古今二 (荃灣千色匯I) (已結業)

今日約左朋友食飯行街，朋友話想食日本菜，我就帶佢黎呢度試下。鍾意黎呢間餐廳食野既原因係因為佢有好多特色壽司食，而且質素又唔差。⚠️櫻花蝦茄子燒：燒茄子，上面鋪滿櫻花蝦和淋上有甜味既醬汁，係一道好惹味既食品。⚠️沙律：每次黎都必點一個沙律，份量又大份，而且用料非常豐富，夠新鮮好味。⚠️蜘蛛和龍捲風：呢兩款壽司既名好特別，如果睇名根本唔知道係咩壽司。蜘蛛壽司內有炸軟殼蟹、青瓜、牛油果和蟹柳。而龍捲風壽司內有鰻魚和芝士。呢兩款壽司都唔錯。⚠️昭和豆腐煎：將軟滑既豆腐煎到金黃色，再配上醬油芡汁，簡單既食材煮出唔簡單既味道。