古今

營業中

休息中

每次諗起想食卷物，古今二都係我選擇名單，勝在選擇種類同配搭夠多且新穎，觀塘果間就經常光顧，今晚行經銅鑼灣，就帶埋一個平日唔喜歡食飯嘅朋友去試下，等佢對食飯有另一種感覺😆。店鋪有日本居酒屋🏮風味，餐桌擺枱整整齊齊，店員都親切有禮貌，值得一讚👍🏻。睇睇餐牌，卷物配搭非常多。首先order份餐前小食，芝士魚餅，一碟有4件，以餐前小食黎講，份量都ok，底面煎得金黃香口，愛芝士嘅朋友一定會好鍾意，因為芝士味道好濃郁，入口軟淑。朋友鍾食食炸蝦🍤，所以特意order有蝦嘅卷物比佢嘆下😆。辣妹 / 火焰金龍卷，兩款同樣有炸蝦，辣妹面頭鋪上吞拿魚蓉同gi 左醬汁，火焰金龍卷上面鋪上厚厚三文魚，炸蝦香香脆脆，兩款同樣有流心芝士係飯中央；炸蝦同芝士味道撞埋非常之夾，卷物飯底又軟淑，好味👍🏻。豚肉泡菜鍋，熱辣辣上枱，豚肉份量都唔少，肉質帶些小肥，甘香之餘，口感一流，泡菜湯酸酸味味，又開胃又消滯，中間仲夾雜豆腐、金菇，娃娃菜同埋我最鍾意嘅韓式粉絲😋。

古今 - 特色日式卷物今日嚟到銅鑼灣一間日本餐廳，設計是居酒屋的形式，以木元素為主，提供多款日式料理，更加主打多款特色的卷物，當中更加有多款創意卷物。火焰金龍卷首先當然要點招牌的特色卷物，相當霸氣的名字-火焰金龍卷，金龍是指炸至金黃色的炸蝦，外脆內彈牙，火焰是指肥美的三文魚，再加上芝士，造型、味道滿分的卷物。蟹膏帶子炒飯另外點了一款日式炒飯，飯粒炒得乾身有鑊氣，粒粒分明，加上鮮甜蟹膏和鮮味帶子，雙重鮮味的炒飯。

今日又黎銅鑼灣搵食同個朋友去左佢做野附近嘅食廈午餐朋友知道我都重口味揀左幾款炸物俾我金龍卷入面有原隻炸蝦面層係三文魚同千島醬炸蝦香脆但包裹喺壽司之中，感覺就無咁熱氣喇👍蜘蛛其實即係軟殼蟹卷內裡仲有牛油果條青瓜絲蟹柳絲同魚籽食落去口感爽脆仲未夠喉要多個日式炸豆腐香脆嘅外皮包住嫩滑嘅豆腐配上面層嘅燒汁啖啖滋味！蟹膏帶子炒飯呢個炒飯有驚喜！帶子肉大粒有咬口之餘佢竟然唔係鹹香㗎喎反而係甜甜地，特別得黎好好味飯粒乾身又清爽成碟清晒！

古今一向食物質素都好穩定又好食, 今次同朋友黎到銅鑼灣, 又黎食至愛卷物!朋友好鐘意食日本野, 因為感覺上壽司無咁HEAVY, 大熱天時食就更加正!除左招牌卷物, 我地叫左個泡菜鍋, 有D估唔到呢到會有泡菜鍋, 仲係幾好食, 唔會太辣, 入面豚肉片唔鞋口, 豬肉帶甜味, 仲有菜同豆腐~一次過叫左幾款卷物, 最記得其中一款係煙花, 有大量TORO蓉, 鮮味之餘同飯粒同入面既配料好夾, 清新不膩, 好吃!SASHIMA沙律, 醬汁少少辣, 幾開胃, 可以一試!炒飯都唔錯, 飯粒分明, 份量大!西京燒一直都係我至愛, 係食日本菜先會食到既味道, 魚肉滑流, 魚油甘香, 令人回味~

