點唔得，一上枱，的確好香，有陣傳統好代表到台灣南部既風味，湯頭略甜，香料調味有傳統以多種中藥材來製作的味道，麵底是刀削麵，同有紅蘿蔔作配菜雙色台灣香腸 $38平時常見既紅色原味台式香腸食慣食熟，今次加埋黑色墨汁味，表皮香脆，帶點甜，切開了一片片，作為佐酒小食也很不錯乾扁四季豆 $58很惹味的一道菜，上枱時熱氣仍不斷冒出，香味散發，引起食慾，愛吃飯之人應該可以用呢個餸添上好幾碗白飯🍚🍚🍚

好久沒有吃過台灣菜 看到古早味評價甚高 菜式有很多選擇 價錢也很貼地 所以便去試試豬軟骨滷肉飯 ($75) ﹣ 分量很大 豬軟骨炆得很淋很入味 滷肉不會太油膩 滷水味也不錯台式滷水拼盤 (雞翼 雞蛋 腩肉) ($68) ﹣ 腩肉的肥瘦貌似比例相宜 但肉質很韌很乾 吃不到滷水味 雞翼也是不入味 只是非常普通的雞翼 雞蛋素質一般 所以滷出來也不怎麼樣宜蘭蔥餡餅 ($28) ﹣ 應該是即叫即煎 上菜是熱騰騰 餡餅里是滿滿的汁料和蔥 口感上像在吃日式煎餃 味道不錯花枝蝦排 ($38) ﹣ 外皮炸得很酥脆 內餡肉質彈牙 有粒粒爽脆蝦肉 配上甜酸醬汁 挺惹味的蚵仔煎 ($52) ﹣ 蚵仔分量不少 粒粒飽滿 是挺鮮甜的那種 漿粉不會太多 醬汁是帶點辣 感覺跟蚵仔煎不太配 這個是扣分位鹽酥雞 ($38) ﹣皮脆肉嫩多汁 調味粉味道可以 不太鹹 沒什麼太特出的地方總結: 我覺得整體食物素質和味道是一般 沒有好評說的那麼出色 話雖如此 來試一次也無妨 因為價錢是挺大眾化

一早聽聞銅鑼灣開左間台式料理店，今晚襯打風前席，條街冇乜人加上已經九點幾，終於唔駛排隊就食到聽朋友講晚飯時間最小要排一個鐘以上架🤫雙色台灣腸口感煙煙韌韌，唔會太多肥，但又好香口台式滷肉飯最愛台式食物之一，滷豬肉非常入味，每粒豬肉都切得極細粒，食極都唔夠新竹炒米粉 有豬肉、洋蔥、菇、紅蘿蔔絲同椰菜米粉一梳梳，唔會太難夾，咪道適中，加上佢係濕炒，即使老人家食都冇問題芋香奶茶一般台式奶茶都比較甜，但呢杯冇，香芋味濃麻辣腎片 超級入味，勁爽口宜蘭卜肉 宜蘭名物，「卜」即係閩南語中既炸，簡稱炸豬肉...厚切豬肉黏上薄薄既炸漿，香脆可口沙茶炒羊肉鍾意食羊既朋友就一定要試，因為超級羶手工綜合芋圓賣相一流之外芋圓仲係即煮架👍🏼配埋紅豆、仙草、刨冰消暑一流

食台灣菜真係好令人回味 前幾人同朋友一齊去修理電話 午餐口痕想去食台灣菜 就去咗呢間古早味食個晏係銅鑼灣嘅餐廳嚟講 呢度午餐幾抵 而且味道幾好 一份午餐可以以半價加多一份小食 整體嚟講性價比高！叫咗個最普遍嘅台灣牛肉麵 啲牛肉幾出色👍🏼唔會大韌 仲好入味 麵底覺得硬咗少少 不過整體味道不錯 湯底加分飯類叫咗個豬軟骨魯肉飯 佢嘅魯肉飯大大碗 仲要好好食 微肥嘅魯肉配埋醬汁 同飯好配合 不知不覺食咗好多😋 豬軟骨都煮得好入味 肉質幾軟熟 值得一試👍🏼 佢嘅前菜都好好食 清清地叫咗幾款小食都非常吸引 叫咗一份炸鹽酥雞 佢炸得香口 而且雞肉仲好軟熟 係必試台灣小食👍🏼 不得不提佢份量多 味道好 即使唔係以半價形式叫 價錢都係相對便宜 好值得叫仲有鹽酥炸豆腐 外脆內軟 味道仲好好食 飲品叫咗烏龍奶菜 飲品唔會好甜 好抵讚 而且整體幾滑 仲好大杯 非常滿意

