古今

營業中

休息中

上網成日見到古今d壽司好吸引，今日終於一試極. 煙花卷，有辣味拖羅，/ 辣味三文魚及脆片，面層的刺身多到快要倒下來外，其實壽司飯卷著的全是刺身，其實沒有太大辣味，面層加了少許脆片令整體更有口感，一客八件，一個人吃也沒有問題壽司薄餅，有三款口味，我們的是鰻魚Pizza，這裡的薄餅是炸飯底，好特別！已壓平的炸飯如薯餅，入口不會太膩，每一啖都食到鰻魚這裡的沙律有五款，地中海沙律是有魷魚/ 蝦及沙律，醬汁是芝麻醬，芝麻醬拌什麼都很好吃最後唔夠喉，點了幾款串燒，一口牛/ 帶子串燒，帶子圓碌碌，一口牛有4-5件，兩者只加上少許黑椒作調味燒牛油果好特別，外層燒到熱呼呼帶點脆地方好闊落，下次可以再跟朋友一起來

今日同朋友去咗古今到食，我地三個人嗌左唔少野，但每樣野都唔錯幾好食。 我哋嗌咗雞軟骨三串，雞軟骨剛剛炸起好好食芝士年糕就同平時食開嘅差唔多，不過都好食嘅。然後我地嗌左三文魚魚腩甜蝦嘅刺身，三文魚腩好肥美，兩樣都好新鮮卷物我哋嗌左辣妹同極金龍，辣妹係辣吞拿魚、炸蝦同埋芝士。我地都覺得好食同埋上面啲脆脆幾夾，有畫龍點睛嘅作用，所以唔經唔覺就食曬。 而極金龍就有三文魚、芝士同炸珍寶蝦，感覺上比較滯，不過都好食嘅我哋仲有叫古今冷麵，同平時嘅五色冷麵差不多，不過佢係用冷麵汁唔係芝麻醬，所以無咁膩。最後埋單每人200幾蚊，都抵食嘅

朋友話銅鑼灣附近開咗間日本餐廳，好想去試下，咁岩又夾到時間，所以決定去試下。餐廳位於銅鑼灣澳門逸園中心21樓，由銅鑼灣地鐵站行過去都係幾分鐘。餐廳裝修好有日本風格，而且環境開陽。開放式廚房，感覺非常乾淨。餐具亦非常精緻。菜式選擇相當之多，尤其以卷物賣相非常特別。龍捲風沙律，有脆片、蟹子、大量蟹柳絲以及新鮮翠綠嘅蔬菜，加上酸酸甜甜嘅醬汁，十分開胃。日和安格斯牛柳粒，牛柳粒嘅大細剛剛好一口一粒，而且燒嘅火候恰到好處，咬落肉嫩多汁。極．煙花賣相非常吸引嘅卷物，辣味三文魚加上辣味拖羅，辣辣地非常野味。九州䐁肉海鮮韭菜鍋，上枱後店員幫忙細心料理，大量嘅韭菜佈滿整個鍋，加上大量不同種類嘅海鮮以及九州豚肉，湯底非常清甜，餃子皮吸收左湯嘅精華之後非常美味。餐廳店員服務態度一流，細心為客人介紹每種菜式，而且價錢合理。

今日同2個好姐妹飯聚，當然要揀間好的餐廳，之前有朋友介紹話好食，就決定呢間門面裝修感覺是非常高級的日本料理但是店舖有優惠的推廣，平民之餘又可享受高質食品店內環境舒適裝修充滿日式風格光猛且空間感大與朋友 餐具也精緻先來一個沙律呢，用料豐富龍卷風沙律$72材料有生菜、蟹柳、海藻及脆片，簡單材料配上特製醬汁，已經很惹味啦材料非常新鮮呢芝士魚餅$75外層是炸過的魚餅，哎落中間會食了一块半溶的芝士，魚餅非常彈牙呢，又有魚味，配上濃郁芝士香口感一流倫敦橋$138用上海膽、炸帶子、三文魚、青瓜及脆片淨係個新鮮海膽已經非常吸引，有8件，多人都夠分~壽司PIZZA(三文魚)$95呢個真係要推介呀，超級好食，pizza 底是壽司飯製成一個餅，好像是米餅的樣子，炸得脆脆的呢，材料是帶點鮮甜的辣味三文魚碎，再配上配料、蟹籽及燒汁，好好食呀~火炙吞拿魚$88大大片的火炙吞拿魚，入口充滿魚油香。焗蝦芝士卷$108大大隻的焗蝦，材料包括蝦肉粒、蟹柳、牛油果、青瓜等，再配上芝士同醬汁，由於有芝士味再加上醬汁，口感同層次都非常豐富呢。朋友喜歡吃酸姜片，職員樂意提供refill呢職員開始幫我地準備個shabu shabu