古今👻港島區返工既好處係好容易就搵到好野食🤪放工想食日式料理見到依間有壽喜燒鍋望到好正好想食又有好多款卷物就去咗試下佢 要探索多啲正野又幾有驚喜喎🤩.🔅安格斯牛肉壽喜燒 HKD 240份量好足夠哂兩個人食安格斯牛肉都有好多片牛味夠濃又夠油脂啲牛肉可以點落生蛋黃漿食好滑好好味鍾意食牛既牛魔王實在太滿足🤩鍋入面仲有好多料豆腐蘑菇金菇菜底底仲有啲粉條添😛🔅金龍卷 HKD 103佢係由芝士炸蝦三文魚組成三文魚上面個醬有一少少辣味作為點綴啱啱好本身唔食得辣都食到😉炸蝦又唔會太多粉依個組合都幾夾🔅蜘蛛 HKD 93軟殼蟹牛油果都係我最鍾意既配搭牛油果熟度又啱啱好軟殼蟹又大大舊好食好滿足😚.整體黎講：日式料理 壽喜燒正😚.🎈 古今 (銅鑼灣)銅鑼灣軒尼詩道525號澳門逸園中心21樓

晚上同朋友去咗銅鑼灣嘅古今食飯，之前都嚟過呢間餐廳，覺得佢壽司好出色，今日再嚟都冇失望。果然壽司係佢間店舖嘅招牌主打，尤其要一讚嘅係佢嘅蜘蛛卷物壽司，當中嘅四種配料都係我非常喜歡食嘅 ，蟹膏蟹柳軟殼蟹等配合得天衣無縫。至於金龍卷因為我本身唔食三文魚，但都覺得佢裏面嘅炸蝦都做得好好。芝士魚餅正常好食。蟹膏帶子炒飯就排第四，帶子份量如果再多啲就更好啦！整體都係一餐非常之好食嘅晚飯，十分期待下一次再嚟食！

M22 火山 ($93)呢個係my personal favorite🥰 望相都知邊個係火山卷啦😂卷本身係有蟹柳同青瓜 不過上面火山🌋部分係好多好多好多‼️mayonnaise 蟹柳 同帶子碎😙 每一舊卷既餡料都超多 大滿足😋M29 辣妹 ($103)圍著隻碟既卷就係辣妹 裡面係炸天婦羅蝦 上面係辣味吞拿魚 仲有D薯片碎點綴 (呢個idea都幾新奇😄) 不過係好食架 因為有各種口味交雜☺️亦有少少辣味吊味 jengssM40 火焰海膽卷 ($187) 反而對呢個卷有D失望 因為海膽既份量同期望相差太遠😭 (得個海膽製成既醬汁 連一paat海膽都無 喊出黎🥲) 無乜特別就唔多講啦overall其實好食 專做咁多口味既壽司卷既舖真係好少🥰不過如果想食健康 清新D 就唔好黎啦😂因為每個卷有好多好多醬 好邪惡架😁 最多搵多幾個朋友一齊黎試 咁就可以獨食難肥🙈一一評分：😋味道: 👍🏻👍🏻👍🏻👍🏻🤩賣相: 👍🏻👍🏻👍🏻👍🏻👍🏻🌝環境: 👍🏻👍🏻👍🏻💰價錢: 👍🏻👍🏻👍🏻🙈服務: 👍🏻👍🏻👍🏻🗣回頭率: 👍🏻👍🏻👍🏻👍🏻一一🙋🏻‍♀️加一🙋🏻‍♀️限時 (繁忙時間90分鐘）

講起食卷物，第一時間你諗起咩？我就會諗起古今嘅龍卷，今日Lunch 心血來潮，一於上來銅鑼灣的古今再嚐嚐其龍卷的美味。除了招牌卷物外，午市更有定食可選，日式燒牛肉、銀雪西京燒、鹽燒鯖魚等...都非常經濟抵食。蜘蛛🕷️以多款配料如蟹柳、軟殼蟹、青瓜、牛油果捲成的卷物，賣相就如蜘蛛般，八足咁多腳，非常搶眼！入口有青瓜、牛油果的清新軟腍，帶上蟹柳、軟殼蟹的香脆咸香，味道層次豐富，感覺一流。金龍卷每次都必叫的金龍卷以炸蝦、三文魚，配上芝士實在是無懈可擊！炸蝦爽脆加上三文魚鮮甜，最後那芝士更是錦上添花的咸香，難怪越食越想食，食到停唔到口。銀雪西京燒定食銀雪西京燒來到時已聞到香噴噴的氣味，那燒至金黃色的外層，但內裡還保持著香滑鮮嫩，入口滿滿脂香，味道咸中帶甜，配上米飯真是不錯之選。最後都不可缺少那八爪魚的小食，有點芥末的味道外更啖啖爽口，對整個套餐上添加了色彩。

