古今

營業中

休息中

去過很多日本餐廳，這一間令我覺印象深刻的是他卷物的種類很多，會以熟悉的刺身食材，組合成各式各樣的卷物。由於地點方便，這次再和朋友來吃，試了兩款古今推介：寒冰卷和牛油果天婦羅。首先要說說這個寒冰卷，店員說是即將加入菜單的菜色。寒冰卷是以青瓜片捲着三文魚子和吞拿魚的一個前菜，醬汁酸酸的，口感非常清新，而且開胃。至於牛油果天婦羅，更是讓人感覺到很驚喜。外層薄薄的脆皮，包着很creamy的牛油果，口感很豐富，不需要任何醬汁，已經很好吃，是牛油果迷必點的項目。

最愛日本野，聽過古今個名就好耐啦～今次都係第一次去佢地嘅銅鑼灣分店，佢地最出名嘅卷物一於試試佢！點左個沙律開下胃先，龍捲風沙律賣相幾吸引，以蟹柳絲圍一圈營造旋風造型，仲有啲蟹籽中華沙律等等口感幾好！卷物方面點左紅粉佳人，粉色好夢幻，入面以吞拿魚為主，再加上牛油果更加分！餐牌上有很多sushi roll, 是他們的主打菜式，我們點了火山壽司卷，壽司卷入面是炸蝦，而上面的是燒了的蟹肉再加沙律及千島醬，醬汁的配搭令我停不了口。最後加了店員推介的鰻魚飯，鰻魚表面燒得非常脆，是是日推介的餐牌，果然鰻魚肉非常新鮮，並沒有令我失望。整體價錢中下，食完飽到想嘔

今日難得有朋友早放陪我食早飯， 又係銅鑼灣地帶，古今Premium 位於Sogo隔離， 極之方便。古今Premium 係一間小型精品日式餐廳， 裝修簡約雅緻， 6點入到黎只得一檯食客， 6:30 已經差唔多坐滿人, 估唔到有咁多人同我一樣咁癲…….鍾意食早飯。古今Premium 吸引之處係佢哋嘅食物比較新穎 eg 用壽司飯製成嘅龍蝦肉pizza, 火山壽司等。其他食物大致同一般日式餐廳差唔多， 刺身、串燒、鍋物及壽司等等，價錢大眾化，今晚我地食最BASIC 又飽肚的當然唔少得燒酒及非酒精飲品柚子香桃梳打 ($48)冰涼爽喉的梳打特飲，唔太甜，熱氣全消。炸軟殼蟹卷 ($138)店員話新出品, 連餐牌都未有咁話, 問我地有無興趣食, OF COURSE 啦。很有排長，共有八粒軟殼蟹卷， 色相唔錯， 紅紅綠綠極colorful。食味都正, 壽司卷材料非常豐富， 由上層起; 厚切熟蝦肉、牛油果、 壽司飯、 紫菜、 軟殼蟹及蟹柳，再揤上沙律醬及鰻魚汁。軟殼蟹大大舊， 炸得乾身脆口， 牛油果油滑，飯糰粒粒煙韌圓潤, 再拈幾滴芥茉豉油，一口一件， 口感同味道都非常豐富，好味又飽肚日式燒原條墨魚 ($

銅鑼灣好多日式放題，居酒屋，但朋友豬淨係想食壽司，想食有的質素既壽司，就亂撞甘衝左上去。座位唔算寛敞，面有2間可以坐10人左右的vip房。一坐低我地就叫壽司。吞拿魚拖羅，入口飽滿軟腍還有的即溶的感覺（我都食過一入口即溶既拖羅，仲要係香港），魚油都夠的，是好品質。跟住油甘魚好味，腍綿既。三文魚腩就一般貨仔，我嫌佢唔夠肥。八爪魚壽司，呢個叫做好味品質好，因為出面其他店的有如鹹水擦紙膠。特別要提係鐵火卷，出面既不論色澤，香味，口感都係超水準，絕對跟日本當地食有過之而無不及，唯獨是紫菜腍左，應該係用料問題，希望可改善。另外叫左個古今冷麵同烏冬，總括而言值得再次光顧。提議: 軍艦用紫菜用料。不同魚用豉油應該多款選擇。

