古今

營業中

休息中

同同事銅鑼灣做嘢，順便係度食埋晚餐先走，日式典雅設計，餐廳以木為設計主題，環境舒適，服務員殷勤招呼，餐廳食物名詞好特別。龍捲風沙律$82有蟹子、薯片、蟹柳絲及生菜沙律，辣味千島醬及黑醬油，食到中間有驚喜，因為有中華沙律喺入邊。金龍卷$103芝士、炸蝦及三文魚，裏面嘅蝦炸到卜卜脆而且新鮮，飯有少少醋味，上面鋪左一層三文魚及沙律醬，超好味可口。鹽燒鯖魚$82呢個真係推介，原條鯖魚好大條，而且肥美，煎完好香口仲有油脂未，送飯一流。綱燒牛舌心$68比一般牛舌更加柔嫩爽口，容易入口，味道幾好唔錯。蟹膏帶子炒飯$176除咗蟹膏之外仲有少少嘅蟹肉同埋蛋花及蔥花去炒，而且用咗珍珠米，香口好味。整體而言非常之唔錯，一路坐見到有唔少客人都book咗位，超級full，食物用心製作，但特別要讚下係職員，除咗搞笑仲好用心服務，係一個非常之好嘅體驗。

之前朋友都介紹過古今，今日終於有得食啦，呢到好多款卷物，花多眼亂，款款都好特別，好想試哂。胡麻豆腐沙律 $82沙律菜爽口，豆腐嫩滑，除左加左蟹籽令到成個口感豐富之外，仲有三文魚子，用料都唔馬虎。胡麻醬酸酸甜甜好開胃。網燒牛舌心 $68牛舌燒得好香口，肉質軟林，一點都唔覺得佢好un。蜘蛛 $93係軟殻蟹卷物黎，包得好好，d材料唔會散哂出黎，軟殻蟹炸得香脆，無油膩感。原板海膽帶子炒飯 $198海膽勁足料，鮮甜美味，帶子爽口彈牙，炒飯乾身，粒粒分明，好有鑊氣。

今日lunch想食日式野.同事就介紹黎呢間「古今」餐廳食晏🤗睇到餐牌有啲好特別嘅「卷物」同壽司、刺身等等…蜘蛛 $93 蜘蛛個名都幾貼切😬原來係軟殼蟹卷🦀炸到熱辣辣🥰食落口好酥脆😋 軟殼蟹卜卜脆啲肉都幾甜😁紫菜又唔會稔身😉仲有我最鍾意既牛油果🥑及青瓜❤️真係唔駛蘸醬油Wasabi都夠曬味❤️金龍卷 $103 上枱大大條既金龍卷😎中間既餡料有芝士及炸蝦🍤卷成😍上面既三文魚好新鮮配搭埋自家製食落有啲似大阪燒既醬汁🥰我幾鍾意個味道與口感🥰泡菜鰻魚炒飯 $145呢個鰻魚飯雖然上碟驟眼望落去好似見唔到鰻魚😂不過裡面係有既😂😂炒飯仲加左韓式泡茶口感味道都豐富左😋加埋用左d鰻魚汁去炒既珍珠米粒粒分明🤩網燒牛舌心 $68牛舌心厚切得黎食落好有牛味及爽口🥰加埋配汁一齊食好正又唔un 🙌食後感覺呢間既卷有別於其他日本料理🤗可以食到唔同既卷物醬汁既配搭😍新穎得黎又幾好味😋而且店員親切有禮..值得一讚👍

古今📍銅鑼灣因為男朋友好鍾意食古今，所以我哋成日都會去食。今次就去咗吧枱坐，個衛生環境係惡劣到呆咗Σ（ﾟдﾟlll）枱上面有長頭髮、魚鱗、豉油汁，一坐到埋去我直情有啲想嘔(　ﾟдﾟ) 但係因為男朋友真係好鍾意食，所以就破例照食啦(´･ω･`)火焰紅龍卷 $124面頭嘅係炙燒吞拿魚，壽司入面包住嘅係炸蝦。配料同埋醬汁好夾，一上到枱好快就清晒。但係略嫌炸蝦唔夠熱，估計係晚市比較多客人，所以一早炸咗先，之前午市食比較熱辣辣同香脆(●°u°●)​ 蜘蛛 $93卷物入面包住軟殼蟹、蟹柳同埋牛油果，入口比火焰紅龍卷淡味。同樣地軟殼蟹都係唔夠熱，不過都算叫得過(￣∇￣)炸雞芝士卷 $58顧名思義，卷物入面包住炸雞同埋芝士。炸雞入面有唔少肥膏，同壽司唔係好夾。總括嚟講，我會話留肚食其他卷物好過(´-ω-`)紅粉佳人 $110一上枱成個卷物都係恐怖嘅粉紅色，但係竟然幾好食( ´▽` )ﾉ上面鋪咗辣味三文魚同辣味吞拿魚，成個壽司好惹味，值得一試ψ(｀∇´)ψ總括黎講，啲壽司真係好高質，但係餐廳黎講污糟真係死罪，希望下次唔洗再坐個張吧枱啦( ；´Д｀)

