古今

營業中

休息中

今日同女朋友食飯，去左銅鑼灣一間樓上日本餐水，原來是觀塘「古今二」的分店。早早之前同女朋友食過一次，今晚再戰其分店實力。先來一枝白桃果酒。日本出產的桃味果香重，加冰比較容易入口，小酎一杯味道佳。清酒煮大蜆。蜆肉清甜爽口，入口無沙，伴上清酒汁味道是輕盈淡口的。粉紅佳人。賣相是吸引果然是主打創作壽司，吞拿魚蓉、三文魚、牛油果，大大一件份量非常足夠。魚生新鮮味道出色，豐富口感非常驚喜。老虎卷。炸蝦非常香脆香口，伴上芝士和牛油果，另一驚喜之作。

今日同老公+1位老友一齊去食一家特色日本菜我地就先叫左1份刺身1份西京燒銀雪魚1煱鹿兒島豬肉海鮮火鍋好清甜唔會太湯味道剛好D料一定夠新鮮所以咁清甜。1份好特別的鰻魚Pizza，原來個pizza底係一個炸飯底，配上鰻魚，再加上個應該係貴司秘制的醬汁(值得堆介)卷物富士山:好貼切的名稱，仲要加上白色椰絲，牛油，鰻魚，蟹柳配埋一齊真係好夾，好好食，真係1款好特色的卷物。本人推介：鰻魚Pizza(好特別，好好食)

今晚同朋友去左食日本菜，早早之前去左觀塘區食「古今二」，一試非常難忘。今日再到銅鑼灣試試新分店實力。白桃果酒。桃味濃香，一嚐味道較甜，店員細心加上冰塊好貼心溫暖。果香重，非常適合配串燒老虎卷。炸蝦、熟蝦、牛油果和芝士。賣相非常吸引，長長一條充滿霸氣。炸蝦香脆香口，加上咸香芝士味道好配合，一口一件非常滿足古今冷麵。夏天開始到食個冷麵是幸福的事。拉麵彈牙掛上冷麵汁，味道清新清香，配上各款蔬菜和肉絲，又一個滿足菜式。龍蝦沙律。龍蝦先攪拌伴牛油果食用，中間夾雜著龍蝦肉，大大件口感爽彈清新，牛油果伴碟份量適中，好開胃好滿足。

美味的日式小店小妹由細到大都已經被日式食物深深咁吸引住， 我對日本食物鐘愛既程度可以話已經到左爆登既指數。 出街10次起馬有7次都係食日本菜。 我唔敢講我係日本菜既專家， 但起馬我認為值得推介既野， 都想可以分享比其他人。晚上經過銅鑼灣sogo時收到傳單就上左嚟食餐日本菜。整體味道都唔錯，但最值得一讚就係你地嘅海膽非常鮮甜，還有個叫三文魚Pizza同火山卷物好特別，睇得之餘仲好好食。卷物賣相精美， 刺身都算新鮮， 介有我最鐘意既海膽。

今日同朋友慶祝生日飯，黎到食古今卷物。朋友好鐘意食壽司，不過食得多，我都想食下其他野，依間卷物舖就好適合啦。焗蝦芝士卷$108本身以為卷物只係會卷住咁食，你就錯啦，卷物都可以有好多做形嫁。上面係蝦，蟹柳，牛油果，芝士既餡氣，加埋醬汁，濕濕地，易入囗，又彈牙美味，青瓜卷配超爆餡，好正！火炙吞拿魚$88火炙既吞拿魚，較普通既吞拿魚賣相仲吸引。邊位燒過，然後撒左芝麻，魚味唔算好濃，加啲芥末就更好。轟天雷$68第一次食依種配搭，係魚同南瓜既炸餅。魚同南瓜好似九五搭八，但食落其實又幾得意，彈牙又粉糯咁。

位於銅鑼灣的古今Premium，是一間主打卷物的日式餐廳。這間已經是古今的第三間分店，能以卷物打響名堂，想必是非常美味哦。極金龍卷$128餐廳主打卷物，當然要品嚐一條吧。超長一條金龍卷，以珍寶虎蝦，三文魚，芝士組成，上層放上滑嫩肥美的三文魚，用小顆芝士點綴，天婦羅虎蝦彈牙，一共八件，若調味重一點就更好啦。吞拿魚拖羅刺身$240很喜歡吃拖羅阿，被脂肪包圍的拖羅，快要變成粉色啦。拖羅共五片，魚肉幼軟肥美哦。牛肉壽喜燒$218向來喜歡吃壽喜燒，那甜滋滋的味道，令女孩子和小朋友一吃愛上阿。非常豐富的壽司燒，有牛肉，洋蔥，粉絲，豆腐，椰菜，香蔥，雞蛋。超多牛肉片，每片肉質嫩滑軟熟，牛味濃香，肉汁滲出，是高質牛哦。粉絲吸收壽喜燒的湯汁，甜蜜蜜的，太好吃啦。