新年假期，藉着和家人一起放假，在銅鑼灣逛完街，便在附近找東西吃。之前因為和朋友慶祝生日，來這裏吃過，覺得有很多不一樣的卷物，不但味道好，價錢又不算太貴，所以一直想找機會在吃。家人很喜歡這裏的設計，簡約。而且桌與桌之間保留一定的空間，令客人吃飯時都能暢所欲言，感覺很舒服。首先，我們叫了一個鹽燒油甘魚鮫，是在其他餐廳比較少見的。魚邊及魚骨的部份燒得很香，魚肉亦不會讓人有一種油膩的感覺，很好吃。另外，我們還叫了一個火山，不知是否醬汁的關係，吃下時有點微辣的感覺，蠻特別的。最後，我們點了一個較常見的牛肉壽喜燒，店員會協助烹調，牛肉很香，但價錢較貴。

食物還可以，但有一個非常差的女服務員。她的態度和脾氣極差。當她幫我們埋單時，我們告訴她有兩個劍魚壽司和兩個油甘魚壽司還沒有來。她否認並說所有的壽司已經齊。幸運的是，我們有為食物拍照片。她以極差的態度並大聲的否認，說我們問錯了，沒來的四個是拖羅壽司不是油甘或劍魚（查看什麼漏了不是她的責任？還怪我們問錯？）。我們想要取消訂單，因為我們已經吃完了很久。然後她又大聲地說不能，因為廚師已經切了拖羅（咁似啲呃人中藥舖？）。最後，她掉咗張單落枱面（係掉，用力掉）。她收咗卡後，無拎返俾我哋，而係離開埋間舖。我們要搵另一位侍應拎返張卡。我想講，漏單並不是什麼大不了的事。但當我地話食物唔齊果時，佢唔係應該幫我哋check? 仲死口唔認，話已黎齊。（好彩我哋有影相，否則我哋要俾多咗幾百蚊買四舊無黎的拖羅壽司）她的態度確實非常“驚人”。甚至不承認漏單（所有壽司訂單在開始時一齊落，其他食物都到晒仲食埋，唯獨果四件食完晒都未到）。佢永遠不認錯，並責怪客戶甚至對我們又黑面又大聲悔氣哋同我哋講野。我以後都不會去呢間舖，雖其他侍應很好，食物還可以。用餐體驗非常糟糕，我絕對不會推薦給其他人。

情人好鍾意窗明几淨的環境進餐，新派和風料理就最合心意。位於銅鑼灣鬧市心臟的食廈21樓，窗外是喧囂的車水馬龍，窗內是琳瑯滿目、巧盡心思的美饌，份外超凡脫俗，不期然眼前的情人也增添幾分仙氣。極黑龍卷：是鰻魚鋪在飯團上，內裏包著香脆炸蟹柳，鮮甜蘆筍同新鮮牛油果，再細心切件，有氣勢又有驚喜。三文魚PIZZA：設計新穎，PIZZA底是脆脆蝦多士餅，PIZZA面是鋪滿鮮味十足的三文魚，顛覆了傳統的薄餅配搭，大廚叻！醬燒牛肋骨肉、汁燒豬頸肉串燒：真是串燒不可賣相，火喉對、食材正，個人強烈推介要點串燒，豬頸肉爽口，牛肋骨肉鬆化嫩滑，不靭不膩。日式燒原條墨魚：有水準，啖啖肉，最啱我這個墨魚痴。九州豚肉海鮮韮菜鍋，用料新鮮多樣，包括有韮菜、鮮蝦、蜆肉、青口、豚肉,、滑豆腐和紹菜，湯底鮮甜味美，加上七味粉又是另一個層次。吞拿魚冰卷：這個飯卷真用心，有青瓜、吞拿魚、牛油果、配搭清新，口感不錯。