今次再黎銅鑼灣呢間分店,絕對無錯呀!!環境舒適,食物優質👍🏼👍🏼😋 安格斯牛肉壽喜燒 $240🥘鍋入面有勁多材料！除咗安格斯肥牛肉片，仲有冬菇、豆腐、白菜、紅洋蔥同金菇。當鍋煮到滾時，我就試下個湯先，湯底除咗有壽喜燒嘅甜香之外，仲有一份蔬菜嘅清甜，令到成個鍋唔會有油膩感。將牛肉夾起，再撈撈鮮蛋黃後，放入口！牛肉藉住壽喜燒湯底，將牛肉香味提升咗好多！而且肥瘦好適中，肉質亦好鮮嫩，唔會鞋口。蛋黃將壽喜燒香味，係口入面發揮得更好！各種蔬菜都好新鮮，最好食係白菜，因為最能夠吸收到湯底嘅甜！‼️好食指數 8/10‼️推介指數 9/10😋 超級龍卷風 $93飯卷入面有芝士、青瓜、炸蝦同鰻魚。炸蝦炸得非常香脆，而且醬汁同芝士都提升咗蝦同鰻魚嘅香味！最特別係面層有薯片碎，估唔到撞出幾特別嘅口味！‼️好食指數8/10‼️推介指數9/10😋 火山 $93一上枱已經被佢賣相吸引，上層有蟹籽、沙律醬及帶子絲，面層灸燒過，真係幾有火山爆發嘅畫面。上層的帶子沙律因為灸燒過，有一種類似焦糖般的甜味。如果就咁食上層，可能會太膩，但加上飯卷就一流！牛油果更加將沙律嘅膩解化晒，蟹柳同青瓜都十分鮮甜。各食材的配搭，都十分有心思！！

本身擔心會冇位所以晏就已經打定電話book枱，留佐3位1800到，侍應表示1800有位，但要1930交枱， 本身諗住唔通咁full？都唔緊要啦1.5hr都夠時間食就okay佐。如是者我哋1800到達餐廳準時入座，由入餐廳開始主要都係一個叔叔serve我哋，開頭都冇乜問題照常叫野食仲叫我地自便🙂。大概1830就開始上菜，約十分鐘左右上完哂野食，呀叔就搬定隔嚟張枱拍埋我地張枱到，同我哋講一陣間1930有枱客要用，叫我哋唔洗理佢繼續食🙂🙃。哇，野食啱啱到齊都未開始食，佢係咪曲線話我哋知我哋要準時1930交枱？都算數 唔緊要。然後我同朋友一邊食一邊傾下計，久唔久就會見到佢係到望下我地食成點，令到我哋原本傾得好開心都食到我哋好拘謹。再食食下，1900 呀叔又走埋嚟，同我哋講: 食成點呀？ 食唔食得切呀？仲有半個鐘扎喎，七點半要交枱喎。我同朋友臉色都變哂，仲有成半個鐘，點解要每隔半個鐘提示我哋一次？當時我哋其實已經將全枱所有食物食佐一大半，跟本唔成問題。仲有當時隔嚟其實仲有一張四人枱，一張二人枱，仲未計佢搬過嚟個張二人枱！舖頭另一邊我都仲見到幾張吉枱，跟本未需要吹得我地咁迫切！1915，呀叔又走埋

古今既卷物係比較出名，今次同友人黎食話好，門面幾靚🤗，日系門風👍🏻，不過走廊就有的熱，好彩唔洗等位😂，一黎到就有枱😘。2個人食野唔多，叫左2個卷物同一個炒飯🤣，其實都幾飽🤗，話晒全部都係飯😂🔻金龍卷 $103🔻話說係招牌菜，可以話似炸蝦卷咁🌯，炸蝦配粒大芝士🤩，芝士咸咸地同炸蝦🍤好夾，表面有辣三文魚🍣，一啖食晒😋，鹹辣得又有芝士味👍🏻🔻蜘蛛 $94🔻有的似牛油果軟殼蟹卷咁👍🏻，有軟殼蟹同牛油果🥑之外，仲有青瓜絲同蟹籽，食落口幾有層次😋，配個甜醬油，連豉油都唔洗點👍🏻。🔻泡菜鰻魚炒飯 $145🔻好有鑊氣👍🏻，泡菜味幾出，加埋鰻魚粒👍🏻幾夾，當食緊泡菜炒飯時，依然食到鰻魚汁😋，日韓混合菜👍🏻食完真係好飽，仲打包左個炸蝦天婦羅🍤走，因為食唔晒🤣下次都可以再食，不過真要訂定位，唔係次次都咁好彩🤣