銅鑼灣是有好多好味的日本餐廳，今晚同朋友又想食日本野，就揀咗呢間係澳門逸園中心的古今Premium,地點方便易搵。餐廳位於21樓，環境寬敞，座落坐得舒適，是聊天聚會的好地方。【龍卷風沙律 - $72】菜如其名，個擺設已經似龍卷風咁大份，伴有沙律醬，燒沙，蟹柳絲，蟹籽等，生菜好新鮮爽脆，咬落清甜。【串燒 一口牛 - $28, 雞中翼 - $32, 帶子 - $46】帶子好嫩滑，燒得剛熟，好鮮甜。雞翼皮脆肉滑，咬落煙韌美味。一口牛肉質有咬感，牛肉味重。【紫菜魷魚 -$58】用上薄薄的炸粉包住魷魚料再炸熟，香脆美味，食落有好香的紫菜味，魷魚粒肉質鮮甜嫩滑，好爽口。【極．煙花 -$135】好有特式的卷物，又有創意，有辣味拖羅，辣味三文魚，脆片，飯粒軟淋香甜，拖羅同三文魚肉質好嫩滑入味，口感好豐腴，咬落富有層次感。【鰻魚Pizza -$125】是用炸飯底，炸粉都係好薄的，咬落好香脆，燒汁惹味，鰻魚肉淋身入味，一齊食味道好夾。【古今冷麵 -$138】天氣熱，好想食下冷麵，份量好足，有雞蛋絲，叉燒絲，蟹柳絲，青瓜絲等，麵質煙韌爽滑，冷麵汁好清甜呀。

早前聽朋友去過幾好食，今次一於約埋朋友去試試。地理位置真係好好，係銅鑼灣好易搵到，而且仲可以行完街就去食野!餐廳裝潢簡約舒適，感覺好寬敞，唔會太嘈，好岩同朋友傾計或者約會~入到去仲見到有房係可以訂，私隱度高，如果幾個朋友約埋慶祝咁，呢度都係好好的選擇。我同朋友3個人黎食，可以試到唔少菜式~睇個MENU呢度都真係幾多選擇.....而且有D個名仲好得意，好有創意，令人忍唔住想試啊haha唔講咁多，先介紹左重點.....食物!我地比較大食...今次足足叫左6樣野食!真係樣樣都好有驚喜~* 龍卷風沙律   $72對於我呢D鐘意食菜GEI人黎講，見到沙律當然一定會叫黎試啦!!!健康有益ma~呢個沙律真係份量比想像中大，入面包括蟹柳絲、海藻、蟹籽，D生菜非常新鮮，而且非常足料，食落係啖啖都有蟹柳絲，呢個筆者推薦啊!* 芝士魚餅  $75筆者係十級芝士迷.....見到呢個即刻要叫啦當然!就咁睇個樣可能唔覺得好吸引....睇落以為係炸gei~點知食落真係.....一D都唔油，佢D芝士係超多，而且又香又濃，仲要食完都唔覺得好"漏".......真係想再食!我同朋友都讚不絕口，鐘意芝士的話絕對要試啊呢個.

昨晚同朋友一齊去吃晚飯，見呢間日本壽司店有優惠，於是去試一試。雖然我地想坐卡位，但食店訂座已滿所以要坐bar枱。我地先點了沙律同壽司，接著再點了酒煮蜆，一口牛，天婦羅，魚干。呢餐食物新鮮，非常好味。壽司師傅好好人，仲提議我地點個‘極黑龍’加芝士會更好味。工作人員雖然經驗比較輕，但態度非常好。呢間值得再次去吃。