今日就去左sogo旁的澳門逸園中心21樓食過Lunch喜歡食刺身的我，就叫左個Lunch Set刺身丼。刺身真係最重要新鮮，咩都係假。呢個刺身丼整體系列都食到係好鮮甜，值得一讚。飯就偏甜了一點點，海膽如果能更多就好，個海膽真係無得頂。卷物， 3個詞語形容， 創新， 大膽， 美味。 唔講太多啦。 自己試下。真心推介 ,真係要介紹d朋友黎試下 ,係銅鑼灣可以享受咁有水準既食物， 真係冇得彈，我份人就貪心d, 希望份量可以再多d就好。

今日同幾位同事係附近食新開日本菜試新嘢。我地5個人就叫左以下食物鰻魚三食：鰻魚配個醬汁送飯一流古今刺身丼：吞拿魚同海膽都好鮮甜，完全唔會腥。二款卷物（火山/煙花)拼地雞湯烏冬二款卷物(富士山/焗蝦芝士)拼三點刺身忘不了你(推介卷物)卷物印象最令我地深刻，好特別，無論賣相同入口都令人回味同吸引，下次一定會再嚟嘗試其他特色卷物。

- amazingly fresh sushi - the salmon sashimi just melted in the mouth  - and the rolls were awesome- the scallop yakitori was so favourable. - the best was the red dragon roll - very fresh and authentic Japanese food-  new Japanese style décor- conveniently located next to Sogo- very reasonably priced 

朋友今次帶我去了間新裝修嘅日式Fusion餐廳，門面個種好Raw 嘅感覺同店內完全係第二種感覺！內裡地方闊落，有刺身吧枱位置座位，亦有客房座位同一般枱椅座位，食物種類選擇多，今晚就點了啲比較特色嘅食物龍卷風沙律$72，平時食日式沙律都係蟹籽或者中華沙律等，師傅先好有心機將蟹柳撕成蟹柳絲，再鋪成一個旋風形狀，上面放了蟹籽同玉子碎，食完了上半部一望重有開胃爽口嘅海草昆布，上面鮮甜下面開胃，個然有創意將兩種沒有特色嘅沙律變成另一個買相同二合一口味夠晒清新特別！而另一個就當然嘅愛吃肉嘅首選，日和安格斯牛肉粒$98，呢個師傅真係燒得啱啱好，能保持到肉質嫩滑軟熟，入口時牛肉入嘅肉汁只有在口中流出嘅感覺，而且個牛肉味好香，略嫌份量較少，不過始終係質素同價錢係一個正比，如果多啲又唔止呢個價！如果想吃真係叫多份！而今次點了個火鍋主食，鹿兒島豬肉海鮮火鍋$208，落單前店員問了句喜歡吃韭菜嘅提示，多口再問，完來呢個鍋會用上大量嘅韭菜，本身唔抗拒，同埋夠晒纖維，一盆放在爐上滾，而韭菜上就有薄薄嘅雲吞皮，全部蓋住了個豬肉，同埋啲海鮮，當一滾店員就幫忙按抵啲韭菜同雲吞皮在湯中浸泡，而呢個時候就見到肥味嘅豬肉片，

香港真係一個美食天堂想食乜都有，只要上網找一找就可以知道边度有得食真方便，啱晒一班為食人品嚐真有口福，對我而言食乜都冇所謂，未食過當然要去，就算食過煮法都未必會一樣，又會食到另一番味道，就係上星期又去咗食日本料理，唔知食落有冇驚喜，料理店係銅鑼灣軒尼詩道 sogo 旁邊，相當易搵。至於菜式種類都有好多選擇，當然唔少得有美酒提供，我地就點了幾款不同口味品嚐，先食番個開胃小食龍卷風沙律 $72，分別有美國生菜、蟹柳、海藻、脆片，食落清新開胃，加上蟹籽食落口感更鮮甜。再來係串燒有雞中翼 $32 同埋帶子 $46，入口表面香脆內裏香嫩多汁，串燒本身燒得好入味加上黑椒食落口感更滋味。到另一款係特色卷物極．煙花 $135，食材有辣味拖羅，辣味三文魚，脆片，真係未食過呢種配搭唔知味道又如何，卷物表面有辣味拖羅同脆片，裏面係辣味三文魚，先食一件入口食到啖啖香滑拖羅肉質香濃，而三文魚肉質細膩鮮甜，雖然食落有點微辣，但又真係幾好味正。食完一輪特色美食到主食有九洲豚肉海鮮韭菜鍋 $208，食材夠晒豐富有豚肉，韭菜，豆腐，蝦，蛤，八爪魚同雲吞皮等，當然要煮一陣先可以品嚐，先飲番啖湯飲落好鮮甜，而豚肉肉質嫩滑肥