又係我銅鑼灣食神，微服出巡嘅時候，今日就去本部銅鑼灣區，嚟到呢間澳門逸園中心21樓，古今今晚食日本嘢。睇開我食評嘅人都知道我會講停車的事，門口附近拍街可以但車多小心抄牌，都算方便哪，怕抄牌就拍停車場呀。依間野必試嘅係睇圖啦，金龍卷必試，另外嗰個西京燒銀雪魚都非常好食，高質！其他就無乜好野試，評語係可以試一下，都好夾餐，都唔錯啦！裝修方面，日式風格囉。都ok舒服。我最注重嘅服務，呢間餐廳個老經理一般般，反而年青人好熱誠好勤奮，好像我年青的時候！可知我係咪豬蓮食評家，係有果句講果句！整體都唔錯，我嘅評語係行過未試過一定要試吓！

呢間主打日式創意卷物嘅古今係觀塘、荃灣同銅鑼灣都有分店，多款卷物配搭創新，味道質素又幾高質👍🏻所以今次已經係我再encore喇。呢度淨係卷物都有超過40款，有選擇困難症嘅人真係要花啲時間揀下🤣另外仲有唔少刺身、沙律、前菜、小食、壽司、炸物、串燒、鍋物等，種類都好豐富。龍捲風沙律雖然當係前菜嘅沙律但份量極之驚人，蟹柳絲加上蟹籽鋪到成座山🌋咁高，食咗幾轉都仲有🤣🤣幾鍾意佢配埋少少辣味蛋黃醬，令到個沙律更開胃惹味。金龍卷呢度signature嘅卷物，壽司飯入面包住軟殼蟹同沙律醬，面頭仲有三文魚，厚身嘅三文魚加上脆口嘅軟殼蟹，口感層次豐富，調味得宜，幾好食😋網燒牛舌心牛舌心係牛舌最嫩嘅部位，燒過之後油脂感出晒黎，食落好彈牙，口感好正。日和豬頸肉串呢款豬頸肉比起平時食嘅更有驚喜喎，咬落好彈牙，而且仲有啲油脂感係中間爆出嚟，勁邪惡😈😈蟹膏帶子炒飯最後仲食咗個蟹膏帶子炒飯，份量好多，食到要捧住個肚走。飯粒炒得乾爽粒粒分明，有淡淡嘅蟹膏香味，私心覺得如果蟹膏味更濃郁就更正喇😗人均消費：$280推介指數（10分為滿分）：8分

想搵抵食嘅居酒屋唔洗下下都過九龍！今次講吓呢間位於銅鑼灣地標崇光百貨隔離嘅古今居酒屋🍶論地段本身已經無得輸🥳唔知有可唔可以成為大家新嘅聚腳地呢～🌟 龍卷風沙律($82)唔知大家平時鍾唔鍾意食日式嘅沙律😁呢個龍卷風沙律好巨型！面頭有蟹柳絲、蟹籽、生菜、中華沙律，沙律醬係千島醬，想嚐新或打卡嘅可以嗌。🌟 蜘蛛($93)值得嗌！🍣壽司嘅材料包括：軟殼蟹、青瓜、牛油果同蟹柳。軟殼蟹唔會係炸起好耐擺到淋曬出曬油果隻🦀材料嘅配搭都比較常見唔會伏。🌟 鹽燒鯖魚 ($82)鯖魚燒得好靚 表皮燒至金黃，齋睇樣已經食慾大開。一條靚嘅鯖魚只係用簡單嘅海鹽作調味已經好夠味🐟鯖魚雖唔係咩貴價食材但勝在本身油香足 肉質順口😋別有一番風味。係動畫櫻桃小丸子裡面都成日出現㗎！😆🌟 日式炸雞 ($51)炸粉唔會過厚 裡面雞肉依然keep到嫩滑有汁，送酒一流嘅香口小食。*另收加一服務費味道：🌕🌕🌕🌕🌗環境：🌕🌕🌕🌕🌑價錢：🌕🌕🌕🌗🌑