👫上次食完觀塘古今二餐廳一直都念念不忘，好掛住卷物😳 見銅鑼灣開咗分店，緊係要嚟回味一下❤️ 日式和風設計裝潢，以淺色為主，柔和舒適😚 一坐低就有熱茶飲，係用綠茶茶粉沖🍵一一一一一一一一一一一一一一🔻#古今二午膳▫️#特級海鮮刺身盛宴飯 <$178>·北海道海膽·三文魚·三文魚籽·呑拿魚赤身·劍魚腩·八爪魚·帆立貝·玉子八款刺身，夠曬足料，款款新鮮😆雖然我唔食海膽，但朋友話海膽好新鮮，完全唔腥🤯三文魚籽粒粒飽滿，鮮味飽滿✨劍魚腩口感好得意，唔似平時食開嘅刺身咁稔，比較爽口👐🏻最有驚喜係八爪魚，口感彈牙又好味🐙而且呢個價錢可以食到咁多款式，又夠曬新鮮嘅刺身飯，真心物超所值👍🏻.🔻#刺身▫️#呑拿魚拖羅 <$140>每塊呑拿魚都係厚切，好肥美好滿足❤️一食落口就有好香嘅吞拿魚味🖖🏻油脂分佈平均，唔算好肥👅入口即溶嘅口感超正，完全無筋👍🏻.🔻#卷物▫️#極紅龍 <$150>·呑拿魚·炸珍寶虎蝦·芝士排頭位嘅巨型蝦頭加埋具有特色嘅卷物好吸引😍從蝦頭size都大約估到隻蝦真係幾巨下🦐飯比較少，包得薄身🤓成個比例好好，一食落口全部都係蝦肉😝炸粉唔厚，炸得好脆好

朋友相約於銅鑼灣吃飯,我倆小口左想右想,最後決定前往日式餐廳...這是一間帶有特色的日本料理餐廳。我同朋友都一致決定要食得健康 ，所以喺點菜方面，我哋完全冇點天婦羅，甚至任何炸物 。我哋今次只係以輕食為主， 所以都係叫左少少嘢食，因為我地仲有下一場大型gathering 會再食大餐。我哋就點咗一個燒三文魚鮫， 仲有一個安格斯牛柳粒。個人比較欣賞魚鮫， 因為佢原隻咁上 ，唔會好似其他鋪頭咁一隻分開幾份， 冇啲誠意。另外牛柳粒都值得推薦，煮得唔錯，真係一口一粒同埋好香牛味。完全唔似冰鮮貨！最後我覺得餐廳服務好，舖頭地方細細，但係員工多，而且佢地好細心！所以下次都會再嚟食！

是夜下班又來銅鑼灣揾食，找到在觀塘起家的古今進軍到此競爭激烈的逸園中心，決定一試。這裏環境光猛，座位寬敞，十分舒適。先來小食轟天雷，其實是炸南瓜魚餅。吃下香口爽牙，又不太油膩，且魚香十足。串燒類同樣出色，只簡單以鹽和黑椒調味。帶子和雞翼表面香脆，肉質保持鮮嫩，火侯剛好。創作卷物是古今的招牌菜。極·煙花以反卷形式包起三文魚，再加上拖羅、脆片和魚子。魚生經調味微辣，加上香脆鹹鮮魚子，十分惹味。冷麵其貌不揚，吃下充滿驚喜。麵條煙韌，蛋香十足，配上微甜醬油和清爽配料，十分開胃。

古今二里間壽司店，由觀塘店食到而家到銅鑼灣店，水準依然保持得好好，而新開里間，環境好舒服，服務好好，仲有個幾好樣既waiter ，會介紹下你點既菜裡面有d咩材料的，座位編排一點都唔迫，有兩間小房，應該要提早book,而且冷氣好夠涼（否則大熱天時好難頂)🤣食物質數相當不錯，卷物除了多完化，當中配搭既材料都好match , 有創意既同時都有顧及味道，材料新鮮，分量好足，抵讚！我地一行7人，一打開menu 真係想全部卷物都落一個order，計計下10幾款，我地要食百幾件壽司，好似有點過份🤣🤣最後都揀左大家最想食既幾款來試，再加d小食！本人覺得最amazing 既係壽司pizza, 個底係炸壽司飯，配上鰻魚，真係堅正！黎到真係要試一次，因為係出面日本壽司店係好少機會食到！唯一唔好係太少lift , 大廈食肆多，等lift 等好內，餐廳門口等位或等lift 有點焗，整體都好好，會再黎食，實在仲有好款卷物未試，好想試，以後食壽司又多一個選擇啦！👏🏻👏🏻

