67
0
0
港鐵荃灣站 B1 出口, 步行約5分鐘 繼續閱讀
所有分店 (3)
電話號碼
34801384
開飯介紹
日式fusion 居酒屋,提供多款充滿創意、色彩繽紛的卷物,推介A4和牛卷、倫敦橋、紅粉佳人。 繼續閱讀
營業時間
今日營業
11:30 - 22:30
星期一至日
11:30 - 22:30
公眾假期
11:30 - 22:30
公眾假期前夕
11:30 - 22:30
付款方式
AlipayHK 支付寶 現金
其他資料
網上訂座
賞訂座積分
當面支付
有關獎賞計劃
食評 (68)
等級4 2020-11-23
76 瀏覽
古今二係觀塘同銅鑼灣都有,荃灣最近新開左一間,行開荃灣就順便去食。我見menu 價錢都可以接受,就同媽咪一齊入去食。自選湯麵拼卷物餐$88醬油烏冬清清地,個湯底調味唔錯,加埋糖心蛋同鳴門卷,烏冬都煙煙韌韌,幾好食。火山卷同費城卷,佢既分量我好鐘意,有牛油果同三文魚,食落好夾,表面加左少少芝麻,咬住有d卜卜脆,幾特別。而火山卷面頭mix左帶子加蟹柳,微微燒過,再有d蟹子,食落口感好豐富。手握壽司併自選湯麵餐$85手握壽司用一把扇既碟裝住,造型加曬分。一客有6件,油甘魚同火炙左口魚好出色,油脂比例剛好,食得出新鮮甘香。網燒牛舌$48佢一碟有6塊,切得都幾大塊,而且一上枱就要食,鹹鹹地加埋柚子醋,好正,如果配清酒一流。不過一定要趁熱食,唔係就會變靭。龍卷風沙律$68呢個龍卷風沙律好有份量。有生菜、蟹柳絲、海草同蟹子等等,配埋胡麻醬食落好清新,酸酸地而且口感豐富,好清新。埋單2個人食左3百幾,之後先知原來有新開張優惠,如果晚市有9折優惠,如果呢排去開荃灣就去食多次。 繼續閱讀
(以上食評乃用戶個人意見 , 並不代表OpenRice之觀點。)
等級4 2020-10-24
2574 瀏覽
荃灣開了很多新食店,今日去開千色匯,見到“古今二”門口放滿花牌,新開張,內裏裝修優雅,空間濶落,一於試試這個日本菜。龍捲風沙律($68), 有蟹柳 、蟹子、生菜, 菜很爽甜,弄得像山一樣高,份量很多👍活赤貝刺身($48),夠晒新鮮,放入口裡感覺爽脆,真想叫多一份😋😋金龍卷($88),卷物入面放了天婦羅蝦,外面包了三文魚刺身,蝦炸得脆口,壽司飯醋味相當均衡,食唔停口😆鹽燒三文魚頭($65), 燒得甘香,啖啖肉,配上特別的醬汁,咸淡得宜,不錯!網燒牛舌($48), 很久沒有吃牛舌,弄得好味的餐廳不多。見這裏餐牌有網燒,一於試一試。牛舌夠厚,表面沒有粗粒鞋口感覺,應該已經特別處理過, 醃得入味,有咬口,份量也很多,抵食推介🤪🤪牛肉壽喜鍋($138), 有牛肉、雞蛋、菜、豆腐、還有我至愛粗粉絲,加上湯底,十分滋味。牛肉不是普通肥牛,不肥不靭,濃濃牛肉味,正……整體都唔錯,仲有很多菜試未試,下次一定再來。 繼續閱讀
(以上食評乃用戶個人意見 , 並不代表OpenRice之觀點。)
等級4 2020-10-14
1665 瀏覽