樓上鋪既 lunch set 價位比較平，環境好舒服，有房，簡單乾淨。$88 有個三文魚定食，再叫左個火山卷物。内容係燒雞塊，沙律，湯，飯，三文魚。湯係我飲過既麵豉湯之中，數一數二咸的了飲左一口就放棄左了。火山卷物好快就上菜，個樣唔錯，味道還 ok 之後等左好耐先有三文魚 set 到，三文魚都有 d 凍，雞塊又凍，好難食。三文魚無煎到金黃色，好似無經過煎/燒，有 dd 似係叮熱左少少就上菜咁，乾+硬飯亦係凍，成個定食等左咁耐，結果全部凍曬，好似做完放到凍曬先上菜咁只能講，無下次了。

新春期間差不多日日都食中菜, 今日選擇轉轉口味食日本菜！我覺得日本菜選擇多之餘, 又清新可口, 很適合我嘅口味！今日我同友人選了位於銅鑼灣的澳門逸園中心21樓的古今Premium食日本菜！首先叫了個吞拿魚冰卷~用青瓜包住鲜甜的吞拿魚, 卷上放上新鮮的牛油果, 是完美的配搭, 口味一新！接着有串燒~醬燒牛肋骨肉同汁燒豬頸肉~豬頸肉爽口带汁, 牛肋骨肉口感鬆化嫩滑, 豐腴鮮美！佐酒小食有日式燒原條墨魚~鮮香味美, 是充滿日本風情的佐酒小食！卷物有極黑龍卷~內裏包著香脆炸蟹柳, 鮮甜蘆筍同新鮮牛油果, 飯上放上多汁軟綿鰻魚, 多重口感！主食有三文魚PIZZA同九州豚肉海鮮菲菜鍋~三文魚PIZZA用料超多, 上層鋪滿鮮味十足三文魚, 下層有脆脆蝦餅, 口感非常豐富！九州豚肉海鮮韮菜鍋, 材料新鮮多元化:有韮菜, 鮮蝦, 蜆, 青口, 豚肉, 豆腐同紹菜用以炮製出一鍋鮮甜之極的海鮮鍋！湯底清甜充滿海鮮味道！今晚我們品嘗到最細腻真摰的日式料理味道, 令我們再三回味！

朋友約我吃日本菜, 今次約的是我較少吃的新派日本菜, 不過朋友說試過味道合格才敢邀請我來. 環境是居酒屋的一般格局, 枱與枱之間不會太擠逼, 坐得舒服. 這天只有2人, 坐吧枱感覺更好. 非常抵吃的2人刺身拼盤, 一盤已有吞拿魚, 三文魚,  帶子, 海膽. 以價格來說, 質素相當不錯, 鮮味足夠. 吃過刺身拼盤後點了2,3款喜愛的串燒. 燒白蟮,燒得皮脆肉爽,  牛肋骨肉的素材及火候均有一定水準. 不錯. 雞肉燒得剛好, 白蔥則略嫌稍欠火候. 來到新派日本菜, 創意卷物是非點不可. 蜘蛛用上的材料有軟殼蟹, 蟹柳, 青瓜, 牛油果. 軟殼蟹配牛油果這個組合意想不到地配合, 增加了卷物的豐盛感覺. 朋友之前來過, 點了這個我平常一定不會點的龍蝦壽司薄餅. 看樣子, 組合有點古怪, 熱脆的底加上冷的材料, 一定不好吃. 吃一口的感覺則令我大有驚喜, 上冷下熱的配搭意外地配搭得上. 底層其實是炸脆的飯底, 雖然底層是炸飯, 但整個配搭吃起來清爽, 最頂的三文魚子帶的絲絲咸鮮十分配合. 日本菜一年吃的次數已多到數不完, 但壽喜燒好像有2,3年沒吃過. 壽喜燒用上味醂, 砂糖, 醬油煮成, 味