係Sogo逼到斷氣之後，去了隔壁的日本料理休息兼食飯。 龍捲風沙律好大一盤，由蟹子、蟹棒絲、雜菜、海草……堆砌而成。 好爽口，微酸夠開胃。芝士魚餅口感煙煙韌韌芝士味好香，很不錯的小吃! 串燒燒雞翼好鬼惹味，唔乾皮帶脆燒帶子有咬勁，越咬越出味一口牛燒得好腍，好juicy主食我們點了幾款壽司卷我最喜歡名為《蜘蛛》的一款應該是因為包著軟殼蟹腳，外觀看上去似蜘蛛，而得名蜘蛛內有軟殼蟹，很酥脆香口蟹子稍調味牛油果令味道更清新整體味道好吃shopping day還真夠累，幸而餐廳坐得舒服，位與位之間夠寬敞，環境實而不誇。 食物味道不錯，有巧妙變化，看得出花過心思

辛苦完一星期，梗係要happy Friday 去左日本fusion 餐廳食，一早六點上去避下人群，成座都係食堂，好多選擇金次去古今premium ，吾知同尖咀間係咪同一個集團呢間新開既，都可以一試，可惜卷物兩個人太飽食吾到，不過有啲似怪獸壽司同，數字（執晒）黑夜壽司果種卷物做法。

星期天是難得的假期，呆在家中實在太浪費了！因此，我與朋友相約到銅鑼灣逛逛，並享用日式料理。在朋友的推薦及帶領下，我們來到這家主打創意手卷的餐廳。這家的手卷都冠上了動人的名字。紅粉佳人是輕抺胭脂的美人嗎？品嚐火山又是否能夠感受到火山爆發的震撼？火山主要材料是帶子、蟹柳、牛油果及青瓜。手卷堆疊成火山的形狀，裡頭有着吃不完的蟹柳絲，有很澎湃的感覺。火山最使人難忘的是它豐富的口感。牛油果的綿密、青瓜的清爽及帶子的彈性使火山變得更令人動容。紅粉佳人是加上了吞拿魚腩的三文魚蟹柳手卷。粉紅色為主色調的手卷看起來十分可愛。而味道方面，魚肉算是很鮮美。本來以為蟹柳跟魚生配搭起來會有點怪，但原來蟹柳是很百搭的食材，因此吞拿魚、三文魚及蟹柳三種食材的味道、口感出奇地匹配。整體來說，我對這餐廳十分滿意。首先，我很佩服廚師的創意。廚師在食材配搭上花的心思、制定菜名上下的苦功使我給了這餐廳很好的第一印象。接著，這幅「火山下的美人」的擺盤很精緻，視覺上使人十分滿意。最後，亦是都重要的一點；手卷的味道及口感層次上配搭得宜，味覺上同樣教人滿意。

上週來過澳門逸園中心吃飯，無意中在電梯中看到古今Premium 這家店的名字，八掛在OPENRICE 查了一下，看到他們的菜式蠻特別，於是訂了今天來試一試進去這家店的第一感覺是 ”家的感覺”🏠～　裝潢以淺木色為主配上柔和的燈光，感覺很舒服自在！還設有bar枱，可以跟朋友摸著酒杯傾傾心事，感覺很棒！餐牌有很多選擇，有串燒、刺身、壽司，當中以卷物為主打，有很多不同的款式， 實在很難選擇，於是我們請店員推介一下^^龍捲風沙律看到這名字，腦海一直盤旋著周杰倫那首歌曲🙈這沙律賣相真像龍捲風，一層捲著一層，很特別！但它的份量並不是「一陣風」，份量蠻多的！材料以蟹柳、沙律菜、海藻為主，醬汁偏酸，我喜歡💕 蟹柳很多，配上海藻別有一番風味，十分意外串燒 點了三款串燒，雞奕、帶子及一口牛！串燒上都灑了黑椒，好香！一口牛燒到半生熟，肉質鮮嫩帶子肉質爽口鮮甜雞奕燒得香脆來到古今，必定要試一下卷物，是這家店的招牌食物。今次選了極. 金龍卷、忘不了您、蜘蛛及焗蝦芝士卷。“蜘蛛”是這裡出名的卷物之一，聽到這名字很特別，原來是軟殼蟹壽司卷，以軟殼蟹、牛油果、蟹柳而成，卷上再些蟹子，再配上特制的醬汁，十分美味。極. 金