朋友之前食過一間有多款創意卷物嘅日式餐廳,最近係佢屋企附近開咗分店,所以專登帶我去試吓!餐廳都幾光猛舒適, 食物選擇亦多,淨係卷物都已經有幾十款,真係花多眼亂:▶️活赤貝刺身($48)活赤貝係新鮮即開,處理得好乾淨,爽口又鮮甜,正👍🏻▶️日本溫室南瓜沙律($55)朋友好鍾意食南瓜,我都費事同佢爭食,結果佢食咗大半兜沙律😅但又真係幾好食嘅,除咗有又腍又甜嘅南瓜外,仲有蟹籽、洋蔥、沙律菜及蕃茄等,配同蛋黃醬,係一道唔錯嘅開胃前菜😋▶️黑豚荔枝卷串燒($38)估唔到荔枝和豚肉係咁夾🤩串燒一般感覺都比較油膩,但荔枝嘅清甜就可中和膩感,真係幾新穎嘅配搭👍🏻▶️茄子燒($35)茄子係原條開邊,加入醬汁及大量櫻花蝦一齊燒,茄子燒得好入味,櫻花蝦令口感更豐富,味道又甜甜哋,食唔停口😋▶️煙花($95)呢款卷物係熱門推介,而且有我鍾意嘅辣味三文魚,就梗係點嚟試吓!卷物除咗有辣味三文魚外,仲有辣味吞拿魚、蟹籽及脆片,餡料都幾多,每一件都有滿滿嘅魚蓉,帶有少少辣,確係唔錯😋▶️忘不了你($88)我同朋友都比較鍾意呢款同樣係熱門推介嘅卷物,炸牛肉和芝士已經夠邪惡,配埋清新酸甜嘅芒果和刺激味蕾嘅芥末,呢個配搭有驚喜,推薦👍🏻餐廳食物質素唔錯,價錢大眾化,現時新張期間有85折優惠就更加抵食🤩朋友已經諗住遲吓帶屋企人再去幫襯😆 繼續閱讀
(以上食評乃用戶個人意見 , 並不代表OpenRice之觀點。)
等級4 2020-11-24
0 瀏覽
同朋友去荃灣行完街想搵個位坐低食下野,見呢間食卷物嘅幾吸引,就試吓啦。店鋪牆上面有啲卷物名好得意,又煙花又火山咁,一於試吓先。一上枱,好有驚喜喎,好大堆卷物,感覺上就係堆到成坐山咁,睇得出幾有心思去設計,起碼係會令我留下深刻嘅印象。有吞拿魚粒,三文魚粒,同類似薯片嘅脆片組成嘅煙花,食得出魚好新鮮,軟淋淋,再加上口感好鬆脆嘅脆片,雙重口感,竟然出奇地夾。火山入面有好多帶子,好鮮甜。份量好足,女仔胃口唔大,嗌呢個組合絕對飽肚,而且真係幾好味。網燒牛舌一定要嗌呢個,我個人好鍾意食牛舌,呢間嘅牛舌都真係燒得唔錯。有一定嘅厚度,食落口啖啖肉,好嫩。仲嗌多咗個龍捲風沙律份量好多,蟹柳,中華沙律,蟹籽,生菜,仲有蛋黃醬同脆片,好好食。下次可以再試其他,我覺得性價比都高,價錢合理,食材新鮮又大份。 繼續閱讀
(以上食評乃用戶個人意見 , 並不代表OpenRice之觀點。)
等級4 2020-11-23
0 瀏覽
之前喺觀塘食過古今二,記得d卷物好好食,今日喺荃灣行街,見到有間新開嘅古今二分店喺千色店附近,當然要去試一試下。餐牌同其他分店差不多日本温室南瓜沙律($55),好大份,原來係日本南瓜🎃,唔怪之得咁甜,連我好少食南瓜都覺得好好食。黑豚荔枝卷串燒($38),好特別嘅配搭,荔枝嘅甜同豚肉好match燒茄子($35)黎到古今二,當然唔少得依到好出名嘅卷物,今次就叫咗個火山($88),有牛油果,蟹柳同帶子。仲有好大鍋嘅三文魚頭湯鍋($88) 繼續閱讀
(以上食評乃用戶個人意見 , 並不代表OpenRice之觀點。)