今日同朋友去左銅鑼灣食一間出名roll的日本料理，都真係相當唔錯。我地3個人叫左倫敦橋、紅粉佳人、彩虹卷、櫻花卷四款roll同埋一份日式牛肉野菜炒飯。倫敦橋其實係包住海膽、炸帶子、三文魚、青瓜、脆片，基本上係夾得非常好，係食到停唔到口，炸帶子同脆片令到個roll好有口感，再配合海膽同三文魚嘅鮮味，個感覺係好fresh。而紅粉佳人係包住吞拿魚、三文魚、蟹柳同牛油果。面頭嘅三文魚子令到成個roll好有口感，二三文魚同吞拿魚都係新鮮嘅，所以個Texture都係非常好。相比之下，彩虹卷同櫻花卷就比較普通，但我覺得都係比出面的餐廳好食啲嘅。至於個炒飯就真係麻麻地，一來唔係好熱，二來亦都唔係好惹味，冇乜鑊氣。

每一種巻物都好好食！地方唔係好大但係都好有日本feel，重點係佢有個別小房可以少聚餐！佢仲有好多款清酒飲添！好想下次再嚟試埋其他卷物！佢個火山卷物真心可以encore，暖暖的，冬天食好好味！二另外嗰個倫敦橋，香脆可口，又有好多海膽正呀！冇腥味！下次要試佢啲陀螺質素！

依晚係朋友同我補食生日飯，所以話帶我食間特別啲既日本野，事前我都好期待~古今位於喺銅鑼灣sogo隔離幢大厦，好容易就搵到位置。而店舖既裝潢都係好日本居酒屋feel二人前刺身拼盤包括有海膽、赤身呑拿魚、三文魚、帶子刺身都好新鮮，特別係赤身呑拿魚同海膽，海膽好鮮味，一入口就全口都係海膽香，正！紅粉佳人依個係依度既創意壽司卷嚟，賣相好靚好精緻。而入面包住咗呑拿魚腩、三文魚、蟹柳同牛油果。味道都唔錯，四款配料放入口都好夾，牛油果令成件事好清新，同埋夾起唔會散開曬都好加分哈哈。鹽燒白鱔京蔥之前好少食魚類既串燒，依個白鱔表面燒得好香口，咬開入面就好滑嫩，有少少鹽調味令魚肉更鮮味，好好食！醬燒牛肋骨肉朋友大讚依個呀~因爲佢燒得好好，鎖死曬肉汁喺牛肉入面，一咬就feel到好多肉汁流出嚟，出色！食完依餐同朋友都話覺得好滿足，而且價錢合理地點又方便，之後一定會再嚟食~

值得一讚的服務，令到我地一家享受了很好氣氛的生日飯局。(哈哈!最重要係免費做左好多唔同的驚喜!)又免費寫上happybirthday字在碟上，加埋你地張爆笑生日卡(張生日卡好有創意，好好笑。)仲免費幫我地拍左1張免費的即影即相，驚喜滿分為我家中的婆婆食到一餐開心歡喜的生日飯另外還要讚下你地d食品，有好多款創意壽司，特別係個壽司pizza，同有個叫火山的創意壽司，繼續努力，希望你地愈做愈好!下次一定會再嚟支持你地。

每次上完fitness class後都會刻意食得清淡少少，會食簡單嘅粉麵或者壽司。幾年前試過觀塘間古今二，印象係啲卷物新穎又好味，所以今晚上完堂就試附近嘅古今Premium。比起觀塘嗰間，銅鑼灣嘅古今Premium裝修都premium好多！呢間嘅光猛啲，裝修亦精緻啲。我哋叫咗一個沙津同兩份卷物。沙津試咗地中海沙津，除咗生菜，仲有蝦同八爪魚等海鮮，都幾足料，加埋芝麻醬，十分開胃！不過食到就無，先發現唔記得影相。🙈另外兩份卷物一齊上碟，擺法亦有心思。其中一份卷物係極.金龍。餡料有珍寶虎蝦，三文魚同芝士，珍寶虎蝦超大隻，成份卷物件件壽司都食到啖啖彈牙嘅蝦肉，個蝦頭仲炸到脆卜卜，好滿足！另一份卷物係青龍卷。餡料有鰻魚，蟹柳同牛油果，呢份比較普通，不過啲餡料味道好夾，較濃味嘅鰻魚配上淡味嘅牛油果味道同口感好夾。整體呢講，呢度嘅卷物既新穎又好味，雖然價錢有啲貴，不過都值得一試。