古今二 (荃灣千色匯I) (已結業)

之前喺電視見過介紹呢間餐廳嘅卷物，豐富得來好有創意，今晚即刻同另一半黎試吓先🧞‍♂️卷物既款式有好多，每個名都好新奇有趣，火山、相撲力士、午夜牛郎、忘不了你，每個菜色名都好有創意🧚‍♂️我哋叫咗兩款，一款係火山，另一款係蜘蛛🧛‍♂️份量都幾多，火山賣相好吸引。材料原來包括青瓜、牛油果、蟹柳、帶子，面頭仲加咗唔少蟹籽🧚‍♂️入口味道十分豐富，甜酸為主，再加少少辣混合個醬汁，好有層次好惹味！蜘蛛原來係炸軟殼蟹配蟹柳，而卷物大部份都有牛油果，健康又飽肚。不過個人喜歡火山多啲，有醬汁濃味啲🧛‍♂️柚想蝦你 柚子沙律好甜，仲有好多蔬果。原來仲有三隻甜蝦，雖然細隻啲但係肉質細綿，味道比起牡丹蝦更加鮮甜🧞‍♂️除咗卷物，我哋仲叫咗兩款串燒試下網燒牛舌好厚身，食落有口感得多，肉質比較爽口。我都係第一次食落櫻花蝦嘅原條茄子燒，櫻花蝦滿佈成條茄子，好足料！比起平時用肉碎，呢個冇咁膩，清爽好多🧚‍♂️飽肚得來又健康又好食，難怪咁多人排隊食呢間🧛‍♂️

請問我有多愛吃卷物是因為好像很久沒吃日本菜了金龍卷 $88每次都叫你，因為你既炸蝦真係脆既，飯唔係凍冰冰既。好中意食炸蝦卷呀，卷物比壽司不同的是配料比較多，唔會一大舊飯。火山 $88佢係我唯一會食蟹柳嘅原因，滿滿的蟹柳，加上入面嘅牛油果唔會黑黑的，卷物即叫即做嘅好處。柚想蝦你 $78個名好得意，其實係柚子，蝦沙律，同樣地都係有牛油果，胡麻醬沙律我真係有幾多都可以食幾多，特別在竟然有中華沙律喺入面。原條茄子燒 $48朋友話呢個茄子好好食，超級濃味，上面仲要有好多櫻花蝦，的確唔錯雜錦天婦羅 $88好多碎花嘅天婦羅蝦，但稍為厚。天婦羅有碎花我大愛，但可以薄多少少會更加好，除咗蝦之外仲有秋葵同埋番薯。咁樣食秋葵真係第一次食，幾特別晚飯時間比較多人食，建議提早book位，同埋有用餐時間限制，所以我建議齊人先入坐

第一次打食評好難食既體驗下午茶時間去牛肉壽喜燒以為食緊牛肉乾🤮🤮🤮飯硬到胃痛😵😵😵三文魚壽司薄餅叫做食得落口靠沙律醬同燒汁三文魚同吉列豬扒飯都有少少創意嘅以為卷物會好食啲點知火山都好難食！鰻魚卷唔新鮮飯硬！壽司散咗服務態度極差點菜女仔黑面叫個男仔執枱因為成枱都係野個男仔執咗一碟！😡😡😡叫佢再執就黑面中伏的體驗

Happy Friday 既晚上等位要等10張檯，等左大約一個鐘之前食過一次下午茶覺得抵食又大份所以今次都唔介意等咁耐不過晚餐就特低貴而且又無一人套餐全部都係散叫呢度既卷物較特別同多款今次就主要叫卷物1. 富士山 食材：（鰻魚，牛油果，蟹柳，脆片）大約有6舊，面上有一大堆蟹柳同脆片2. 費城卷 食材：（三文魚，牛油果，芝士）大約有8小卷，芝士味幾濃3. 辣三文魚pizza 壽司 食材：（辣三文魚，蟹籽，吉列飯團）好特別既卷，打破常規既壽司食落幾好味，吉列飯團好香口

