古今

營業中

休息中

之前朋友都介紹過古今，今日終於有得食啦，呢到好多款卷物，花多眼亂，款款都好特別，好想試哂。胡麻豆腐沙律 $82沙律菜爽口，豆腐嫩滑，除左加左蟹籽令到成個口感豐富之外，仲有三文魚子，用料都唔馬虎。胡麻醬酸酸甜甜好開胃。網燒牛舌心 $68牛舌燒得好香口，肉質軟林，一點都唔覺得佢好un。蜘蛛 $93係軟殻蟹卷物黎，包得好好，d材料唔會散哂出黎，軟殻蟹炸得香脆，無油膩感。原板海膽帶子炒飯 $198海膽勁足料，鮮甜美味，帶子爽口彈牙，炒飯乾身，粒粒分明，好有鑊氣。