👧🏻Wodafoodie in Causeway Bay帶朋友黎再訪古今，特色卷物當然係必叫，但今次發現原來炒飯都好驚喜好正😳✨🍛原板海膽帶子炒飯 $198因為好肚餓所以一黎就叫左個炒飯，炒飯粒粒金黃，夠乾身，蛋份量多，飯炒得香口，帶子細細粒同炒飯一齊食好夾，最重要係佢個原板海膽！撈埋個飯一齊食真係好惹味好滿足！😋✨🍣辣妹卷 $103芝士、炸蝦、辣味吞拿魚好鍾意辣妹！因為個炸蝦好脆，入面芝士用左cream cheese，吞拿魚放面賣相又靚，呢個配搭好夾好好食🥰✨🍣蜘蛛卷 $93青瓜、牛油果、蟹柳、軟殼蟹軟殼蟹令到成個卷既presentation做得好靚，每件都好大件，軟殼蟹好香口，好食又飽肚！✨🧀芝士魚餅 $53上次食過所以再encore，魚餅煎得好香，入面既流心芝士真係好正☺️佢既卷物真係有好多款，每次黎都試新野但食極都仲有未試過既味，哈哈！店員服務好好，環境乾淨座位又舒適，會再訪的😝📍 古今 (銅鑼灣)銅鑼灣軒尼詩道525號澳門逸園中心21樓

又嚟到星期五鬆一鬆嘅時間, Sake同美食已經張開雙手準備迎接我lu~~ 能夠坐立於銅鑼灣正中心多年嘅古今, 食物當然有返一定嘅保證! 我哋點咗兩款特色卷物,其中金龍卷係由熱辣辣嘅炸蝦加上三文魚制作,視覺同口感都一流, 個人欣賞三文魚上加上一點沙律醬 好開胃. 炸物也很不錯,炸雞不會太乾； 天婦羅值得一讚 炸粉好薄, 食落好鬆脆! 最後叫左蟹膏帶子炒飯, 飯炒得夠乾身, 蟹膏同醬油嘅比例都剛剛好, 不會太咸, 帶子份量亦夠多, 基本上每一啖都食到~~

餐廳四周佈滿和風佈置，俾人一種乾淨簡單嘅感覺😌高層望出去雖然是樓景，但冇左煩囂嘅人車，成個pace可以慢返落黎🤍五時嚟到，估唔到過一陣就差唔多full house😳講吓野食先！𝙁𝙤𝙤𝙙🍣三文魚親子飯 $108非常足料鮮甜，食極都未見底😂三文魚籽比平時食到嘅大粒同多汁～飯上面裝飾嘅黃色小花都十分可愛，幾ig-able 🥘豚肉泡菜鍋 $114呢個超惹味🤤泡菜香應該飄到隔離枱都聞到😛鐵鍋上枱，成餐飯都keep到熱♨️豚肉亦夠淋身，湯吸晒啲食材非常入味～🧀芝士魚餅 $53一共四塊 ，size都算大塊，芝士未到拉絲，但都好味嘅🔥綱燒牛舌心 $68服務員特別介紹牛舌嘅中心部分，每隻牛舌得一至兩塊，其他都會扔左佢唔用😳比外面食到嘅牛舌更加講究同珍貴🥲牛味真係重啲幾寫意嘅日本菜，鍾意呢度雖然滿座，但冇一種急趕嘅感覺：食客們慢慢用餐，餐廳娓娓介紹菜式～享受服務都係用餐嘅重要一環，Jenny係欣賞嘅💯@hungry_meanjenn