真係好耐冇食過日本嘢，要搵番日去滿足一下自己，就係早幾日去咗食日本嘢，都係順路見到又咁啱係晚飯時間，好友都話冇問題，當然我自己就最開心，而食肆位於sogo隔離相當方便坐定先睇餐牌，大致上分咗幾類有沙律，串燒，前菜，主食，刺身，壽司同特色卷物等美食，我想樣樣都食吓，不過今次人少D唯有食住幾款特色美食先，先來有串燒帶子同雞中翼，帶子肉質豐滿，食落鮮甜多汁口感十足，雞中翼亦燒得表面金黃香脆，入口雞肉香嫩之餘，落埋幾滴檸檬汁食更惹味再來有特色卷物焗卷系列火山，賣相幾得意真係有火燒過而且仲似一座山有心思，材料分別有帶子，蟹柳，牛油果同青瓜，卷物食落每啖都好飽滿用料足到另一款係前菜安格斯牛柳粒，牛柳粒肉質夠嫩滑，入口肥美香甜又多汁仲啖啖肉食得好滋味食完一輪美味食物，到主食點咗泡菜鰻魚炒飯，未食已聞到濃郁炒飯味道，除咗食到香辣泡菜外，鰻魚肉食落鮮甜香滑，又估唔到一齊食咁搭，真係一個唔錯選擇享受過程特別快又品嚐一餐日式風味美食。

睇到古今分店新開左係銅鑼灣，以後唔洗特登出九龍食了。今次就點左3款卷物同d小食先點我最鍾意食嘅火山卷物：卷物中嘅帶子，蟹柳，牛油果再加上特別醬汁，再用火燒一燒，味道依然無變，都係咁好食。另外就叫多個叫極.煙花 餐單註明（辣味拖羅，辣味三文魚，脆片)呢個都好好味，加左d脆片個口感好特別又好味。還有1款叫午夜牛郎餐單註明（三文魚，芝士，牛油果)個壽司個飯原來係炸個嚟，好脆口，加埋個芝士係面好夾好開胃，食唔停。

星期日同女友行完sogo ，又係時候食好西正當係度諗緊食咩既時候，有個爆炸頭哥哥派左張傳單黎創意卷物、壽司、拉麵、刺身聽到我心郁郁好！ 一於上去試下先(近sogo 正門巴士站傍有個細細門口)上到21樓，𨋢門一開，就見到好日式居酒屋咁既裝潢店內一點不馬虎，餐具擺設精美之後點餐，由於女友不吃魚生，店員細心推介了兩款創意卷物，龍卷風同蜘蛛，服務讚先點了個頭盤：蟹肉沙律滿滿的蟹肉，不是青瓜絲底，啖啖肉再來個小食：手羽餃子（釀雞翼）依個都好好食，外脆內夠juice之後就係店員推介既創意卷物:龍卷風，蜘蛛媽丫，擺盆好精美，相機食先蜘蛛: 軟殼蟹/牛油果/蟹柳，食起上黎好清新，好夾龍卷風：饅魚/芝士/脆片，芝士既配撘我都係第一次試，饅魚新鮮仲有d炭烤味，加埋上面既脆片，口感一流女友一試愛上最後小弟唔係好夠喉，叫多個火山依個真係冇得輸，簡直係世界級，一定要叫後來埋單先知道原來新開，我一定會帶埋親朋好友來試晒佢其他創意卷物

同朋友收工後經過澳門逸園樓下啲人派傳單。見到新開張，就上去同同事試下新嘢先。 頭盤就先叫左個地中海沙律，食材好新鮮，食落好開胃。之後就叫左2款特色卷物同小食。明太子雞翼都唔錯，夠脆夠夠熱。之後就到卷物，個名叫蜘蛛，個名好似好恐怖咁。原來係有d軟殼蟹d腳，牛油果，蟹柳等，唔怪得聯想到個名叫蜘蛛。個名雖然恐怖，但又真係幾好食。另一個卷物叫火山，有帶子，蟹柳，牛油果，仲有個特別醬汁，好正！好好味你地D卷物真係值得一讚，仲有好多款都仲未試，好難係香港搵到一家咁多款卷物的日本菜式。係我返工附近又多左一家好食店選擇。下次要黎試下其他款，個個款D名都好特別，期待下次再黎試