是日懷念家鄉味道 所以同fd去左呢間古早味🤤第一次食 夜晚7點幾到 都幾多人排隊 幸好座位多等左唔算好耐 半個鐘左右食物款式好多 花多眼亂結果叫左碗豬軟骨鹵肉飯 花枝蝦餅 宜蘭蔥餡餅 同埋一碟燴豆腐豬軟骨鹵肉飯:豬軟骨肉質幾淋 幾咬同埋幾入味鹵肉份量都多 好大碗 兩個女仔share食都夠花枝蝦餅:炸得好脆口 食到有一粒粒花枝係入面 彈牙好食👍🏻宜蘭蔥餡餅:呢個有d失望 質感似一般餃子🥟 食落冇咩蔥味燴豆腐:想叫蔬菜類平衡下 所以叫左呢碟豆腐 都幾大碟 豆腐好滑 似中菜個d紅燒豆腐整體黎講 古早味價錢抵食 味道唔錯 有家鄉台灣既感覺 今次得兩個人眼闊肚窄 試唔到好多食物 見到有芋圓甜品😍 下次會再黎食🤗

早前跟同事談天，談到銅鑼灣有什麼好吃，他推介這間古早味-台灣原味，一聽到古早味，我以為自己聽錯，完全不懂這詞味，他解釋是古老、傳統的味道，能夠在香港吃到台灣的古老原味，不得不試。朋友說很多人排隊，所以我們都很晚才去，幸好都不太多人，侍應安排我們住窗邊位，可望著街道食飯，加分不少，餐牌食物種類很多，選擇困難症的我考慮了十分鐘，最後叫了台灣刈包 $28 - 有芫茜，正台式滷肉飯 $50 - 夠大碗，滷肉的味道不會太咸手工綜合芋圓 $45 - 賣相已值100分，芋圓剛製好，還是熱的檸檬冬瓜茶 $16 - 不太甜，味道佳鹽酥豆腐 $38 - 很熱，待了五分鐘還是很熱，幾好味，要推介古早味牛肉麵 $60 - 牛肉麵都是超好味台式小雲吞 $28 - 跟醬汁配合雲吞又是佳作 總評： 同事推介果然無錯，有下次

係3號波下的一個人的晚餐經過銅鑼灣～就貢上京都廣場睇下有咩食呢間台灣野之前已經想食好耐咁岩經間causeway bay就必定要試一上到去 已間大大個門牌係度裝修竟然有d日本風都幾chill下 有d bar枱如果下次同朋友黎就可以摸住酒杯底吹下水 正門面有溫馨提示～人均最低消費係75蚊呃大家要留意啦店內環境 都幾有feel~3號波都咁多人捧場ar咁啱坐窗邊 對住對面大廈既內街景值得一提嘅係佢地menu會有佛跳牆同火煱食但我一個人就嗌吾到了下次同friend黎一定要試因為病緊 就清清地食菜同魚但都好好味煎鱸魚～～好鮮味 鐘意食魚既朋友必試白飯有d燕麥 好健康 i like it

作為一個去過好多次台灣嘅人。對「古早味」呢三個字絕對唔會陌生。古早味即最古老日或最原本嘅味道。香港有台灣餐廳以「古早味」而命名 。等我試下你係咪真係咁正宗先。餐牌選擇十分之多，我地睇左一輪先落到單，我地叫左蚵仔煎、炸花枝丸 、干貝櫻花蝦荷葉飯 、紅燒三寶麵 、九層塔手抓餅、黑糖薑汁奶茶 、芋香奶芋加珍珠 、手工綜合芋圓(凍) 。好多都係另人好懷念嘅台灣味道。九層塔手抓餅 - 台灣傳統街頭小食手抓餅，再加上九層塔，係幾特別嘅配搭。味道唔錯又唔太油。炸花枝丸- 呢個好好味 ，食時唔小心會跌晒d 花枝粒落枱 、因為佢d 花枝都好大粒。紅燒三寶麵- 呢個湯底真係好似係台灣時食嘅牛肉麵湯底，味道好濃。麵係刀削麵，三寶都幾好，筋、肉、肚都夠林同入味。幾有水準。夠晒「古早味」蚵仔煎 - 呢個味道同夜市食開嘅就有d 出入，冇野市嗰d 咁重粉漿。用左多左蛋，同埋佢調左一隻酸酸甜甜嘅醬汁，都幾特別同開胃。干貝櫻花蝦荷葉飯 - 呢個真係大力推介 。好好味。足料分量夠，料有櫻花蝦干、干貝一整粒 冬菇粒 台灣腸。每粒米都有汁包住，好香好好味。最後食埋手工綜合芋圓-有涼粉 綠豆 芋圓 珍珠，咁先係完滿嘅懷念台灣味