古今（銅鑼灣）😋😋我約左朋友係銅鑼灣食晚餐，去左古今食日本菜❤️❤️係主打日式fusion菜👍蜘蛛卷物$93😋卷物賣相好靚，真係放到好似蜘蛛，而且味道好好食，入面嘅軟殼蟹好鬆脆，夾埋佢地的醬汁😍😍網燒牛舌心$68😋牛舌燒到岩岩好，口感一流，再加上店鋪提供的醬汁，好好食🤩🤩青龍卷$103😋卷物入面有蟹柳同鰻魚，牛油果🥑包住卷物，牛油果好新鮮，夾埋卷物食好fresh😍😍蟹膏帶子炒飯$176😋炒飯炒到好夠鑊氣，而且粒粒金黃色，炒飯仲落埋蟹膏，好好味😆😆仲會食到一粒粒的帶子，份量多，足夠同朋友share一齊食❤️❤️餐廳環境😍😍餐廳坐得好舒服😀😀，而且職員態度好好，會成日加茶，可以同朋友一路食野，一路飲茶☕️整體評分：5/5環境：5/5味道：5/5抵食：5/5地址：銅鑼灣軒尼詩道525號澳門逸園中心21樓

今日嚟咗CWB，午餐唔知食咩好，但心思思好想食日本菜，於是就嚟咗美食雲集嘅澳門逸園中心，見到呢間古今，menu好吸引，未食已經勁興奮😆銀雪魚西京燒定食($138)- 第一次食銀雪魚西京燒好特別，有常見鯖魚定食以鹹香為主，呢個係用西京漬醃銀雪魚，而西京漬係用咗西京味噌、清酒、味醂和糖，所以香甜嘅味道相當突出，風味滿滿😍- 銀雪魚新鮮，因為魚肉白到好雪一樣潔白，食落香軟嫩滑，非常有水準，而且烤得好好，師父廚藝相當唔錯，冇燒焦嘅地方，非常香噴噴😋- 另外仲有沙律同芥末魷魚作配菜，款式多元，配搭埋香軟嘅白飯，食到好滋味🥰金龍卷 ($103)- 金龍卷勁勁勁好食，無論係食材、味道同口感層次都好Perfect，卷物以炸蝦同三文魚為主食材，鮮甜美味嘅三文魚配搭油香脆身嘅炸蝦，簡單係味蕾嘅享受😚- 畫龍點睛嘅更加係千島醬，酸甜醒胃，更能帶出卷身嘅鮮味同美味，好正啊😍蜘蛛 ($93)- 一上檯就好吸睛，果然卷物如其名，軟殼蟹嘅爪散開就好似蜘蛛一樣，好有visual impact🔥- 卷物食材配搭多元，有蟹柳絲、牛油果等等，既滿足又夠refreshing，成個組合簡直係💯分🤟🏻古今嘅食物好有質素，啖啖都好

Went there today around 6 pm I was the second table. Ordered 2 rolls as I have always wanted to try this place because of the ads. Anyways waited for 30 minutes and my food still haven't arrived yet. By then other tables has been filled and some are already eating. I asked the waiter why is it taking so long and he said because there are lots of people. They either have a really bad system of ordering and serving or they just don't give a crap about you if you don't place a big order with lots o

今日夜晚七點幾同朋友去咗呢到食嘢全場差唔多滿座好彩我地一早book咗 如果walk-in應該好難等我地order咗幾樣嘢食整體而言都好滿意埋單每人都係兩百幾蚊！呢個質揀嚟講好抵食！1. 芝士魚餅好簡單既菜式但係整得好好雖然有芝士但都唔會覺得好膩好濟2. 蜘蛛（***必食）其實係軟殼蟹、青瓜、牛油果加蟹柳既壽司非常非常好食！！！所有材料都好配搭！（食完忍唔住再外賣返屋企xd）3. 金龍卷即係三文魚、炸蝦加芝士呢個都係好好食，三文魚好新鮮，不過就無「蜘蛛」咁驚喜，同埋食多兩舊就覺得有啲濟了～4. 蟹膏帶子炒飯呢個炒飯好夠鑊氣，日本餐廳嚟講呢個炒飯絕對係中上，蟹膏唔會遮蓋其他食材既味道，份量兩個人食岩岩好！