壽司卷又稱為卷物，係其中一種基本嘅壽司款式，不過依家佢不斷進化😆😆越來越多花款同埋配搭，無論視覺定係味覺都好吸引😍古今二真係 🈶️好多款卷物，而且佢哋個名都好特別。我哋今次就一次過試咗5⃣️款咁多😙前菜沙律🥗龍捲風沙律份量真係好大，喺沙律菜上放左一座蟹柳山😱網燒牛舌厚度啱啱好，所以燒完唔會過熟，爽口🈶️口感。卷物盛一份就已經🈶️4⃣️款卷物，最啱有選擇困難症嘅我，唔使左揀又揀🤣鰻魚牛油果卷加上鰻魚燒汁好惹‼️加州卷包裹住好大舊蟹柳‼️費城卷三文魚加上芝士口感好滑‼️金龍卷包住嘅炸蝦仲係好脆。忘不了你就咁睇個名真係估唔到佢係乜嘢，其實佢係芝士、炸牛肉加芒果🥭卷。壽司飯包裹住炸牛肉同芝士，再喺上個舖上芒果同wasabi沙律醬，令賣相非常吸引。三文魚頭湯鍋 份量又係好大，奶白色嘅魚湯入邊有好大件嘅三文魚頭、雜菜同埋豆腐。三文魚嘅肉仲係好嫩滑，湯頭亦都有好香濃嘅魚味。

夜晚冇堂食嘅日子已經食過古今二外賣覺得唔錯，於是星期日特登嚟dinner，人氣程度係全層得呢間餐廳要等位🤫 好彩唔係等好耐一心想食卷物，先嗌東京爆脆($88) 同忘不了你 ($88)🤪 東京爆脆(圖右)係蟹柳吞拿魚配搭芝士，餡料crunchy 幾有驚喜，而忘不了你 (圖左) 係芒果炸牛肉嘅組合，芒果夠甜食多幾舊都唔滯😚網燒牛舌($58) 送上枱已經好香，點埋個汁好！好！食！夏天唔想食太多飯就加咗龍卷風沙律($72)，份量好大勁多蟹柳😍 如果想食輕盈啲建議可以叫少沙律醬三文魚頭湯鍋($88)又係好巨型加足料😳 可能因為有落胡椒，勁怕腥嘅我都覺得很ok😚 最後要讚每位staff 都好有禮貌，食得好開心😎

日式咖喱蛋包飯 配燒雞排蛋炒得夠滑，咖喱味正正常，有沙律配菜。但係個雞排煎得太乾， 鞋口。個飯就偏硬。見到隔離枱食吉列豬扒好似好食好多。古今卷物盛火山卷佢寫話入面有帶子，青瓜，牛油果，同蟹柳。我食既時候就覺得佢沙律醬太多， 亦都食唔到牛油果。大部分都係蟹柳絲，間中會食都好少既帶子碎片。加洲卷蟹籽，蟹柳，蛋，青瓜。冇特別，但唔係特別好食。牛油果卷鰻魚牛油果，鰻魚好香，加左鰻魚醬有少少過咸。賈城卷入面有三文魚同 cream cheese ，係最好食既壽司。 整體D壽司飯有少少散，質素中規中舉，佢份量都幾多，夠兩個人食。鋪頭環境都算鬆動同好坐。建議叫卷物類，呢個價錢唔好太大期望係可以既。

夜晚去左日本菜，知道呢到卷物出名，叫左富士山同埋東京爆脆，富士山入邊有牛油果、鰻魚、蟹柳，啲蟹柳多到就瀉！東京爆趣都幾特別，中間紫菜仲係炸過，咬落脆脆地！龍捲風沙律好開胃，入邊有大量蟹柳，海藻，仲有脆片，上邊仲有啲蟹籽，好豐富。燒牛舌好好味，入邊好嫩滑，咬落都幾juicy。另外叫咗個三文魚頭湯，一開始有少少擔心會唔會好腥，但係飲落好重胡椒味，所以唔覺得腥，入邊仲好足料，有豆腐、娃娃菜等等，所以食落都好飽肚，好滿足。