1. 炸花枝丸 $38 - 有4粒，都幾足料2. 干貝櫻花蝦荷葉飯 $88 - 賣相好靚，滿佈櫻花蝦，正中間有粒大干貝，干貝食落似乾珽食落味道不錯，有冬菇粒同好多台灣香腸粒，櫻花蝦除咗增添香味，仲增添脆脆口感，份量都唔少😋😋3. 紅燒三寶麵 $75 - 湯底都幾濃藥材味，飲落都幾順喉，幾鍾意，有牛腱，金錢肚，同牛筋，全部都好淋好入味，又唔痴牙，抵讚👍👍仲有紅蘿蔔同少少菜，感覺健康d😆，麵係闊麵，質地幾彈牙😋😋😋4. 九層塔手抓餅 $28 - 烘得微微焦香，脆脆地，好香九層塔味，幾好😋5. 蚵仔煎 $52 -面頭橙色的汁酸酸甜甜，食落唔太似台灣食果d，蠔就唔大粒，係蔥粒同底嘅蛋提升咗香味6. 黑糖薑汁奶茶 $16 - 都幾夠薑，黑糖同奶茶味都幾出7. 熱芋香奶芋加珍珠 $19 - 正正常常，唔會好甜

今日陪朋友去銅鑼灣睇展覽，順便試吓呢間係朋友口中評價唔錯嘅台灣餐廳！入到去餐廳，裝修非常之古典。雖然我哋去食嘅時段已經係兩點鐘，但係店內仲有好多人，想像唔到如果係午市、繁忙時間去食要等幾耐。有好多種套餐優惠，任何一款主食配一款小食都係半價，仲免費送珍珠奶茶，今次我就試咗佢個杯熱嘅可可奶茶，平時台式飲品多數都係飲凍飲，但今次佢會熱可可奶茶令我改觀！好香濃嘅奶茶味，加上甜甜嘅朱古力，真係個好好嘅配搭，而且味道唔算太甜，真心唔錯！煮食方面，我哋叫咗一個酥炸雞扒滷肉飯，同埋古早味牛肉麵，再加左份鹽酥雞，仲有椒鹽豆腐，已經飽到行唔郁！我哋完全冇估計過佢個滷肉飯係咁大碗，非常足料，而且佢塊酥炸雞扒炸得好香脆，加埋滷肉飯一齊食，真係好吸引。牛肉麵嘅面汁同湯底都幾出色，麵質幾有咬口，牛肉亦都有四大篇，抵食！食台灣菜絕對唔少得台灣小食，佢個椒鹽豆腐外脆內軟，絕對無形容錯！香酥雞都超好食！依家要搵到間性價比高嘅台式餐廳，仲要喺銅鑼灣，呢間絕對係唔錯嘅選擇！

銅鑼灣就出名多野食，最近仲開左好多台式飲品店！而呢次我去銅鑼灣就食台灣野啦呢一間叫古早味台灣原味既餐廳，都有好多台式既食物選擇，尤其係小食同甜品方面相當吸引我！！呢個係古早味牛三寶麵，份量都好多下，而個湯底都ok濃味，適合share食。牛肉肉質不錯，入口的感覺幾好，而且仲有少量配菜，成個麵食落都唔太油膩，幾健康咁另外叫左一個養生雞湯（二人份量），幾足料，大約有三碗。飲落有藥膳的味道，仲有足夠既雞肉，係非常飽肚，飲落都幾養生咁，而且係相當開胃的！飲品方面就叫左一杯鳳梨綠茶，16元，相當抵飲，唔太甜，唔錯最後就係我最期待既綜合手工芋圓啦！！入面有三色芋圓，仙草，珍珠，紅豆，綠豆，真係一次過滿足幾個願望！份量很多，而且芋圓都幾大粒，可以係話相當滿足！！總括黎講，呢間餐廳係食得幾飽的，而且感覺上都比較健康

與朋來到短聚午餐, 餐廳環境舒適，被安排梳化位置。午飯時段食客雖多，但點餐及上餐效率都好快。凍紅豆奶茶： 奶與茶的份量調較得恰到好處，伴著粒粒帶甜的紅豆，口感不錯。降脂桂花國寶茶：用微火燙著的桂花茶，淡淡清香，少少甜，和暖的一口一口嚐著，很典雅的感覺！養生雞湯(2人份) : 足本的靚湯，陣陣養生藥材味道，紅棗杞子雞，補血益氣。九層塔手抓餅：酥脆餅皮，搭配香氣十足的九層塔，豐富香酥的層次，美味一吃上癮！鹽酥豆腐：炸成金黃酥脆，外脆內軟的豆腐非常滑流，面層的鹽酥咸令豆味顯得更突出。醉雞卷：賣相已加分的醉雞，酒味香醇，連雞皮一併食都不肥膩，帶有微甜的杞子更是錦上添花。

我同男朋友都好中意食台灣菜 成日周圍發掘台灣美食。 今日出左銅鑼灣 比我地發現原來銅鑼灣有開性價比高既餐廳。 我地首先叫左 佢個湯底真係好正 有點古早藥材味道，感覺好似有保身子作用咁😂😂好好飲， d牛肉都幾入味同軟身之後我地有嗌 雞肉係肉絲 上面有d配料咁，而重點係佢個油飯 撈埋一齊食 味道一流我地仲嗌左個小食 熱辣辣又新鮮 呢個係絕對有驚喜既 最後當然唔小得用甜品做總結。