原來古今都有好幾間分店㗎！荃灣、銅鑼灣同觀塘都有分店🥰🥰 銅鑼灣呢間分店位置上都幾闊落，啱晒同朋友坐下傾下偈。地理位置都非常易搵，就喺銅鑼灣D出口旁邊， 3分鐘路程都唔使😋❣️蜘蛛蜘蛛嗰名好特別 壽司裡面有青瓜、牛油果、蟹柳同軟殻蟹，軟殻蟹同外層紫菜都好脆口👍🏻 值得一讚。❣煙花🧨呢款壽司好好食！ 下次可以再叫，壽司面係有辣味三文魚、辣味吞拿魚同好多蟹籽😍 超正，食完一舊又一舊，接住食停唔到口👍🏻 上面仲灑左小小脆片，更多重口感❣豚肉泡菜鍋呢個鍋都係今日嘅驚喜，全個泡菜鍋好惹味，有少辣，泡菜味道偏酸，酸酸辣辣幾開胃👍🏻👍🏻 配料方面有豚肉、冬菇、娃娃菜、豆腐等，蔬菜類超吸哂湯底既汁👍🏻 正！🔺🔺🔺🔺🔺🔺🔺🔺🔺🔺🔺🔺🔺❣️整體評分 9.5/10古今 (銅鑼灣)銅鑼灣軒尼詩道525號澳門逸園中心21樓🔺🔺🔺🔺🔺🔺🔺🔺🔺🔺🔺🔺🔺🔺

星期六黎左呢間銅鑼灣澳門逸園中心嘅古今食飯，地理位置好方便，係港鐵站出口附近。古今係主打特色創意卷物，亦好似居酒屋有其他日本野食，如刺身，壽司，沙律，前菜小食，天婦羅及炸物，燒物，鍋物，湯，飯類，串燒。裝修係以木材為主，非常日式。卷物一共有40款左右揀，個清單超長，好多都改左個特別嘅名。金龍卷 $103 另加一呢個金龍卷真係真心好食，我地基本上次次都叫。賣相成條龍既樣！金龍卷一客八件，飯卷上面舖上新鮮肥美嘅三文魚刺身，加少少香辣沙律醬。飯卷中間卷住炸蝦同忌廉芝士，又脆又creamy，連炸蝦尾都食得。再加上紫菜同黑白芝麻粒增添香味。我好鍾意呢款卷物既多重口感同味道，正！蜘蛛 $93 另加一蜘蛛係紫菜卷包住炸軟殼蟹，蟹柳，牛油果同青瓜絲。一客五件，三件身兩件蜘蛛尾，賣相唔錯，特別係條尾。炸軟殼蟹雖然凍左不過都可以，加埋青瓜同牛油果食可減膩，面頭仲加左少少蟹籽。另外叫左個天婦羅同炒飯。雜錦天婦羅 $61 另加一雜錦天婦羅有蕃薯，茄子，同冬菇各一，蝦兩隻。蝦雖然好細隻，不過新鮮熱辣炸起，都好爽脆有蝦味，連蝦尾都可以食得。冬菇大大隻好厚肉，又夠鮮甜。茄子厚切。紫薯雖然細細粒，但係質地厚實而帶少少

寫返之前食評，太耐冇食日本嘢，特登搵間日本野試試，黎到銅鑼灣呢間餐廳晚餐，生野我一般般，但老公話唔錯。熟食的話，串燒、炒飯都唔錯，炸蝦卷都幾OK，太耐冇食壽司覺得好食，不過價錢就唔算平

銅鑼灣食嘢真係唔愁無選擇，之前喺荃灣食過依間已經覺得性價比幾高，所以今次喺銅鑼灣食嘢見到有依間都帶咗個朋友一齊去食！首先叫咗個雜錦天婦羅（$61），炸粉唔會厚，整體都好好食！尤其係個蝦，炸完之後仲可以爽口彈牙。之後叫咗個蟹膏帶子炒飯（$176），個飯炒得好平均，真係啖啖都食到濃郁蟹膏嘅味，好惹味。呢度好多特色卷物，叫左個辣妹（$103），其實就係炸蝦卷再加辣味呑拿魚，配搭幾得意但味道都夾架！另外入面仲有芝士，可以中和下個辣味。整體來講無論環境同食物都幾滿意！

喺銅鑼灣搵抵食平民價嘅日本菜有如大海撈針呀～～～早前同朋友食完呢間餐廳唔單止食物質素好，而且份量充足，實夠飽肚呀！•金龍卷🐉•-炸蝦脆口，配埋軟身嘅芝士，口感非常豐富。另外，表面嗰層火炙三文魚嘅油脂香口，令到卷物唔會過於乾身。•蜘蛛🕷•-喜歡清新、唔喜歡重口味嘅朋友，可以選擇呢款軟殼蟹、牛油果、青瓜同埋蟹柳製成嘅卷物。呢度嘅走油做得好好，軟殼蟹入面完全唔會油淋淋，而且同牛油果超夾。•海膽帶子炒飯🍚•-驚喜嘅係用新鮮海膽配撘炒飯，呢個都算係蝕本菜式啦哈哈～大大舊嘅鮮甜海膽 夾落蟹膏炒飯簡直係絕配，而且炒飯配料十足，帶子好彈牙。.食完落到樓下就係sogo同巴士站 無論行街消化下定撘車番去休息都咁方便🤣