今次黎到卷物聞名嘅古今二當然都叫左兩個卷物試試💁🏻‍♀️除左卷物 熟食原來都唔錯喎先講卷物 睇完餐牌已經覺得富士山好吸引！有牛油果同鰻魚 仲有成座山咁嘅蟹柳喺面 掛得知叫富士山黎到同個圖一樣咁大座蟹柳山 有八舊卷 份量幾大 食兩個卷物都已經好飽😺😺再講下另一個卷物-東京爆脆 有吞拿魚同蟹柳 但唔太食到吞拿魚味 反而脆脆口感同味道好突出 相比起比較鐘意富士山💁🏻‍♀️💁🏻‍♀️然後試左幾樣其他野 牛舌有五塊 醬汁亦幾夾 牛舌亦有厚度 不過當然唔可以期望好似串燒牛舌咁有口感 但都滿足牛舌癮🤓🤓再叫左清酒煮蜆 啲蜆係意外地大隻 大隻到接近花甲咁大 而個湯底好惹味 如果清酒味道更濃就更正喇 但蜆鮮同大隻都令我地好滿意🤣🤣仲有樣好出名嘅係龍卷風沙律一次過可以食到曬沙律同中華沙律醬汁夠 口感同味道都豐富份量係超大 我同朋友兩個係食唔曬嘅😂😂四個人都夠食

今日真係太熱太熱，無咩胃口又咁岩父親節，早少少食少少野就返去抖下預備今晚場波😂行到去荃灣千色滙，見到呢間古今二無太多人等(7點左右都都等左半個鐘架）佢好似響觀塘好出名不過唔知荃灣有分店又咁岩見到你又係有壽司，今晚就試下你啦😊先來雞肉串燒，上檯有煙出但點解食的時候凍的？好奇怪好奇怪，唔通係我個人熱到出煙？店員幫我地加熱返，不過串燒要reheat 就好奇怪，我唔鍾意，總覺得似自己都可以響屋企整到的冰櫃串燒😅下次有機會再比多次機會你之後來左一份「火山」，份量幾大，底部係壽司卷包住青瓜牛油果，蟹柳同帶子，十分豐富，面頭就鋪左好多沙律醬蟹柳同魚子，材料十足但唔知點解食落唔會覺得好heavy反而幫手開左個胃喎，推介😍之後有燒茄子，味道正常，燒得岩岩好，唔錯只從元氣無左左口魚之後都比較少食左口魚壽司喇，一見到有就每人兩件，左口油的油感真係豐富，燒過更見美味，可惜今日唔係狀態，如果唔係我一定會食多D呢度的卷物串燒同窩燒最後來左個鹽燒三文魚頭做總結，三文魚頭好大個，當然肉無魚腩咁多但就好岩今日我的胃口，燒得好香無腥味，同好多中高級日本食店有得比Overall 我會調整一下狀態盡快再戰古今二今晚埋單三百中

聽朋友介紹話《古今二》新穎又好食，叫我去試下，一坐低就發現有部大電視播緊《古今二》老闆既專訪同原黎有唔少名人都推介過🔥-柚想蝦你 $78好抵食👍牛油果🥑好新鮮，熟度都啱啱好，而且完全唔會孤寒，足料入邊仲放咗啲蘋果，中華海草同甜蝦，加埋啲芝麻醬食落去好Fresh👏🏻-蜘蛛 $88 金龍卷 $88睇得出擺設係有落過心思，唔係就咁放上去就算🙌🏻軟殼蟹🦀️同炸蝦都好好食😋-網燒牛舌 $58即叫即燒，上枱嘅時候仲熱辣辣添牛舌好厚身而且爽口-原條茄子燒 $48平時蒜蓉燒茄子食得多，櫻花蝦燒茄子🦐🍆第一次試，好香櫻花蝦嘅味道，而且甜甜地好開胃🥰-迷你甜薯天婦羅 $39食左咁多鹹嘢要食返d甜野做總結😝好鍾意食日本甜番薯🍠，哩個好甜，好好味，大滿足

半開放式的簡約裝修新派的日本料理味道不錯 菜單特別價錢合理 份量足夠環境清潔 座位寬闊柚想蝦你 $78(蔬菜 海草 車厘茄 蘋果 柚子 蟹子 牛油果 甜蝦 柚子汁）🥗柚子夠甜，有兩隻蝦，有中華沙律，特喜歡有牛油果同蘋果，好清新，配料多，醬多，份量多，材料新鮮，健康又好食。金龍卷 $88(三文魚 炸蝦 芝士）🍣日式反卷，炸蝦餡，表面鋪有三文魚刺身，好食。火山 $88(帶子 青瓜 牛油果 蟹柳）🍣比起金龍卷，我更喜歡吃這個火山，青瓜反卷，上面爆多餡料，好多蟹柳有啲帶子碎牛油果，仲有啲蟹子同蛋黃醬，味道很好，推薦呀！原條茄子燒 $48🍆好耐冇食燒茄子了，大大條，加左好多甜甜的燒汁，還灑上不少的櫻花蝦增加了口感。雜錦天婦羅 $88🍤有三隻大蝦天婦羅，兩件釀有魚滑的秋葵天婦羅，還有兩件小甜薯，即叫即炸，熱騰騰皮脆好吃。

一直都知道呢間日本菜好出名食卷物，款色同組合都超多選擇🤗🤗地方光猛好坐，8點去到都要等一陣先有位。🎈櫻花蝦茄子燒(原條) $48我覺得除咗卷米一定要試之外，呢個櫻花蝦茄子燒都一定要試，呢個茄子個燒汁超香帶有甜味，再加埋鋪滿櫻花蝦，我同朋友一陣間就K.O.晒成條茄子😂😂😂🎈秋葵蝦肉天婦羅 $49平日天婦羅食得多，不過秋葵蝦肉天婦羅就第一次試，咁新穎嘅組合當然要試吓啦。原來係將蝦肉釀入秋葵入面，不過我就覺得個味淡咗少少。🎈柚想蝦你 $78呢個沙律用咗甜蝦取代平時嘅大蝦，再加埋柚子、中華沙律、蘋果、牛油果、蕃茄仔同埋沙律菜，再配埋芝麻醬，成個組合都非常清新好味😋😋😋🎈金龍卷 $88呢個比平時既炸蝦卷再多一層三文魚同芝士，食落去個炸蝦仲係脆口👍🏻🎈煙花 $95呢款有齊辣味三文魚同辣味吞拿魚，雖然冇咩辣味，不過都幾好食，加埋脆片又幾得意😎

💳 星期六襯放假去荃灣眾安街，處理一吓銀行事宜，處理完都已正午12時，當然係時候揾好嘢食喇！🍣 之前都去過呢間古今二食下午茶，食咗個壽司餐。食完望吓望吓至發現佢哋嘅卷物都係重點推介，當時都諗住再嚟試吓。🕛 正午12時過後，店內座上客已佔7、8成，我都快快入座免至要等位。😛🍱 今日點咗個 🥢卷物拼湯麵🥢作午餐$88，包括兩款卷物，一款湯麵，一杯餐茶。🍜 揀咗金龍卷+費城卷，豬骨拉麵，即磿咖啡！🐉佢哋嘅卷物名稱都好特别，有金龍卷、紅龍卷、黑龍卷等，都很霸氣！😬🥢 卷物不是很大件，勝在每款有四件，一口一件，味道唔錯，加小許芥末已很夠味。😍🍤 金龍卷就是炸蝦卷，上面有三文魚加沙律醬，內脆外軟，味蕾又有福了。😋🍣 費城卷係三文魚卷，應該有芝士及蛋，口感味道佳豐富，美味！😋🍜 豬骨拉面，素菜為主，加半隻糖心蛋，湯底清甜冇味精，中碗份量唔太多，女士應該啱啱好。🥰☕ 餐飲點了即磨咖啡，淡奶分開上，值得一讚！不過半杯黑啡送到過來，已經祗剩微温不夠熱，但咖啡味很香，口感很滑易入口。😊😊 整體來說食物都算精緻，味道適中美味，店員都很主動招乎，雖然說話冇乜尾音。😬🧐 其他主食屬中檔價錢，要試過至知係咪抵食喇！

今日約左朋友食飯行街，朋友話想食日本菜，我就帶佢黎呢度試下。鍾意黎呢間餐廳食野既原因係因為佢有好多特色壽司食，而且質素又唔差。⚠️櫻花蝦茄子燒：燒茄子，上面鋪滿櫻花蝦和淋上有甜味既醬汁，係一道好惹味既食品。⚠️沙律：每次黎都必點一個沙律，份量又大份，而且用料非常豐富，夠新鮮好味。⚠️蜘蛛和龍捲風：呢兩款壽司既名好特別，如果睇名根本唔知道係咩壽司。蜘蛛壽司內有炸軟殼蟹、青瓜、牛油果和蟹柳。而龍捲風壽司內有鰻魚和芝士。呢兩款壽司都唔錯。⚠️昭和豆腐煎：將軟滑既豆腐煎到金黃色，再配上醬油芡汁，簡單既食材煮出唔簡單既味道。